グリル滿天星

Open Now

Now Closed

食左都兩個星期先得閒補返個食評，因為好想同大家分享下就係，呢間嘢係唔值得排咁耐隊去食，雖然係過江龍，但真係名過於實我同朋友上上星期三去，下晝tea time時段經過見無人排隊，就不如入去飲杯嘢/食下甜品，雖然都唔肚餓（因為平時星期六/日經過真係排曬長龍）個肚食唔到蛋包飯，就叫左個soufflé pancakes share,但係一黎到，係得兩塊，平時其他餐廳食一碟都3塊丫，呢度收$148，仲要得兩塊！好！算，呢個價錢，就睇下會唔會因為間餐廳啲service好啲，可以補返數。”Sor-ly”,呢度既服務員係俾面色你睇，一入到餐廳，聽唔到啲好日本style既greetings(枉為日本過江龍店），而係好普通咁帶位（印象中招呼都唔打）。第二，我地見有好多位，但係店員安排我地坐近收銀中間位，我地想坐入少少，但店員話「唔得」，有位但係唔俾個客揀坐邊度😳。咁樣已經影響左我第一次黎幫襯呢間餐廳既印象所以咁樣仲點會有第二次黎試蛋包飯呢⋯⋯

去海洋公園玩完後，消耗咗咁多能量，當然要食大餐😝今次黎到位於尖沙咀海運大廈グリル滿天星，「グリル滿天星」於 1978 年由🇯🇵日本昭和天王御廚秋山徳蔵的入室弟子 —— 窪田好直創立🍽，總店扎根於日本東京麻布區，是多年來極受日本食客追捧的著名老字號日式蛋包飯😘🍳滿天星肉汁忌廉蟹肉餅蛋包飯🍘🍛金黃滑溜的蛋包飯，切開嫩蛋慢慢流瀉🍳，令人食慾大增😛。松葉蟹肉薯餅外脆內軟好 creamy，每口飯都有濃厚咖喱香氣，吃起來非常滋味🤤⛩日式黑豚扒🐖🥩黑豚扒肥瘦適中😎，配有西蘭花椰菜花🥦，紅蘿蔔🥕同薯菜🍟伴碟，食落唔會油膩👍🏻，配合埋個黑椒汁簡直冇得頂，店員上餐熱辣辣係你面前淋上秘製肉汁，而鐵板上可保持熱度肉香鎖緊肉汁😍🍓士多啤梨奶昔🥤表面鋪上蓬鬆的忌廉及士多啤梨🍓，綿密柔順，仲有大大粒草莓，口感幼滑香濃☁️呀仔係我影緊相既時候，都忍唔住係咁飲🤭🍵抹茶奶昔🥤表面鋪上蓬鬆的忌廉及抹茶粉，甜度適中，鍾意抹茶嘅你一定要飲😚🍓士多啤梨窩夫🧇熱辣辣既窩夫配埋我至愛既士多啤梨雪糕🍓❤️，窩夫香脆內軟，士多啤梨雪糕同忌廉口感幼滑，加埋士多啤梨醬，配窩夫食，甜同酸度岩岩好，味道唔會太甜😋

平日排長龍嘅餐廳，今日星期一 3pm 經過門口，無人龍，所以走入去試吓。點了一個鰻魚蛋包飯、及一杯搽茶拿鐵。先講講個「推介」鰻魚飯，與其命名為「蛋包飯」，個人覺得用「蛋蓋飯」更加貼切。蛋顏色好深，但蛋味沒有特別濃。鰻魚份量還對得起價錢，但太淋身，根本無法從蛋上移走（一搬就散）。飯好乾身，無汁，唯一有點安慰係飯裡有些少海鮮，有番少少誠意。然後講講杯搽茶拿鐵，像是喝了一杯奶水而已，絕對沒有綠茶味（大概是只灑了一點搽茶粉）。完全係「中伏」之選。到最後，講講服務。我只是問問可以調去一個冷氣沒有那麼大的位置，但她的回覆是「已經熄左冷氣」（無尾音）然後就走開咗。🤷🏻‍♀️ 明白復蘇後客量可能增加，但服務員那種「嫌你很煩」嘅態度真是令人很不愉快。總括，過江龍又點，無論食物、飲品、服務、價錢、性價比，都不推薦這店。

好耐無食過蛋包飯喇！今次去左尖沙咀海港城滿天星🙌🏻每次經過都勁多人排隊，今次約左朋友食Lunch唔洗排！12點就去到喇😜🍛日式咖喱吉列豬扒蛋包飯佢地用嘅係日本蛋王蘭王蛋，所以一上枱就見到蛋嘅顏色黃金色，有別一般蛋包飯，而且蛋味非常濃郁。吉列豬扒比我想像中厚身，炸得脆口，配上佢哋嘅咖哩汁簡直絕配😌🥩日式漢堡扒佢哋嘅漢堡扒係鹿兒島優質和牛加北海道和豚製成的，所以會特別多汁，肉味鮮甜，配上佢地秘製醬汁，啖啖香氣🤭🥞日本士多啤梨梳乎里班戟（期間限定）呢個係佢地期間限定，兩大件非常鬆軟，配有cream 加埋🍓醬，甜甜的，好好味🫣

🥢 每次由港威商場穿過去海港城都會見到一間排曬超長人龍嘅餐廳，就係傳說中東京嘅著名蛋包飯店—滿天星，今日終於終於有耐性去排隊去食到啦！ 👍🏻 除左蛋包飯，佢地嘅鐵板餐仲有幾種甜品menu都係非常吸引，蛋包飯配料選擇都有10種有多，另外店員全部服務態度都好好勁nice，用餐體驗好好！ ⏳上菜速度: 🐄🐄🐄🐄🐄 ✨ 日式咖哩吉列豬扒蛋包飯 $228豬扒極厚切外脆內彈，蛋好順滑配咖哩飯夠惹味！揾食指數: 🐄🐄🐄🐄🐄 ✨ 日式漢堡扒 $238漢堡扒厚肉juicy，推介叫鐵板因為可以保留熱度！揾食指數: 🐄🐄🐄🐄🐄 ✨ 士多啤梨奶昔 $78草莓味清新鮮甜，配合陣陣奶香，仲有新鮮果肉！揾食指數: 🐄🐄🐄🐄 ✨ 抹茶拿鐵 $52抹茶味相對幾濃郁，唔會太多奶，杯面仲有奶泡！揾食指數: 🐄🐄🐄🐄 ✨ 原味梳乎厘班戟 $108班戟軟綿綿有空氣感，唔會太大份所以唔會太漏！揾食指數: 🐄🐄🐄🐄

呢間餐廳食過好幾次，堂食試過幾次，但每次都要排60分鐘或以上，外賣都試過兩三次，等15分鐘左右，所以今次補番食評。餐廳係出名蘭王蛋😍蛋味濃，色澤比一般蛋深黃d, 聽聞成本都要4蚊一隻。所以我每次都係食咖哩蛋包飯。每款咖哩飯個飯底都有小小吾同。個炒蛋真係好好食，好濃蛋味同多汁，好juicy 😍$178炸蝦咖哩蛋包飯: 炸蝦炸得好脆吾油膩！炸粉吾厚身，蝦肉都大隻，好香口。個炒飯底係咖哩味，好好食。$248浦燒鰻魚蛋包飯: 原條鰻魚好吸引，魚好厚身，美中不足係個炒蛋底係甜味，有點奇怪🥹而且鰻魚汁比較咸左少少。價錢亦係最貴，所以性價比一般。$128滿天星蛋包飯: 即係普通蛋包飯。另外叫左炸洋蔥圈。可能外賣關係，洋蔥圈淋晒，所以好一般。$208滿天星肉汁忌廉蟹肉餅蛋包飯: 蟹肉餅有三舊，炸得幾脆，但就吾係好多蟹味。總扣黎講，性價比最高係堂食炸蝦蛋包餅，熱辣辣先好食😋😍

/ #洋食料理 /.每次經過グリル滿天星門外總是大排長龍，被門外嘅餐牌所吸引著，同朋友食過真的很不錯，很有日本和風料理嘅感覺，圖文完全相乎！呢間以蛋包飯為主打的日本正宗洋食餐廳，淨係蛋包飯都多達十五款。另外備受注目當然係佢地嘅甜品梳乎厘、窩夫、芭菲，#甜品愛好者 必試～｜#日式咖喱吉列豬扒蛋包飯 ｜上枱見到熱㷫㷫香噴噴嘅金黃蛋包飯，蛋包飯鬆軟滑溜好有蛋味，皆因佢地用上日本嘅蛋王蘭王蛋，難怪色澤金黃亮麗蛋味濃郁。配上炸得脆口的吉列豬扒同香甜可口嘅咖喱汁絕配。｜#日式漢堡扒 ｜日式漢堡控要嚟試下，漢堡用上鹿兒島嘅優質和牛同日本北海道嘅和豚搓製而成！咬落juicy 有肉味，鐵板上可保持熱度肉香鎖緊肉汁～｜#期間限定 - #日本草莓芭菲 ｜令人好難抗拒嘅日本草莓芭菲，賣相已好吸引，每口都食到唔好層次嘅口感，幼滑香濃嘅忌廉同雪糕、薄脆香口嘅waffle片、餅乾碎、口感Q彈啫喱粒、香甜清新新鮮士多啤梨....飯後甜品一流！｜#士多啤梨奶昔 ｜用上新鮮當造士多啤梨做嘅奶昔，幼滑香濃，士多啤梨跟牛奶好夾甜度剛好，creamy 豐厚！少女粉Yum～.グリル滿天星 HONG KONG尖沙咀海港城海運大廈3

這次去了一家人氣店舖，主打吃日式蛋包飯的，晚市時間人頭湧湧🤩。店舖位於海運大廈三樓，環境裝修簡約，西日風格的裝修。食物以散點為主，價格中等食物大份🙈。-▪︎藍莓芝士蛋糕奶昔 HKD$78▪︎日本蘋果汁 HKD$48奶昔飲品有多款選擇，飲品賣相吸引。奶昔味道香甜忌廉口感幼滑🤤，這杯挺有咬感的，忌廉質感較濃稠。蘋果汁味道酸酸甜甜的挺開胃，可以中和食物油膩感。-▪︎日式咖喱吉列廣島蠔飯 HKD$188這個賣相吸引，用了蘭王蛋製作，滑蛋味道較香濃，半流心的質感滑溜🥰。吉列蠔外脆內軟，肉質鮮味爽口，咖喱味道微辣。蛋包飯裡是炒飯底，口感煙韌炒飯大份。-▪︎日式照燒雞扒 HKD$198用鐵板上的味道挺香的，雞肉肉質嫰滑，預先切件較方便吃😆。有黑椒汁和蒜蓉汁選擇，黑椒汁較香口惹味。另有薯角和蔬菜拌著吃，薯角口感脆口，吃光整個挺飽肚的☺️。-▪︎藍莓紫薯窩夫 HKD$148這款窩夫擺盤賣相吸引，而且是較少見的口味😎。窩夫做到外脆內軟的口感，藍莓雪糕味道香甜，藍莓和紫薯忌廉口感幼滑，拌窩夫吃味道較好，整體味道不會太甜。-

グリル滿天星是日本過江龍，於 1978 年由昭和天王御廚的入室弟子 —— 窪田好直創立，總店扎根於東京麻布區，是多年來受食客追捧的人氣蛋包飯專門店。香港店充滿少女心，柔和的燈光，以䁔黃色為主調，佈置加入雞蛋元素，安坐在舒適卡位，吃一口滑溜蛋包飯，充滿幸福感。日式咖哩炸蝦蛋包飯$178炸蝦酥脆可口，金黃滑溜的蛋包飯，覆蓋着熱呼呼的炒飯，切開蛋包飯，嫩蛋慢慢流瀉，令人食指大動。炸蝦肉質彈牙，口感飽滿又脆卜卜，為米飯倒上日式咖哩汁，每口飯都有濃厚咖喱香氣，滋味吸引。日式照燒雞扒 $198照燒雞扒以鐵板盛上，倒上燒汁香噴噴，緩緩切開雞扒，肉汁豐盛，質感軟嫰，配上燒汁的調味，香濃肉香在口中散發。香口薯塊吸收了肉汁精華，啖啖細膩、滋味。期間限定: 日本草莓梳乎厘班戟 $148 震騰騰的梳乎厘，空氣感十足，用叉輕輕按壓，質感軟綿綿。入口洋溢誘人蛋香，配上鬆軟的忌廉，奶香柔滑，令人甜絲絲。伴以鮮甜的草莓果肉，滿滿幸福感。士多啤梨奶昔$78/ 凍朱古力 $42奶昔夢幻粉色，表面鋪上蓬鬆的忌廉及士多啤梨，快快拌勻後，入口綿密柔順，草莓甜香充滿口腔，飲到粒粒草莓果籽，舒爽甜蜜。朱古力濃濃醇滑的奶香，美味吸引

終於抽個空黎食呢間來自東京45年老字號蛋包飯專門店！ 點解咁想試都真係有原因的，因為次次經過都排晒長龍實在好好奇係有幾好食。😍聽聞呢間滿天星於 1978 年由日本昭和天王御廚 秋山徳蔵的入室弟子 —— 窪田好直創立，總店係日本東京麻布區，是多年黎極受日本食客追捧的著名老字號日式蛋包飯，通關後都未去到日本既我，心血來潮想食蛋包飯就去試試吧❤️1. 蒲燒鰻魚蛋包飯 （香港限定)好耐無食鰻魚 ，睇menu大大舊又肥美好吸引，今次就order 黎試下，絕對冇失望啊 ! 鰻魚大大條肥美而不膩， 醬汁份量岩岩好， 仲帶點蜜糖既甜味！聽聞呢度既蛋包飯會用3隻蘭王蛋，所以顏色偏橙，食落有微微蛋香味，口感嫩滑， 切開個飯再仲見到驚喜😍 原來唔只係白飯！入面有細細粒既香姑、魷魚粒🦑、蟹柳、粟米🌽，撈埋鰻魚同蛋一齊食 ， 真係好豐富，口感十足！ 咁大份一個女人仔真係食唔晒 ，好彩個朋友仔share食！ 👯‍♀️2. 鐵板雞扒因為唔係太食牛肉，所以點左個雞扒，賣相都算精緻，有西蘭花，椰菜花，紅蘿蔔同薯菜伴碟，雞扒熟度剛好口感軟滑，店員上餐熱辣辣係你面前淋上秘製肉汁，小窩心既係驚食客彈到衫，所以有圍裙提供。❤️ 3.

位於海港城海運大廈< 𝐌𝐚𝐧𝐭𝐞𝐧𝐛𝐨𝐬𝐡𝐢 >, 一間蛋包飯專門店, 於1978年由日本昭和天王御廚的入室弟子創立, 受到日本食客追捧, 香港當然也不例外。ᴇᴇʟ ᴏᴍᴇʟᴇᴛᴛᴇ ʀɪᴄᴇ $²⁴⁸蒲燒鰻魚蛋包飯, 來自九州大分縣呈橙色的蘭王蛋, 包裹粒粒分明的白飯, 面層放有嫩滑無骨的鰻魚, 份量十足。ᴊᴀᴘᴀɴᴇꜱᴇ ʜᴀᴍʙᴜʀɢ ꜱᴛᴇᴀᴋ $²³⁸熱辣辣的鐵板放上日式漢堡扒, 以鹿兒島和牛及北海道和豚, 其搓成一個餅狀, 面層再散上滿天星秘製肉汁, 充滿啖啖香氣。ᴄʜᴏᴄᴏʟᴀᴛᴇ ʙᴀɴᴀɴᴀ ꜱᴏᴜꜰꜰʟᴇ ᴘᴀɴᴄᴀᴋᴇ $¹³⁸朱古力香蕉梳乎厘班戟, 以日本新鮮農場雞蛋用心製作, 入口即溶, 超級鬆軟。而朱古力醬非常濃郁, 整體水準完全比得上日本, 這個推薦!ꜱᴛʀᴀᴡʙᴇʀʀʏ ᴍɪʟᴋꜱʜᴀᴋᴇ $⁷⁸士多啤梨奶昔, 面層放有香滑忌廉及果肉, 帶有甜甜士多啤梨香味。ᴍᴀᴛᴄʜᴀ ᴍɪʟᴋꜱʜᴀᴋᴇ $⁷⁸抹茶奶昔甜度適中, 亦很好喝呢。グリル滿天星 (尖沙咀)📍尖沙咀海港城海運大廈3樓OT301-301A號舖

朝聖呢間開喺日本東京麻布區嘅日本老牌洋食店「グリル満天星麻布十番」，過江嚟到香港落戶harbour city 海運大廈。好記得餐廳開幕初期，嗰條塞滿1/3個小長廊嘅人龍都幾震懾本人，心諗「蛋包飯啫！」。試過後我嘅結論係「蘭王雞蛋係make the difference💁🏻‍♀️」。首先，淨睇個唔駛用PS推高飽和度嘅自然鮮艷色澤就夠激發食慾，半熟蛋漿喺燈光下又真係閃令令㗎喎(lighting 方面好吸力，果然係司馬昭之心🥴），打卡大fit！開動發現係有誠意嘅日式西洋炒飯底，忽然令我憶起細個食西炒飯嘅畫面(證明我真係少食飯，小小事都回憶重啟👆🏻），心底嗰浸童心未泯嘅感覺出晒嚟，私心加分。分別叫咗兩款蛋包飯 — 「日式咖喱吉列豬扒蛋包飯」同香港限定嘅「蒲燒鰻魚蛋包飯」，前者係最經典嘅組合，豬扒係少少半肥瘦，入口有少少脂肪香。口感未到入口酥脆，但如果你鍾情厚身炸粉漿賦矛嘅紥實口感，呢個豬扒就幾啱你。我個人鍾意鰻魚多啲，原條夠靚仔，口感爽彈而且蒲燒汁不多不少，唔會太濃或死甜，味道剛好，加上冇咁熱氣😂😂😂。」記得有一集嘅《孤獨的美食家》又係講芭菲，同一情況面對幾款甜品pancake、奶昔同芭菲終須深

難得同老公拍拖梗係要去特別嘅餐廳啦！今次去咗東京45年老字號蛋包飯專門店食咗佢哋嘅必試菜式：香港限定嘅蒲燒鰻魚蛋包飯！蒲燒鰻魚蛋包飯 $248第一次食咁多汁嘅鰻魚，炭燒過好香！佢哋用蘭王蛋，係日本嘅蛋王！母雞飼養方面好有講究，而蛋色係橙色，難怪蛋味咁香同濃郁！真係絕配，難怪係必點，好大條魚！啱晒重口味嘅人！日式漢堡扒 $238鹿兒島嘅優質和牛同日本北海道嘅和豚搓製而成！啖啖肉，好好味！鐵板可保漢堡扒同肉汁熱辣辣，見到真係流晒口水。日本草莓芭菲 $118雪糕配waffle片好match！我好鍾意佢一層一層唔同嘅質地。最頂嘅係忌廉，到雪糕，然後到一餅乾碎，最底就有啲啫喱粒。有新鮮士多啤梨，雪糕又唔會太甜，做飯後甜品一流！藍莓芝士蛋糕奶昔 $78甜度適中，好濃郁，好creamy嘅藍莓奶昔！係我好鍾意嘅pastel藍色！！我真係第一次飲嘅奶昔唔會塞住喺條飲管到。好容易入口！

每次經過都見到好多人排隊，今次特登黎試下。點知伏到喊😓嗌咗份鐵板西冷牛扒，3成熟，點知切開全熟咁濟。。。啲肉又薄又‘鞋’，瞬間冇哂mood（所以切開都唔想影了）茶餐廳質素，唔會再黎喇😖😖😖😖btw pancake係ok嘅

經常咁多人排隊，諗住應該唔錯入到去見餐牌，蛋包飯大部份都$200起叫左碟鰻魚蛋包飯$248 及黑豚肉咖哩飯 $188，加一杯野飲食落完全唔係特別好食，肉太肥，食緊舊肥豬肉都唔使同日本普通餐廳比較，但呢個質素同價錢我不如食CoCo，起碼一定唔使$500唯一好處條鰻魚都夠大條，但蛋同飯都唔太得早知叫個明太子意粉，好似仲吸引啲，加上價錢又平啲係港威商場另一間日式餐廳更好食，雖然都要排隊，但時間好值錢，排間好食啲既唔好？最後都廢事叫甜品