炯記餐室 (沙咀道)

Open Now

Now Closed

係荃新天地行完街餓餓地 諗住係附近搵下野食見到呢間餐廳 又好耐冇食燒味 就入黎試下餐廳環境都幾四正光猛 感覺都幾乾淨可以用QR code落單 夠方便見到仲有自修位可以坐 岩晒啲人一個人黎食飯 唔怕尷尬✨燒鵝拼叉燒飯燒鵝係必食 同平時食既唔同 呢度既係煙燻燒鵝 入口少左油膩感 多左煙燻既香味而且鵝肉係屬於偏瘦既 唔怕食多會有罪惡感叉燒可以自己揀偏瘦偏肥定適中肉質好爽彈 口味係偏甜口✨燒鵝拼油雞飯同樣以燒鵝為主 再拼油雞🤭油雞皮好嫩滑 雞肉肉質緊實 份量都唔少✨醬皇豬手份量好多 大大舊 豬手煮到好軟腍 入口即刻脫骨 膠質好重 食到個咀黏住咁🤭✨自家製靚湯飲落好甜 飲得出好足料 又冇味精👍🏻燒味品質唔錯 價錢都唔貴 份量又大份 性價平幾高👍🏻而且仲可以因應自己喜好揀唔同需要 欣賞🙌🏻

又再次嚟食我最愛的炯記鵝油麵今次特別啲，唔再食麻辣手撕雞，試吓其他菜式先炯記煙燻燒鵝撈麵燒鵝好濃嘅煙燻香氣，外皮燒得香脆，一咬鵝油香加上煙燻香氣，令燒鵝有不同的層次味道，估唔到咁出色清湯牛魔王撈麵也是推薦牛腩同牛肚好嫩滑，一咬即腍，雖然話清湯但牛腩同牛肚都好入味，但一啲都唔鹹，牛味亦好香太子鵝油撈麵一直都係我嘅最愛，濃厚嘅鵝油香，每條麵都充滿油光，見到都流口水仲叫咗小食炯記三皇盤(蒜香雲耳、蒜辣鳳爪、鹽焗雞腎)，雞腎爽脆，鳳爪酸酸辣辣好開胃，雲耳入味而且份量都幾多，抵食仲要每位都附送例湯，足料又好飲

之前行完山都會去炯記買手撕雞腸粉食又大盒又抵食👍收工經過無咩人排隊買幾盒番去加餸❤️桶子豉油雞半隻油雞充滿雞香半隻雞都幾大盒配埋薑蓉真係不得了送飯一流❤️鹽焗手撕雞半隻本身食開都覺得好好食好有麻油香味屋企人都食到停唔到口上面仲佈滿芝麻好香口就咁食都已經好好食😋❤️醬皇叉燒半斤呢度既叉燒係半肥瘦叉燒食落口好諗好軟燒得好入味叉燒太瘦真係無咁好食有時外賣斬下料又一餐炯記有d組合價好抵食經過無咩人排隊可以買下💁‍♀️炯記餐室 (沙咀道) (荃灣)👣荃灣沙咀道209號地舖

叫咗三個外賣燒鵝撈粗，包晒落同一個袋入面攞走，上到車見到個湯就瀉晒浸晒，汽水仲要凸罐嘅，真係乜嘢心情都冇晒好心放唔落就分開兩個袋啦，又要夾硬擺埋一齊，仲要包到實一實唔打開嚟睇都睇唔到咁嘅情況打電話去個呀姐，淨係話唔好意思新來嘅新來嘅，我話上次去買燒鵝撈粗，佢都執咗個飯俾我喎，佢啲態度基本上就係求其敷衍你奉勸各位下次去呢間嗌外賣真係要睇清楚，唔係真係買個難受，咁樣攞到返去幾好食都冇用啦，真係乜嘢心情都冇

成日經過炯記都想試試佢既手撕雞，今日就決定去試試。晚飯時間，店內唔算太多人，唔需要排隊等位就可以入座。再望望餐牌，即刻心心眼😍。實在有太多選擇喇！又想食手撕雞；招牌鵝油撈麵又好吸引；手撕雞腸粉亦好特別...........令我即時出現選擇困難🫣正當心大心細時就發現有個炯記二人餐可以一次過滿足晒我3個願望，有鹽焗手撕雞半隻；醬皇豬手；麻辣雞腎；油菜，太子鵝油撈麵，例湯同凍飲2杯，仲要只係$198😋醬皇豬手大大碟，燜得超冧超入味，香濃黏嘴；肥而不膩，係滿滿既骨膠原😍😍😍手撕雞～皮爽肉嫩滑，果然係必食招牌菜👍🏻而於太子鵝🪿油撈麵亦非常好食；鵝油香加上彈牙撈麵，令人齒頰留香回味無窮😋總括而言，呢個二人餐真係非常超值。以唔需要200蚊就有滿枱食飯，食到飽飽離開，絕對係大滿足！👍🏻👍🏻👍🏻👍🏻

平價食堂周圍都可找到,但要食物有質素、服務又親民,就只有這間街坊食堂,每次想食燒味和鵝油撈麵,隻腳就不由自主必去捧場,當然等位是必然的,再加上外賣,門面就更墟撼,今次試四寶飯,極多料,除了手撕鷄、紅腸,最正仲有义燒和惹味朱手,女友就食牛魔王撈麵,那些牛腩和金錢肚超正,當然鵝油生菜是必試的,意猶未盡再叫了一個豉油雞很入味,忘記一提,這裡的例湯是必試的,多數是粟米青紅蘿蔔,或者合掌瓜,極足料又有住家湯Feel,不要錯過。

是日中秋節打算早d食～行到嚟呢頭聽聞呢間手撕雞，鵝油撈麵好出名就試試係我思考緊食乜姐姐就好好咁比左例湯我地先例湯幾濃無乜味精行到太熱一坐低老公就要叫汽水對於有選擇困難既我一定係揀二人餐適逢飛滋未好就唔食咁多辣揀左鹽焗手撕雞好大碟呀！有d擔心兩個人食唔晒好香麻油味～咸味適中～雞嫰滑唔柴麻辣雞腎好都多唔係太食到麻味，但幾辣好惹味酸辣雲耳～醋可以再勁d我鍾意呷醋同雞腎一樣愈食愈辣冬菇醬皇豬手四大舊～豬皮無毛👍👍清得好乾淨滿滿骨膠原～啱晒我冬菇炆得好淋好入味鵝油撈麵大碗到不得了我食唔晒比左半碗老公🤣🤣好香鵝油味～麵唔會一餅野唔錯菜係無得揀～咁啱係我鍾意既生菜可能解解辣解解膩自己叫左杯特飲～阿華田雪山～上面果d係胚芽期間有好多人入嚟買外賣手撕雞如果唔食得辣最好揀鹽焗我地兩公婆食得辣都覺得有感覺問左店員辣度無得揀，只有辣同唔辣好滿足既一餐～呢個餐3個人都夠食

成日都見到好多人堂食, 亦好多人等外賣, 今次同老公都入去試下, 夜晚8點左右晚飯時間, 一如既往咁多食客, 我地又來食招牌菜手撕雞, 又想食馳名燒味😬雙拼燒味飯(叉燒, 燒腩仔)燒腩肥瘦岩岩好, 肉質咬落夠軟腍, 外皮燒到脆卜卜, 附有一包靈魂醬汁——黃芥末, 中和返燒肉嘅油膩感食燒味飯, 叉燒必定係主角之一, 半肥瘦部位, 入口軟身得黎又有嚼口, 重點係半肥叉舊舊有燶邊, 配埋香甜嘅蜜汁, 滲到白飯裡面, 超大滿足💃🏻叉燒鵝油撈麵眼見老公食得咁滋味, 我再後加叉燒鵝油撈麵, 叉燒真係不得了, 除左頭先講嘅以外, 份量好多, 鵝油味好香, 麵條好爽口, 唔會好似乾炒牛河咁黏口🥰麻辣手撕雞(半隻)叫左半隻, 但份量望落好大碟, 超級足料, 麻辣夠入味, 雞肉啖啖肉好嫩滑, 岩哂懶人😁食完辣野飲鹹檸七最正, 消涼又解渴😍凍檸茶正常發揮, 夜晚8點幾, 仍然keep到, 唔渾濁亦唔苦澀👍👍

第二次分享我經常幫襯嘅街坊燒味舖，價廉物美、份量多，長期keep住滿座，跟餐有湯送，仲有市面少有嘅鵝油撈麵食，最平$40有一碗，完全性價比高！🪿冬菇蝦籽撈麵 $45招牌太子鵝油撈麵加上冬菇、蝦籽超惹味，冬菇腌得好入味，軟腍腍口感一啖一粒啱啱好，鵝油本身已經好香，加上蝦籽更添香味，鵝油令麵條更滑溜，食到停唔到口🐥鹽焗手撕雞腸粉 $40鹽焗手撕雞鹹味適中、非常嫩滑，加上同樣滑捋捋腸粉真係滑上加滑，平時食開腸粉都係拼燒賣，拼鹽焗雞真係更上一層樓！🐷醬皇叉燒+脆皮燒腩仔雙拼例牌燒味 $78一次過滿足晒兩個願望，半肥瘦蜜味叉燒燒到脆邊，係大家都鍾意食嘅口味，脆皮燒腩仔香口鬆脆，脂肪同肉比例剛好，一啖一件，依個價錢食到燒腩仔仲有叉燒真係抵食！🍫阿華田五穀麥芽特飲 $28跟餐+$10抵好多，滿瀉麥芽健康又好味，香甜可口🍹雜果賓治氣泡桃橙茶 $28同樣跟餐+$10飲到，差唔多半杯雜果幾抵食，氣泡橙茶清新又解渴炯記餐室 📍地址：荃灣沙咀道209號地舖

太子鵝油撈面配秘制煙燻燒鵝麵質好特別，好薄又有彈性，加左鵝油撈，口感好好味，又唔會過於油膩😋知道炯記既燒味都好出名，燒鵝咁岩上左一隻大髀，脆皮得黎又有燒鵝味，不負所望😍鹽焗手撕雞腸粉雞肉咸道適中，灑左好多白芝麻，就好香口，鵝油撈面已經係好大碗，就揀左配腸粉，手撕雞配腸粉都好夾，好鐘意佢個個好流質既花生醬。醬皇冬菇扒生菜 🥬食得健康啲就叫左個菜，菜都好新鮮。冬菇🍄雖然係細細粒，不過好juicy。酸辣無骨鳳爪酸酸辣辣好開胃，仲要係無骨，食落去超方便，一碟都有好多隻。柚子氣泡檸檬茶 比一般檸檬茶既澀味和濃茶味，多左一d柚子味和梳打水，飲落去感覺都好清新！一枱食物，埋單都唔洗$200，真係超抵食！

香港炯記餐室燒味探店印象中荃灣係有兩間炯記一間近熊貓酒店 一間就喺沙咀道嘅今晚嚟沙咀道呢間食晚飯地方算易搵， 介乎荃灣站同荃灣西站之間睇完個menu, 二人餐睇落最抵食$200 唔洗就有晒招牌菜同飲品鹽焗雞腎拼酸辣雲耳拎出嚟時就凍凍哋嘅酸酸辣辣好開胃雞腎同雲耳都好爽口鹽焗手撕雞雞肉好嫩滑，一啲雪味都無調味就剛剛好，芝麻味好香送飯一流鐘意辣嘅可以選麻辣手撕雞冬菇醬皇豬手豬手軟糯入味， 食到超級正嘅骨膠源冬菇仔細細粒， 一啖可以食一粒爽口夠味。豬手汁仲可以用嚟撈飯或麵太子鵝油撈麵呢度嘅招牌之一，出面好少見粗麵索晒鵝油嘅甘香一定要趁熱食，係佢最好食嘅狀態個餐仲有油菜，兩碗湯同兩杯飲品兩個人肯定可以食飽飽

蜜汁叉燒皇🍯好耐無食過叉燒了🤭見到隔離枱既叉燒咁大碟 我當然不能錯過啦🤣 一黎到真係好大碟！！份量超多🤩🤩🤩 鹹度適中 而且仲甜甜地～ 肉有口感但又唔會過肥 強烈建議要食 仲可以平時買返去加餸添呀😍😍鹽焗手撕雞手撕雞既肉質好滑～雞肉好香🐤鹽味送飯食就剛剛好😋😋唔會太鹹咖👍🏻大大碟 其實3個人食都夠食😆真係物超所值呢#炯記餐室 #香港美食 #香港燒味 #香港外賣 #荃灣美食 #香港探店 #港式燒味 #香港必食餐廳

係荃新天地行完街，行過隔離街個時發現呢間手撕雞二人餐好抵食，所以就入左去試下 ，餐廳內部座位都算多，所以唔需要等太耐就有位炯記二人套餐 $198🍲是日靚湯青紅蘿蔔粟米湯，清甜解膩🐔麻辣手撕雞（半隻）雞肉份量好多，唔似其他餐廳會用芽菜/青瓜墊底👍🏻，雞肉肉質嫰滑，無雪藏味，麻辣辣度比想像中強，不過都係可接受既範圍🐷醬皇豬手 （例牌）一共有6隻豬手，醬皇味好入味，豬手亦炆得好腍身，一口一啖骨膠原🐔麻辣雞腎 辣度同手撕雞差不多，雞腎咬口十足酸辣雲耳酸酸地幾開胃🥬郊外油菜揀左菜芯，份量適中🦆太子鵝油撈麵、白飯用鵝油撈粗麵，爽口得黎又充滿油香🥤套餐包冷熱飲品 /特飲叫特飲唔需要加錢，所以就叫左咸檸七

早兩日行荃新天地見到有間炯記餐室，記得上次係大窩口嘅炯記買過一次外賣，質素不錯，而且有我最鍾意嘅撈麵，點可以唔入去食。我地點左$198嘅二人套餐，一上枱有d嚇親，份量好多，性價比極高。我地揀左麻辣手撕雞（半隻），雞肉嫰滑，辣度比我想像中強，配上撈麵真係一流。醬皇豬手一碟有6隻，份量十足，滷得相當夠味，炆得夠腍，骨膠原滿分。二人套餐重有一份酸辣雲耳和麻辣雞腎，雲耳酸辣開胃開胃，雞腎入口爽脆。還有每人一碗中湯和油菜。鵝油撈麵撈粗煮得剛剛好，入口彈牙得黎帶油香，食到停唔到口。

朋友👩🏻‍🚒勁鍾意食雞🤣，呢日同佢👩🏻‍🚒一齊喺荃灣，佢👩🏻‍🚒問我有乜雞🐓可以食，我諗咗2秒，就帶咗朋友👩🏻‍🚒嚟呢間餐廳食雞🐓🤣$70「桶子豉油雞🐓半隻」：豉油雞🐓真係幾香豉油味，尤其是雞皮部份，咖啡色被醬油滲透🤣，雞肉🐓不同部位有不同口感，基本上都係幾滑🤩$68「鹽焗手撕雞🐓半隻」：「手撕雞🐓」啖啖肉有鹹香有雞味，食晒啲雞肉仲見到下邊有雞殼，如果有時間打包番屋企煲粥都應該好好味🤣$18嘅「鵝油菜心」：菜心🥬顏色嫩綠，口感軟軟哋，菜心非常大碌，感覺食咗好多纖維落肚🤩$15「熱檸茶🍋☕️」：茶底夠濃郁😋$18「凍檸茶🍋🥤」：少甜少冰幾好飲🤩