塔門仔海膽燒 (Moved) New Location

今日去左嘅間都幾有人氣嘅“塔門仔海膽燒“，未入去店就見到好多名星相光顧過，人面都坐滿晒人客，好彩早少少，岩岩仲有位，遲少少就要等位啦！入面其實吾算大，坐都吾係真係好舒服，但仲咁多人客，就因為食物真係好食，好香嘅bbq香辣味。我地嗌左個燒羊肉串，冬菇串，仲嗌左個辣汁焗花甲王同塔門艇仔銀針粉。可選辣同吾辣，我選左辣就惹味好多，燒羊肉串，不過不失，但吾會蘇，加左汁都幾好食嘅。冬菇串反而仲好食，可能因為辣多d？咬落仲有少少菇汁，好味好惹味，幾辣下。另外辣汁焗花甲王都其實吾係咁辣，可能因為隻菇辣左d，但花甲好多，份量多，好夠料，要一讚係加左菇，覺得菇仲正，因為有花甲同辣嘅味道，花甲肥美，又洗得乾淨，一粒沙都冇食到，好味，果然推介之作。最後不得不提銀針粉，原本見menu都覺得好得意，點解食燒物嘅食店冇啦啦有銀針粉食呢，我都係好耐冇食先嗌，好好食！好食過出面食粉嘅食店，因為個湯底好甜，有好多旺菜蝦米同菇等，湯底係鮮黃色嘅，應該落好多料先整到個湯底，又吾貴，食左咁多燒物整返碗銀針粉都咪話吾舒服！本人推介。

完全無海膽味，又貴，服務態度又差又hard sell. 勸大家睇清楚d 假既食評。老板娘態度極有問題；唔食龍蝦就黑面。個炒飯海膽得兩滴；個大菇得芝士味。而且環境好污糟,又迫,末食完就想收野趕人走,總之就貴得黎難受

夏天，應該是出海的好季節，海上活動當然唔少得。香港幾多大大小小的活動，吊下墨魚，去下船P，出海探名勝睇島等等，要玩多的是。這通通都去過，反而彷間的什麼食海膽團，我一次也沒有試過。特別成日好多去塔門食海膽宴，那邊廂西貢又有得食，可惜我一次都未食過，經常想去可惜時間，人物，機會缺一不可。然後有一天，看到佳佳附近有間海膽燒，九點幾的星期六晚還是門庭若市，於是那個海膽癮又發作，你可能會懶搞個旅行團去搭門和西貢，但當你係市區的餐廳門口可以吃到類似海膽宴的鮮味，你冇理由拒絕。於是吃飽都坐底試吃一下。大熱天，真係唔係好想排隊，不過可以唔駛排隊即刻坐，我不用考慮便坐底了。大概，懶人腔的極致，就係唔駛等唔駛煩唔駛搞就可以吃到想起已久的塔門海膽，絕對值得熱少少。由於吃飽了的關係，今晚只是想試吃幾樣東西，如果味道不錯，下次可以叫朋友擇日重賽。特色海膽類的菜式，先來個海膽焗多士，它的樣子告訴你佢不是求其的產品，吃下去多士邊脆得清脆，海膽一大淡在多士上面，混上芝士，如果早餐要食得豐盛點，我會首選這個海膽焗多士。熱辣辣點可以冇飲品，真係好想飲塔門有名的樽仔奶茶和紫貝天葵，可惜兩樣都冇貨，只能喝汽水。要嘗一下非海膽

根據塔門官方網站透露 , 塔門又名「草洲」（Grass Island）是位於赤門海峽吐露港之北 , 由大學站乘街渡一小時航程即可抵達。 馳名的有海膽及鮑魚 , 全部都是在塔門附近捕獲。 塔門仔正正座落於佳佳甜品旁 , 每次途經去吃甜品時也偶爾會遇見海膽燒小人龍。 甫坐下 , 店員奉上前菜一碟並嚷我們邊吃邊等 , 因為他們的食物都是即叫即燒 (其實我們都未開始點食物)。 這小黑板記載的是「是日精選」, 一定要點「 海膽燒」項目 , 其餘串燒的價格也相宜。 塔門紫貝天葵 $28/支燈泡樽形夠可愛 , 酸甜味道可幫助消化 , 也有清熱氣作用。 海膽炸雞 $48一客有四件炸雞 , 看似是炸得過火 , 黑黑的 , 實際上是皮可酥肉可嫩 , 淋上厚厚的海膽醬 , 海膽醬帶有海膽的獨特甜香 , creamy 質地與炸雞配合 , 更用火槍燒海膽醬至表面微焦 , 讓海膽炸雞齒頰留香。 流心海膽大啡菇 $48 塗在大啡菇上的海膽 , 味道上是加了芝士醬 , 大啡菇燒得乾身 , 濃郁菇味拼上芝士海膽醬 , 鮮美味道更立體豐富。 雞皮串 $28/2串燒出來的雞皮是既薄又脆 , 入口不油膩 , 零脂肪 , 還

位於西貢塔門嘅馳名海膽炒飯 為食嘅你地無理由唔知嘅 聽聞「塔門仔海膽燒」嘅老闆係塔門人 而且有親戚做海膽場 隔日就會將塔門新鮮嘅紫海膽拆肉運到尼度 做招牌海膽料理 唔洗山長水遠去覓食 就等豬小姐今日為大家臥薪嘗「膽」吧！book左晚上七點半和朋友仔毛毛共聚晚餐 環境唔算寬敞 大概只可坐二十人左右 尚算乾淨衛生雖然一早book左位 但只可選擇坐門口位或者近傳菜位嘅二人枱 熱辣辣有邊個想坐近又開又關嘅大門？坐邊？你懂的話到明為海膽而來 當然要試試海膽菜式啦 menu上圈住嘅係招牌推介 我地叫左兩隻海膽汁焗扇貝 塔門招牌海膽炒飯 流心海膽大啡菇 另外叫左芝麻八爪魚同塔門艇仔銀針粉原來艇仔銀針粉是咁的 感覺並非傳統嘅家鄉銀針粉睇番用料先 都算豐富喎 有冬菇 蝦乾 蝦米 豬肉絲 娃娃菜絲 蔥花 大地魚湯底都幾鮮甜 配料嘅功勞唔少啊 銀針粉口感唔會粉 帶爽身！同時會提供辣菜甫 不過豬小姐試過空口食幾粒 少少辣 但麻辣味過盛 蓋過菜甫原有味道 實屬一般 應該唔加會好過加每隻八爪魚都大到一個點！好少食到咁巨型嘅芝麻八爪魚 調味方面算做得唔錯 甜中帶微咸 夠凍！可惜醬汁太過杰身 醬住哂啲八爪魚 難免對本

一向在openrice只睇不寫，今次要特登開acc黎寫。因為真係食到一肚氣！見到網上有介紹呢間，喜歡吃海膽的我就走去試試！一系列推介的海膽汁食物都可以，海膽汁扇貝不錯，但沒想像中大隻，但沙律醬的味道不錯。至於老闆娘既態度，不知所謂！食到一肚氣！我是提早已經訂位，準時去到發現店面不大，每枱之間都較迫。我們去到時差不多全滿座，只剩一張一人枱！老闆娘同我地講叫我地坐住先，一陣有人走轉返張二人枱俾我地。果張枱淨係坐到一個人，根本無可能兩個人坐著用膳！侍應人客不停出出入入，友人就要不停起身坐底讓人過！好喇，有一張二人枱空了出來，我們主動問係咪可以調位喇！個侍應話要問下老闆娘先，點知老闆娘答：有人訂左位，叫佢地等下啦！我都係有訂位架！點解講明叫我地坐住先，有人走轉返張二人枱俾我地。但當我地叫哂野食之前態度就變哂！好似我地好麻煩，阻住佢繼續做生意咁！之後陸續有人走，個老闆娘完全無視並迴避我地！見到咁，知道再問只會發生不愉快事件，友人又說算數了，就沒再<要求>轉位了！其間，隔壁有人埋單後，只是坐多了未夠一分鐘，老闆娘竟然走去同佢地講：你地可唔可以讓返張枱出黎！其實人地主動埋單都諗住走架

相信香港有不少人跟我一樣…見到海膽兩個字，不管是海膽刺身、炒飯或燒烤，總會雙眼發光、無法抗拒。近半年來常在佐敦出沒，偶然間經過這間裝修中的「塔門仔海膽燒」，待它開店就一直跟助手嚷著要去試。店舖雖然打通三個店面，但面積不大、座位不多，Walk-in 要等好一段時間，建議先打電話跟老闆留位。餐廳主打海膽汁燒物及串燒，食物選擇頗多，除兩頁 Menu 上產品外，黑板上亦有更多當日推介食物。【海膽汁焗扇貝】（港幣 $78 / 隻、$148 / 2隻）來這裡當然要試試海膽汁燒物，這隻焗扇貝比預期中大隻，鋪滿金黃色的海膽沙律醬，聞起來已很香。食落除了帶海膽鮮甜味，還有豐富的奶香，加上芝士香氣，非常滋味！貝肉頗多，最重要是夠新鮮。據說老闆是西貢塔門人（喂～我都是西貢人啊），親戚在塔門開海鮮店，所以店舖能取得新鮮靚海產。【燒虎蝦（海膽汁）】（港幣 $88 / 隻）虎蝦同樣鮮甜，咬落肉質爽脆，不過份量相對之下，價錢有少少肉赤，而扇貝的味道亦比較討我歡心。【蒜香炒花甲王）】（港幣 $68）大隻花甲，啖啖厚肉，雖然帶點雞粉味，但蒜香極濃，調味上有驚喜，最重要是份量多，好抵食。最細心之處，是加入了杏鮑菇片，吸收

今餐又再一次令我覺得佐敦真係一個搵食既好地方👍🏻我成日覺得出左名嗰d就唔洗再介紹喇，所以我反而鐘意試東試西支持下啲街頭小店😁之前聽個住佐敦既frd講最近佢附近開左間以海膽做主打既餐廳，佢講到又新鮮又好食又唔貴我就梗係要搵個老死陪我去try try喇😋（加上我其實都幾鐘意食海膽😍）可能因為星期五晚，去到都比想像中多食客，不過好彩等左5分鐘左右老闆娘就安排到位俾我地。舖面唔算好大但都幾有心思，原來張凳打開可以放嘢入去，心諗太好喇唔洗攬住個袋食成餐飯😂睇下有咩食先？！一睇 呢度海膽類選擇都幾多變化👍🏻海鮮類 老闆娘話所有餐廳既海鮮食材都係即日係塔門運過來唔靚唔賣，講到好有信心🤔反轉張紙一睇 仲有串燒，小食，冷盤⋯⋯😋😋格離枱好香好吸引，最後我地兩個女仔叫左6樣野剛剛好😌海膽焗多士剛焗完一出來已經嗅到好香，好多海膽係上面，老闆娘真係無吹水啲海膽真係好新鮮焗完都食到佢係甜既😍👍🏻👍🏻👍🏻好香口外脆內軟，推介！海膽炒飯又係好大舊海膽呀😍金黃色好香海膽味，唔會太乾又唔會好油，賣相同味道都唔錯👍🏻花甲王老闆娘話海鮮唔靚唔賣，我就試下。幾大隻啖啖肉重點係飲埋啲汁好甜👏🏻脆炸墨魚咀唔知點解望到餐牌就已經想

聲明:這是我個人的食評及日記,並沒有任何抄襲或利益衝突日式串燒其實都開到成行成市,質素都幾參差,所以有時都唔係好敢去不過今日同朋友路過依間串燒店先特登試下佢有好多特式串燒,海膽汁燒,不過我地覺得麻麻反而D傳統串燒好味D食左幾串雞軟骨,幾香幾脆,幾好咬口燒栗米都幾好食,幾多汁,幾香口,燒得好夠火喉另外飲左支紫貝天葵,好解喝,都幾飲.餐廳自家制,同出面飲到既唔同嫁不過絕對有改善空間

塔門是位處西貢以北的一個小島是， 塔門的村民以前多以農耕、營商及捕魚為業，村民之間的關係非常密切與溫馨, 互相照顧，非常融洽。老闆是塔門人，很著重那塔門的溫情，於是把它帶來市區，讓大家也感受到那種塔門的人情味濃厚的感覺，於是開了這間塔門仔海膽燒!餐牌有是日推介!全晚老闆親力親為，與客人溝通再所不下，不停介紹不同的菜色, 招呼與了解客人的需要，值得一贊。本店以海膽為主打~塔門招牌海膽炒飯炒飯炒得好乾身，上面有海膽醬, 食的時間撈埋D炒飯一齊食, 每粒飯都有海膽的鮮甜味， 且海膽一d都唔腥，果然係招牌菜!海膽汁焗扇貝扇貝超級大隻!海膽汁焗完出來更加香口，海膽味濃郁, 超級新鮮!海膽焗多士多士炸得很香脆，海膽醬汁份量很足料, 且味道濃郁，很香口！塔門艇仔銀針粉有蔥粒，冬菇絲，雞蛋絲，依家唔係好多地方有銀針粉食啦, 呢度D銀針粉很爽口 。燒茄子燒得好香口, 香蒜味濃!塔門紫貝天葵以燈泡型的樽盛載，非常有特色!清清甜甜非常解喝~非常感謝老闆帶來塔門人的溫情，我相信我會再次光顧，因為我真係好鍾意食海膽!

登登登登🙌本身好中意食海膽，又見到d食評幾好，所以就黎左食d野食除左海膽都仲有其他海鮮就算吾係好食海膽ge人都可以黎食今次叫左招牌海膽炒飯，海膽汁焗扇貝同埋流心海膽大啡菇個飯d海膽冇偷工，吾同平時果d炒埋落d飯到，係係d飯上面，一啖咁食落個海膽到好爽😂我好中意食菇呢隻菇好大粒 同埋好出菇味，d芝士仲可以拉到絲，加埋海膽係上面一流個扇貝好大隻 勁推介😂 2個海鮮一齊食個感覺幾新鮮👍食完300都吾洗👏

燒烤店人頭湧湧, 職員問我地介唔介紹坐出店外, 我無咩所謂, 最緊要唔使等就得食. 況且, 這個也是港式文化, 夠曬地道有風味。今次我地每個類別都叫一些來食﹕海膽汁焗扇貝燒海鮮實在係好開心的事, 海膽汁焗扇貝仲要係大大隻, 好厚肉. 未試過海膽汁配扇貝食, 鮮上鮮, 味道都夾配, 唔怪之得拎獎啦, 食到我地舔舔脷, 大~滿~足~. 而且洗得好乾淨, 我都好放心大口大口食.塔門招牌海膽炒飯另一海膽系列的菜式, 海膽及飯都份量十足, 食到好飽. 果然塔門係出名食海膽, 好多菜式都用上海膽.蒜茸汁燒老虎蝦燒老虎蝦外層脆, 肉質卻鬆軟香甜, 一點也不乾身, 火候剛剛好. 蒜茸汁帶甜不嗆. 回家後口裡還是充滿這個蒜茸汁燒老虎蝦味, 令我回味無窮.蒜蓉炒雜菜看來好普通, 其實係炒得好好, 可能因為夠鑊氣.蒜味好出, 雜菜很爽脆可口, 但如果大碟點就更開心啦.塔門艇仔銀針粉銀針粉, 好少地方有得食啦, 這個粉實在真係夠曬地道啦. 我細細個已經好鍾意這個粉, 細細條, 好易食. 飲啖湯底, 我感受到漁村的風味…….鮮甜可能來自冬菇和蝦乾, 還有一些調味料, 但我食唔出呀. 飲完d湯又唔會口乾啊, 幾好

對於海膽愛好者，是不能錯過的好地方。老闆很年輕，非常親切，每位員工服務都非常親切。他來自塔門，真正的「塔門仔」,其中最富有特色的涼茶--「塔門紫貝天葵」($28/支),他說是母親拿手涼茶，很有人情味的食店。老闆介紹鎮店美食「海膽汁焗扇貝」($78/隻)，有手掌般大的扇貝，配以芝士和主角海膽焗製，時間焗得剛好，扇貝既可保持彈牙口感，又可將芝士及海膽溶入扇貝，令其鮮味更突出。「塔門招牌海膽炒飯」($98)用鑊仔盛載能保持溫暖，飯炒得不錯，海膽汁舖在炒飯面，熱辣辣上菜同時將飯撈一番，海膽味濃平均浸入飯中，美味可口。「燒虎蝦」($88/隻)將海膽加在開邊虎蝦燒，脆嫩彈牙口感，鎖住肉汁鮮味。而我最愛推介是「海膽多士」($38)，三角型小塊，炸得金黃香脆，賣相很吸入，海膽份量多，味道濃郁一百分！此外，還點了串燒雞軟骨、茄子、原條粟米，全部鹽燒即叫即製，非常好味。友人點了紫貝天葵，而我叫「塔門手打奶茶」($28/支)，奶味很重，口感順滑，最特色是燈泡型樽裝，令人難忘。

在網上看到塔門仔海膽燒，我想喜歡吃海鮮的男友應該有興趣的。加上六月是男友的生日月，決定找他做「白老鼠」試試看。 這店主打的是西貢海鮮及海膽，當然要點一下，加上職員的推介，就叫了以下的試一試。海膽多士，鮮甜海膽配熱烘烘香脆的多士，一邊吃著一邊等主食金菇肥牛卷，一上台已一陣陣香氣飄來，多汁，牛不是韌韌的。這兩個好吃得已忘了拍照 海膽汁焗扇貝 本來我們是點青口的，但職員很老實，說是日青口質素一般，問我們會否試試焗扇貝。嘩！扇貝真的很厚肉,淡淡海膽的香味，但我吃到扇貝的汁有少少沙律醬，基於我最怕沙律醬的味道，故此覺得SAUCE一般，但男友反而覺得有沙律醬還好吃塔門艇仔銀針粉，材料算多，味道偏淡。蒜香炒花甲王，花甲SIZE 尚可，但味道鮮甜，沒有沙，蒜香味很夠。煙肉/蒜蓉燒生蠔，又一惹味之選，還可以各款一半真貼心。生蠔脹卜卜好好吃。我較喜歡煙肉，有點薯蓉伴在一起燒，很香口流心海膽大啡菇 大啡菇面鋪滿芝士,加上海膽,似有微微的烤過 有小流心的效果芝士可以拉絲的 -海膽味濃, 大啡菇亦很juicy 燒秋葵，不會太乾身紫貝天葵，離島常看到的飲料，味道酸酸甜甜，但樽仔皿器盛著份外吸引四百多元吃到多款海鮮

海膽一向是我最喜歡的食物之一，聽說佐敦開了一間以海膽，海膽汁作調味的燒物店，即約朋友來試試。在研究menu時老闆娘有過來推薦，原來如果當天的貨不夠靚就不會入，看來是相當講究食材，更聽說她每天都會試味確保質素。塔門紫貝天葵其實是第一次見呢，是涼茶的一種,味道有點像山楂,酸酸甜甜蒜香炒花甲王好香,花甲肉不大粒但夠甜,沒有砂,而且除了花甲和秀珍菇一起炒,同時吸收了蒜香和花甲味,好吃。海膽汁焗扇貝 扇貝大大粒,上面覆蓋了厚厚的海膽汁,扇貝柔軟,海膽汁味道濃郁又鮮,這個配搭帶來意想不到的驚喜。塔門招牌海膽炒飯飯炒得夠乾身,粒粒分明,又有鑊氣,配上海膽,又香又好吃。用料新鮮夠誠意,味道也不錯,海膽也是真材實料,相信很快會再來訪。