古早牛肉麵 (Closed)

很久沒去台灣旅行，途經深水埗看到這家店很有台灣風味，就被吸引進去了😍這個紅底白字的牌是不是很親切😆價格很親民。🍜招牌半筋半肉湯麵$63湯底很美味😍 香濃鹹甜味道是正宗台灣風味，還嚐出了我喜歡的花椒八角😋牛肉軟腍，牛筋彈牙😁 超大一塊蘿蔔也很吸睛👀記得要加辣菜脯，更美味🤤🥞起司蛋手抓卷餅$36去台灣必食的蛋餅😍 起司雖然不是拉絲那種，但🧀味道仍然相當香濃☺️熱騰騰的鬆脆蛋餅包裹著爽口蔬菜🥬，口感超好的🤤🧀輕芝士岩鹽奶蓋烏龍茶$27說是輕芝士，所以這奶蓋比較薄身一點，喝下去沒有罪疚感🙊🍵茶香很突出，不會被奶蓋掩蓋，少甜的甜度適中👍🏻.🥛黑糖珍珠奶茶$25忍痛選了半甜，驚喜發現還是很好喝😳黑糖本身就很甜很香，奶茶也很香滑😋

深水埗區不嬲多美食，呢間位於黃金商場附近，門面好shape醒，望過吓價錢又唔貴，就入嚟解決晚餐！餐廳內外裝修都幾有特色，不過座位就偏窄少少。食物選擇雖然得兩面餐牌，但係選擇都唔少，最緊要係價錢唔貴，叫多幾樣嘢食都唔會覺得心痛！胚芽奶茶 $21 揀咗少甜，唔錯，真係有係台灣夜市飲嘅奶茶味道古法滷水大雞腿乾拌麵 $55 配咗麻辣醬，果然冇對唔住佢個名，真係大雞腿一隻，由於大雞腿都容易有醃唔到入味嘅問題，呢度呢個問題唔算大，肉嘅味道都OK，配搭麻辣味嘅乾拌麵，食慾大增。招牌紅燒牛肉湯麵 $59 食得台灣野，又點可以唔食紅燒牛肉麵？份量適中，配料有蘿蔔、牛展，牛展己有咬口，部份位置大少少筋，蘿蔔索到湯汁，$59收貨！蚵仔煎 $46 至於呢款就有少少失望，外層好厚及黏稠，口感較遜，入面蠔仔不多。

次次經過深水埗，見到呢間台灣嘢都覺得裝修得好復古，想搵個機會去試吓，今日陪另一半出深水埗睇電腦，終於去試。環境 裝修設計有花過心思，內部設計到好似喺台灣夜市嘅餐廳咁，幾有特色。餐牌 價錢十分相宜，食物最平20幾蚊就有交易，牛肉麵$60都唔使。招牌紅燒牛肉湯麵 $59 有牛腱、蘿蔔，都幾足料，牛腱有4,5件，麵質幾彈牙，湯頭正常，$59來講都算抵食。古法滷水大雞腿乾拌麵 $55 可以揀肉燥或麻辣醬，身為嗜辣者硬係揀後者 。雞脾好大隻！滷水汁都醃到入肉，唔會有雪藏味，撈匀麻辣醬乾拌麵好正，辣辣地帶點麻味好香胃。起司蛋手抓捲餅 $36 價錢相宜，餡料加咗好多沙律菜，外層煎得脆香，內裡再加多d芝士就更好。肉燥燙青菜 $28 出街食飯會食少咗菜，所以叫返碟菜食下~輕芝士奶蓋岩鹽烏龍茶 $23 叫得輕芝士奶蓋，就無平時飲嘅奶蓋咁鹹，味道輕淡，配烏龍茶就清清地。總括然而，抵食嘅台灣菜，果然深水埗區又多嘢食，而且好多間食物都好平。

今日，好開心約咗朋友一齊去深水埗既古早牛肉麵食台灣菜～聽講呢間餐廳都唔錯，去到大約七點左右，店內仲有少量位置，入到去就有位坐，幾好～不過要去都係早啲去好啲，費事要等位😂我哋叫咗一人一碗麵：招牌紅燒牛肉麵同埋半筋半肉湯麵～啲面睇落都好吸引，價錢都親民，唔算太貴，大約60蚊一碗。招牌紅燒牛肉湯麵，有兩種面俾大家揀：湯麵或者米粉，我揀咗米粉，味道都唔錯，紅燒牛肉都幾入味，整體係好食嘅～我哋仲嗌左一個小食：魷魚，魷魚吹卜卜咁，味道唔錯，可以一試！之後我哋就嗌左一人一杯嘢飲：招牌珍珠奶茶同輕芝士岩鹽奶蓋朱古力，獨立包裝，好似平時出去飲連鎖店嘅珍珠奶茶一樣，個人覺得珍珠奶茶都幾好飲，啲珍珠軟硬適中、啲奶茶味道都幾好，唔會太甜又唔會太淡～總括而言，呢間餐廳係值得大家去嘅，經過深水埗嘅朋友可以去試一試，買單都唔使$200～正！

講到食台式牛肉麵，香港地可以選擇既食店話多唔多，話少唔少。想食台灣菜，好多人可能只記起茶x等連鎖式經營店。自己亦曾經幫襯過不少市面上大大小小食店，各店味道質素各有不同，有好有壞。剛好星期日和朋友閒逛深水埗有什麼新的電子產品，時值下午三點多下午茶時間，我和朋友都有點餓和累，發現福榮街有一家名為"古早牛肉麵"再看看路邊豎起的菜牌，價格也挺相宜，於是和朋友決定入去試試。進到餐廳後，發覺裝修挺有台灣風味，尤其是牆上的"煙"字，用上台灣的寫法"箊"字。牆上還有很多富台灣風格的畫作，當中也有警世語句，值得欣賞！說回最重要的食物部分，極力推薦這裡招牌的牛肉麵，簡直和在台灣吃的並無異樣，甚至有過之而無不及還有放在每枱上面的伴醬料，嗜辣的不要錯過朋友還點了一碗五寶丸湯，粒粒彈牙可口台式店怎能少了台式飲品，我聽隔鄰二枱都點了一杯叫"輕芝士岩鹽奶蓋巧克力"，心想可能很好飲，果然不出所料！

喺深水埗做嘢，諗住求其食個午餐，就入咗呢間餐廳。叫咗個鹽酥雞扒肉燥飯加蜂蜜烏龍茶，total$58，諗住應該都唔會難食得去邊，點知...份量係多嘅，但個雞肉入面係一撻撻粉紅色，一咬落去，勁腥！唔知係放咗幾耐嘅肉。個皮仲要完全唔脆，係淋嘅。好少覺得啲野好難食，但呢個係我食過最腥最難食嘅炸雞扒。肉燥係普通免治豬肉，乾柴，睇相都見到係無乜汁，而且無乜味。成個飯啲味都好淡。蜂蜜烏龍茶就幾好飲。總括而言，雞扒極伏，肉燥好乾柴加無味，野飲ok，環境舒服，但絕對冇下次。

{好正既古早牛肉麵}今日黎到深水埗呢間台灣野 古早牛肉麵 入面細店燈光通明環境舒服 門口有得外賣台式飲品 當然 喺堂食可以點啦！ 食物係用膠製餐牌 sidepen點野食夠哂環保 鹽酥雞扒 估唔到味道唔錯 夠哂台式味道🐤 外皮炸得好香脆但一 d都唔肥膩 而且佢個雞肉又夠 juicy唔會炸得太乾 好味 台灣珍珠奶茶 奶茶夠煙韌彈牙 奶茶味夠香 冬瓜茶都唔錯 ☺牛肉麵都好正。 牛筋足料彈牙 牛展好軟林 蘿蔔應該煮左好耐夠哂入味 仲送埋生菜 .牛肉麵 個麵都幾爽口彈牙 唔錯 另外 滷肉飯都好足料 飯粒彈牙 滷肉夠香濃 撈飯正 仲有 墨魚丸 滷彈 同入味既牛腩整體食物好味夠份量而且價錢合理 值得去食

餐廳裝修幾有台灣舊式既感覺，食物同埋飲品既價位都算實惠。半筋半肉牛肉麵，湯底幾夠味，牛展厚身，牛筋幾乎入口即化。麵質幾好，唔會過硬或者過軟，我個人黎講都幾鍾意呢種質感。長條蘿蔔，軟，但唔算太入味。芝士手抓餅就令人比較失望，個蛋漿好唔均勻，一啲位無，一啲位蛋黃，一啲位得蛋白，入面夾住大量椰菜椰菜椰菜，芝士好少好少，完全無拉絲，手抓餅索價近四十完全唔值，唯一可取之處只係餅皮算脆。炸花枝丸尚可，炸得剛好，有墨魚味。烏梅蘆薈綠茶做得唔錯，好有烏梅味，蘆薈份量足，茶底就普通正正常常咁。檸檬愛玉唔錯，始終唔係度度有愛玉，檸檬味唔算太重，應該無落真既檸檬。

深水埗有好多餐廳，乜嘢類型都有。見呢間以台灣牛肉麵做主題嘅餐廳有不少人推介，所以今次就專程嚟一試，滿足一下香港人思鄉之情~~~見到門面好企理，牛肉麵同埋台式飲品係店鋪嘅主打。 (PS 而家做緊優惠, 外賣8折)餐廳好重視台式飲品，如果唔想食嘢，都可以快手買杯嘢飲掃街。入面環境有種台灣嘅感覺，點餐方面，係自己劃完之後交俾侍應。我地坐底左試下佢嘅「招牌紅燒牛肉麵」，同埋我地都有興趣試下牛肉以外，其他食物嘅手勢，所以嗌左「鹽酥雞排乾拌麵」同「鹵水豆腐卜」。牛肉同雞排份量都好足，反而特別欣賞雞排，因為炸得好香脆，粉都不會太厚。麵質唔好太淋，而且好彈口，確實好食。小食方面，滷得好入味，豆腐卜口感好特別，唔淋同唔濕，出乎意料外好食。跟餐嗌飲品，飲品可以平4蚊，天氣開始轉凍，所以要左杯熱茉莉綠茶，飲品就正常表現啦冇話太特別。整體就係台灣嘅食物，香港嘅認真水準！

小店環境都幾乾淨企理，凳下面仲有置物籃可以放手袋，都幾貼心，入舖頭之前量體溫嘅都有做足，落完單食物好快就到。甘梅地瓜條$25岩岩炸起嘅地瓜好酥脆，地瓜嘅質素唔錯,份量都唔少，地瓜本身甜味已經好足夠，炸漿都幾薄，唔會攤涷左之後硬到咬唔到，配埋梅粉食減低左油膩感，酸酸甜甜好開胃。招牌紅燒牛肉湯麵$59估唔到牛肉居然用左少見嘅牛展，食落一啲都唔韌，份量都唔少。牛筋煮到超級軟腍，吸囇啲湯好入味。，蘿白好清甜，食落又無渣，可惜只係得幾舊。麵質值得一讚，粗麵掛湯得黎又無煮過時，仍然保留到麵嘅筋道。湯底唔係行清淡路線，食落都幾濃味，有淡淡嘅藥材香。如果想食辣枱面都有辣椒醬提供，不過我同友人唔食辣就冇試到了。鹽酥雞扒肉燥乾拌麵$58拌麵都係同一種麵，食落一樣甘彈牙，調味比較清淡，拌埋青瓜絲同肉燥食幾清爽。想食濃味啲嘅可以食牛肉麵，鐘意清淡嘅可以食拌麵，岩囇唔同口味嘅朋友一起食飯。臨走嗰陣大頭蝦嘅我地居然漏低左把傘，好彩店員叫住我地。整體黎講服務幾好，價錢唔貴，性價比唔錯。

成日都會去深水埗食麵，因為鋪頭選擇多又平。今日想食台灣野，就同朋友去咗間台灣餐廳食牛肉麵。我就叫咗半筋半肉米粉，個米粉係新竹米粉，所以我覺得好爽口好淋好好食。佢d肉同筋都淋，個牛肉湯雖然唔係話嗰種熬咗好耐嘅湯底但係都有牛肉味嘅，呢個價錢來講係算性價比幾高。鍾意食辣嘅加啲菜脯都幾正，試過都幾辣哈哈！我哋一齊叫咗個沙茶魷魚，佢嘅沙茶味都幾重嘅，魷魚都淋。朋友叫咗個珍珠奶茶，佢話平時啲珍珠會好un所以都好少叫珍珠奶茶，但佢話呢個珍珠唔算好大粒之餘都幾有咬口，有驚喜啊～我就叫咗個輕芝士岩鹽奶蓋朱古力，佢芝士奶蓋個份量其實唔算多，但係就幾cheesy，同埋個朱古力真係好濃味唔會話好似溝水咁，所以都幾滿意！呢個價錢黎講，係幾滿意！

今晚同細妹出深水埗，突然口痕想食台灣野，行行吓見到間古早味牛肉麵，於是我哋諗都唔諗就諗住入去試吓啦。我哋兩個其實都唔算太肚餓，主要係有啲口痕想食啲小食，所以我哋叫咗碗細雞肉飯、海苔炸雞扒同朱古力珍珠奶茶。等菜到嘅期間我四圍望一望間餐廳，發現間餐廳嘅裝修都好有舊年代台灣嘅風味，我都忍唔住影咗幾張相，唔講以為自己去咗台灣添啊。啲嘢食話咁快就嚟咗，個雞扒外脆內嫩，而且都好大塊好好食，碗雞肉飯細細碗但係都好飽肚，連埋少少雞油真係好惹味。朱古力珍珠奶茶意外地都好大杯，一個人飲都真係幾飽，飲得出佢係用咗可可粉去沖嘅，啱啱好中和返珍珠奶茶嘅甜味，我本身就唔係太鍾意過甜嘅珍珠奶茶，今次嗌左呢個微糖嘅朱古力珍珠奶茶，甜到就真係啱啱好啦。珍珠都好大粒好Q軟，美中不足嘅地方就係太少珍珠啦，好想再咬多啲珍珠。

呢日同同事出街食晏，由於🌧落雨嘅關係，所以我哋近近哋去咗福榮街搵嘢食。深水埗實在太多食肆，每間唔重覆食一次半年都未必食得哂，所以我哋都好耐冇幫襯過「古早牛肉麵」，大家經過舖頭均異口同聲話不如食佢。餐廳裝修幾有台灣工業風味道🇹🇼，用上唔少海報同有字燈箱作裝飾，幾啱打卡。中午時間餐廳好滿座哦！作為台灣菜館，肉燥飯、牛肉麵、鹽酥雞等通通都有得食。星期一至五更加有提供午市套餐同下午茶餐，包飲品一杯，抵啲👍。我哋叫咗一個飯同一個麵Share食，裝飯同麵嘅碗一樣咁大，所以🍚飯量超多，飯桶必食。鹽酥雞排麻辣醬乾拌麵($58)，乾拌麵可以揀肉燥或者麻辣醬撈，見到後者我哋就已經雙眼發光，因為係麻辣🌶。估唔到辣味都幾厲害(但麻味唔強)，好彩要咗凍飲，否則真係吃不消。鹽酥雞排🐔賣相吸引，味道亦同樣出色。原大塊雞扒拎去炸，再切件上，分成八小件。由於係雞扒，所以肉質比平日食開嘅炸雞粒嫩口，但外皮亦能保持酥脆兼入味😋。乾拌麵嘅麵係粗麵🍜，頗為少見，份量正常。同時，拌麵亦有加入少量青瓜絲🥒可以撈埋一齊食。特盛台灣牛肉肉燥便當($69)🍱，呢個飯嘅餸料相當豐富，包括牛腱、豬軟骨、貢丸同花枝丸。最重要係夠哂多飯，一定夠

如果唔係疫症，每年肯定會去2次台灣食下牛肉麵！最近終於可以有返晚市堂食喇，第一時間就黎呢間充滿台灣感覺的小店感受台灣風味！舖頭裝潢都好有舊台灣的感覺呀! I miss Taiwan!-半筋半肉米粉$59牛筋唔會韌，係好香濃嘅牛肉味！湯底好濃郁，帶點香料味道！份量十足！鐘意簡米粉，因為可以完美地索晒湯底！-嘉義雞肉飯$30上年去完嘉義，就愛上呢個簡單的雞肉飯。嘉義雞肉飯精粹在於蔥油，細細碗，岩哂我地可以一嚐口癮！-炸花枝丸$26炸得好香脆，好似去左夜市的感覺呀！-起司蛋手抓捲餅$36蛋香、蔥香、起司香，三樣野的配合剛剛好。裡面亦有大量的生菜，食得多都唔覺得油膩！-沙茶魷魚$29另一個必食小吃! 好入味，魷魚鮮脆爽口。-再嘆埋珍珠奶茶，簡直係1小時台灣之旅✈️

熊貓每年都會去幾次台灣旅行，但係今年去唔到台灣真係好唔開心😭😭😭幸好上天都對熊貓不薄，熊貓無意中喺深水埗發現一間非常好食的台灣牛肉麵店，可以令熊貓回想起台灣的美食滋味。入到店來，係台灣嘅感覺啊！！鋪內嘅裝飾都係充滿台灣嘅味道。不過最緊要梗係食物啦，果然沒有令熊貓失望！台灣美食最基本係啲乜？就係珍珠奶茶啊！一飲呢杯珍珠奶茶，就知道佢係正宗台灣貨色。好飲！充滿台灣味道！最重要嘅主菜嚟啦，我今次點左半筋半肉牛肉米粉😍先評價下湯底啦，好飲而不油膩，感覺到店主是花了很多心機去整這個湯底。牛肉方面非常優質，肉質鮮甜，牛筋就非常爽。果然是這裏鎮店之寶。除咗牛肉麵之外，熊貓亦都可以推薦呢度嘅小食，例如蛋餅，都是好味，充滿台灣感覺。另一個非常推薦就係酥炸花枝丸。各位朋友如果好似熊貓一樣咁懷念台灣，就千其一定要嚟食啦！