GUM "JENG!" X 御前上茶 (Closed)

下午同老公仔經過見到呢間甜品店主打抹茶，本人係唔鐘意食甜品，但基於對抹茶較鍾情，所以有興趣想試，於是晚飯後行返黎食。呢度寫明每位最低消費一份甜品，原本想一同分享，都變左各自叫一份。老公叫左個焙茶聖代，呢個超重茶味，甜味比較少，唔鐘意甜味嘅人就最啱，裏面一層層放左好多唔同嘅甜點。至於我就叫左個抹茶拿鐵霜淇淋，將小杯內抹茶倒入雪糕內，抹茶味非常濃郁，帶少許甜，就係我鐘意味道，茶香得來又不會太甜，正！一定會再來的，下次要試埋其他！

在旺角打完邊爐後很想來點雪糕，煙廠街的甜品店群要數這裏的雪糕最吸引了吧。御前焙茶刨冰（$62）抹茶雪糕上環繞着有濃濃茶澀味的糖漿，完全蓋過了雪糕本身的抹茶味，本屬喧賓奮主，但那糖漿跟我大愛的 Earl grey tea 味道相近，感覺就像在吃 Earl grey 味雪糕，喜歡 Earl grey 的朋友必試。紅豆很淋，甜度剛好，但到尾聲碎冰部分偏甜了一點。御前豆腐聖代（$52）豆腐雪糕有着淡淡的豆腐香，下層脆米為口感作出緩衝。這道清清的，一口濃 Earl grey，一口淡豆腐，過癮。

我和老婆都唔係綠茶愛好者 但朋友極力推介 終於決定試下。星期五的夜晚果然大排長龍 好彩我們比較早排隊 大約二十分鐘就有位。叫左兩個甜品 綠茶雪糕都幾滑 配上紅豆 係好standard的配搭 沒有太大的驚喜。反而叫左一個蕨餅 類似草餅的朋友 有兩種味道 好好食。配搭上糖漿 真是值得一讚👍🏻👍🏻

食飽飯一定要嘆返個甜品先滿足！旺角呢間店舖感覺比較窄迫，人流亦比較多。幸好今日唔使點等位，好快有得入座。呢度每人最少叫1個甜品，所以我地2個人1人揀左1個：1.御前抹茶焙茶雙色蕨餅 $48 Matcha & Houjicha Mochi日式和菓子的一種，煙煙韌韌咁幾得意，本身甜味唔太夠，要搭配附上嘅雙色糖蜜食就岩啦。不過個人而言不太like呢味甜品🙊 都係雪糕岩我啲☺️ .2.抹茶刨冰雪糕 $58透心涼❄️ 天氣熱應該食呢啲❄️ .雖然有人話呢個伏伏地，但我地又覺得ok wor😳 抹茶雪糕茶味濃郁，冰感稍重，融得快。舊雪糕少左啲， 俾佢欺騙左，以為唧到落碗底，點知只得表面見到個啲😔 .\上次去銅鑼灣個間，今次黎旺角呢間，比較中意銅鑼灣的，無咁迫👼 .

同朋友食完飯 決定即慶去食甜品。我唔係綠茶愛好者 但經過見到呢間舖都幾多人排隊 一行五人決定去試下。其實甜品配搭離不開綠茶雪糕 焙茶雪糕 豆腐雪糕 紅豆 小丸子 同埋好像綠茶啫喱既野。但勝在雪糕好滑 我特別鐘意焙茶雪糕 茶味香濃 甜度適中👍🏻👍🏻絕對有下次！

食完晚飯，一行五人去左旺角既御前上菜食甜品，大約等左15分鐘就有位，一踏入鋪頭，裝潢好有日本氣息，不過座位比較窄，但尚算可以。我地點左五個甜品，而我就選擇左培茶雪糕沙冰，一端上來，嘩了一聲，因為沙冰份量很多，足夠3人份量，我本來不太喜歡綠茶味既甜品，但御前上菜培茶雪糕好好味，有濃濃既培茶味，而且冇左綠茶既靑味，又好軟，真係好好味，值得一試。

一行數人晚飯後本想飲杯綠茶消消滯，經過就二話不說選定這裡。聖代是必吃之一，其次是竹筒，綠茶味濃郁但清新，正好抵消我剛吃下的A5和牛。其次還有豆腐，紅豆和雪糕，這令我想起日本的宇治金時呢😉

係旺角嘅甜品舖琳瑯滿目，waffles 有，糖水有，蛋糕有，但專以日式茶為主題嘅就好似唔多。今日同一眾好友打完邊爐，飽飽滯滯，大家都想搵一啲清新一點嘅甜品食。經過見到御前嘅抹茶甜品賣相極為吸引，舖外大排長龍，就立刻攞飛，邊傾邊等。等咗十張枱，終於到我地，由於人多，可以試到幾款甜品。第一推介焙茶刨冰，第一口嘅焙茶雪糕已經愛上。焙茶比抹茶清爽，有點回甘，而且無咁甜。每一口都都係對茶嘅享受。刨冰淋上茶味糖漿，旁邊放咗紅豆，日式小丸子，同綠茶啫喱，配搭得而。第二推薦雙色蒴餅，蒴餅味道有點似涼粉，但又有蒟蒻的Q感。配上表面的抹茶粉，再點一點茶味糖漿，食落幾有趣。當晚仲叫咗抹茶豆腐花，御前豆腐，御前抹茶盛盒。三樣同樣係美味。可惜人龍太多，食完就要拿拿林起身走人。總括黎講，想傾耐d可能呢間甜品舖就唔太適合，但喜愛日本綠茶嘅朋友，絕對可以一試！

由於突然好掛住呢度GE甜品,所以又再一次黎到呢度朝聖~呢度依舊好多人要等位..好彩個日唔係假期.都唔叫等左好耐~叫左豆腐刨冰同蕨餅,而男友依舊食佢最鍾意GE焙茶刨冰~豆腐刨冰好重豆腐味,雪糕好滑,而刨冰都係有豆腐味~不過我覺得真係熔得好快,所以要快食~雙色蕨餅開頭見到個樣我仲以為應該係類似大福咁GE質感,但原來佢係似果凍的質感~佢有2種味道-綠茶同黃豆。2種好唔同GE味道~再配有綠茶同焙茶糖漿 2種醬比我地點黎食~綠茶係好濃GE綠茶味, 而黃豆我覺得係冇咩味GE,味道都幾好, 但我覺得試一次就夠~水準依然,下次再黎~!

飯後當然係甜品啦！~~~之前經過見過呢間店，都已經好想食，不過個陣時已經食左其他野，所以依家補返，GOGO！看到餐牌，簡直花多眼亂，雖然我地係出面等位期間都已經有商量同睇食咩，可是都下不定主意，女人真是……呵呵~~最後要左2款甜品，因為佢餐牌同店內寫"堂食顧客每位需光顧至少一款食品或飲品"，同日本一樣。雙色聖代，此甜品是旺角店限定。其實當初叫呢款，除左佢係限定外(我其實幾鐘意食限定既野><)，最主要想試下焙茶味既雪糕，呢款甜品可以一次過試到晒，正！可能本人甜品喜好比較偏向雪糕、綿花冰、刨冰之類既甜品，所以我對於雙色味道雪糕以下的，沒興趣。雖然冇興趣，但我唔係一個浪費既人，所以都有食啦。首先，我地試左雪糕，焙茶、綠茶口味均正阿！不會苦也不會過甜，但我比較喜歡焙茶味，感覺很特別，滿不錯。丸子沒味道，我們吃了一會兒雪糕，才記得下面有配料，於是雪糕連配料一起吃，吃完感想，咪又係咁……冇感覺……不過那些麥仁不好"林"，我覺得不錯啦。御前雙色蕨餅，呢款係我同友人推介，因為我起日本食過，好味且不錯，但其實我未食過呢間，所以都係抱著挑戰的精神去嘗試。呢款又係可以一次過試晒2種味道，首先

這陣子，我不由自主地愛上了抹茶，每每走進甜品店都會首選抹茶口味。如果你跟我一樣是抹茶控，由台灣進駐的 <御前上茶> 絕對可以滿足你！店舖的裝修予人日式風情，枱和椅甚至盛裝甜品的器具，皆用了樸實的木色，牆上掛有日本寺廟常見的祈願牌。可以的話，就讓我寫上「希望這輩子都有抹茶甜品吃」! 翻開餐牌，甜品款式確是吸引。除了主打的抹茶味，還有焙茶味可選擇。餐牌標明 <雙色>，即抹茶混焙茶是旺角分店限定，貪心的我當然就選雙色，一次過嘗兩款口味~~💙 雙色聖代 ($56): 雪糕為每日新鮮手作，以森半茶粉、脫脂奶和黃糖等製作而成。雪糕質感軟滑，抹茶味較甜，奶味偏重，而焙茶則味甘，初嘗心感新鮮! 雪糕溶化速度很快，不要影太耐啊！雪糕放置兩粒煙韌的日式糯米丸子，下層還有焦糖味的脆口麥仁、味道略嫌過甜的紅豆、嫩滑的手作豆腐布甸和抹茶凍，層次分明，賣相討好💛 抹茶鬆餅配雙色冰淇淋 ($82): 抹茶鬆餅內外都是綠色，即叫即製，上菜時保持外脆內軟，可惜鬆餅只帶淡淡的抹茶味。餐廳建議在食用時，把伴碟的紅豆放上鬆餅再塗上雪糕，抹茶凍則留在最後品嘗。💚 御前雙色蕨餅 ($48): 黃豆

之前一直都已經想試，難得地同男友去㕵角，而且很久沒有吃甜品所以價便拉男友去試試。星期六當天晚上10點多，等了大概10分鐘便入座。本來係想食雪糕配紅豆，茶凍，小丸子的那款，但要84，一點都不值。所以要了豆腐雪糕杯和綠茶果凍。首先說說綠茶果凍，係苦的，有糖漿，開頭吃都還可以，沒什麼特別，吃多了就不想吃，吃得有點想嘔的感覺。而豆腐雪榚我覺得似豆腐花味，都ok，男友話無味😅總結是不會再光顧！

晚餐完畢就更要搵個甜品食吓先夠完美!!今日行吓行吓就見到呢間店,原來係食而家最興既抹茶,可能時間算早,唔使等位就一於入去試試。睇餐牌,主力買抹茶味同焙茶味雪糕,而且見到餐牌上寫明紐紋抹茶加焙茶只係“旺角店限定”,我即時決定要食紐紋!! 而男友一向對雪糕興趣唔大,但竟然有佢最愛既蕨餅!!正。大家即時決定到食咩～最後我要了杯雙色聖代,男友就要咗御前雙色蕨餅!! 紐紋雪糕加上玉子,紅豆,豆花,脆米,仲有類似抹茶果凍在低。整體黎講好好味,豆花本身無甜味,但加埋雪糕,紅豆,脆米等就剛剛好。仲有焙茶雪糕味道有淡淡既茶味,無比抹茶搶哂鏡。 蕨餅就略為“淋”了少少,我軟喜歡有咬口。味道唔錯!配上兩款糖醬一齊食,唔錯呀！

晚上約九時黎到旺角綠茶雪糕名店竟然唔駛等位，因為怕雪糕快溶，我地六個人，分咗兩round叫，每次叫三樣食品。食食下出面越黎越多人，店員不斷行到我地張枱前面睇我地食完未，而且店員互相係我地面前交頭接耳，眼神亦不有善，我明白你好想做多幾轉生意，但咁樣嘅態度我真係接受唔到，最後店員仲叫左另外八人入黎搭枱，其中三人係無得坐，企喺度望住我地，用到呢招黎迫我地快啲走…唉，我地都有六個人，我地都係人客，就算你幾有名氣，食物幾好食(但係我唔覺得好好食)，都無理由咁樣吧，我到而家諗返起店員嘅樣同眼神就驚。

呢期香港好似出現左抹茶風氣,到處都係抹茶,今日大奇蹟日,小比大王皇恩浩蕩 ,竟然話晚飯完去食甜品,我一定話好,旺角好多選擇,呢間剛好有位,就試下抹茶產品,小比點了個抹茶豆腐布甸,我覺得似豆腐花,但硬一點,抹茶果凍就似草藥味,一般,不太夠甜而我就點了個抹茶果凍,原來同抹茶布甸都一樣味,只是多了粒糯米丸總結味道都ok,似草本物品價錢合理