グリル滿天星

Open Now

Now Closed

高人氣既日式西餐廳，經常好多人排隊。食物做型靚靚，好似陳列品咁（講笑），打卡一流。推介肉汁香濃既漢堡扒。窩夫都幾好食，係偏硬左少少。餐廳樓底高，十分寬敞，坐得舒服。服務唔錯。

グリル滿天星 尖沙咀グリル滿天星這個品牌源於1978年日本昭和時間，天王御 廚秋山德藏 的入室弟子 窪田好直 創立，總店札根於日本東京，2021年在香港尖沙咀海港城開設海外分店。 滿天星肉汁安格斯牛扒飯：蛋皮使用蘭王蛋製作而成，蛋醬軟滑流心，面層均鋪有蝦、帶子、青豆、粟米等食材。飯亦大有學問，使用雞湯、竹筍、洋蔥、粟米、香菇等蒸煮再烤焗。肉醬汁則使用牛肋骨、紅蘿蔔、洋蔥、西芹等製作。唯一缺點可能是牛扒，沒有讓客人指定幾多成熟，上到餐桌接近全熟。

⠀每次經過都比個價錢嚇親，之前咁啱有海港城coupon就入去試下啦o(^▽^)o⠀不得不說，雖然價錢較貴，但份量真係好多如果兩個人黎食建議叫一個蛋包飯同一份疏乎厘就夠👩🏻‍💻⠀日式咖喱炸蝦蛋包飯 $178炸蝦好大隻 有3大隻👍🏻炸皮厚度剛剛好 香脆🌟咖哩汁咖辣 配蛋包飯呢個組合冇得輸💫蛋好香 好滑好嫩 入面仲加左啲扇貝粒 好特別⠀滿天星肉汁漢堡扒蛋包飯 $238蛋包飯同上面嗰款描述嘅一樣漢堡好Juicy 配酸酸地嘅醬汁不過食多幾啖就開始濟😵反而上面果款咖喱蛋包飯會令人容易一啖接一啖⠀靜岡蜜瓜疏乎厘 $158之前期間限定‼️疏乎厘非常鬆軟 好香蛋味😆蜜瓜好甜 整個配搭得宜🍈⠀

平時呢間西日餐廳既堂食都好正 但近排有個外賣雜莓梳乎里 間唔中熱熱地想食下梳乎里都可以點 佢既梳乎里夠口感 夠彈身有立體感 有好多味 choose 左 雜莓新鮮 配埋白桃烏龍汁 好透心涼 白桃味香甜配埋烏龍茶味。正 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#滿天星尖沙咀海港城海運大廈3 樓0t301 至301a鋪~~~~~~~~~~~~#fafafoodblog #為食花太郎 #fafafoodblog尖沙咀====================

每次經過呢條走廊，總是見到有人排梗隊，平日8點半到，都要係門外等一陣，入到去係QR code落單。$128 牛油果大蝦凱撒沙律份量剛好，沙律菜新鮮，牛油果熟度恰好，大蝦冇雪味，正常發揮$158 明太子大煆意粉意粉醬料好濃厚，意粉偏幼、彈牙，每條意粉都掛滿明太子醬，整體帶點微辣，再on top 有一份明太子作為點綴，昇華左整體明太子味道$228 日式咖喱吉列豬扒蛋包飯上枱時候充滿濃郁的蛋黃香味，用上蘭王蛋整成的鮮嫩、滑、香的滑蛋包裹着用咖喱炒飯，飯粒偏濕，帶有微微的咖喱香味。個人選擇汁另上，因為唔想咖喱汁令到豬扒表面的炸皮，冧咗就唔好食，偏好食脆脆的外表🥹果然不出所料，係香港食吉列豬扒真係唔好抱太大期望，炸粉夾起已經與豬扒分離，炸粉唔厚，顏色唔討好，豬扒肉質鮮嫩有汁但帶有不少肥膏。經過冇人排隊可以試一次，始終尖沙咀餐廳的排隊時間不能輕視，建議唔洗叫得咁貴，相信有更好的選擇😞

食物冇咩特式，不過不失價值適中，不會太貴甜品好吸引，可惜食完碟麵已經好飽所以冇嘗試環境好，餐廳都大可能因為去得早，2個人都比張大枱我食完都冇催我地走，坐左大約2小時

一直路過都比佢吸引但係估唔到無lunch menu打工族黎講真係好貴本身有唸過食蛋包飯因為第一次黎問左店員推薦佢見我香港人就好老實推薦左我食炸蝦咖喱認真，個炸蝦🍤係好好味食到麵包糠的味道，好脆可能係我第一次食到天婦羅層衣ge味道飯有d多，我食唔曬咖喱🍛係正常的日本咖喱無咩特別～不過睇番要蛋包飯貴多四十蚊個下就好多謝店員避雷有機會可能同朋友黎試下甜品感覺抹茶個d都好吸引因為隔離檯d小朋友食得好開心

去尖沙咀行街，吃甜品。今次試試這個美食~抹茶窩夫🧇🍦甜品好好味呀！非常喜歡抹茶軟雪糕 。香濃抹茶味道 , 軟雪糕十分細滑 。 窩夫又外脆內軟 。加上美味抹茶醬。就更加吸引。 甜品配有紅豆粒粒。味道十分豐富。夏天吃甜品特別快樂。Eat is life ♥️

1. 滿天星肉汁漢堡扒蛋包飯 $238《⭐️⭐️》招牌漢堡係由70%鹿兒島產和牛及30%北海道產豚既份量製成，你會食到比較重牛既味道，但普通日式料理飯店都可能會食到，反而個牛肉汁酸酸甜甜，以及配上有紅蘿蔔同青豆既西炒飯幾好味，但佢嘅米飯唔多似日本米。另外佢個蛋都幾滑，但蛋味唔夠濃。整體黎講，試一次就夠，因為呢個價錢可以有更好既選擇，有少少名過於實。2.日式咖喱吉列廣島蠔蛋包飯 $188《⭐️⭐️⭐️》相比之下，我比較推薦廣島蠔蛋包飯，個吉列蠔炸得好鬆脆，而蠔身鮮甜，粉漿亦唔會太厚，但份量比較少，得三舊。另外，吉列廣島蠔係配咖喱飯的，咖喱飯有提子乾同粟米，令你辣中帶甜，層次豐富，不過咖喱汁配咖喱炒飯比較辣，食唔到辣既朋友要注意‼️整體黎講，我覺得價錢定位太高，出名嘅係蛋包飯，但係我覺得個炒飯仲好食過個滑蛋，值得讚既係枱面就有一壺水，可以自己倒比較方便，店員見你食飽會主動拎個牙籤筒比你。

環境寛敞，地方光鮮，用電話自助下單。鰻魚蛋包飯，鰻魚一大條，肉質正常。鰻魚汁偏甜，整體味道一般。重點價格偏高，有比它更好的餐廳可以選擇。吉列廣島蠔咖哩飯，廣島蠔炸得脆口，不過不失。蔬菜配料很少，西蘭花，粟米芯及一顆紅蘿白的星星，感覺單調。日式梳乎厘班戟，軟綿綿蛋糕的質地，配上糖漿及忌廉，味道還可以。總括來說，不推介此餐廳，主菜定價太高，味道又不是很出色。我見很多食評推介coco壹番屋，但個人認為k11米炊蛋包飯性價比高，可以供大家參考下。

今次又到牛媽去覓食嘅時間啦！吉列豬扒炸得脆卜卜配搭日式咖喱非常之好食！餐廳環境亦都非常之有日式洋食嘅氣氛！牛媽大推介！甜品亦都款式非常之多！同朋友仔聚會非常好！

。咖喱吉列廣島蠔蛋包飯 $188，切勿點，啲蠔唔新鮮 👎。牛油果大蝦凱撒沙律 $128，味道 Ok，但價錢唔值，唔係特別想食沙律，可以唔使點，天氣炎熱，所以，先點嚟食 😑。一口厚切牛舌咖喱蛋包飯 $238，味道 Ok ，但價錢唔值 👎。士多啤梨梳乎厘班戟 $148，好味的，這價錢算合理 👍。虹吸式咖啡 $52，咖啡香濃、加上，有個玻璃壺，拍照效果更理想，這價錢合理 👍無咩服務，純粹傳遞餐飲，咁都要收加一，全張單 $829，食咖喱飯，都要食到哩個價，真係 crazy，加多兩舊，行過少少 Rosewood 都食到，問心，食物味道、服務素質、餐廳環境，這餐飯只值 $600，打卡食一次，唔會再食第二次～ 😪

由灣仔搭船去尖沙咀搵食，朋友話想試下日本過江龍的餐廳。依間餐廳一直都係排長龍，要等半個鐘以上。但今次好好彩冇人等，可以直入。滿天星吉列蠔咖哩蛋包飯（100%推介）蛋充滿濃濃的蛋香味，蛋生熟程度剛剛好，蛋入口細滑，而飯底是咖哩炒飯夠香濃。當滑蛋加炒飯再用咖哩混合埋，是一流的味道。而吉列蠔亦好好味，一咬是脆脆的炸皮，薄而鬆脆。而蠔鮮甜入口即化，係我依過最好的吉列蠔。

尖沙咀海港城滿天星餐廳的蛋包飯真係太正啦！我同朋友嚟呢度用餐，見到門口排長龍，但我哋都唔肯走，終於等到呢個蛋包飯，真係一試難忘！佢哋嘅蛋皮好薄，煎得啱啱好，外脆內軟，鮮味十足。牛肉肉味十足，真係好好食！不過要注意，佢哋嘅蛋包飯份量真係唔少，一個人食可能會有啲飽。🥩除咗蛋包飯之外，佢哋嘅甜品都勁好食。令人回味無窮。完全估唔到咁正。不過要有啲耐性，因為門口成日都大排長龍。如果你想食啱啱好嘅蛋包飯，咁就要嚟滿天星啦！🍳🍚

最近碌 ig 見到出左新甜品，基本上由佢出期間限定士多啤梨甜品開始我就期期都黎今次出左焙茶系列簡直係正中我紅心！個日同朋友一個叫左焙茶芭菲一個叫左焙茶梳乎厘，各百幾蚊芭非勁好食！！！ 外脆內軟仲有個焙茶醬可以加個焙茶醬同個焙茶果凍唔甜的好濃！ 個雪糕好重焙茶味 但融得有啲快梳乎厘入面加左麻糬，我就麻麻地麻糬類但我個fd 就好鐘意梳乎厘係好食的兩個仲有啲紅豆係旁邊 食得出唔係cheap 既罐頭紅豆好多餐廳覺得啲客食唔出/伴碟野就入cheap 貨，足以證明餐廳既誠意期待下次既期間限定！