GUM "JENG!" X 御前上茶 (Closed)

通常一大班人食完晚餐之後，必定又到糖水時間。朋友話試過附近一間賣點係抹茶雪糕的甜品店幾好食，所以佢就帶我地再來食。餐牌有好多款甜品都係以抹茶為賣點，又有少少口渴，所以小弟就點左個又有得食又有得飲的宇治抹茶霜淇淋沙冰。不過有少少失望，無朋友話到咁好食，沙冰偏甜，飲到一半就開始膩，不過無疑抹茶味真係好夠，好香濃。至於朋友點左個抹茶拿鐵霜淇淋，食左一少啖都覺得問題出於個"甜"字，唔加抹茶拿鐵好似好D，見佢一倒完杯底有一大堆糖漿。比預期中有點失望，但都算OK，起初有抹茶味，不過就有機會先再黎LA。

原來這間便是人龍抹茶甜品店GUM “JENG!” X 御前上茶⋯⋯一天經過見到人不多，進來一看，才認得這是抹茶控必到的GUM “JENG!” X 御前上茶，太好彩了⋯⋯正是6點左右，Teatime完結，宵夜未到，人不多，這樣也給的撞入。一行4人，點了三個甜品⋯⋯抹茶跟焙茶的選擇很多，有選擇困難症了！抹茶鬆餅配雙色雪糕（＄82)由抹茶跟焙茶弄成的雪糕，帶著抹茶的清甜，焙茶的甘香，口感相當幼滑。紅豆粒粒圓潤，甜甜蜜蜜，一點也不漏加上茶味香濃回甘，口感爽口的抹茶啫喱，未吃鬆餅已經大讚了！抹茶鬆餅口感鬆化，痛茶香之餘還有牛油味，這個甜品不論賣相與味道都是一流！御前雙色蕨餅 （＄48)蕨餅是日本的傳統甜品，這裡的蕨餅好軟熟，但若果再彈一些，Q一些會更好呀！配上抹茶與味的汁，個人因為好茶的原固，喜愛當中回甘的味道，所以還是Like的！御前焙茶凍（＄58)由日本靜岡的焙茶製成，茶味很濃，回甘很久⋯⋯相信只有愛茶的人才會喜愛，不喜的會覺得是苦澀。始終茶類甜品有人愛有人不愛，還是以個人口味選擇吧！

店子雖小, 但很喜歡這裡和風的裝潢~ 抹茶風的強勁, 這類的店子都是擠滿客人◦ 而且木製的餐具也很有特色呢, 很簡單寫意的感覺~首先, 豆腐抹茶霜冰淇淋, 冰涼的豆腐, 豆腐味濃郁, 但不夠滑…抹茶鬆餅, 鬆餅本身軟硬適中, 口感很好, 抹茶味適中, 不錯~ 焙茶味很特別, 那種茶香是抹茶沒有的, 很喜歡~

知道這家叫做「GUM "JENG!" X 御前上茶」的抹茶控必到之店開了一段時間，今次終於有時間跟好友們來試試看啦~晚上八時多，人龍已經開始了~等到大概十分鐘吧~抹茶跟焙茶的甜品多得很，要選擇也用上了一段時間啦=3=御前雙色盛合 ($88)一個甜品有齊抹茶跟焙茶，抹茶清甜，焙茶甘香，由抹茶跟焙茶弄成的雪糕，感覺相當細膩，幼滑得叫人一吃愛上。加上甜蜜蜜的紅豆，紅豆份量比想像中還要多啦，而且甜而不漏的。還有本來清淡，但口感相當煙韌的白玉，跟紅豆或是雪糕一起食用，感覺相當良好。不得不提爽口的抹茶啫喱，吃完之後帶回甘味的啦。整個甜品不但賣相美美的，而且大大滿足到我這個抹茶控呢！幸福感 up up！！

最近夏沫比較為食, 而且瘋狂愛上抹茶味~四出搜尋抹茶今日岩岩食完既「御前上茶」說到地點, 對路痴的我來說確實有點難找~不過總算找到了~難得在旺角也有~^^~打開 Menu 實在令人失控, 好多選擇啊~食咩好呢?張張相都映得好吸引啊~最後夏沫點了「御前雙色盛合 $88」完全因為有齊晒夏沫喜歡的抹茶、白玉及紅豆, 這個自然是我必然之選~看相片很美的, 可以上桌時軟雪糕就的確有點「軟」了~都不成型了~換個角度拍就好看多了~^^~這裡有雙色(焙茶及抹茶)食, 好特別啊~焙茶的味道有點似炭燒咖啡的味道, 好香, 焙茶的味道比抹茶的淡很多抹茶味甜度適中, 比較軟滑, 綠色一片片的啫喱帶有茶味, 比較煙勒有口感白玉跟紅豆就間間差不多食甜品當然要有對象~和同樣愛好抹茶的朋友仔來就最適合不過~友人點了這客「雙色豆腐」, 她說豆腐比較「實淨」的, 感覺好有趣服務就一般, 店員在我正在看 Menu 時想收走它呢....我正在看啊~不跟她要求也是沒有水或茶主動提供的

2人行，晚上10點左右，好多人排隊，但都算等得唔耐，大概30分鐘以內。宇治抹茶刨冰 ($58)其實食過一次，想又食雪糕又食冰，雪糕好抹茶味唔再講，係ｄ刨冰都用了抹茶味，令到成個冰都有好味道，最緊要ｄ抹茶係唔苦的。紅豆配抹茶，　絕配！

有晚食飽飽，經過見到呢間好多人講好似好出名既抹茶甜品店，作為抹茶控，幾飽都忍唔住想試！店內有最低消費，可惜我妹媽都好飽，加上媽係唔食抹茶的，所以唯有外賣啦。叫左兩杯雪糕cone，一杯抹茶一杯焙茶，都等左起碼5min先有，唔知點解要咁耐。食落口，原本唔係平時creamy個種軟雪糕，而係好冰感個隻，冰感既抹茶雪糕，感覺有點怪怪。抹茶味不濃，淡淡的，沒回甘感覺，只有輕微茶香。焙茶味原本以為大概係via tokyo個種，點知這家的焙茶口味時十！分！苦！好苦好苦！焙茶味真係食左無一半就掉了，好肉赤，但真係有點難吃，得個苦字都不太食到茶香。雪糕質地可能因為太icy，不足2min就開始融得厲害了，要食得好快，又係咁滴，味道又不太好，無咩心機食。。。這個價錢這個味道，真係無下次。。呢間店可以咁出名，唔通係我叫錯野。。。？

又是抹茶控出動的時候!由本地薑GUM "JENG"合作開設的台灣過江龍 - 御前上茶, 選擇於旺角廣華街定位. 從前到廣華街只會逛槍店, 買氣槍用品,現在廣華街多開了食店, 人流亦多了很多.是夜於廣華街附近吃過晚飯後, 便去擰籌, 心諗9點鐘應該好多人食完晚飯後食甜品而要大排長龍的! 怎料無想像中多人, 等了10分鐘已可入座, 是我們太早吃完晚飯? 還是這間熱潮已減退 (不會吧!!?)?除了堂食, 店外還設有外賣部, 可以買走食, 不用排隊. 而店內裝潢非常簡單, 淺木色椅桌及圍身, 再加幾塊日式紮染掛布及用"繪馬"做的feature wall, 但因為椅桌放得比較密, 令到空間狹窄, 可能是為了應付貴租吧!因為menu 上的選擇不是太多種類, 很多都很類似, 所以很快便有定案:抹茶聖代抹茶軟雪榚+抹茶啫喱+白玉丸子+脆米+豆腐+紅豆蓉, 每層材料都分明, 抹茶雪榚味道比較奶一點,不是太有茶味, 而且快溶要趕快吃, 豆腐很滑, 其他內容就普普通通, 整體都算是好味抹茶鬆餅配雙色霜淇淋抹茶鬆餅很香濃抹茶味,很鬆脆很可口, 單獨食都好好味, 暖暖的鬆餅配以紅豆蓉和寒天跟冰凍的雪糕食一起食,

T14 甜麥白玉焙茶霜淇淋 ($44)Sweet Corn Hojicha Ice Cream明明呢間主打係抹茶但我始終比較鍾意焙茶😍首先甜麥唔會太甜 配上焙茶更能突出焙茶的味道👍 焙茶的味道比抹茶的淡很多配上一杯熱茶大概會是一種極上的享受T11 紅豆白玉抹茶霜淇淋 ($44)Red Bean Matcha Ice Cream第一次入入面坐熱潮過去感覺好少人可以本身與甜品抵死度有關對於一個鍾意苦抹茶的人來說霜淇淋比紅豆更甜好難令我接受😭😭 白玉還是可以的

🍦-紅豆白玉雙色霜淇淋-$46見到得旺角分店先有揀雙色雪糕, 識揀一定係揀呢個啦焙茶味頗重, 嘗一口已經食到微微焙茶既苦味, 茶味突出。而抹茶味雪糕甜度適中, 雙色味令茶味更加均衡紅豆甜度適中, 紅豆既份量滿足到我既紅豆癮~丸子大粒兼煙靭, 同有香濃茶味既雪糕好match溫馨提示: 最低消費係一人叫一份order~

現時大多都係日式既抹茶&焙茶,經網上介紹一試台灣的抹茶雪糕留意: 堂食顧客每位必須要最少惠顧一份飲品或食物培茶霜淇淋 $32入口都幾香濃既焙茶味雪糕,不太甜又不太苦,茶味剛好。不過我比較喜歡質感軟滑既雪糕，而這個雪糕冰感比較重，入口即溶，但欣賞正正如此多食都唔怕膩，感覺較輕盈。好在選擇堂食，夏天街上食就恐怕不停地溶，滿手都沾滿雪糕。焙茶鬆餅配抹茶霜淇淋  $78等了10分鐘左右就送上，鬆餅即叫即整，所以一邊切一食的時候是鬆餅是暖而配上雪糕是冰冷的，是很好既配搭。而且焙茶跟抹茶味都好Match，可以自由選配配搭,唔錯!焙茶鬆餅幾香脆，亦有淡淡的焙茶味，因為焙茶帶苦味，與本身鬆餅太甜，配搭後就剛好。抹茶霜淇淋就同樣冰感重，很快就溶，但味道都有幾香的抹茶味,甜度適中。可惜是放上鬆餅後霜淇淋即溶，如果質感結實d就更好。抹茶啫哩就淡淡的，少少彈。紅豆不錯,大粒,而且夠軟&甜。總括:可以一試!

抹茶聖代(hk$52)綠茶雪糕唔夠濃，比較重奶味，見到其他食評話雪糕溶得好快，幸好我哩次無哩個情況出現，而白玉煙煙韌韌，紅豆甜甜地，加埋脆米幾有口感！抹茶鬆餅配焙茶霜淇淋(hk$68)，窩夫外內都係綠色，又香脆，口感厚實，但抹茶味唔夠濃，而且偏乾，每食一啖我都都要蘸後面既焙茶雪糕，相對覺得比抹茶雪糕更特別，有茶香亦有些小回甘! 另外側邊既係紅豆加抹茶啫喱~

之前一直都想試，但係太多人排隊所以放棄左，難得行街經過見到吾使排隊，所以就馬上拉埋朋友去食啦叫左個抹茶鬆餅同雪糕，抹茶鬆餅好好食， 外脆內軟，抹茶味好濃，不過我朋友不太鍾意，佢覺得鬆餅有點苦，我就覺得岩岩好，配埋雪糕食最好之後另外叫左個雪糕，吾算特別，不過都好食，

這晚與一眾舊同事聚聚舊，晚飯後順帶被其中1個同事帶我們來到這裡吃抹茶。由於人太多，坐得比較逼一點。店內牆身掛著多個祈願牌，上面也寫上願望，頗有特色之餘亦帶有台灣小店風味。這裡賣點全是抹茶，起初小妹還分不清深綠色和淺綠色的抹茶有何分別，幸好有朋友解說。既然一場來到，當然兩者也要試試，就點選了抹茶拿鐵雙色霜淇淋，一次過滿足兩個願望嘛。抹茶拿鐵雙色霜淇淋，賣相非常不俗，但當先倒進綠茶latte，發現底部全也是糖水，所以小妹只是倒一點點而已。其實只吃雪糕味道也足夠，倒入latte反而太甜有反效果，感覺有點畫蛇添足。混合版的抹茶味香濃強烈，深綠色部份比較甜一點，剛好有微苦的抹茶中和，吃過後在口中散發陣陣清香，挺不錯。試過其中1位友人的紅豆白玉抹茶霜淇淋，雪糕大致上一樣，不過有點甜，紅豆比較各黏身，粒粒分明，而白玉尚算有口感，但太軟身不夠彈牙。坊間其實有不少抹茶甜品店，這裡的抹茶雪糕算是不過不失，配料款色亦選擇多，但就是比較偏甜一點。

上星期放工經過, 見唔洗排隊, 當然即刻入去試下啦成本menu睇完之後, 見個價錢都唔算平, 心諗收得呢個價錢會比D咩野客人食呢再問清楚店員係唔係所有抹茶甜點都一定係用森半既抹茶粉做, 店員話係, 都有番少少信心最後揀左抹茶鬆餅, 鬆餅外脆內鬆, 抹茶雪糕抹茶味濃但冰感少重, 紅豆太甜同唔夠腍, 抹茶啫哩Q彈有抹茶味, 所以整體都算OK試過之後, 覺得食物質素都唔錯, 仲周圍推介比朋友同事見到之後, 都話好想試, 結果我唔夠一個星期就已經幫襯第二次但呢次將會係最後一次話說我同2個同事去, 去到既時候, 店員示意我地坐近門口個張2人枱 (旁邊已經加左張圓椅變成3人座), 當時側邊張4人枱(2張2人枱)坐左一對男女係一邊, 而最近我地那邊既2人枱係空置的, 問問店員可唔可以拍埋比我地, 有個貌似senior既男子同我地講「我地唔拍枱既, 你可以坐去大枱果邊」佢地所講既張大枱係一張可以比8-10人坐既, 如果你唔係8-10人的話, 就要同其他人share如果有去過佢地度食野既人, 都會知道佢地既2人枱既大細, 就算你2個人用餐, 叫多少少野食, 都未必放得晒, 心諗3個人用一張4人枱好合邏輯