Green Tech Cafe (Closed)

原來素食可以有咁多選擇我已經好耐冇食過素，開始唔記得除咗菜同菇類製品之外有乜嘢係素蘑菇湯 佢唔似平時西餐嘅蘑菇湯咁忌廉味，而且飲得出真係有菇粒頭盤海珊瑚藜麥沙律第一次食呢個沙律，原來藜麥係咁特別，健康得來原來我食得到。海珊瑚嘅份量都比得幾多，幾得意。個沙律汁仲可以揀黑醋或者胡麻醬，事關話明要自己食素就係健康啲，所以唔想食胡麻醬咁肥🤭雜錦天婦羅朋友話蝦唔係素，真係佢講我先知。但係佢個拼盤係有茄子冬菇同埋仿蝦。個蝦嘅樣真係俾佢呃到，原來係蒟蒻，咬口好好而且味道都唔錯。主菜香烤粟米田園沙律佢呢個沙律用埋個靚靚嘅盤裝，成個碟真係好田園，再加上佢用咗橙同蘋果去擺盆，見到都覺得心情開心啲。佢啲粟米切到細細條，上面有調味粉，開頭有少少怕會辣，原來佢啲調味粉係BBQ 味，一啲都唔辣。食落去仲有啲似平時嘅豬肋骨味道，我叫佢偽豬😎咖喱雜菜農夫包又係我最愛食嘅包，成日都見到餐牌有包就會叫，希望朋友唔好俾我激死。佢入面有好多種唔同嘅瓜同埋薯仔。仲有兩條粟米芯，我仲記得朋友話食粟米芯會屙粟米芯🤣啲咖喱唔辣，仲幾香。熱玫瑰杞子圓肉黑糖茶飲完熱野我覺得自己全餐都好健康，呢啲嘢平時我係唔會飲，有玫瑰有杞子又圓肉。但冇

去完西環一田血拼，近近地搵個地方醫肚先，商場地下層已經有間無五辛素食餐廳，餐牌選擇都做到幾多元化，可以單點或揀選套餐（2人或4人份量），我地就揀2人套餐，抵食d 😁 🔸️二人套餐 $268 套餐可以揀1款小食，2款主菜配餐湯及飲品 是日餐湯係南瓜湯，好香濃既南瓜味，入口順滑 小食揀咗水牛城雞翼拼盤，雞翼造型好似呀， 雞翼骨原來係用甘筍整出黎既，內裡用上新豬肉烹調，外脆內軟，配上香濃水牛城醬汁，夠惹味 主菜 意式三重純素芝士薄餅 餅底鬆軟，選用純素芝士配合秘制既醬料，加入不同蔬菜，菇菌，素大蝦，味道好夾，又幾好食 主菜 黑松露野菌意大利飯上枱散發淡淡黑松露香氣，菇菌份量都幾多，每啖都食到，飯軟腍中帶點煙韌，入口濕潤 飲品2杯 可以揀玄米茶/凍伯爵茶/汽水

今日放工又黎green Monday平時食咁多肉食真係要食返多啲素食平衡下今日食左個3 course dinner set有南瓜餐湯前菜我就揀左什錦天婦羅主菜要新豬肉薑黃椰菜花飯南瓜湯幾鮮甜佢唔會好稠身味道都偏清淡什錦天婦羅有三件一件大嘅魚糕一件大冬菇一件大南瓜用昆布汁黎調味炸粉好薄炸得好香脆做前菜都好開胃！主菜好靚呀！用隻天藍色嘅碟黎裝鮮黃色椰菜花飯感覺好精神！薑黃有抗炎作用以薑黃入饌香氣撲鼻令人食指大動椰菜花飯上有小蕃茄，本菇同新豬肉絕對唔會寡口雖然只係一間鋪頭仔都好關心客人嘅意見每道菜之間都會黎問候一下希望佢地將來會愈做愈成功！

去完石塘咀批發市場買生菓和菜後，便一定去這店飲咖啡。這店其實是間素食餐廳和咖啡店。除了有咖啡外，下午茶也有High tea set, 兩人也不需$200 左右。最好的是也有多款全素Vegan. 的蛋糕或朱古力muffin. 我們多是飲Americano 和叫3個mini muffin做下午茶，也只是$78. 也算便宜，可坐一坐，休息。不錯可試。

價錢💰注意事項：純素套餐星期一至四每位268元；星期五至日每位298元 （沒有額外加一） 2人同行9折，3人8折，4人同行1位🆓免費 Green Tech最近推出了一款「純素套餐」，上星期去試了一下，除了食物味道的水準依然外，其中一些食品賣相，更頗有驚喜，令人覺得有些在欣賞藝術品的感覺。 1️⃣餐湯：紅菜頭濃湯配香草麵包 如果，加少許想像力💭，幻想着是從高空俯瞰這款餐湯，都會覺得有些似在看着「紅海中的扁舟」的。 濃濃的紅色，已讓人覺得紅菜頭的份量是挺足夠的 ，而湯面上的點點香草在視覺上則有點綴的效果。 喝這餐湯時🥣，除了紅菜頭的味道，還有些粒粒的口感🤔，也有少許辣，原來是因為紅菜頭性質較寒涼，所以加入了薑，平衡一下（還有西芹粒，蕃茄粒）。店方這個平衡食材性質的想法實在頗值得稱讚👍。 一件小趣事～喝完湯後，女友突然望着我說「你的牙齒好紅，好似吸左血咁👹」，飲完紅菜頭湯後，記得不要咧嘴而笑喔🙊，可能會嚇着別人的2️⃣頭盤：牛油果芒果藜麥塔 其實，在餐單上看見這食物時，也沒有去想像過是甚麼樣子。當食物來到時，心中嘩的一聲😲，造型很精緻的食物喔。 外型上，食物賣相精髓在於「塔」字。如果這食物是「牛油果

這間新型西式素café最難得之處在於餐牌上完全不含五辛，在香港中算得上稀有。並且，多樣化的選擇增添了顧客的自由度，可以單點，點套餐，又或是純粹叫一杯咖啡。同時，餐廳中提供的西式下午茶還能夠選擇純素或包含蛋奶，充分滿足任何人的需求-🔷水牛城雞翼拼盤這些「雞翼」造型模仿得維俏維妙，但一吃下去就能感受到新豬肉的質感，帶有微微的彈性。素雞翼中的「骨頭」用甘荀代替，設計精妙。淋上濃稠的醬汁，吃上去又香又辣。-🔶經典未來漢堡配番薯條漢堡扒使用的Beyond Meat和半融化的素芝士味道十分相配，入口即能感受到無與倫比的快樂，使人忘卻「吃完會變胖」的罪惡感。麵包皮鬆軟，芝麻粒密鋪其上，別有一番風味。番薯條香甜脆口，最適合在烤得熱烘烘的時候馬上品嘗。-🔷黑松露雜菌意大利粉意粉不油也不乾，加上濃濃的黑松露香味與其他菇類的味道混雜，層次豐富。-🔶蘋果羽衣甘藍西芹杏仁奶蘋果、羽衣甘藍、西芹和杏仁奶，非常新穎的配搭。水果蔬菜之間和諧的調和，與植物奶的口味相合，既清新又健康。

記得開業無耐幫襯過主要西餐行中高價 超級多料pizza印象深刻 可惜生意難做 慢慢轉型 平民化 如果想食返高檔西餐就要主動問老闆呀水牛城雞翼薯塊+純素嘉士伯$78外脆內軟有口感 配埋無酒精啤酒 純素下午茶高CP值新豬肉田園疏菜薄餅$138純素pizza黎講 佢真係幾好食 多料多芝士 感覺比pop vegan既pizza更多cheese 初一及初三照常營業 及會推出全新超惹味 黑椒beyondmeat牛柳意粉 份量十分牛柳多外配菜液唔少 最緊要係夾 肥佬飽住肚都係咁食 價錢TBC有 #新年盆菜$288-$888有2人/4人套餐$268/$488 有兒童節$78

在桃花樹下吃英式下午茶係唔係好浪漫先？(OK，這個其實是商場的新年佈置 XD)anyway，元宵節或者情人節約另一半食個素食無五辛的英式下午茶可以表現你善良一面，三層高包兩杯飲品，仲有好多好野食添！ Green Tech Cafe 在西環海邊，搭地鐵的話在香港大學站下車，B2出口出來直行兩分鐘就到，非常方便。商場入面仲有一田超市可以順便買菜。英式下午茶二人餐鹹點(1)：迷你漢堡、素魚子沙律三文治鹹點(2)：沙嗲串燒、素雞腿甜點：純素鬆餅、純素芝士蛋糕優惠價 HK$198/兩位連咖啡或茶鹹點(1)：迷你漢堡、素魚子沙律三文治這個小漢堡的素芝士醬爆晒漿咁非常吸引、入面有生菜和啡菇，個漢堡仲幾好咬添，都有驚喜架。另一個係多士+櫛瓜+素魚子的組合，味道幾多層次。鹹點(2a)：沙嗲串燒、素雞腿這兩個都係香口惹味野，濃味人最愛，沙爹串串好咬也有馬拉風味。雞腿就是捲捲腐皮，外面炸得夠香脆，咬起來亦有夠味。鹹點(2b)：炸雞、咖喱角、素春卷非常炸物拌盤，如果你好鍾意食炸野的話，可以揀這個b餐。我覺得咖喱角和春卷都幾好食，炸雞就還好啦，可能差個甜酸醬。甜點：純素鬆餅、純素芝士蛋糕甜品係兩款純素蛋糕，個朱

今次二訪Green Tech Cafe食晚飯，餐牌同午市有少少唔同，不過感覺午市多選擇D。精選濃湯配香草麵包條 ($38)精選濃湯同佢送嘅餐湯一樣，都係羅宋湯。湯嘅味道冇出面飲嘅羅宋湯咁酸，我覺得幾好味，不過份量太少，配料有西芹、番茄、紅蘿蔔... 香草麵包好脆口，但冇咩香草味，沾埋湯一齊食味道就啱啱好。燒烤味雞翼 ($38)原本我哋係叫唔辣嘅燒烤味雞翼，但上菜時嗰樣好似我上次黎食嘅新豬肉水牛城，而且今次入口好酸，可能底下嘅沙律菜落咗太多醋，兼帶少少辣味 (唔知點解佢話係唔辣)，味道較新豬肉水牛城差。雜錦天婦羅配壽喜燒湯烏冬 ($88)上菜時已聞到好香海帶味。天婦羅炸得唔錯，脆口得黎唔油膩。如果天婦羅表面撒少少淮鹽會更好食。

這天午餐地點是香港商業中心的Green Tech Cafe。那裡有一田超市。應該是地標。乘坐電車時朋友看到一田超市。所以，我們知道往哪個方向走。走路並不遠。而且剛喝完咖啡，要時間消化一下才可進食。（雖然我們只喝咖啡並沒有吃東西……）餐廳就在地下層。大廈門口的旁邊。而且，青綠色的大招牌很顯眼。有清新又綠油油的感覺。餐廳外也是用餐區。座位不少。我早已在Openrice看過餐單。並想好了要吃甚麼。這是我的主菜加配的飲品 — 加士伯無酒精啤酒。看起來就是啤酒呢！味道很苦！（對會喝啤酒的人來說應該不算苦。）沒有酒精的關係，少了刺激喉嚨的感覺。朋友則點了黑麥汁。黑麥汁我從前喝過，味道是甜的。應該比較適合我。不能喝酒的我，算是一種新嘗試。也是我們白天版的happy hour（快樂時光）。朋友點了香辣乾番茄意粉，$88。分享少量意麵給我。簡單以番茄乾、辣椒乾和羅勒作配料。但味道已經很好。只是比較辣。意麵的口感好。煮得軟硬適中。我們都很喜歡。番茄乾有微微的酸味。緩和一點點辣的味道。我的主菜是燒烤味雞翼，$38。加配薯角和無酒精啤酒是$40。朋友也吃了少許薯角和半件雞翅膀。薯角即時炸製。熱騰騰的。口感粉軟

Green Tech Cafe 原來已經靜悄悄開業一年，位置在西環一田超市果個商場，食完飯可以順便買埋菜返屋企，都幾方便。餐廳主要食西餐，不過都有日式烏冬、中式炒麵之類，又有英式下午茶可以食，都幾多元化，一家大細或者三五好友聚餐都好多揀。其中一面係向街落地大玻璃，所以室內採光唔錯，環境都幾骨子亦坐得舒服。 紅菜頭椰菜花湯配香草麵包條 HK$38這個湯喝起來就是紅菜頭加椰菜花的味道，天然清新，而且它質感濃稠不是流質的湯水，有點像吃蔬菜蓉。幾條香草法包可以用湯浸軟，然後再食就更好味。 新豬肉水牛城雞翼配薯角及無酒精啤酒 HK$78這個純素水牛城雞翼我嚴重推薦！它外表看起來已經有點像雞翼，原來是用新豬肉捲住紅蘿蔔條再炸過，爽甜的紅蘿蔔條是可以吃的「雞骨」，外面有一層黏黏的醬汁，吃起來酸酸辣辣，不算太濃味但好香口，真係幾適合配啤酒喎！這款套餐附的是嘉士伯無酒精啤酒，0%酒精但喝起來又真的跟嘉士伯一樣味，好有趣！ 香草法式燒南瓜菠菜汁意大利飯 HK$88這裡的意大利飯沒有用奶油或忌廉煮，改為用椰奶和豆奶，吃起來比較清淡也不易膩。上面黃色的烤南瓜看起來比飯更吸引，香口又帶天然甜點。下面的飯不似正常

Green Tech Cafe 係一間無五辛嘅素食餐廳。菜式偏向西式同日式，類似Green Common同素年。餐廳面積唔大，平日午市坐滿上班族，到2:00後人流開始少。唔知係咪因為出面太陽曬入黎，餐廳入面冷氣唔夠，我坐坐下有D熱。新豬肉水牛城 ($38)必點之選👍🏼。本身用新豬肉整嘅菜式已經夠吸引我，佢外表有少少脆，嗰醬汁好惹味，入面係新豬肉包住紅蘿蔔條，唯一不足係得2件唔夠喉。港式半焗流心蛋咖哩吉列朱扒意大利飯 ($108)我覺得成個飯太乾身😕，尤其是吉列豬扒，如果外皮再酥脆D，或炸粉再厚少少會更好食。咖哩汁偏辣。不過賣相唔錯。厚切豆腐蝦堡 配薯角 ($88)初時我以為會將豆腐打爛搓成一個漢堡扒嘅樣，點知原來係素魚腐加素蝦，再加上千島醬同沙律菜。麵包夠鬆脆，夾住嘅餡料爽口為主，整體配搭算唔錯。餐湯 (+$10)南瓜湯味道清甜，原汁原味嘅感覺。

好耐冇上黎打食評，忍唔住。上星期同朋友去西環睇日落之前想飲杯野傾下計，經過見到呢間Green Tech Cafe諗住叫得Cafe的話野飲應該唔會差得去邊。叫了幾個小食同野飲，小食都叫可以。但杯凍奶茶。。。難飲到朋友飲左兩啖就停口，同飲奶水無分別，朋友話好似飲緊淡奶糖水。咖啡味道亦都一般，奶味厚，如果飲開咖啡的朋友一飲就知龍與鳳。最後我杯綠茶奶。。。一飲就知道用綠茶粉倒奶落去沖，第一啖巳見到一舊舊未溶的茶粉點飲落口，自己屋企沖仲好過佢，最後我地無飲完就走人，叫自己做Cafe真係令人失望，奶茶咁基本都可以沖到咁難飲。

The staff were very welcoming and attentive. The environment is bright and clean, not usually crowded so it's good for conversation or studying. Just a 2 min walk from HKU MTR exit B2. Great variety of Asian, Western and fusion dishes on their menu, and they provided free green/earl grey tea. Right now they do not charge an extra fee for oat milk or soy milk in your coffee! 

Green Tech Cafe開左好耐，雖然住喺附近但一直都未幫襯；直到今次有朋友山長水遠過海黎到，俾個藉口自己一齊試新嘢😆睇完餐牌先去counter落單，呢加有唔少新式素食店都係土呢個模式。朋友叫左未來漢堡配蕃薯條，好好味，個包切落去有好清脆既「咔咔」聲😂😂😂日式吉列豬扒咖喱意大利飯，因為個人幾喜歡咖喱，個飯味濃但偏辣...但個豬扒無得彈，食一啖讚一次，朋友都覺得我煩😂唔同出邊有啲店直接用豆腐當豬肉，佢呢個外脆內軟，好有咬口，質感同豬肉無分別，比起一般豬扒重要嫩，而且佢個調味做得好，超正😋😋😋但接受唔到既係杯唔記得Green Milk Tea定Green Tea Milk，$19，跟餐飲品減$10。點知counter話係之前promotion，呢加無，雖然到最後都係照做俾我，但就真係綠茶加奶，又稀又難飲...咁樣既我自己都識整啦😡個飯係超級正，店家要revise個menu啦...唯有下次小心叫野飲😟