久両菜

Open Now

Now Closed

今晚同屋企人去食飯，本身開開心心去食佢個炸蠔餅，點知俾佢啲服務攪到唔想再幫襯！我哋好早去到，六點幾用餐，食到飽飽，傾吓計諗住抖下再食埋未食完嘅嘢，當時隔離左右後面都仲有空枱，外面都無人排隊等位，有個女侍應，頭髮到膊頭位嘅女侍應埋嚟話”食埋啲嘢先啦”，我哋4個都呆左，我答佢我訊息哋等陣會食！我想問翻，你入場有無話限時？而且我食都未夠一個鐘喎！壽司郎都唔會埋嚟叫係食快啲呀！呢啲係咩服務態度？咁巴閉限時啦！半個鐘要人食完起身啦！一個鐘未夠你咁樣態度？我唔會再幫襯你！

食物好細碟，魚，要5百元，不是好食到呢d價錢，鹵水過，醎最差是服務態度，90分鐘用餐，不用黑住臉說你們差不多夠鐘，但有吉枱，應該不該不會有下次。呢d價錢，可以有其他選擇。

中環街市一家新潮的潮州菜，佢D野碟頭比較細，所以可以叫多D野試，就好似我地兩個人就叫了四個餸。蔥油腐竹係呢度嘅廚師推介，算係餐前小食，味道唔錯，清清爽爽咁。春菜雞煲就頂替咗平時嘅炒菜，佢D春菜都幾新鮮，個湯唔太鹹可以飲埋佢。糖醋麵真係好食，不過係花時間整嘅，所以如果要叫就最好一坐底就叫咗先，然後先至慢慢睇其他餸菜。個麵夠香脆，食得出用高湯燴過嘅味道。普寧炸豆腐都唔錯，入面嘅豆腐都算滑。呢度嘅茶位比例驚人，要$18一位，仲要加一，即係差唔多$20一位。

聽呢間餐廳個名聽咗好耐今日終於可以有機會試到，新派嘅包裝去做懷舊嘅潮汕風味菜果然係別具特色。要講潮汕風味點少得佢嘅鹵水鵝，我哋叫咗個鹵水鵝肉拼鹵水豬手，佢個鹵水都幾香，份量亦都畀想像之中多，始終呢啲新派嘅餐廳有時畀啲份量好得人驚㗎。你煮食就叫咗糖醋麵，落單嘅時候是話我哋知要等45分鐘，搞到我哋好期待，佢個糖醋麵又真係唔錯，煎得夠薄夠脆又唔會太過油膩。佢啲裝修都幾有特色幾靚㗎，價錢略高但係味道同埋服務都滿意嘅。

呢間嘢點解可以開係中環，呢鑊真係搞兩錯，我1150入去話十分鐘兩個人就齊，佢叫我喺出面罰企，我知道午市多人，但係我見到裏面大把空位， 我講明話十分鐘齊就一定齊，叫我企喺門口， 馬上掉頭走 幾好食都係假，潮州佬,返去北角深水埗開舖啦，中環講禮貌唔啱你，扯把啦

中環街市有一間潮州菜館叫久両菜，係煮D 新派慢煮滷水拼盤有潮式凍魚有生醃海鮮有反沙芋有煎蠔烙，佢都有LUNCH SET的，係食打冷的，招牌係由邵師傅特別調製的邵師傅辣滷水，滷水豬雜，有加入了潮州南薑、四川花椒等香料，味道增添麻香滋味。其他滷水菜式還有滷水米鴨滷水墨魚滷水豬腩肉滷水豆腐，LUNCH SET得好少滷水同肉肉的。久両菜地址：香港中環德輔道中80號及皇后大道中93號中環街市一樓124至125號舖

高肥男收銀員態度極度惡劣,沒有耐心, 影響就餐體驗,收服務費但0服務,以後不會再光顧 請整頓人員態度, 態度非常惡劣,不會推薦。十分痛苦不堪的體驗, 該男服務員缺乏應有的服務態度，實在失望。

🥰 大學時期, 某 學長 經常講 “久両菜”, 聽到一頭霧水, 原來佢意指 “攪L錯”. 早前聽聞 中環街市 新開咗間潮州菜, 取名 “久両菜”, 真係咁大膽?📖 翻查資料: 原來 “久両菜” 意指 抵食夾大件. 聽講港式中餐 “例牌” 嘅主料為 “六両”, “九両” 即係 “例半”, “九両菜” 當例牌菜上枱, 物超所值, 九變久, 取其長長久久. 英譯 Gu Liang Cai.🏘️ 餐廳位置中環街市一樓, 半開放式, 即係路人甲乙丙都可以睇到食客, 設多張圓枱方枱, 部份單邊梳化位, 裝修擺設扮懷舊, 又霓虹燈, 有趣!📖 餐廳屬 Lubuds 集團, 由名廚邵德龍師傅夥拍潮州師傅主理. 今晚點咗幾道熱門菜: 鵝片, 鵝肝, 潮州生醃蝦, 金不換花甲煲.🥰 鵝片 併 鵝肝, $198. 鵝片, 第一啖鹵水味道吸引, 鵝肉唔勒, 但鹵味唔入肉, 又缺乏甘香. 鵝肝, 非常軟棉, 雪糕口感, 可惜食落內外有溫差, 鹵味又係攻唔入, 失望!🦐 潮州生醃蝦, $188. 喂, 真係唔夠味喎. 配汁偏淡, 又黐唔住隻蝦. 🐚 金不換花甲煲, $228. 花甲啱啱熟, 肉嫩鮮美, 金不换提鮮

作為中環返工嘅打工仔，真係時時刻刻都要搵平靚正嘅午餐🤭🤭介紹下佢哋既精選午餐飯盒我都食過好幾次，雖然每次都係鵝件切雞飯但其實都好抵食同埋好味，仲會跟一個例湯我覺得佢嘅例湯唔多味精幾好飲

(又時光倒流寫食評先😜😜）20/10/2023今晚同10月份生日朋友慶祝去咗中環街市一間新開嘅潮州菜‘久両菜’五個人叫咗：滷水鵝片： 滷水入味、鵝片份量足夠、墊底豆腐都好食。煎蠔烙：炸得香口，雖然蠔仔數量唔想話十分多，但係每隻都好大粒。糖醋麵：表面夠脆，但內裏啲麵有啲濕，但係整體上都好食嘅。蜆介鯪魚球：鯪魚球係新式的，入邊唔夠彈牙。蜆介味道出色。炸軟殼蟹：炸得好吃，如果可以配埋沙律醬就更加好😬蒜蓉炒生菜：正常發揮食物都唔錯、環境主打懷舊款、播嘅歌都係懷舊嘅 （歌曲好聽、不過咁啱我哋坐正喇叭下邊，所以好嘈🫣🫣）、侍應除咗門口帶位(完全吾識變通）嗰個之外，其他都好好。暫時冇限時。

每次路过中环街市，都会看到这家潮州菜餐厅，这次，终于有机会前去打卡啦～买完单之后，不得不感叹，香港的物价真的高，明天继续过深圳吃喝玩乐，hiahiahiahia～.🍃关于环境：这家餐厅位于中环街市一楼，总体环境ok营造出了潮州大排档的感觉，氛围满满座位还是很丰富的，还有超大大圆桌，适合大部队聚会生意很好，还等了一会儿位💁关于服务：不得不说，这家店的服务还是很ok的算是人手比较足的，虽然生意爆满但大家也都游刃有余…会主动给孩子拿宝宝碗，还会主动添茶倒水🦆关于出品：💗卤水鹅肠 💰168OMG！！！太好吃吧！其实就是想吃卤水鹅肠才pick了这家店果然没有让我失望卤水咸淡适中，相当入味🤣沙茶牛肉 💰168请避雷………太咸了！！！虽然牛肉很鲜嫩，但调味实在是太咸了💰18大洋的米饭🍚硬是又多叫了一碗（这个米饭的量原本也确实有限，很小一碗，根本不够share）💗椒盐九肚鱼 💰158很好吃，但是上得很慢……其他菜都吃完了，它才来外皮相当的酥脆面衣轻薄，不会过于厚重里面的九肚鱼嫩得很.出品很不错，味道相当ok就是下次不点米饭了，点白粥………这样一来…💰20被强迫下单的咸菜铺也能派上用场了

環境同餐具雖然係刻意營造，但係相當有氛圍另外，歌單相當有年代感，我都只係識好幾首甘大把值得一提，員工服務態度無可挑剔，眼看八方耳聽四方，細聲講都未叫想要咩，佢地黎已經拎埋俾你！我真係好耐冇試過食大排檔係配飲支裝汽水，爽！冇記錯佢嘅三寶又名（唐三藏）絕對值得叫！韭菜鵝紅合理，糖醋麵比想像中好食如果唔係得兩個人，係想叫多啲餸，值得一讚，上菜速度奇快呢度真係一個好神奇嘅地方，室內中環街市，嘆住個冷氣，但係食緊大排檔嘅食物，怕熱嘅朋友們，你哋有新地方了總括嚟講會再返轉頭食，仲有好多嘢我都想試，希望你地可以保持到一貫嘅水準💪

最近探訪了中環的'久両菜'，這裡不僅是名廚邵師傅與潮州師傅的巧妙合作，更是潮州菜與西式低溫烹調的完美結合。在這裡，我們品嚐到了秘製潮州鹵水和手工潮州菜，味蕾被徹底征服🤩'久両菜'不僅是一個享受美食的好去處，更是一個放鬆聊天的理想場所。這裡的80年代復古感設計讓人倍感舒適，就像是摩登潮州大排檔一般😊1. 蔥油拌鮮腐竹：🌱🍲 新鮮腐竹淋上師傅自家提煉的香濃蔥油，口感滑嫩，香氣撲鼻，是一道開胃的涼拌菜。2. 潮州生醃蝦：🦐🌶️ 新鮮的生醃蝦肉質鮮甜，配以特調的生醃汁料，口感爽脆，帶有微辣的風味，是海鮮愛好者的必嚐之選。3. 凍花蟹：🦀❄️ 鮮嫩的花蟹肉質配上米醋，清爽提味，帶有微微的酸甜，是一道清涼可口的開胃菜。4. 去骨鵝頭頸：🦢🍖 鵝頭頸肉質軟嫩，帶有些許甜味，搭配獨特的調味，口感鮮美，適合喜歡淡淡肉味的人士。5. 滷水鵝肝、拼鵝腸：🦢🍴 鵝肝滑嫩，帶有甜味，鵝腸爽脆不油膩，是一道豐富口感的滷水菜品。6. 椒鹽九肚魚：🐟🌶️ 外脆內嫩的九肚魚，搭配香氣四溢的椒鹽，口感香脆，是一道經典的潮州炸菜。7. 脆煎蠔烙：🦪🔥 香脆的蠔餅外皮包裹著鮮嫩的蠔肉，口感酥脆，是一道美味的小吃。8. 春菜雞：🐔🌿

同事之前食過覺得好食再次幫襯，因為 farewell 同事一行三人選擇這間，很早已經要排隊，但安排座位有點不公平，不過職員態度很好，而且理論完就算了，最後，我們等了半小時，入座後點好食物，職員給我們單據時，送了小食和給予九折，我們深感意外，完全沒有想過！食物真的有水準，也很大碟，身為潮州人的同事極力推介春菜雞煲，他說就像媽媽煲的一樣好喝，以潮州食店來說，午餐真的很抵，因為餸和飯也足料，所以一定會再去。

呢一間潮州菜有少少復古嘅味道，裏面都係播緊一啲70，80年代嘅歌，見到廚師都係上咗年紀嘅老師傅。裝修都係用緊霓虹燈去介紹佢哋嘅招牌嘢食。午飯嘅碟頭飯一般，但係蠔餅真係好出色，炸得好鬆脆。This Teochew cuisine restaurant has a bit of a retro vibe, with songs from the 70s and 80s being played inside. You can see that the chefs are experienced older masters. The decor also makes use of neon lights to showcase their signature dishes. The set lunch is average, but the oyster pancake is really outstanding, fried to a perfect crispiness.