綠怡咖啡廳

Open Now

Now Closed

由於最近好多酒店推出自助餐優惠, 見到有介紹過呢間有鵝肝, 打來問, 佢地話網上買有7折優惠滿心歡喜約埋朋友一齊去試, 但好失望, 即使連加一$400但都唔值呢個價!蟹腳經常出現空空情況, 添加速度完全係慢, 呢張相係我走時影, 先會有部份在!餐廳有麵包蟹提供, 但每之只出一隻刺身亦無魚味, 好淡口當你以為貴嘢先可能出現短缺, 但檸檬茶同豆腐花都空空如也, 最後我填左意見表比餐廳, 真心忍受不了!侍應亦不足, 枱上堆滿碟都唔係經常黎收!

食物質素差，全部都係凍嘅，排竟然一早煎好放係個(熱)爐到，我括住個熱字係因為我覺得佢完全唔熱，海鮮唔新鮮，放係隔離嘅檸檬乾到泌唔出汁，蝦唔係爽口嘅，好似放咗好耐咁，啲壽司連個型都無，散曬，炸墅都照焗係個爐到，焾曬。

我諗呢個自助餐比較適合想減肥既人去食，因為真心冇咩好好食，得個平字，是但一間大咩喜咩既放題仲好食。————————————————————————————因為我衰，我貪平，網上訂位７折，折左３５０蚊左右一位，所以迫老公收工同我去食。平就平，生蠔刺身果Ｄ係食極都有既，但熱盤難食到抽筋，冇一味熱食可以推介，真係可以減肥了。冷盤，凍肉，凍海鮮果Ｄ正常，間間差不多，都係凍凍地咸咸地。提一提：呢度咁平，唔會有波士頓龍蝦，不過有小龍蝦，凍蟹，蟹腳。甜品種類都算多，不過不失，Häagen-Dazs好多款味，又有雪條，都ＯＫ。環境幾闊落，坐得幾舒服，唔會好似大咩喜咩既放題咁催你走，唔好太大期望就唔會失望，唔係想食好野的人可以來。PS. Ｄ相係我老公影，影好到遠，唔好意思，想睇多Ｄ可以參考其他食家

第一次黎呢間食buffet, 感覺得港島區既buffet都麻麻地，今次有人請，所以黎會一會佢。呢間冷盤有生蠔，蟹腳，蜆，蝦，小龍蝦熱盤同甜品都各有十款左右啦，飲品都熱咖啡/茶，同埋凍檸茶唔好以為見到有生蠔同蟹腳就好開心，有時望住佢地但又唔想食，仲慘D蟹腳勁咸，d生蠔食落唔新鮮，拎3隻有2隻唔得，都唔想要出去拎熱盤主要係中菜為主，味道好過冷盤dd 既，但係我每樣夾完一件之後冇件我係想返兜，但我係食得晒，冇野係要吐返出黎既然後我就去拎阻會粥返黎填飽個肚就算d甜品味道都唔錯既，同熱盤一樣，樣樣都拎d返黎，食得晒，但都係唔會想返兜埋尾食埋支哈根大師雪條結尾。由於我覺得buffet隻碟乜都有d, 真係唔太好睇，所以唔post相lu, 而且都冇咩推介好彩係免費餐。。。。

今日同朋友嚟到北角,選咗呢間環境幾闊落嘅咖啡廳,坐得幾舒服。生蠔很小只,份量也唔算多,但味道還唔錯。三文魚,肉質鮮嫩肥厚。凍蝦,螃蟹腿,果煲咖啡魚同日本凉面,味道一般,唔太特別。甜品選擇還算多,慕斯蛋糕,馬卡龍,哈根達斯冰淇淋都有,好驚喜!

先講環境裝修比較古老，但勝在二面有落地玻璃夠開揚。我們訂左110位，而其他公司見到大約60位，一齊攞食物時熟食位置都幾迫，而最最回本的亮點就係生蠔，但可惜比較細而且比阿姐啤水啤走晒d鮮味。另外羊髀就只比二片仔，仲要比我見到有一盤係魚旦，攪乜! 其他熱盤都係大路野，蒸魚，炸魚柳，南瓜湯等等。而甜品就係好大路個幾款意大利芝士餅，慕絲乜乜cake, 唔大滑既豆腐花，紅豆沙等，咖啡有即磨咖啡任飲，咖啡味道係ok既。

食自助餐，原因只有一個，就係唔需要遷就大家鍾意食啲乜嘢 晚餐自助餐， 原來有花膠，鵝肝，當然仲有魚生同生蠔。好明顯， 近來衛生署話魚生有蟲，就真係冇咩人食自助餐既魚生 400幾蚊既自助餐，都已經有花膠，但花膠品質普通，有腥味。鵝肝就幾好，太唔油，加咗醋，更加帶出味道 環境不錯喎，可能係我哋早一星期已 book 枱， 有窗口位， 雖然冇咩 view，只是對著差館，但感覺不錯。今期食自助餐，每枱有雪糕火鍋，雪糕可以出去自己拎，好開心喎

熟食,甜品款式都多,每期既推廣都有指定特式菜式部份菜式係每位上提早預訂有優惠地點幾方便港島東人就在地鐵站行5分鐘左右就到就算情人節或聖誕既價位都好合理食足3.5小時,可以慢慢食,不用搶,食慢d可以試齊多d唔同款式上網訂有折扣優惠基本海鮮都有齊,小龍蝦,螺,麵包蟹,蟹腳等等刺身都有吞拿,三文魚,甜蝦,希靈,質素就一般啦壽司款式都唔少,起碼有4-5盤,花之戀,卷物等等日式沙律都有少少有專人開生蠔,質素唔差,鮮味夠,肉係濃味細隻那種仲有花腸,即點即煮,唔錯熱食就有十幾款,有燒味,叉燒,時令海鮮煮辣汁等有幾款係東南亞feel甜品就有大約20款,有慕絲蛋糕,芝士蛋糕,朱古力cake,傳統芝士cake,味道唔差,仲有h牌雪條任食,正呀!

又到情人節，以往係另一半book位，今年我較為清閒就幫手book啦，為咗近佢放工方便，北角海逸酒店係首選。上網👀過，佢二月十四個價好合理，$468同平時星期五至日嘅價一樣，冇特別大幅加價，而且時間係1830-2200，啱晒我。我打去book位時都有問吓有冇信用咭優惠，當然冇啦，只不過職員好好，之後再打俾我話我知網上買有8折...估唔到咁嘅日子都仲有折，咁即刻買啦🤭其實我已經嚟過好多次食自助餐啦，今次主題係東南亞。入門口就見到今晚每檯都有蒸龍躉同朱古力火鍋送，真係好開心😃呀⋯⋯海鮮拼盤有麵包🦀、長腳🦀腳、青口、凍🦐、小🦞同蜆，我夾了4款。最愛嘅刺身係希靈魚同吞拿魚，出面仲有三文魚、八爪魚🐙同甜蝦。壽司都有好幾款，個壽司飯唔錯㗎！另外有煙三文魚同煙魚。有即開生蠔，唔記得👀吓係邊樹嘅添！仲有女士鍾意嘅花膠，雖然係花膠仔，不過一樣養顏一流😍哩個就係送嘅蒸龍躉，唔錯喎，個皮好高骨膠原😉東南亞嘢食有肉骨茶、馬拉盞什菜、醬爆🦐、巴東牛肉....仲有炒🦀、泰式豬頸肉、黃金🦐等等，燒味水準都👌🏼又有鵝肝多士，雖然我唔太鍾意食，但係都食番件先😝甜品有十多款，我揀藍莓芝士餅、綠茶慕絲、芒果蛋糕同多啤梨慕絲，

#小秘書 今日因工仍關係，中午去咗「北角海逸酒店」同一班同事食自助午餐🍽 喺辦工時間，仲要有外人喺度，大家都唔會太過開懷暢飲，求其食啲就算😚不過「綠怡咖啡廳」啲食物認真麻麻地。食自助餐 #小秘書 大多數只會食冷盆，不過... 呢度嘅生蠔真係好迷你，而且數量唔多，為免同事唔夠食，我無試到😉 凍蝦都唔差嘅，起碼份量夠，夠我食🥢 至於其他... 賣相唔討好，果煲咖啡魚旦好似琴晚食剩今日再翻煲咁，個汁深啡色嘅 ...eeeeee！最後唯有食兩件叉燒填飽個肚啦🤨

1. 環境5/10，雖然比左窗口位，不過室內裝修真心唔靚，燈光較暗，而且身邊打開左塊版隔住，睇唔到食物區。2. 食物款式 5/10，基本上8成都係蝦類，有即煮花膠，好鞋身同埋硬，有蟹腳、麵包蟹、藍青口、生蠔、沙律......蛋糕種類算多，有任飲汽水同橙汁，不過要問staff拎。3. 食物味道 4.5/10，熟食全部試過都係凍晒，即焗榴槤芝士撻好味。4. 服務 6/10，明明寫得好清楚話免費任飲汽水及橙汁，唔知點解叫親邊個staff添飲，個個都話：「問下先」，唔知問咩呢？ 另外有個廚師煎鵝肝煎到燶晒，之後佢去整pancake又整爛左啲工具。切魚生嘅師傅衫袋有包煙，咁應該係煙民，但係切魚生時無戴手套，食左一次諗起都唔敢再食。

中秋選了這洒店家庭聚餐，環境尚算寬敞，但食物就一般般，沒有多大驚喜，d蠔瘦蜢蜢，本身好喜歡食蠔，但看見這麼瘦也提不起食慾，但也食咗十隻，花膠也是不錯的選擇，其它熱葷也記不起了……因味道和賣相都不吸引我，最驚喜還是飯後甜品，Haggzen Doz 雪糕,雪條任食，我也打破記錄一次食咗三支雪條，一杯雪糕,一杯榴槤雪糕，太邪惡了……

有選擇困難症嘅朋友，今次終於可以係一個地方試晒馬來西亞，新加坡，泰國，日本，韓國，越南等美食啦😍有得聽live band之餘仲有得食，同屋企人黎享受下就至岩🎼🎼首先每位成人送半邊芝士焗龍蝦，超正的有好多的蟹膏🤤至愛就係佢哋嘅海鮮專區💕有法國/美國/紐西蘭生蠔，法國麵包蟹，香草龍蝦仔，翡翠螺，雪場蟹腳同藍青口😍夠哂新鮮！而且即場仲有師傅烹調美食😋紅燒碧綠花膠，鵝肝醬多士等高價食品😝平時都比較小有，而且花膠質素頗高，大大塊🤩夠晒養顏主食方面推介有💁‍♀️海膽茶碗蒸蛋，蛋蒸得夠滑且海膽鮮甜，焗泰式三文魚🐟加以肉鬆配搭，夾得黎送飯一流！鍾意食辣嘅朋友就可以試吓辣椒膏炒大蜆同巴東牛肉🌶辣得惹味進入女士們都會尖叫嘅甜品環節😘炸日式芝士釀士多啤梨🍓芝士味夠重，岩哂芝士控！特別啲有椰香班蘭蛋糕🍰，梨蜜人參蛋糕，清新得黎感覺健康，人參味亦易入口！焦糖燉蛋，馬卡龍是必備的吧😗而且仲有多款口味嘅哈根大師雪糕同雪條比大家系夏日炎炎盡情食😃Jetso提示💁‍♀️凡於網上商店預訂除可享 85 折優惠外，每位成人可免費獲贈半邊黑松露芝士焗龍蝦一 客及 3.5 小時無限量供應紅 / 白餐酒、啤酒、橙汁及汽水💕

雖名為北角海逸酒店但其實是在鰂魚涌地鐵站對面來前忘了先看地圖結果被迫做了熱身運動由北角站步行了十多分鐘到酒店今次用餐用了團購優惠連加一大概是三百多元可能是閒日加上場地大的關係大約七時來到也不是坐得太滿不過這也有好處至少可以坐得鬆動和舒適一點拿食物的位置小得驚人主要的冷熱盤只有一個圓形的範圍不消數十秒便可走完食物方面可分為熱盤、冷盤、甜品、飲品和生蠔熱盤的選擇較少而且不太吸引很多食物也沒有試例如燒味、豬頸肉、蒸魚、咖哩、雞等等可幸的是吃了的大部分都很對辨包括蒸扇貝、羊架、辣椒炒蜆等等而較伏的則包括燒牛扒、蒸三文魚和鵝肝多士另外要廚師負責而又值得推介的有花膠和生滾粥花膠用料很大方每次也是大大件的味道也不錯至於生滾粥方面配料選擇十分多包括蝦、魚片(龍利柳)、鮑片以鮑片煮的粥十分鮮甜連胃口較小(但要吃很多餐)的女朋友也忍不住要encore另外每人也會送上半隻芝士焗龍蝦可惜味道不佳，咸得過分至於冷盤方面蔬菜、沙律、壽司、刺身也不太吸引較令人驚喜的有香芒軟殼蟹米卷香芒很甜美每次也忍不住要拿一小件另外較其他同價自助餐出色的是海鮮冷盤選擇十分多有蟹腳、小龍蝦、蝦、蜆、藍青口等等蟹腳當然也是偏咸來貨貨色

生蠔一盤盤開好哂放係室溫勁腥 剌身極細一塊, 冷海鮮得小蝦同小峴出食物慢, 燒味, 燒牛排一出清碟 橙汁加了SODA, 份量比例1橙: 9SODA牛奶公司雪糕燒味, 牛排 係正常入得口服務見係海逸集團至買團購, 失去信心. 未買團購既朋友請三思.