研香

Open Now

Now Closed

啱啱喺尖沙咀睇完戲，見到竟然有間新開嘅中式甜品店，頭先食完飯都消化晒，更何況甜品有另一個胃😍💞開心果露👧🏻呢款中式糖水好少見到有，估唔到竟然比我食到😍，本身都幾錯意食開心果，次次新年都必食大量開心果，呢款糖水都幾香開心果味，而且入口都幾滑身，有驚喜🤩💞芝麻糊👦🏻男朋友揀左個大路啲嘅芝麻糊，不過芝麻糊都好濃下，唔會太甜，有啲沙沙地嘅口感。另外仲有得自己再加芝麻，咁就更加香啦😍之後都會繼續返嚟食糖水，仲有幾款中式糖水睇落都幾吸引❗️

今日天氣咁凍，行街行到攰，飲番啲熱糖水就夠晒滋潤啦！我就簡佐呢個蛋白杏仁茶，手工製造！杏仁茶白滑細緻，滋潤美肌，味道非常甘甜，加埋蛋白，又白又滑，好似花膠燕窩咁滋補，飲完真係抗衰老呀！尤其是冬天飲，仲要潤肺添，對身體好好呀！另外媽咪就叫佐腰果露，呢度既腰果係鋪頭自己磨出黎，特別有質感，煮出黎幼滑滋潤，非常滑溜，好似絲咁滑，亦都好香腰果味，好甘味，腰果本身磨之前有炒過，所以特別香，非常滋補，又美味可口！

打開餐牌 ，都有好多特式而出面少有的糖水，很多款。。。例如：開心果、老龍眼冰。。。蛋白杏仁茶，通常要試一間店舖嘅水準，我必定嗌呢一款，因為功夫好多，滑唔滑就好睇師傅嘅心機啦！！！ 呢款蛋白杏仁茶，我都試過整，要隔好多次杏仁渣，先可以像這間店的水準，咁滑🥊🥊！ 與其搞咁多嘢！都不如你依家度食仲好啦！🥊🥊腰果芝麻， 呢本補身到不得了，腰果補腰，黑芝麻補頭髮， 呢一款出面都係好少有，所以我特別叫咗嚟試試🥊🥊。 腰果味很重！濃濃腰果味中，又散發出芝麻香。🥊🥊

糖水時間同好姊妹去食個靚糖水傾吓計莫過於最開心•芝麻糊豆腐花芝麻糊好香好滑再拼埋豆腐花食 簡直係一流加埋湯圓 大滿足💓鍾意食中式糖水嘅要黎試吓❤️‍🔥❤️‍🔥❤️‍🔥

Walked by Hau Fok Street and got attracted by their desserts. At first I wanna try both their signature Pistachio Paste Tofu Pudding and the 🍨 Durian Sorbet, but was too full and could only tried one of them🥲. But I will visit them again soon for their Durian Sorbet!---▪️🍵 𝑷𝒊𝒔𝒕𝒂𝒄𝒉𝒊𝒐 𝑫𝒆𝒔𝒔𝒆𝒓𝒕 𝑺𝒐𝒖𝒑 𝒘𝒊𝒕𝒉 𝑻𝒐𝒇𝒖 𝑷𝒖𝒅𝒅𝒊𝒏𝒈招 牌 開 心 果 豆 腐 花 $48As their signature item, the dessert was made with the imported Italian Pistachio with using a specific stone mill. The paste was aromatic with the nut's fragrance, smo

近幾個月先喺厚福街開業嘅糖水舖♨️研香♨️其實之前一直都有喺各區做糖水團購，累積唔少食客支持👫🏻👭🏻👬🏼見到佢哋終於打出名堂，開到屬於自己嘅實體店，全歸功於店主每日都花大量時間鑽研同提升每碗糖水，真心佩服🙏🏻《開心果露》店主採用純正意大利🇮🇹開心果，不計成本，務求俾到食客最好嘅用餐體驗🍵每日新鮮將開心果研磨成糊狀，色澤亮麗有食慾，將平凡做至極致🙌🏼《研香茶餐》兩款秘製多士醬更加可以睇到店家嘅認真🍞堅持手工製作，研香開心果醬甘醇濃郁，慢磨芝麻醬同時帶有芝麻碎片嘅細緻口感👄希望遲啲可以單買多士醬，幾時都可以食得到🤝

放假嚟到位於尖沙咀既甜品鋪✨研香✨簡潔的裝飾，行自然風路線，好光猛。係一個旺區中頗有人氣，間中好多人排隊。佢既甜品都做得好一絲不苟，使用天然食材。如果你一路都搵緊一間好食嘅甜品舖，呢間就啱你啦😋😋呢間甜品鋪出餐速度算快，經Qr code落單後無耐都到✨芒果西米露✨食落好清涼消暑，好有鮮奶同椰汁味，芒果一粒粒好繽粉令人食指大動，酸甜既水果，好有營養，淡淡清新口感，新鮮好食。整體做得好精緻用心❣️✨腰果露✨上桌時見到有好足料既腰果，充滿果仁香氣。好滑，微稠，好有濃香，暖暖好滋潤！入口濃郁，夠大碗！好好食❣️總結一下員工服務態度親切，加分！呢間甜品鋪賣點健康養顏，用心研製既糖水，熱食既溫度都好夠，想食糖水就記得過來啦💯💯

傳統港式糖水賣少見少，大家都一窩風去食芋圓刨冰芭菲等新式甜品😔可幸仲有一啲有心人願意重新包裝港式甜品，保留傳統得嚟，又用貼近年輕人風格嘅裝修同擺盤呈現一碗又一碗經典甜品🥹芝麻糊➡️質地非常濃稠而且滑順，一入口就喺口入面化開🫢用上8個鐘慢磨芝麻，如果想再增強味道，建議可以落埋一旁嘅原粒芝麻，昇華味道同口感😋蛋白杏仁茶➡️外觀呈濃稠嘅奶白色，入口柔和滑順，帶有淡淡杏仁香😌杏仁同蛋白已經完美融入喺依碗甜品入面，兩者嘅比例剛剛好😉如果你都係港式甜品愛好者，一定要多多支持依間有誠意嘅小店➡️研香，等佢哋可以將港式甜品繼續傳承下去😘

🧊榴槤冰🧊🥄通常鐘意食榴槤既人，一係就好鐘意，一係就會好討厭，而我就係勁鐘意食榴槤，見今日開始熱返，呢個榴槤冰有好多，啲冰疊到好高，放入口時入口即溶，然後散發著陣陣飄香，真係好好食，另外仲有西米，提升埋口感😍😍😍😍😍🥜開心果露🥜🥄開心果本身營養多，食多啲都唔怕，佢既顏色比開心果較為深色，落足料有好香既開心果味，而且最重要係味道剛好，唔會太甜，啱我口味😍😍😍😍😍今日連同男友一齊食糖水🤣咁啱附近都無啱心水，唯一見到呢度好多款都好吸引，店裡面都有一兩枱食緊，🤣咁就更加放心係度食啦，不過食落去又真係如我所想，🤣好好食，而且價格合理，🤣不過最後是男友埋單好味指數🙌🏻🙌🏻🙌🏻🙌🏻🙌🏻🙌🏻🙌🏻地點方便🙌🏻🙌🏻🙌🏻🙌🏻🙌🏻🙌🏻🙌🏻

價錢合理☑️☑️☑️☑️☑️質素☑️☑️☑️☑️☑️🥹之前一直都係國外工幹，好耐好耐都未試過香港既糖水店，尖沙咀有一間糖水店，就近食完午餐，再行一陣街，然後入去坐一坐，第一眼望門口燈光好柔和舒服，被佢吸引，入去時店員即時招呼然後呈上餐牌，見到餐牌薄好靚，內容中有文字也有圖片，清楚易明，😎開心果露😎好特別，早前一直都未見過，我諗係招牌糖水，於是叫了一碗試試，等侯既時間都好快，糖水好溫暖，原來佢上面既開心果可以另外無限添加，咁真係唔錯，飲第一啖已經有開心果味道，而且好有質感，加埋啲開心果一齊，又加添了一種層次，今日既Me Time好滿足，不經不覺已經享用完，😉呢度既服務都相當好，店員做事有效率，而且好熟手，😉日後有機會再食其他 

有時一班人食完飯，總會想食碗糖水先至散，尖沙咀雖然好多甜品舖，但好多都食pancake或者台式為主，糖水選擇唔算好多😵‍💫😵‍💫每次經過研香望到佢menu都好想試吓，今次有機會平日唔洗等位，終於食到我心心念念嘅開心果豆腐花！！！😻朋友就揀咗好耐，又想食冰又想食楊枝甘露🤣最後都係揀楊枝甘露！開心果露好香，雖然要40幾蚊，但一向開心果甜品都係比較貴，呢一碗我覺得非常值得！開心果露好滑、亦非常之香，係高質嘅開心果甜品！如果大家鍾意食開心果，真係一定要試下🥰朋友叫嘅楊枝甘露都好香，好多時外面食到嘅楊枝甘露西柚都會苦，但呢度成碗都好香好甜！下一次尖沙咀食完飯我一定會返嚟encore 🥰

🌞🌘🌞榴槤冰，夠臭（講笑咋！榴槤迷一定覺得好香……好香……）。 榴槤味極重，榴槤肉極🈵️🈵️🈵️！！！冰冰凍凍嘅刨冰，啱曬春天濕濕立立嘅天氣，好透心涼！ 刨冰雨綿綿，一層一層，好夠凍🆘️。🌞🌗🌞龍眼冰，飲品我飲得多，估唔到可以成為一大碗甜品，好正！！～好滿足！！～龍眼肉，好甜，龍眼肉厚厚的，白色雪，好補身！！～🚿🪠估唔到一家小店，都有咁嘅質素。價錢合理，座位都乾淨、衛生。慢慢坐傾下計店員都好歡迎👏👏👏👏

同朋友行街行到咁上下有啲攰🥹，就見到呢間甜品店睇落好似都幾吸引，咁我哋就入去食個糖水先😋✨薑汁湯丸💯本身身體弱🥲，今日又大風，吹到個人好凍，所以就揀左呢個薑汁湯丸😋，薑汁味道辣辣地，又夠甜，再加埋大大粒湯丸食，好滿足，成個人暖返哂😳✨腰果芝麻💯朋友心大心細想食腰果露又想食芝麻糊，呢個腰果芝麻就岩哂佢，唔洗煩😂 腰果露同芝麻糊兩溝味道又有驚喜喎，估唔到咁夾🙆🏻‍♀️。仲要質感都幾滑，稀稠度岩岩好，非常足料。整體嚟講，性價比好高，環境坐得舒服，下次都會再想回訪試吓其他甜品😋

剛同媽媽一齊係尖沙咀剪完頭髮💇🏼‍♀️又未夠鐘食晚飯🍚於是是但搵一間糖水店坐低食個下午茶，最新有好多人落黎香港購物🛒所以人流都相對較多，職員好有禮貌地就下一張枱到我地🎇咁我地就等下，見到職員親自抹枱，然後就叫我埋去坐！！芒果西米露！☸️呢度既職員做事都有效率同爽快，落單後好快就有🉐食，每次一見到芒果西米露一定係會食，食足咁多年都無改過，裡面既芒果好清甜，全部都大大粒架，份量都好多，同時西米都有好多，食一啖成口都充滿著西米，好食到停唔到口！薑汁湯丸！☸️已經被佢啲湯丸吸引住，裡面既薑汁做到好到位，好重薑味，飲到身體暖笠笠好正阿♒️湯丸都係勁好食阿，入面既黑芝麻真係好豐富，食到成個咀都係添，薑汁同湯丸真係好夾阿 ！

🧊榴槤冰一個好足料好大份既榴槤冰，榴槤味一上枱就聞到，每啖冰都有榴槤味，仲要真係有榴槤肉係度，陣陣榴槤既甜味，加埋甜甜地既爆珠，成碗冰口感好好，又綿密又爽口，大大碗好滿足！🍼蛋白杏仁茶一個好養顏既糖水，平時我好驚飲杏仁茶，因為好驚會整到好苦好難飲，但見到呢度係蛋白杏仁茶，呢排皮膚又差咗，就特登叫黎試吓，估唔到完全冇苦澀味！淨係飲到好香好甘甜，煲得好好，成碗都好幼滑，因為有蛋白更加細滑，熱辣辣既一碗糖水，飲完即刻覺得靚咗！