炯記餐室 (美麗閣)

Open Now

Now Closed

最近我偶然間發現咗北角有一間好好食嘅燒味鋪，叫做「烔記燒味」。燒味對我嚟講好似comfort food，耐唔耐就想食下。呢間餐廳，真係有驚喜！佢哋嘅燒味有多款選擇，有叉燒、燒腩仔、油雞、切雞之外，仲有啲秘製嘅煙燻燒鵝同埋手撕雞，非一般燒味店。我一定要推薦佢哋嘅「秘製煙燻燒鵝配鵝油撈麵」！靜靜話你知加埋$12就可以換晒鵝胸肉呀！入口一啖啖肉，外皮烤得又脆又香，仲帶啲微微嘅煙燻香味，真係好有水準。唔止咁，佢哋嘅鵝油撈麵真係無得頂！用粗麵煮嘅麵條，油香味濃郁，咬落去又滑又有彈牙。仲要話份量超足，滿滿一大碗，絕對係抵食又好食！燒味配瀨粉亦相當唔錯，湯底冇味精。瀨粉滑嘟嘟，少許煙靭，唔會一夾就斷晒。介紹完燒味，我仲要推薦佢哋嘅手撕雞配腸粉。手撕雞有鹽焗或者麻辣口味，雞肉好滑好嫩，有啲麻油嘅香味。腸粉熱辣辣，上面仲有粒粒芝麻，加埋甜醬同麻醬，新奇嘅配搭，拼出好滋味！我見到隔離枱有個聽力唔係太好嘅婆婆，店員好有耐性地同婆婆溝通，確保婆婆叫到佢想點嘅食物，服務態度好好。

📍北角英皇道376-380號美麗閣地舖發現咗間，超級適合日常，自己一個人唔知食乜好嘅時候 平靚正，簡單快捷方便咁解決一餐的 平民餐廳😍😍呢間炯記 真係好啱放工 無約人食飯屋企又冇煮飯嘅日子去！ 嘢食大份夾抵食 價錢相宜，選擇又多 味道更加唔差 我最鍾意佢哋嘅手撕雞！ 半隻都只係$68炸!! 而鵝油撈麵就係佢哋嘅招牌 鵝油拌落面到食香得來唔會太膩 幾正 佢哋嘅燒味類食物 全部都唔差 叉燒肥瘦得宜 我幾鍾意食海蜇燻蹄😋 例牌一個都係$80咋

其實喺北角食燒味既鋪頭真係唔少，而我嚟親炯記都一定會食燒鵝仲有佢既鵝油撈麵。先講講佢既燒鵝，真係燒得皮脆肉嫩，而且燒得十分之香。入口即化，完全感受到鵝既味道停留喺口腔。另外，我比較少會叫飯。因為呢度既鵝油撈麵十分之出色，每次我都會加錢轉鵝油撈麵。係，真係好邪惡，每條麵條都被鵝油包住，真係勁香口惹味。間唔中我又會再加錢加埋蝦籽，食落去更加香口更有口感。呢度既價錢喺同區嚟講並唔算平，之不過，呢度既燒鵝同鵝油撈麵總會吸引到我1個月嚟1、2次既。

之前經常到北角做Gym，健身朋友都告知有間美味的「炯記餐室」，表示燒味味道不錯！今天放假終於有機會一試，果然味美，值得一試😋原隻煙燻燒鵝脾撈麵（$112）🦢🦢煙燻燒鵝脾是主角，鵝脾本身有豐富的肉香和燒烤的香氣，現更帶有獨特的煙燻和燒烤風味，這些風味與麵條配料完美融合。至於我本身很喜歡撈麵，這裏的撈麵很有彈性和嚼勁，味道濃郁而不會過於油膩，令人難忘，簡直是賣飛佛。🍜🍜醬皇豬手（$24兩粒）🐖🐖至於醬皇豬手經過烹調後，皮肉酥爛，肉質鮮嫩多汁，口感豐富。醬皇豬手本身得名於其使用的特別調味醬料，這種醬料具濃郁的口味，搭配米飯或撈麵食一起享用，非常一流。凍檸茶（凍飲跟餐+$5）🍹🍹茶味與甜味比例平衡，十分消暑。炯記餐室 (美麗閣) (北角)地址：北角英皇道376-380號美麗閣地舖

真係唔想講咁多，越做越差。外賣燒腩仔好肥近乎冇肉食。叫咗多飯都係得好少，究竟係睇唔到備注？定係原本仲少飯呢？究竟係唔係個外賣睇唔到？真係搵唔到咩理由繼續再幫襯呢間餐廳。

約左個朋友過嚟食lunch，佢話公司附近有間燒味鋪好正，佢成日買外賣，咁今次就試下堂食啦。lunchtime時間好多人等，不位堂食就等一陣間就有位，好多人都外賣拎走。。餐牌好多選擇，基本上燒味鋪任何配搭都有，想食乜嘢款就自己拼啦🤣仲會附送例湯餐飲。燒腩仔拼燒鵝-鵝油拌麵勁快就有得食啦，鵝油拌麵好大份，本身已經撈好左，聞落去好香，食入口啲粗麵爽口彈牙，一啲都唔油咖，唔好睇粗麵顏色好深色，其實係唔咸咖，好入味好香好好食😋燒腩仔塊皮脆卜卜，五花腩，肥瘦相隔。燒鵝塊皮都係脆咖，食入口係滿口油脂，真係好爽，鵝肉唔柴，軟淋的，份量都好多！叉燒切雞飯呢個燒味飯，叉燒有驚喜！真係燶邊叉燒😍😍叉燒係入口軟淋，半肥瘦叉！所以係對比下，切雞就變得普通，因為叉燒太出色了！手撕雞海蜇腸粉好特別嘅食物，完全未試過，估唔到係咁夾。啲手撕雞撈埋啲甜醬麻將又幾好食喎😂海蜇脆卜卜，沾埋啲甜醬都好夾咖！鹵水豆腐我地再加左2件豆腐，因為佢啲豆腐真係鹵得入味又夠滑。。呢間燒味認真幾好食，價錢相宜。就算外賣燒味軌料加餸都好實惠！

今日兩個人叫咗以下嘢食做晚餐。煙燻燒鵝撈麵套餐（$64）+$12轉鵝胸+$5轉凍檸茶少甜少冰：燒鵝皮燒得好均勻，色澤靚。燒鵝亦都醃得好夠味，但又唔會過鹹。太子鵝油撈麵冇喺其他燒味舖食過，好有特色。撈麵係粗麵，好大份，加埋太子鵝油令到粗麵又香又滑。大家如果嚟到，我都推介食下呢個特色菜。佢個例湯係足料嘅老火湯，南北杏紅蘿蔔煲瘦肉，好味 。鴛鴦手撕雞小食（$40）：一邊係麻辣，一邊係鹽焗。佢嘅麻辣係微辣，朋友唔食得好辣，呢個就啱晒佢喇。鹽焗嗰邊就食到雞嘅鮮味。各有各好。鹽焗雞腎小食（$32）：雞腎唔會話好硬，係爽口既。醬皇冬菇扒生菜（$22）：估唔到$22嘅菜都幾多下。冬菇有炆過，入味又林滑。單叫凍檸茶（$18）：夏日炎炎，都係加杯凍飲開心啲。兩個人食到捧住個肚走先$193 。

同朋友再次嚟到位於北角嘅炯記餐室一試佢地馳名燒味，最新既「追加小食」餐牌淨係望都吸引，難怪中午時段嚟食幾乎滿座😝脆皮燒腩仔飯 $52叉燒煎蛋飯 $52每日即燒燒腩仔皮脆肉嫩，脆卜卜爆皮效果，未食已經垂涎三尺，腩仔肉身juicy，整體超級好食！而自家燒叉燒軟腍之餘仲肥瘦適中，入口好有嚼勁👍🏻冬菇醬皇豬手 （2粒） $28醬皇豬手肉質超嫩，非常入味，色澤亮晶晶，而作為小食居然有六粒冬菇，提鮮又有營養價值，真係非常抵食！

平靚正！呢間茶餐廳，嘢食大份又好食，價錢仲好街坊價～食物一啲都唔馬虎，真心值得推介！==============================🔸 炯記三皇盤 $ 58三皇盤有雞腎+雲耳+鳳爪～雲耳爽脆，甜酸帶微辣。雞腎爽口有嚼勁鹹味剛好，鳳爪都好食。🐔 麻辣手撕雞飯 $52每口啖啖肉，雞肉絲充滿麻辣醬汁精華，好惹味！特別個豆腐片好滑，好好食！🦆 烔記燻燒鴨飯 轉瀨粉 $52少許脆皮連嫩滑既肉質，帶有微微嘅煙燻香味。瀨粉口感爽滑，米香盈溢～🥬 鵝油生菜 $18生菜鮮甜爽脆🥤阿華田五穀麥芽特意(凍) + $16香濃既阿華田配上五穀麥芽雪山，口感豐富，又帶著麥芽香味。

今日想食燒味飯係北角搵到炯記燒味， 見吊住好多燒鵝好吸引， 亦都吊住好多隻雞， 始終佢最出名係手撕雞， 一定要試手撕雞！ 我叫左燒鵝撈麵， 鹽焗手撕雞腸粉， 醬王豬手飯跟例湯， 酸辣無骨鳳爪。 手撕雞好滑， 再配上芝麻， 味道仲夾d , 雞肉肥瘦均勻， 雞皮都滑溜溜， 好有雞味， 配埋腸粉有真係幾夾。 燒鵝撈麵， 燒鵝好脆皮， 淡淡肉， 配左燒鵝醬好好食， 撈麵好彈牙！ 豬手好出色， 肉非常嫩口而且似乎慢煮來， 肉炆得好淋身， 好易咬開， 火口剛剛好， 加上佢既醬王， 味道更濃！ 另外。 我叫左小食， 叫左酸辣鳳爪， 鳳爪是無骨的， 酸酸甜甜， 好開胃， 非常不錯！

撈麵界嘅世一‼️👍🏻同屋企人去咗北角食飯☺️食咗間主打廣東菜嘅炯記餐室🔥餐室設計簡約舒服😌以木和白瓷磚為裝修主材料😃店舖乾淨企理夠光猛👍🏻人氣必食菜式手撕雞🐓另有多款燒味菜式及鵝油撈粗🤤麻辣手雞撈麵，54蚊份💰手撕雞雞肉份量多，肉質滑溜，加上芝麻香味，撈了鵝油麵條夠香，加上秘製甜豉油，好惹味香濃，麵條聞到陣陣油香，麵條較爽較滑口，非常滋味手撕雞腸粉，40蚊份💰微微麻辣嘅鹹香手撕雞，雞肉份量多，肉質滑溜，加上芝麻香味，仲有腸粉皮香滑，配上甜醬係道開胃嘅下午茶😋炯記四寶撈麵，68蚊份💰四寶撈麵分別有半肥瘦叉燒，燒鴨，紅腸，咸蛋，叉燒色澤紅潤，香嫩可口，味美甜蜜，燒鴨燒肉質嫩酥香，半隻咸蛋拌麵食唔會過鹹，鵝油拌麵相當出色，撈上秘製豉油，惹味香濃非常滋味😋醬皇豬手，24蚊份💰一份有兩大嚿，食落肥美又多汁肉質質嫩爽口，啖啖肉脂肪與肉肥而不腻🐷整體環境非常熱鬧☺️服務態度非常好，招待殷勤😀食物份量足料，價錢合理，撈麵係必試會不停再幫襯☺️

今天行經北角，突然很想吃燒味飯，在附近見到烔記餐室的燒味挺吸引的，我和友人趕不及便入去醫肚。餐廳門口展示各式各樣明爐燒味，店內位置不算很多，也就坐滿人，我們等了一會便入去。餐牌選擇很多，除了明爐燒味，也有招牌手撕雞。我和友了點了《雙拼燒鵝叉燒飯》，燒味色澤鮮明，香噴噴的燒鵝燒得香脆無比，咬一口燒鵝的油脂充滿整個口腔，吃到燒鵝髀更叫人興奮☺️；醬皇叉燒一吃難忘，感覺輕輕的一咬便把叉燒咬開，半肥瘦肉質不會死甜，油脂分佈恰當好處👍🏻👍🏻《鹽焗手撕雞飯》，淡淡的鹽香手撕雞伴有青瓜絲，手撕雞上配有芝麻，吃上口有點芝麻香，肉質不會乾柴，油脂滿滿，吃起來頗嫩滑。《海蜇燻蹄》入口清新爽口，燻蹄配上酸甜汁，十分開胃，這碟冷盤小食不過不失。《桶子豉油雞》非常肥美，從雞皮顏色可見醃得入味，入口一如所料肉質非常嫩滑且入味，但不會死咸，配上薑蓉無得頂。總括而言，燒味非常推介，而且和價錢成正比👍🏻

喺北角同朋友🧒🏻一齊想食個 quick lunch，諗一諗就諗到呢處🤣，咁就唔再諗啦😆，同朋友🧒🏻快脆行過嚟呢度開餐🤩$68「醬皇豬手（例)」：有好多件豬手，豬手🐷🖐️炆煮得好腍，豬皮超級軟熟，感覺食咗好多骨膠原落肚🤩，朋友🧒🏻話呢個好啱佢食😆$64「炯記切雞+煙燻燒鵝雙拼撈麵」，加 $12 轉「雞髀」，再加 $12 轉「鵝胸」：雞髀肉就梗係嫩滑啦🤩；鵝胸就幾多肉😋，鵝皮燒到脆脆哋🤩；「撈麵」🍜大大碗有啲醬油+鵝油香味仲幾煙靭😋$18嘅「鵝油生菜」：簡簡單單幾好食😊「熱檸茶🍋☕️」

呢間已經試過無數次，無論係外賣燒味定堂食都一樣試過佢地唔同既分店🐣質素係唔會令人失望，而另一樣我每次必嗌既就係佢地既手撕雞腸粉，因為間間做法都唔同，每次都有意想不到既驚喜🥳而呢間比我既驚喜係佢嘅醬係激量😍條條膠粉都係滿滿既醬汁。🐒醬皇叉燒(例)💰$68🐒鹽焗手撕雞(半隻)💰$68因為佢地既燒味同手撕雞都係signature，咁就緊係試哂佢地既招牌菜式啦🐽而今次我無要求都俾左瘦多肥少🤩呢個比例係岩岩好！而調味方面都唔會過甜同太油手撕雞就有分辣同唔辣🐔雖然係去骨，但當中真係可以揾番半隻雞既parts😂所以係唔會有呃人情況出現。🐒下午茶-麻辣手撕雞腸粉💰$40👉🏻凍檸水+$3除左呢個Tea set外，都有唔同粉麵飯類既選擇🍚總有一款會岩大家心水❤️同埋係港島區呢個價錢真係算非常唔錯👍🏼

今日去北角搵食！🥰🥰今日天氣真係太熱太熱🤒所以一入店舖就二話不說嗌幾個涼拌小菜～叫咗招牌嘅三皇盤，估唔到炯記雖然賣燒味為主，但原來小食都好高質。三皇盤即係雞腎+雲耳+鳳爪，酸辣又開胃～第二個小食係麻辣手撕雞，手撕雞係佢哋招牌菜，份量都幾多，食落口好食得嚟又啖啖肉。每一條雞肉絲都充滿著麻辣醬汁嘅精華，惹味得嚟又唔會食到個人熱辣辣😝搞到我地都可以愈食愈多嘢～跟住上枱嘅係燒鵝撈麵，鵝油撈麵色澤勻稱，入口具鹹香口味，配上具有少許脆皮而肉質嫩滑的燒鵝簡直是絕配。最後我地決定叫多一個小食作結。就係海蜇醺蹄，海蜇爽口得嚟，索滿酸甜涼拌汁。而醺蹄食落口好食得嚟又啖啖肉。眼看而家市面上海蜇醺蹄買少見少，有時一碟仲貴過燒味，而炯記呢度$40就食到咁有水準嘅海蜇醺蹄小食，真係超抵食，極度推介！