牛牛日式火鍋放題 (海之戀商場) (Closed)

即係咁其實90分鐘放題大家都食到好趕你最後5分鐘收晒啲碗碟我都明有冇需要連我哋啱啱放低嘅嘢飲都要即刻收唔係貪嗰兩啖雪糕 只係唔想整左又浪費你問我哋有冇需要再收其實唔係好難多人食要催交枱 職員做嘅嘢可以有禮貌啲老闆嘅態度尚好 只係個別員工態度差

**牛牛日式火鍋放題**呢日同老公行完donki, 就係商場搵食。見到呢間新開，睇落好乾淨企理，價錢都合理，一於就try try佢。我地兩個都比左張四人台，咁就唔怕d野食唔夠位擺。一人一鍋，可以揀返自己想要既味，而我就係壽喜燒，味道偏甜，加湯加水要自己出去拎。餐具方面用左好打卡feel既金色鐵筷子🥢 ，但係打邊爐用鐵筷子真係一種挑戰🤣我都唔小心燙到個咀食物款式都唔少，有小量炸物係自助區（不過疫情持續 其實如果用d野遮一遮會好d）

好耐無打邊爐，今日lunch同朋友去牛牛試吓一人一鍋，因為衛生啲。價錢唔貴，但食物質素卻出乎意料的好。先講環境（疫情下尤其重要），餐廳環境乾淨企理而且廚房係open kitchen，可以見到廚房嘅衛生情況都好好。重點係餐具，餐具好乾淨。而且仲有無敵海景講講湯底，湯底選擇都幾多，朋友叫咗蕃茄湯，我叫酸菜湯底。2個湯底都好濃好夠味，酸菜湯底好野味，比我平時喺其他餐廳食酸菜魚嘅湯底更濃、更野味，未開吃我就已經飲咗1碗湯放題食物放面，一般日式火鍋嘅食物都有，而重點係新鮮！食物好新鮮！芝心丸好好味，必試！ 最難忘嘅係雪花和牛，肉質超嫩超juicy，雪花分布平均，入口即溶，堅正！！(但我竟然掛住食，唔記得咗影和牛特寫）, 淨係食和牛已經回晒本飲料任飲，雪糕有movenpick。總結來講，我和朋友對呢餐都非常滿意，好食、抵食、新鮮、衛生。一定會再encore！

經過見到個裝修幾吸引，就同朋友試下。去到嗰陣12點，剛剛開舖，所以唔洗等位。我地揀咗最平嘅$188加一90分鐘套餐，任食一款牛同豬。火鍋係一人一鍋，我同朋友分別叫咗秘見鍋（甜醬油）同蕃茄鍋入去坐落環境舒服乾淨。一坐底個鍋就已經嚟，好快手。亦上咗牛同豬。秘見鍋我覺得甜咗少少。牛正常水平，豬幾好食，唔柴自助區有醬料、炸物（薯格、炸蝦，都幾脆，refill快），韓國拉面、出前一丁、烏冬、薯粉、飯、好多種類蔬菜、丸類。不過呢，蔬菜丸類個雪櫃太勁，搞到煙霧彌漫咁都睇唔清啲嘢係乜嚟😂比較推薦係黑色嘅花枝丸同蛋餃，幾特別飲品有罐裝飲品、台式冷泡茶。最想試嘅桂花烏龍但今日無，試咗阿里山烏龍但無乜味，朋友試咗四季春話都幾香個爐都幾勁所以好快就無乜水，加湯有鏗魚湯同清水，都係自助。甜品有Movenpick雪糕，本身想食多幾杯回本，但雪得太實好難刮，又太多人排隊唔好意思搞太耐，食咗一次刮咗少少就算。如果有杯裝雪糕或者雪條就好啦服務就一般啦，落單問人落咩湯底我地講咗五次佢覆我地都係錯，唔知佢係咪撞聾同埋未夠鐘就有人過嚟收曬d碗筷催你埋單我就覺得唔太好，門口又無人等位。不過我覺得食物質素幾好，有機會可以再食嘅

無左六點後堂食既關係，就四點幾去左食火鍋放題我哋揀左黑毛和牛果個餐，每人$338加一佢係以一人一鍋既，最鍾意呢種，可以食到唔同口味既湯底，又唔使遷就對方我揀左日式麻辣鍋，唔算好辣，香為主，好適合用黎烚出面拎既野食，特別係佢呢度有豬紅，一開始放落鍋，到就快食飽先夾上黎食，超入味，好滑好好食朋友揀左牛牛秘見鍋，甜甜地，好適合用黎烚牛肉任食既和牛黎講都算高質，見啲紋就知脂肪分布均勻，午巿價錢黎講真係好少餐廳有呢個質素自助食材區就同其他火鍋店差唔多，大部分常見火鍋食材都會有比較特別既係佢有冷泡茶，因為之前飲左手調茶，所以無試，但都見多食客揀黎飲，應該唔差雪糕就有moven pick 既朱古力、雲呢拿同士多啤梨味，另外仲有大腳板，食左佢既朱古力味，唔錯稍為要改善既係佢對筷子，用金屬筷子係靚同有韓式既感覺，但就會燙嘴，成個食野個過程都唔小心燙幾次🙈🙈🙈總括黎講，性價比都高，應該會再黎食

今次係第二次食 排隊都咁混亂 後過我黎嘅人早過我有得入食物質素下降，食最貴個餐 肉 (硬到夾唔開)火鍋配料好多清空都冇廚房員工補充(可能真係好忙😂一名穿着白色廚房制服員工掛住玩電話）上次食藥膳雞湯 係真係有人蔘係湯入面 而今次就無 亦食唔到有藥材味 好似清湯窩(希望管理層注意下） 上次食嘅時候 冷泡茶有好多，今次去得5支左右問女服務員話先到先得🤦‍♂️🤦‍♂️🤦‍♂️🤦‍♂️🤦‍♂️🤦‍♂️衞生方面令人覺得唔好嘅係座位地下痴笠笠嘅，軟雪糕機一陣異常味服務好有問題 上菜亂慢嘅 見有吉碟都唔主動收唯一服務比較差 各員工企喺度玩電話同交談希望貴公司跟進如果係第一次食會覺得幾好 但今次嘅體驗整體都比上次差好多 感覺就唔太好 都抵食

🤴🏻工作唔開心😫😫，好肚餓想食好野，咁我地又去左食‘牛牛🐮🐮’啦😛😛因為禁堂食已經沒有晚市，咁我地揀左60分鐘午市放題套餐～～～澳洲產長期穀飼牛放題套餐～～～今次叫左牛牛秘見鍋、日式麻辣鍋😁😁牛牛秘見鍋味道係壽喜燒鍋底，甜甜地唔會過甜，同咩配料都夾😋😋日式麻辣鍋真係辣，但係辣味只會停留一陣，好快散走🤣🤣牛牛🐮🐮嘅肉類真係有水準，不論牛羊豬都一樣出色😍😍花紋幾靚，牛味好出😜😜同埋今次多左款飲品😚😚，係上次冇嘅～～～GYU!GYU!桂花女神～～～明眼都知抄邊個啦🤣🤣，真心講桂花味清香好味過‘牛🐮大人‘橢圓形設計，更容易攞上手😄😄我地4:37入座，其中店員都會不停提醒🔔自助區同雪糕會早d收，記得要早d攞😙😙最後我地坐到5:50自行離開，沒有夠鐘就叫客人走，服務好好👍🏻👍🏻食飽飽🤴🏻都開心返啦💋💋

味道：⭐️⭐️⭐️⭐️天氣咁凍，但又驚疫情🤢呢一種一人一個鍋嘅火鍋就啱晒你啦🍲❶ 60分鐘午市美國頂級牛肉定量套餐 $98🐮喺荃灣行完Donki落到去就見到呢間火鍋店😈就決定入去試吓啦😎通常打邊爐都係lunch最抵食！呢間都唔例外🤡如果比較細食嘅話，我覺得定量套餐都已經足夠☺️因為除咗肉類之外，其他配料係任食🥰個人覺得湯底就比較普通，味道比較淡🤧但勝在呢度嘅配料都好多種類 而且係以自助型式擺放，大家可以食幾多拎幾多🤡除咗多種新鮮嘅蔬菜🥬仲有唔同種類嘅丸🍲最特別嘅係竟然有埋咖喱飯🍛所有食物店員都會定時定候不停refill💁🏻‍♀️唔使驚俾人拎晒冇得食啦😎而且呢度仲有得任食Mövenpick雪糕/orea雪條🍦不過雪糕係一桶桶，比較難「畢」🥄🥣Ps:荃灣、北角都有分店㗎😋

一田掃完貨後，諗住同老公去搵野食，就見海之戀呢間「牛牛殿堂」打邊爐，見佢新開無耐門面睇落好開揚好乾淨就入去試下喇😄我地就叫左個$198黎食。入到去環境無想像中咁乾淨，枱面仲有啲積未抹好。點菜係用電話QR code ,都算快到餐。出面自助都是普通打邊爐的基本野，有丸，響玲都有唔算有驚喜。$198牛既質素一般，好薄無口感。最後加湯部分，無論是任何湯底都只有豬骨湯可以加，在場職員也表示只有一種選擇。連壽喜燒都要加豬骨湯有點兒那個吧！其他打邊爐店都起碼有兩款湯底，豬骨及壽喜燒加湯底給客人選擇。整體黎講，試過一次就算了。

今日🎊除夕四點零鐘去到海之戀行街街😄, 點知經過呢間🐂牛牛🍲, 之前冇留意過, 望下望下個價錢都幾吸引，$118/60分鐘，呢個係最平嘅價， 但係啲牛都唔差 都食得下，我哋一坐低就嚟咗四盤牛肉兩盤🐷豚肉， 一人一鍋自己揀湯底😚， 出面啲菜🥒🥬🥦種類都唔少，有丸丸⚾️🥎🏀🏐⚽️又有一款蛋胶🥚🥟又有一煲珍珠飯🍚，一煲咖哩🍛， 出前一丁，烏冬，薯粉就唔少得啦，最後就係movenpick🍓🍫🍨雪糕~四款咁多任食， 我食咗三杯🍦🍦🍦, 我都未試過咁癲.環境 乾淨 企理，可能係新開關係啦，如果可以的話可以坐喺窗邊望海🏝，但係西斜就好熱同埋好曬😎你想➕湯自己出去加你想點多啲🐂🥩自己wifi自己➕另外餐廳係好重視時間觀念，你一夠⏰鐘就會收曬你所有嘅嘢，畀張單你😅同你講🔊: 你哋離咗時間係幾多點😑, (冇預先通知你，所以自己計時⏳)，跟住你就攞張單出去門口埋單, 坐多一陣都會畀人眼望望🙄總括嚟講下次閒日食多一次😘p.s. 員工冇乜笑容

荃灣分店服務質素要改善一下。叫第2轉肉時搵左個類似高級職員既男仕落單佢只行黎行去睇場，非比肉汁野果d職員同比牌人地（埋單）果d。落完一次要再問2次其他職員先黎到我地叫既野食。等左20分鐘左右叫左4樣野食，各一盤4盤有3盤既肉係一模一樣比返岩既肉我地時得返4個字時間。好趕。差唔多夠鐘時又係果個職員比左個牌（收錢）我地就咁放低。我地都擺左張卡上去。以為佢會收。又冇。到夠鐘就行埋黎。“你地夠鐘啦喎拎埋個牌出去比錢”其實佢放低時係咩都冇講野食方面真係好新奇有d款係出面係未見過同埋我叫中等價錢既餐（90分鐘）第2次黎果轉有隻仲好味過中等當時我地冇問。因都唔知佢邊隻打邊隻個爐同對筷子。用家要小心。夾野食落口。筷子仲係好熱。

天氣凍最啱打邊爐，所以同個朋友喺下午時段去咗荃灣嘅呢間餐廳！餐廳分咗唔同嘅套餐選擇，可以自行選擇60分鐘或者90分鐘。我同朋友仔揀咗90分鐘，一個壽喜燒湯底，一個酸菜湯底，中等價錢嘅套餐，但係已經可以食到上等嘅嘢😌蔬菜係自助形式，我出咗去選擇咗一啲菜同埋菇，都幾新鮮。另外當然仲會搞埋一啲丸類，芝心丸爆汁好正🤤🤤🤤🤤🤤肉類方面呢就因應你選擇嘅套餐，今次我就有機會食到上等牛肩肉，皇冠豚肉，好味道🤤🤤🤤🤤🤤

90分鐘任食火鍋放題，環境寬敞又有海景， 鄰近又有donki， 食到飽飽之後去行最啱，除咗有汽水啤酒任君選擇， 仲有唔同嘅特色茶， 阿里山烏龍茶, 四季春， 桂花茶等， 最啱打邊爐嘅時候，又唔想飲汽水， 仲可以解膩添火鍋醬料亦都應有盡有， 仲有好多唔同丸類 蔬菜類， 菇類等， 對於我有選擇困難嘅港女嚟講， 樣樣都要食曬 ， 但係個胃就好細 ，係一大挑戰火鍋嘅主角--肥牛， 脂肪比例分佈均勻， 薄切嘅肥牛放落去麻辣火鍋滾一滾， 再點醬油， 立即放入口， 感覺好滿足除咗肥牛之外， 仲有豬肉雞肉等隨時奉上，食到最後當然要食返 甜品啦， 有movenpick雪糕, 有朱古力士多啤梨雲呢拿味, 食到你舐舐脷

時間返返去一個多月前, 仲可以4 人夜市堂食既日子。呢日係星期五晚, HAPPY FRIDAY 想食好少少, 於是就決定去海之戀食日式火鍋。見到呢間食店都幾多食評, 好! 就試呢間!打電話去想訂位, 店員話冇得訂位, 咁唯有請老公早少少去拎位。時間係18:30, 冇乜人, 不過過左15 分鐘後就另一個景況啦! (超多人等位) 門口好光鮮, 而且價錢好清晰! 讚! 餐廳係主打90 分鐘放題, 有菜, 少少熱食, 飲品都係放題! 我地要左美國頂級牛肉放題套餐, 包括美國頂級牛肉/嚴選特級牛肉/紐西蘭羊肩同丹麥豕肉。肉黎到時係已經完全解凍而家疫情關係, 食店安排一人一鍋, 非常讚。而且都係有種湯底可供選擇! 不過餐桌位置比較細, 冇乜位放野。我叫左牛牛秘見鍋, 感覺似日式涮涮鍋湯底。老公叫左韓式泡菜鍋。蔬菜選擇極多, 佔2 個雪櫃。最最驚喜係有紅心蘿蔔, 好少地方有得食。炸物有幾款, 榴槤炸彈好食, 好濃榴槤味。飲品方面都好驚喜, 有冷泡茶, 有3 款! 仲要勁大枝!仲有西柚汁同橙汁, 我冇試, 但偷聽到隔離台話係好新鮮, 好似鮮榨咁。醬料方面都交足功課。最後甜品竟然係MOVENPICK 雪

任食既一人一鍋市面上都好多選擇，友人介紹下估唔到呢間既火鍋料咁高質🐂最重要係啲配料夠曬多😍-9️⃣0️⃣分鐘澳洲產長期榖飼牛放題套餐$238🐂-特登揀左個90分鐘，最後都慢慢食啱啱好食哂所有雪糕😍牛方面呢個價錢個牛肉🐂非常出色，同價錢仲可以選擇羊肉🐐同豚肉🐖，仲有其他平價少少既牛肉🐂😍放題既肉類選擇非常多😍不得不讚上牛速度之快，重點係碟碟牛質素保證，絕對唔會hea👍🏻日式麻辣鍋🌶️-估唔到日式店都可以有咁四川風味既辣🌶️呢個麻辣鍋有各式辣椒乾🌶️越煮越辣越惹味！辣味一開初比較淡味，煮滾左麻辣味就慢慢滲出！麻辣者必點👍🏻牛牛秘見鍋🐮-原來呢個係壽喜燒鍋，甜甜既醬油夠哂味！壽喜燒味甜度適中😍點肉類鮮味十足😛菜類都唔會怕湯底太濃味🍲必點之選👍🏻醬料區🥢-5️⃣款醬料任君選擇！最大路既日本醬油🇯🇵、味濃郁濃稠既芝麻醬、甜甜既甘口燒汁🔥、仲有解膩之選醋香汁同酸汁！蘸料區🥄-芫荽愛好者一定會大讚呢度既芫荽🌿切得非常細碎，刀功一流🔪蒜蓉🧄、青蔥粒🌱、指天椒粒🌶️等等！我既㊙️制醬料配搭：芝麻醬➕炸蒜🧄➕芫荽🌿➕芝麻粒😍蔬菜區🥬-選擇超多，用料新鮮！比較少見既青蘿蔔片、水蓮菜、翡翠苗🌱同羽衣甘藍🥬丸類區-選擇超多！推薦一咬