牛牛日式火鍋放題 (海之戀商場) (Closed)

雖然天氣開始熱，但都無損我呢個邊爐怪🤣因為打邊爐真係好方便，而且我好鍾意自我調配啲醬料，加下辣椒加下蔥蒜咁😙今日黎到牛牛🐮日式火鍋，果然店如其名，店內充滿牛肉香味🤩好啱我呢個勁鍾意食牛嘅人🐮呢度嘅一人一鍋好幸福，唔使同人爭，自己鍾意食咩就煮咩😳 套餐方面都有幾款，我就選擇個貴多$20就可以食埋澳洲產頂級長期穀飼牛，當然個美國產頂級牛肉都好好食👍🏻不過貴$20食多款牛肉，好抵比啦❤️其實個餐仲包括其他肉，比如嚴彈特級牛肉，綠之草原羊肩肉同丹麥產皇冠豚梅肉等🤤每款肉都好唔錯！另外，餐廳可以有菜同丸提供，包大家食到飽一飽先走呀🥰

今日經過商場搵好嘢食❤️比餐廳門口嘅打邊爐香味吸引，反正未食lunch，咁就決定食邊爐放題啦🤩餐廳啲座位好寬闊，坐得舒服，拎完野食返黎放哂係度都唔會好迫👍🏻另外，由於係自助形式，出面有好多丸類，麵類同菜類拎。當然仲有野飲同甜品雪糕任食啦🥰餐廳有好多湯底選擇，起碼都有8款，好厲害！而我最後就揀咗❤️日式麻辣鍋❤️😍因為本人好鍾意食辣👏🏻 我就揀左個貴少少嘅❤️澳洲產頂級長期穀飼牛(任食)❤️，除左穀飼牛，仲有❤️頂級牛肉❤️，❤️羊肩肉❤️同❤️丹麥產皇冠豚梅肉❤️，幾款肉都好新鮮，食落都好有肉味，而家睇返啲相都流口水🤤呀😎我都唔知🤔嗌左幾多盤肉啦，感覺已經食返夠數🤣抵食！

呢個大食鬼又出動啦😳任飲任食嘅火鍋放題不嬲都係我嘅至愛❤️今次食呢間餐廳除咗坐得舒服，仲有個靚景添！當然食物嘅水準都好高啦🤩一入到去就見到大大個雪櫃裝滿晒唔同嘅嘢飲！然後蔬菜同埋勁多款嘅丸類任食，最特別係個蔬菜有蓮藕，我都唔知幾耐冇食過蓮藕啦🥹然後肉類方面，有齊我鍾意食嘅牛肉啊，豬肉啦，同埋羊肉😋😋😋😋款牛肉係入座時已經要講明架啦，我揀左澳洲產頂級長期穀飼牛😍勁好味喎👍🏻不過我食完重點都係返返去牛肉同羊肩肉，因為我真係無肉不歡🫣呢餐食完真係捧住個肚腩走🤩

Donki行完之後入咗勁多貨，行到好肚餓係時候要醫下自己個肚😋今餐食火鍋放題，我真係好鍾意食放題，任飲任食，真係食到自己飽一飽先落樓，分分鐘食多幾盆肉都返本啦🤣餐廳坐得幾舒服仲有個靚景添😍湯底勁多選擇，有辣有唔辣，任君選擇❤️ 我就揀左個澳洲產頂級長期穀飼牛，呢款牛真係好啱我口味㗎，牛肉味重啦，而且啲牛肉花紋都好靚，食落去有少少肥膏，正😄佢呢款放題套餐仲包咗一隻丹麥產皇冠豚梅肉同埋綠之草原羊肩肉，嗰隻豚梅肉冇乜豬腥味，而家有咬口😙而隻羊肩肉就真係啱晒食羊嘅朋友，油脂分布均勻，羊味亦重，掂啦🥳佢哋飲品方面除咗Standard嘅汽水之外佢哋仲有啲一樽一樽嘅自家製嘅茶飲，都唔錯👍🏻

難得老細今日唔係度，梗係早啲出門口放飯啦，今次黎個自私食，自己黎個打邊爐放題🤣🤣呢度嘅食物質素都唔錯，重點係下完order上肉速度好快，唔會拖時間！啱晒我呢啲心急人上😊我就走健康路線，叫左個熟成蕃茄鍋，好正好濃郁呀😙然後自己再下啲粟米🌽，金菇，生菜，蟹柳等等，自家製整咗個蕃茄蔬菜煲🤣呢，咪講笑！超級鍾意❤️跟住食完菜打咗底之後，就食肉啦😉肉類方面有齊牛肉，羊肉同豬肉👍🏻全部肉都好高質好味，特別係個穀飼牛，肉味香濃，呢餐自私食食得好開心🥳

工作一星期，辛苦又OT,所以決定今晚食返餐好，由於本人勁愛食肉😍所以呢類火鍋任食真係好啱我😏湯底佢哋有好多款選擇，我就揀左個日式麻辣鍋，辣辣地刺激啲😎然後就下單食肉啦，啲牛肉基本上全部都好正，肥牛唔會話得啲肥膏，而家肉味香濃👍🏻另外啲豬肉片都好掂，仲有隻叫綠之草原羊肩肉，我平時都食羊但又唔會話特別好，結果呢隻幾出色喎😋再點埋我自己調制嘅醬料，一個字，掂🤣🤣🤣為咗食返夠本，我就主打食肉，其實餐廳仲有菜同啲特色丸提供，鍾意食嘅朋友都可以夾黎食👍🏻

今日同媽咪撐枱腳食飯，媽咪提議去食打邊爐🤣咁見商場有間任食火鍋，就去試一試😈我同媽咪都好鍾意食牛，所以揀咗個任食澳洲產頂級長期穀飼牛，再揀埋個骨膠原豬骨鍋😍醬料，蔬菜同丸類係自助形式，自己想食咩就夾咩，夠哂彈性👍🏻另外，仲有野食同雪糕食，好開心❤️重點係啲肉，原來個餐仲包左可以食豚肉同羊肉，牛肉係穀飼牛，滾幾秒就食得🤩啲牛肉味仲好濃郁添，豚肉都唔錯！我就唔食羊，但媽咪都話羊肉好好味😋佢仲叫多左轉自私食添🤣開開心心又一餐👏🏻

海之戀商場第一次黎，估唔到咁多嘢食☺️今次揀左食任食打邊爐！入到餐廳坐低先知可以睇住個靚靚海景食嘢，超值呀😎同朋友商量過後就叫左個日式麻辣鍋，呢個麻辣鍋湯底唔係話好辣，其實辣度剛剛好，吊味一流☺️然後餐廳提供唔同嘅蔬菜🥬呀，丸呀，麵呀，大家可以自助夾，鍾意❤️食咩就拎咩😙肉類方面，我哋個餐有得任食澳洲產頂級長期穀飼牛，每碟送上黎都好靚仔，食落口都好掂👍🏻然後仲有丹麥產皇冠豚梅肉同綠之草原羊肩肉任食，兩款都好高質❤️野飲除咗普通氣水外，仲有啲樽裝茶，幾好飲，解油膩又可以清下腸胃，正🤣

呢間日式火鍋放題估唔到有個靚靚海景陪住我食☺️單係個景已經值回票價啦，況且個價錢真係好抵食😝要左個壽喜燒月見鍋，甜甜地好啱我口味😉我哋就叫晚市90分鐘任食澳洲產頂級長期穀飼牛，呢個仲包埋豚肉同羊肉，真係一次過滿足食唔同肉嘅慾望呀😏牛肉啲花紋好靚，肥瘦適中，真係愈食愈上癮🤪不停encore encore 再encore!!!另外啲豚肉都好高質，完全無豬腥味，呢個都叫左幾轉！食咗咁多肉梗係要食返啲菜啦😙呢度有好多菜同丸比埋大家選擇，仲有雪糕🍦，真係堅正呀🤩

對付我呢個美食無底洞😂一定要食放題，因為比一個價錢之後，想食幾多就幾多😳唔使下下就住就住😁今次食呢間火鍋放題食物質數高，而且坐得好舒服，100分👍🏻我哋叫咗90分鐘澳洲產頂級長期穀飼牛(任食),加豬骨湯底😋湯底好濃郁，仲有舊大豬骨，足料到爆。除咗牛，仲包括豚肉同羊肉食，好爽呀！啲肉全部都好新鮮，厚薄適中🤓而且仲有勁多唔同種類嘅蔬菜🥬例如粟米🌽，金菇，生菜，窩荀等等，仲有多款丸類，所以打邊爐食到勁爽！食飽飽後仲有movenpick 雪糕🍦食，真係兩個胃（另一個甜品胃)都滿足哂🥰

同朋友係要見架🎈所以今日大家約埋一齊食個任食火鍋放題lunch😍呢度係我哋嘅聚餐地，一諗唔到食咩就會黎呢度食，因為價錢抵食物質素又高，仲坐得好舒服🤩我地兩個叫左個美國產頂級牛肉只係$168，仲要食足一粒鐘，真係勁爽😍一坐低兩話不話點左幾盤牛肉食😳上枱速度勁快，唔會好似出面啲餐廳會放慢比客，呢個好抵讚👍🏻另外，鍾意食羊嘅朋友千祈唔好錯過個綠之草原羊肩肉，少少羊羶味剛剛好，又唔會太重，而且肉質都鮮嫩，好食🤓加上仲有汽水🥤任飲同雪糕任食，呢餐堅係抵食呀！

晚餐同老公兩個人唔知食咩好，又唔想煮，行完Donki見到呢間餐廳決定打邊爐🫣啱哂食肉獸嘅我哋🥳聽店員講解後，我哋決定揀個貴少少嘅放題，食個靚啲嘅澳洲產頂級長期穀飼牛🥰湯底就配返個煮咩都咁夾嘅骨膠原豬骨鍋😋聽個名感覺食完會熔光換發咁🤣牛肉勁靚仔，放入烚10秒左右剛剛好，肉質依然保持嫰滑👍🏻食完不停要encore 🤓除咗牛肉之外，仲有個丹麥產皇冠豚梅肉，呢個又係力推比大家，豬肉味都重😋仲有個自助區有哂各式各類嘅蔬菜同丸，真係食到飽一飽，最後黎多枝薑味雪條，好正呀喂😍😍😍

今日諗住試下新野，一試即中伏😩😩😩😩😩叫咗個中價位$218澳洲頂級產長期穀飼牛放題套餐，諗住澳洲牛吾會差得去邊，碟野來到，核突到一個點，顏色暗淡得嗰幾條紋，初頭仲以為係豬肉問過待應先知道話係澳洲牛😢😢😢😢，之後叫左美國頂級牛肉，我從未食過薄到成張紙嘅牛肉，一夾仲要即爛，真係人都癲🤬🤬🤬🤬，唔係好明點解要將塊牛肉切到咁，完全都食唔到味，質素差到咁，點樣有回頭客呢？出面嘅食材就普普通通。講到甜品，兩隻雀巢雪條，一種雀巢雪糕杯，兩款自己不嘅M牌雪糕，食左支難食到好似藥水嘅西瓜雪條😭😭😭。真係唔係好明點解咁嘅價錢比咁嘅嘢食人哋真係試過一次唔會再有下次。比二百幾蚊食啲咁嘅嘢，但馬屋好過佢好多！

服務真係要改善一下食到尾聲食甜品 突然有兩個人拎埋車仔過黎起勢執枱 個時大概八點五十幾分 我以為夠鐘所以去賣單先 得返同行朋友差小小未食完然後埋完單見倒離坐時間係21:06‼️⁉️❓因為個兩個人不停起勢執 友人未食完已經帶口罩準備走我再入去同執枱個兩個人講好似未夠鐘 佢好似聾咗聽唔倒仲繼續執 之後再同佢講你咁執我以為自問過時 佢一點反應都無比我🙄真心嬲咗 如果你多人排隊 或者準備收工既都明既 但你間餐廳啲客又未走晒 仲有五枱以上客人 十點先收工 九點未到就話要收雪糕 又不停趕客走 真係唔休做🙃🙃🙃

依間啲嘢食都一般，但員工就麻麻地啦，明明講食90分鐘午餐火鍋。點知未夠一小時就俾單我地。睇返只得60分鐘。咁未同職員講。佢就講幫我地改返90分鐘。之後差唔多時間又不停同我地講夠鐘。勁無禮物咁叫人走。其實我哋用餐時間仲有15分鐘的，之後到埋單就即刻收錢，連單都唔俾客人睇。收左錢又唔俾返張單俾客人，後來我地發現收費有問題，就搵佢理論，點知講係咁多錢，明明我地講係食$168，佢係張單打左188。我哋都無嘈佢，但發現張單係$480@2，即係每人要俾多$72，即刻問點解收多我地咁多錢。佢就講我地加左時。明明係佢錯打左我哋60分鐘。咁發現錯時己經即刻同職員講，係佢即刻改返俾我。但點知靜雞雞又改咗客人既餐錢，佢仲要話係客人問題。明明係佢既問題，竟然把責任推俾我哋。真心無下次。