綠怡咖啡廳

Open Now

Now Closed

今次揀北角海受到逸酒店🏨Staycation,價錢方面可以接受，包綠怡廳自助晚餐🥣和早餐定食，扣除早餐和晚餐價錢，平於房間是免費的，自助晚餐🥣食物綠色品很多，而且有生豪，魚生和無限量供應黑松露芝士焗龍蝦🦞非常好味😋

十一國慶, 有几天假期, 要找個地方食和HEA, 最終決定自助下午茶. TEA步飛, 一餐可以當做午餐和晚餐.  提前在網上預付有優惠, 4位套票共六百六個大洋, 平每位百六有找, 計落好抵食. 只是大家對下午茶已經無任何期望, 為求有個地方食下飲下嘆足2小時. 2點50分來到餐廳, 店門已經大排長龍, 龍尾排到扶手電梯. 直到3點正職員才開始安排客人就座.  3點3在窗邊就座後, 就要去看看有什麼好東西.  不過多人在同一時間取食物, 唯有先取素碗仔翅吧! 粉絲扮魚翅無問題, 先來暖一暖胃. 再到款式有限的沙律.     香茅雞翼   先試主打菜色 炸雞翼.  剛出爐的雞中翼2邊關節位柔軟, 容易以餐刀分切, 雞肉有光澤, 炸皮不算太硬, 熱辣辣肉質滑滑, 容易咀嚼.  雖然香茅味不足, 但是也會再出去多取几件了!   還有其他容易飽肚的平常款式.    咖哩魚蛋豬皮蘿蔔   想不到可以成為一款美食. 魚蛋彈牙很正常, 而豬皮吸盡咖哩的精華.      網頁話<酥炸龍脷柳>是主打菜色, 在我眼中都叫做炸魚柳.      小米第一碟就取來炸魚.  偷嚐一件, 炸皮不厚身

見到網上有優惠做緊，於是就搵日假期去試試。對於我呢啲完全唔好海鮮同埋魚生嘅人黎講，簡直係天堂 所有食物都好啱我食。冷盤有salad, 壽司, 生果。salad有多款sauce選擇。另外壽司主要係熟嘅款式，但估唔到好搶手一出就好多人拎，仲要一次拎好多，所以我都等左好耐先拎到。生果有西瓜、菠蘿、哈密瓜。菠蘿超甜熱食好多選擇，有pizza、咖哩角、春卷、咖哩魚蛋、豬頸肉、炸魚、雞扒、喇沙湯麵、粥粉面飯等等.......到甜品啦，有朱古力噴泉、自製pancake、各款cake。不過如果款式可以再多少少就好。整體黎講唔錯，環境寬敞舒適，食物refill算快，職員收碟快，食物亦唔錯，非常合適一家大細或者朋友去餐聚。

見呢個lunch buffet 有生蠔諗住試吓，點知一試難忘，需要發篇文紀錄下 係某K 開頭既app 訂左早午餐自助餐，睇左d 評語都唔錯，圍返約$32x 一個人，就試下啦（事後才發現某app 評語既出場序好似係由評分高至低咁排列，所以如果無拉到最下，就會見到前面的大部分都係好評，很後悔！）去到行左一轉已經覺得個場好細，食物選擇很少，海鮮位有已開好既生蠔放晒出黎等人自由咁夾，咁老實說自助餐生蠔都不大期望，但呢間既生蠔味道唔新鮮又好多碎蠔殼。其他凍海鮮有青口、蜆、龍蝦鉗、海蝦，全部都淡而無味。龍蝦鉗係唯一叫做可以再食既，但食左一陣就無再refill 過了再望望刺身，只有三文魚、希靈魚同台灣鱲魚？三文魚已經係全場最正常既一樣野食…….. 切刺身果位「呀姐」就好似快餐店企水吧位果d 職員咁，又成日唔知行左去邊。另外有兩檔即煮既野食，一檔係粥，另一檔係可以選喇沙/ 豬骨湯底既麵食，另有多款普通貨式既配料可選例如芽菜、冬菇、菜心…..。 粥係無味的，相信連鹽都無落，另外湯粉麵也是無味的。再望下啲沙律放左好多盤出黎，但一盤成盤都係青瓜片，又有一盤係車厘茄，仲有啲快餐店到會咁既薯仔沙律呀 吞拿魚沙律

👉網上見到Weekend Brunch 幾抵，星期六、日、假期，11:00-14:30 網上預付$308。見到都幾多嘢食，又有任食生蠔🦪，即管試試佢🤗.👆餐廳地方都幾大，兩邊落地大玻璃，雖然景觀稍遜，但陽光入戶。餐枱分隔有足夠距離，坐得好舒服👏📌冷盤海鮮款式普通，基本嘅凍蝦、蜆、青口都有。幾款刺身都好新鮮，亮點在即開生蠔🦪無限量任食，又唔使點排隊😍。自助餐嚟講，質素算係唔錯👍📌熟食都有好多選擇：豬、牛、魚、麵檔、生滾粥、每人一客迷你佛跳牆⋯都好好味😋📌甜品區都唔弱：朱古力噴泉、即炸煎堆仔、蛋散出面都比較少有，豆腐花、合桃露、cut cake⋯味道唔差，絕對收貨🥰 ✅後記：餐廳員工大部份都比較年長，不知是特意還是巧合。他們都非常有禮，永遠笑面迎人～👉侍應每次收碟都會説：「唔好意思，阻阻你！」👉每次取刺身、生滾粥，年長姨姨總會説：「多謝晒！」✅中環啲大酒店都未必有嘅服務態度！👍

無唸過 北角 海逸酒店 嘅自助餐 都咁受歡迎 這晚幾乎爆場 可能價格 比較親民 食物水準 雖然未去到逸東酒店 ～ 普慶餐廳咁高 但勝在 冷熱海鮮選擇多 補充食物超級快 絕對不錯不錯 侍應人手充足 服務態度用心 🦞🦞 🦐🦐 🦪🦪這次是 旅發局公佈 第二期 賞你住 我便儲起 食肆 購物單據 開搶 酒店名額 這個 海逸酒店 Staycation 省了500元 💰💰 綠怡廳自助晚餐 是套票內包含的 🍽🍽自助晚餐主題 為東南亞美食 除了涷海鮮 即開生蠔 還有熱葷 海鮮食物 芝士焗龍蝦 補充超快 次數最多 粉絲蒸扇貝 豉味炒蜆 辣汁煮花螺 薑蔥炒龍蝦鉗 燒牛肉 自選喇沙麵 生滾粥 東南亞美食 壽司 沙律 湯 甜品 雪糕 應有盡有 🥢🥢🍴🍴每枱有獨立 Häagen-Dazs 哈根達斯 朱古力火鍋 竟然還有 盒裝雪條 任食唔嬲 😱😱（是要我減肥計劃 徹底失敗嗎？？）真是 性價比超高啊！🫕🫕🍨🍨有時發覺 人年紀越大 吃自助餐 精選幾款 心頭好食物 想吃的就好 別三心兩意 吃得更開心 🍜🍜

北角海逸酒店綠怡咖啡廳， klook訂位438蚊 呢個價錢 自助晚餐, 任食芝士焗龍蝦 ,真係好好食食咗四隻 ,生蠔都可以, 食咗12隻 ,其他食物都好食 啲,味道都唔錯 ,係甜品少咗啲 ,因為太飽 ,食唔到咁多!

係KKDAY 到訂位, 其實我都預左唔係好高級個D. 所以本身係無咩期望~但3XX一個人., 我又真係無唸個會差個大快活一入到去recpetion, 等左幾分中, 但係安排好亂,搞完一輪先知我地係KKDAY, 一開始咪比左個QR CODE record, 好似唔知做緊咩.之後, 好似大媽樂園咁. 個個人另左幾盤長腳蟹, 龍蝦, 所有野都係要搶既,steaksteak 係overcook, 但因為無咩人等, 所以我就有令來食, 係10成熟既牛~龍蝦龍蝦, 好辛苦令左一隻, 最後, overcook, 無龍味同埋無蝦味..生蠔都算好食, 同埋唔洗同人搶.其他熟食為左充飢都有食不過無一樣我覺得好食, 似係2餸飯既質素甜品hagazen daz 就係hagasen daz 味~D碟係有漬既, 唉~結論, 唔洗錢都唔會再去. 

星期五一家人食lunch buffet，搭車到北角海逸酒店的Green Cafe，環境寬敞舒適但枱椅就有些殘舊，食物款式不太多，海鮮類就有生蠔，以為有驚喜，最後是細隻，還好在拿魚生時個服務員問幾多個人？一次俾夠一家人的份量，唔使走多趟。基本上味道都可以，魚生壽司款式唔多，但都算中上。其他小菜的就是一般buffet的味道，沒什麼出色，港式點心個品質就令人失望，有點像已經放了幾個鐘的情況。最後是湯麵位的喇沙湯底麵。湯底夠濃喇沙味極足，加上個幼麵及不多的芽菜，一家幾個都讚，這是不在預期中的好味。值得推介。甜品及生果就沒特別，不必討論。以5個人千三蚊的價錢，性價比頗高

第一次嚟呢間餐廳，經佢eshop訂位有折，埋單$268一位😋價錢平而我哋係主攻生蠔，所以冇其他期望🤣自助餐一開始，我已經目標好明確去拎生蠔🤓冰上只有兩碟，唔係即場開，係廚師由廚房拎出嚟.經我唔精密計算，隔10-20分鐘（越嚟越慢）先會refill一次，每次2X隻，所以都係手快有手慢冇😅 好彩當日食客都自律，每人拎2-4隻，冇出現搶食，奈何refill蠔真係慢，要金睛火眼睇住廚房幾時出嚟，一見到就好起身排隊喇～.由於每人$300都唔洗，我唔會投訴呢種做法想食得輕鬆啲就要俾多啲錢了🌟生蠔🦪好厚肉好creamy🤤海水味較淡，食得好飽，非常滿意🌟蝦、青口一般，冇乜味等蠔期間食下其他野，正常 冇乜特別深刻，有芝士食都唔錯見到壽司係唔開胃的，睇落差過爭鮮平時我都唔好熟食。呢度熟食比較家常，味道全部都偏咸，見到多人食蒸魚但我冇食🌟甜品食咗自家製豆腐花、腐竹蛋糖水：味道唔錯 但唔回本🤣Cheese cake: 好有顆粒感，應該魚膠粉問題雪糕係雀巢杯裝：唔洗試啦 食豆腐花🌟飲品有一jar檸檬茶任飲，好甜，應該係康師傅仲有兩個湯同咖啡機忌廉湯太杰🌟總結如果你眼明手快拎到蠔（我食咗9隻）就會好滿意🤤 有折對

三人聚，朋友住港岛北角，便在網上買coupon,比较便。地方方便，始终酒店，環境卫生都滿意，服務尚可。只是甜品質素好一般，地三文治仔不新鲜，吃了一口，便不敢吃。其它甜品好溶，味道怪，建議酒店keep住check甜品新鲜度，改善甜品水平。

之前見同事食呢間自助晚餐，賣相好似幾好咁，所以我地就Book左呢間黎慶祝本小姐升職。上佢個e site訂枱，咁岩有折上折，埋單都係$812.8兩位，者係每位$406.4，自助餐黎講好抵食，仲要有生蠔任食。我地早左到，職員俾我地入場等開始。今次自助晚餐既主題係海鮮饗宴，所以出面既熱食都係同海鮮有關，黎食自助餐當然主打凍海鮮，所以熱食我都唔係款款都有食。冷盤有4款，🦐，青口，長腳蟹，蟹鉗。去到尾段仲有小龍蝦拎。長腳蟹好鮮，肉質唔會霉，可以整條拆出黎食，唔會痴殼，所以我地都食左好多碟，蝦都好清甜。主打生蠔🦪，佢就冇講生蠔出處，不過都好鮮甜，朋友唔係幾好彩，食到2隻苦既，即刻吐番出黎，我就冇呢個問題啦。今次我仲試加埋tabasco，個味道好正，唔怕有小小辣既朋友仔可試下。不過除左一開頭，岩岩開始自助餐出去拎個碟，係職員即時沖洗既生蠔，其他時間拎既都係已沖洗完，用保鮮紙包住的。拎左幾次既黑松露芝士焗龍蝦，食左幾隻都好多蟹膏，好正，不過個黑松露味唔算非常突出，個蒜蓉蒸扇貝就正常水準。刺身方面有4款，三文魚🍣，希靈魚，台灣鱲魚同菲律賓吞拿魚，每次拎個份量都唔錯，鐘意食既，唔駛出去拎好多次，質量都係正

今日學完波，諗住學完都要食飯㗎啦，咁就索性去食high tea，見KKDay有coupon賣又有一位，就買咗嚟食啦！買完coupon之後，酒店都會打嚟confirm多一次，算有啲交帶。去到酒店，因為個餐廳同check-in係同一層，所以都會見到好多人排隊去check-in，仲以為會有好多人食，點知一去到都係得10多枱客。坐低咗之後，佢就會俾個Menu我，睇吓我想飲啲咩嘢飲，既然都係任飲，咁我就叫咗杯菠蘿青檸梳打同埋latte！2杯嘢飲不過不失啦，係個梳打冇咩氣咁。講返嘢食先，老實講就真係好一般，都唔知自己食咩，連d甜品有d都溶溶地嘅，不過$170，坐得舒服又夠冷氣，嘢飲任飲嘅情況下，都算係咁啦！

我們是透過staycation入住包括晚餐所以覺得非常超值 而且服務態度非常之好 特意讚揚首先頭盤有蠔，長腳蟹，青口，小龍蝦凍蝦。另外亦都非常多海鮮，因為佢今次係海鮮主題所以好多食物都係海鮮，龍蝦，魚，蜆，扇貝等肉類如牛扒，羊架都有， 有時啲自助餐都未必有羊架，仲要係好味。其他刺身，壽司，湯麵，燉湯等都有，建議刺身可以多少少選擇我覺得食物質素正常，有啲食物係冇咁好味但係如果要食返回本係絕對冇問題至於甜品方面，蛋糕都起碼有六至八款蛋糕，雪糕仲喺Häagen-Dazs 雪糕，最特別係佢有呢一個雪條款，好多地方都係筆雪糕，但呢個雪條食幾枝都回左唔少本令我特別欣賞嘅就係呢度嘅員工服務，好多都好禮貌，特別一位短頭髮嘅女員工係我最欣賞嘅，我帶住小朋友佢好幫忙 讚

揀呢間酒店staycation，係因為之前旅發局的《賞你住》活動，那朝才知道，臨急臨忙揾間平平地，而呢揀酒店一打電話就有人接聽，仲解釋得好清楚，明知質素一般，勝在有$500資助，就book咗了餐廳環境比想像中好，非常寬敞，可能一早book咗，所以有窗口位。時間由12:00 – 2:30，非常充足食物種類唔係話特別多，但也足夠，冷盤的生蠔，青口，蜆，凍蝦，即叫即切的刺身，源源供應，新鮮甜美還有基本嘅沙律，麵包，餐湯。熱葷方面先一人一盅佛跳牆， 幾足料，有花膠，冬菇，螺片叉燒，油雞幾好味其他如豬仔骨，雞翼，蔬菜就一般般。有師傅即埸片羊髀，但我覺得有啲膻。甜品蛋糕也有不少選擇，每款細細件，樣樣食啲也不錯，也没有過甜有即淥喇沙湯麵，喇沙湯幾夠味，但係個魚片就麻麻地。也有即場生滾粥供應。飲品選擇唔多，凍飲有開好嘅檸檬茶，熱飲有咖啡，切片檸檬，熱茶和水。還有杯裝雀巢雪糕。應該是疫情關係，大多數食物都蓋上蓋子，也相對衞生。睇返酒店官方資料，午餐buffet $298/位，如果hea足兩個半鐘，也不錯呀！