綠怡咖啡廳

Open Now

Now Closed

係團購買左coupon，一心諗住食冷盤回本!6點30就準時入到，行左一圈其實食物種類唔多，熱食亦只得幾款。冷盤海鮮就係得呢幾樣，蟹腳好快就清曬貨，而re fill亦只係每次以添加既形式補上，而非整盤更換。職員勤於將凍蝦盤中既水倒出，但只係打斜將水倒落下面既冰塊，過程中大量蝦隨水而倒出，好老實感覺唔衞生。壽司雖然非主打，但新鮮程度有待改善沙律既配料好多，但醬汁較少。(更見到小蚊子係醬汁上飛翔)甜品就中規中矩，勝在客人斯文，無搞到爛曬，否則更倒胃口!食物真係平庸左少少，埋單都400幾蚊一個人!最值得注意係職員既服務態度，基本上除左著西裝既幾位外，其餘職員都比較冷淡。(我見有人問野，職員係比較cool既)

7月尾嗰陣見到頭條日報有依間酒店75折自助餐coupon,見到又有生蠔又有haagen dazs又好似有好多海鮮咁,折左都係383蚊左右,所以即管去試下!!入到去感覺都幾好,因為枱與枱距離算闊,坐得都幾舒服本住回本心態，一坐低梗係食生蠔海鮮先啦 有4款生蠔,唔知係唔係因為師傅0係我面前即開ge關係,又真係幾鮮幾甜, 長腳蟹都比一般ge鮮甜,唔係淨係得個鹹字,仲有我最愛ge魚生tim!食完海鮮都飽左一半,所以熱盤相對食少左,選擇唔算太多,味道都可以,始終都係海鮮吸引d最後梗係要食下甜品la,又一回本之選梗係haagen dazs雪糕la!甜品選擇算多,中式甜都有 (掛住食無影)整體都幾抵食,環境可以,唯一覺得熱盤選擇可以多d,不過400蚊都唔駛真係唔可以要求太多

人寫我又寫! 之前係Facebook見到有dinner buffet有75折優惠又近屋企 即刻拉埋屋企人一齊黎試下!仲要係我最中意食主題 - 日韓! 好彩唔使等位就可以即刻入去, staff 好好人咁安排個靚景位比我地!!海鮮方面都幾新鮮同fill得好快!! 本人就食左好多雪場蟹腳同龍蝦仔啦! 至於熟食方面, 品種都唔算少, 個人推薦泡菜雞翼同醬燒豬仔腿(Ribs)! 雞翼入面有泡菜, 充滿韓式辣味,又可以食到雞肉( 本人雞肉愛好者一名) 真係唔錯~~ 至於醬燒豬仔腿(Ribs), 啖啖肉又辣辣地。食到咁上下, 同屋企人開始進攻甜品區, 天生有個甜品胃既我當然會試哂啦! 食左綠茶心太軟+綠茶雪糕, 牛奶布甸,綠茶cheese cake, 藍莓cheese cake, 南瓜糕, 豆腐花等等等, 當然最得我心既係牛奶布甸, 南瓜糕, cheese cake同Haagen-Dazs雪糕啦(我會唔會太食得太多呢呵呵)最後, 以一杯咖啡結尾!環境方面都幾好, 原來7點開始有BRAND友唱歌~~偏向英文歌多!聽住歌食野真係好SWEET!總括黎講都唔錯!  

好失望好難食😭未食過酒店既自助餐質素咁差款式小，味道差😫😫😫價錢貴，十分之大跌眼鏡😞😞😞真係好差，下次唔會再返黎食錯誤既選擇😞😞😞👎🏻👎🏻👎🏻👎🏻👎🏻

買左團購去食，加埋服務費$388，這個價錢不算太平，所以有期待。Book位方面有點難Book，成日打去都冇人聽。等到6點半就放人入去就座，地點在MTR一出就係，好方便，包任飲紅、白酒(味道OK，添得快)。是次團購主打4國即開生蠔(隨機每日兩款，開蠔快，不用等)。今日的無留意咩國家，一種偏大隻-->肥美，不過多殼。另一種偏細隻-->味較鮮。兩種都滿意。另外一般海鮮都有，法國麵包蟹(一般)、加拿大雪場蟹腳(偏咸但新鮮)、藍青口(一般)、翡翠螺(一般)。驚喜的是-->梳乎里!!!好食，即時整!!要差吳多時間就去排。另外每位有送黑松露焗釀蟹蓋，一般。刺身、熱食都OK好食，不過種類偏少。

間中會到北角海逸酒店的中菜廳飲茶, 初時路過呢間餐廳都唔知原來佢有Buffet食, 後來就算知道了, 都無衝勁來試試…老友食家今個星期生日, 同我地相熟的傳謀人請佢食飯賀壽仲請埋我, 多謝2位…平時路過望唔到Buffet枱, 原來都幾多o野食揀, 比想像中…老友食家好利害, 一開波就10隻蠔, 我1隻都唔敢試囉…冷盤有青口, 好細粒肉… 阿支竹好酸呀… 壽司賣相恐怖, 只選了2件較四正的, 羊奶芝士唔夠膻唔過癮… 喬麥麵冷麵汁味道略淡…沙律質數略低, 雖然有幾盤, 但換湯不換藥, 味道一樣的, 何必分幾盤擺…熱葷味道平平, 勝在有選擇, 雞翼同腸仔都麻麻地, 脆肉瓜味道較佳…甜品賣相精緻, 味道不俗, 綠茶糯米卷同芒果卷都好可愛… 馬蹄糕清甜, 腐竹糖水唔太甜味道幾OK喎…剛成功減了15磅, 縱然任食, 亦不敢鬆懈, 只好一邊吹水一邊食下生果, 提提大家, 哈蜜瓜可以唔拎…如果座位派得好, 有機會望到少少維港景色, 但會望埋北角警局…服務都唔錯, 有酒店級水準…食物唔及Feast, 但勝在近, 唔使坐Taxi來回, 下次同事生日問下佢來呢度慶祝好唔好先… (基本上附近無第2間酒店)

有時候懶起上黎真係嚇親自己,想食自助餐又懶出去,就唯有去食只需行2分鐘就到既北角海逸酒店.呢度雖然食物選擇不多,但係咁方便我,真係唔可以強求更多.呢度係有生蠔食.但美國蠔始終吸引力不夠高,因為我個人喜愛爽脆口感的.而美國蠔通常係比較CREAMY.記住個位置係甜品區後面另外亦有蟹,蝦,青口和螺,其中蟹既味道比較咸,唔知係咪來貨問題,因此只能輕嚐.蝦既新鮮度亦只是一般.熟食方面水平亦只是中等,當中比較好味既有咖哩魚蛋和豬頸肉另外呢度既三文魚剌身幾肥美,魚油豐富!值得不斷去拎要數最麻麻既就係甜品區,基本上無咩吸引力.講到底,呢度既價錢係平既,所以我理解.用會員卡半價後每人$256.8平平地,過下口癮都唔錯

如果想係一個地方HEA下睇下書,獨自食個飯,除左屋企外,到最近我既北角海逸都係個好方法.雖然98%食客都係食自助餐,但係總有不少住客來A LA CARTE的CARBONARA$128,價錢不算好霸道無特色既餐包總係提不起興趣一食落去覺得好CREAMY,但芝士味道不夠重,亦可以話不足.咸度亦比較低,整體味道太淡.相信食開濃濃芝味既我絕對不接受這出品.幸好意粉AL DENTE勉回一分.另外煙肉沒有煎香,味道不能出來了.雖然味道不能取悅我,但悠閒既我又獨自沉淪係書本世界中

這裡地方寬敞，坐得非常舒適，人亦不多，大部份是本地人和外國人，不用搶食，而食物亦不斷增添，沒有冷場，食得非常暢快！8pm 餐廳亦安排了小朋友自製甜品的小環節， 很有心思。餐廳自助餐的食物種類非常豐富，本人覺得他們的冷盤/頭盤和甜品做得較為出色，而種類亦非常多。而熱葐跟一般的差不多。 我最喜愛的新鮮沙律菜和芝士 platter 就完全滿足到我的要求。 生蠔，長腳蟹，蝦，龍虾仔，蟹，青口，螺都頗新鮮味美。但魚生就較失色，完全沒有味道。寿司都算不錯。 最出色的甜品有 即製雜果pancake， 朱古力噴泉， Haagen-Dazs 雪糕，各款各樣的西式蛋糕及中式糖水和糕點(蛋散，芝麻糕等)。但因已食得飽，沒法一一品嘗。

補回一篇去年的食評。有人突然生蠔癮發作，臨急臨忙打電話訂位，本來想再去港島海逸君綽酒店，想試試Dinner和Lunch的分別嘛，不過有人貪新鮮，於是找了這間有生蠔的Lunch Buffet。很遺憾，這次恐怕是我的Buffet史上排名第二頹廢的Buffet...（#－.－）Salad只有普通配料，連一款像樣的火腿都沒有...生蠔鮮味一般，不過尚算肥厚，不過不失，青口也OK，不過...上生蠔速度真的很龜速...很龜速...和很龜速!!!!!龜速的情況簡直讓人無名火起，走出去3-4次都沒見新一輪生蠔端出來!!第一輪我只吃了3隻!! 老公按捺不住，走去跟Waiter說等了幾十分鐘也沒有生蠔，Waiter才急急忙去廚房拿了4打生蠔出來，雖然客人不多但就只有4打生蠔嘛，狂風掃落葉，幸好老公快速拿了一打，之後又是一樣，生蠔又沒有再出現，結果老公又要主動叫Waiter拿生蠔出來...真是有夠煩!!最後由於這酒店的Lunch Buffet實在沒什麼好吃，平日最多只會吃半打生蠔留肚吃其他東西的我，這回吃了17隻，他也吃了26隻。Cheese有4款，算是有點安慰，刺身只有三文魚及鱆紅魚，另外有數款Sushi

My 9 friends and I tried out "Southeast Asian Culinary Delights" Dinner Buffet (Apr to Jun 2014). The curry laksa (southern malaysian style, with coconut milk) was especially tasty as was the lamb satay (no peanut sauce available nor needed!). I didn't like that the laksa and vietnamese pho ingredients and station were essentially the same (ended up skipping the pho soup and putting some beef balls into my laksa). Further, the thai red curry was tasty but the duck was a bit dry. The sushi was ni

因為公司係附近, 周不時都黎食lunch同dinner. 黎左好多次, 佢地嘅水準都keep得幾好, 所以今次嘅家庭聚會就係呢度搞!!!!!屋企人都鍾意食海鮮, 即開生蠔唔算大隻, 不過都幾鮮甜. 連本身不太食生蠔嘅我都食左幾隻!! 另外仲有蟹腳, 青囗同翡翠螺而家做緊東南亞美食. 有冬蔭功, 喇沙, 越南河粉, 蔗蝦, 泰式炒辣蟹, 牛扒, 羊架...... 其他中西日菜冷熱盤, 甜品都有齊晒!值得一讚嘅係喇沙好好味😋, 湯底又濃而且好夠味! 有好多餸揀! 餐飲都係全自助咖, 有咖啡茶水之餘, 仲有柚子蜜同橙汁梳打, 一啲都唔hea😄嗰度啲staff頻頻幫我地收碟之餘仲主動幫我地揸我影相大家都對今晚呢餐飯好滿意呀😊😊😊

無錯！個buffet主題同Green Friday放埋一齊，一睇就覺"九唔答八"。但既然除了某VISA CARD有八折外，GREEN FRIDAY其中一個GIMMICK係著綠色衫可有無限量紅酒添飲，佢咩主題都無所謂，有折就得啦。當然，咩主題唔好要用重口味既配料做BUFFET，有此地無銀既感覺..."嗱! 你咪期望食新鮮野，新鮮就唔會打著東南亞的旗號做BUFFET啦!" 咁，個BUFFET究竟得唔得呢? DINNER BUFFET 6點左右開始，原來是先招呼了METROPLAZA酒店既"貴賓"先。所以如果放左工7點去就可以唔使同人迫。因為"貴賓"們來地"衝衝"，去也"衝衝"。而場地隨著"貴賓"們散去，開始也有其他外籍住客坐低，又有LIVE BAND唱唱抒情歌。BUFFET 場地呢個時候顯得特別寬敞。本身台與台之間都有充足既空間，唔會話酒店為左一次過容納多D人而放到D台密麻麻咁。好耐未試過食BUFFET唔使係拎野食時同人爭咁，又可以舒舒服服咁望下開揚既街景。酒店望出去係可以望到差館同宙東廊，亦睇到少少海景。我本身音樂細胞唔高，但可以聽到女歌手同伴奏整晚的演出很專業地平穩，都係一種令人神怡舒

是日無野做,又到附近既北角海逸酒店食個飯今次就食個燒春雞配照燒汁$148,食扒呀呢類野就可以免費簡2種SIDE DISH我就簡左焗薯和炒菠菜先送上麵包,無咩興趣,不評論主角出場,份量不少喔.半隻燒春雞,底下鋪了炒菠菜,沐上照燒汁,賣相唔錯,旁邊焗薯亦不是小薯仔雞肉鬆軟不鞋.雞皮略脆,照燒汁甜甜地都幾惹味,而雞本身肉味不濃,好依賴這汁.菠菜就欠調味,就真係就咁炒出來,建議下點鹽.所以最後要撈下照燒汁食焗薯本身咩味都無,服務員另上了SOUR CREAM,燒肉醉和蔥花,落哂去之後即時升級集合少酸少咸和蔥香,令焗薯味道有所提升,但還是欠一樣野,就係牛油,所以唔夠滑,建議下牛油來焗味道不差,久唔久來呢度食個西餐都唔錯,反正附近選擇不多

因為朋友有儲印仔優惠，先嚟食晚餐buffet 。如果要俾正價，應該唔會有下次 夜晚7點左右到左，未有太多人，可以舒服攞野食。冷盤：生蠔，蟹腳，青口，翡翠螺，外表幾好。。。新鮮，夠鮮甜 但食完一輪，refill左但size細左好多。  湯： 中湯係西洋菜煲生魚，老火，好飲，飲左兩次 。西湯係紅蘿蔔忌廉湯，冇試。熟食方面，選擇都幾多：燒味，羊架，蒸鱸魚，印度咖喱雞，豬腳薑，紅酒牛尾，炸蠔，炸甜薯，竹苼小棠菜，德國香腸，炒西蘭花，咖喱豬皮蘿蔔，避風塘炒蟹，巴馬ham, 生滾粥，芝士焗蠔及即煎蠔餅等等。 即煎蠔餅：細細件，好味，唔肥膩 紅酒牛尾：好淋，好夠味羊架：朋友話正，夠味同淋，配薄荷醬一絕炸蠔：好正，夠脆口，但幾油德國腸：有豬肉同雞肉，兩隻都好穩陣，好味避風塘炒蟹：太細隻，唔多肉食，唔受歡迎另外，仲有壽司，有生有熟，賣相又麻麻  ，冇咩人食 沙律選擇都係基本既款式，冇咩特別；芝士有幾款，試左款有合桃既，幾香口，配包食幾好味 甜品方面：中式有豆腐花，桂花蜜糖水，鳳梨卷。。。豆腐花味道正常，但桂花同鳳梨卷唔好食囉，口感好怪 西式既cheese cake, 慕絲等，係十分難食