牛陣 (iSQUARE國際廣場)

Open Now

Now Closed

一大班朋友都係日式火鍋嘅fans，食開咁多間，牛陣嘅質素真心算唔錯。今次再黎，見到佢有出個冬戀美鍋，緊係要試下啦😍，話哂都係新野喎！-原來冬戀美鍋即係骨膠原雞鍋，感覺好似主打滋補養生嘅路線。湯底唔算好淡，有雞嘅香味之餘又唔會太油膩。雞件都算多嘅，而且好滑嫩。-除左個特別鍋底，個餐仲有得食鹿兒島直送既美人和牛😍😍😍。塊牛真係人如其名，雪花嘅紋路好靚，油脂分布非常之平均，輕輕燙一燙，入口嫩滑有牛味，唔洗點豉油已經好好味💪🏻。另外仲包左雞滑、豬肋肉等等。野飲方面，包左汽水同Asahi任飲，對於我地成班酒鬼黎講，真心抵到爛☺️。

今次黎到ISQUARE 食牛陣星期四晚估唔到都FULL！有好多人係出面等位所以記得要早D BOOK，咁就唔洗等咁耐啦^_^全女班當然要叫增加骨膠原的濃厚雞白湯 - 冬戀美鍋喇！鍋湯底係用雞骨熬既~入邊都有好多雞件，因為骨膠原嘅緣故，個湯底會越嚟越濃稠食到尾都仲好濃同美肌蔬菜盤 一齊上美肌蔬菜盤最特別係個手打雞肉但大家都覺得 油揚蔥卷 幾創新同時仲送上和牛..牛舌..除左和牛外，仲有黑豚肉可以叫！黑豚肉好薄，有肉味！加埋個湯底，就算不蘸上任何醬汁，都好夠味！最後甜品仲有水信玄餅加埋黃豆粉再淋黑蜜食用PERFECT!其實除左冬戀美鍋的SET可以食之外鋪平時的野都可以出去拎黎打~

認識我的朋友, 也知道我鍾意打邊爐, 所以得知牛陣推出「冬戀美鍋」, 便去試下. 當中包括日本鹿兒島直送「美人和牛」, 黑豚肉, 美肌蔬菜盤等, 我特別鍾意湯底, 是骨膠原雞白湯, 啱晒女士食. 除了套餐的配料外, 仲可以拎各款蔬菜, 丸類, Häagen-Dazs雪糕任食. 我就拎了蟲草花和丸類, 這些也是我打邊爐必食的配料. 湯底上枱. 滾起後, 我第一時間試個和牛. 即使我係食全熟, 整的時間較長, 但入口感覺仍然算稔身, 唔會覺得太乾和硬. 除了和牛外, 仲有黑豚肉可以食. 食了咁多肉類, 要食下蔬菜中和一下, 美肌蔬菜盤各式各樣的蔬菜. 而以雞肉整成的手作雞湯也相當特別. 當中特別鍾意食油揚蒽卷, 平日火鍋較少機會食到, 完全吸收晒湯的精華, 特別好味. 最後食埋個水信玄餅. 賣相好精緻. 上枱後, 客人可以因應自己的喜愛加入黃糖和糖漿. 這一餐相當豐富.

冬天最好就係烚下烚下，而且最重要要揀間任食餐廳，咁就唔洗就住就住食，盡情放縱，香港任食邊爐多到數都數唔晒，而我反兜得最多的其中一間就係「牛陣」尖沙咀店都算幾大間，全部都卡位坐得好舒服行完街街肚仔餓唔知食咩，所以決定又去打邊，坐底見到除左平時嗰幾個餐，仲出左個新野叫「美鍋」，話明美鍋，唔通食完會變靚? 我呢D貪新鮮又貪靚，食左先講啦多種飲品任飲，連ASAHI都可以任飲，實在好難得，除夕前一日，心情特別高漲，我地都飲左唔少罐呢美鍋 ($329)原來美鍋呢個名的由來係因為呢個鍋充滿骨膠原，湯底係濃厚的雞白湯，湯入面有生的雞件，細心一睇雞件完全無皮下脂肪，記得要滾熟雞件先開始飲湯呀，奶白式的湯底濃得有少少漿口，感覺好似飲左膠原飲品一樣隨鍋會附上蔬菜、蔥卷、雞滑，將所有材料放晒落湯，湯就變得更濃更美味除左岩岩所講的蔬菜，呢個餐仲可以任食日本產特選黑毛和牛肉、澳洲穀飼牛肉、豬柳肉同豬肋肉，淨係食番幾盤呢D肉都已經夠賺番個價錢混醬方面就要出去外面，我比較喜歡用大板醬油，食落無咁鹹除左本身個套餐D野可以任食，行出去都有好多食物任拎，我最開心就係今次黎食有新食物，見到我呢排好鐘意食的羽衣甘藍同蟲草花，呢

「冬戀美鍋」任食火鍋🥘(每人$329)湯底是骨膠原雞白湯，套餐主打「美人和牛」🐮，其實是鹿兒島直送黑毛和牛後部肉，因含有豐富蛋白質、鐵、鋅同維他命B12等營養，所得其名😂撇除美肌養顏與否，牛肉油脂均勻豐厚，肉質鮮嫩，說不上是甘美豐腴，但料不到牛陣也有質素不錯的和牛😋放題食品更包括日本產特選黑毛和牛肉、澳洲穀飼牛肉、豬柳肉、豬肋肉、手作雞滑、油揚蔥卷、各款丸類、蔬菜盤和 Häagen-Dazs雪糕☺️ 非酒精罐裝飲品及Asahi也是任飲！可惜放題限時90分鐘，吃得趕急，而且餐廳全晚滿座，但人手有點不足，所以加湯和點菜稍欠效率。味道 ⭐️⭐️⭐️1/2服務 ⭐️⭐️⭐️環境 ⭐️⭐️⭐️價錢 ⭐️⭐️⭐️📍牛陣 🍽尖沙咀彌敦道63號iSQUARE 7樓 #hkgoodeatsTST

冬天就是打邊爐的季節，今次到尖沙咀的牛陣，門口已經人頭湧湧，不過每節限時 90 分鐘，所以都不會等太久。 新推出的美人鍋好像很滋潤，一於試試。 一坐下來最吸引的一定是火鍋料自助吧，款式甚多，肉類有魚蛋、墨丸、芝士腸、栗米丸、龍脷柳等，菜類有生菜、油墨菜、娃娃菜，更有蕃茄、蟲草花、雞脾菇、金菇、南瓜、栗米、豆腐、豆卜等，應有盡有。 飲品的款式都不少，連啤酒都可以任飲。 湯底來了，其實美人鍋即是白雞湯。 跟餐更附送「美人和牛」，豬肋肉和牛舌，和牛切得夠薄，脂肪比例平均，充滿濃郁的牛肉味，即使不蘸上任何醬汁都很美味。 除了肉更有蔬菜籃，有油揚蔥卷和手打的豬肉滑，豬肉滑肉質非常爽口彈牙，我非常喜歡。 源源不絕的火鍋料。 而最重要一定是任食Haagen-Dazs。有四種味，比利時朱古力、草苺、柚子同Cookies & Cream，沒想到竟有特別口味，不是雲呢拿和咖啡，超有驚喜。 最後送上晶瑩剔透的水信玄餅做甜品。 打邊爐任飲任食，更有任食Haagen-Dazs雪糕，$329實在是超值。

平安夜個晚，帶左男朋友黎牛陣打邊爐，貪佢有Haagen Dazs 雪糕任食即使我地6點已經到左，估唔到店外已經好多人等緊位，所以都等左半個鐘先入得，唔知平日係咪都咁多人呢？等既時候，見到店外既poster係新出既美鍋，和牛個名又叫美人和牛，好似有美肌效果，貪靚既我當然叫男朋友陪我一齊試啦湯底係雞白湯，入邊有唔少雞件，味道偏清淡，感覺健康啲。或者係因為骨膠原嘅緣故，個湯底會越嚟越濃稠，所以我之後加湯嘅時候都係加返普通嘅清湯鹿兒島和牛既雪花紋好靚，而且好薄，輕灼幾秒已經食得，口感確實勝過百餘元的美國牛。牛舌同豬肉都唔錯隨餐既拼盤除左各項蔬菜之外，有我未試過嘅雞滑同埋油揚蔥卷，個蔥卷我同男朋友都唔太鍾意，因為個配搭好奇怪，但係雞滑ok既，只係略微鹹左d。打邊爐當然要食埋其他配料啦，不過當晚嘅主角係和牛，所以我哋都唔係食咗好多。係我哋最鍾意嘅Haagen-Dazs雪糕呀有四款口味，食左起碼6-7球哈哈個餐仲有水信玄餅。

冬戀美鍋($328)-冬戀美鍋即係骨膠原雞鍋，原本擔心佢會好淡味，點知又冇喎🤩，鍋底好香而且唔油，裡面仲有唔少滑滑雞件🤤。-套餐任食鹿兒島直送既美人和牛，雪花好靚而且大大塊，比平時既牛靚喎，不過和牛油香重，食兩碟就夠曬皮啦🤘🏻。唔想食太多牛肉，仲有雞滑、豬肋肉可以食，唔少得外面自己夾的配料啦，選擇唔算超多，但樣樣都合格有餘。-套餐仲有汽水同Asahi任飲，食到咁上下，出去食返幾球Haagen Dazs同跟餐送既水信玄餅就夠滿足啦🤗。

拆禮物日，當然要食餐豐富點的，印像中只食過一次牛陣，所以這晚Nosir提議去牛陣食Boxing day大餐⋯isquare分店的裝潢滿有日式風味，自助區食物都OK多，還有哈根大師雪糕⋯12月份新推出冬戀美鍋放題套餐，當中包括了任食美人和牛、日本產特選黑毛和牛、澳洲長期穀飼牛肉、豬柳肉、豬肋肉、美肌蔬菜、油揚蔥卷，手作雞滑，還可以任飲罐裝氣水及朝日啤酒，還有每位客人可享有一客水信玄餅，非常豐富，所以我們二話不說就點了冬約美鍋⋯湯底是濃厚雞白湯，色澤乳白，濃郁而不膩口，而且有豐富骨膠原，好美肌滋潤啊﹗雞肉很有雞香還有肉質非常嫩滑⋯湯底送來後，店員就給我們送上2款和牛⋯雖然是任食，但每次加牛肉的份量也絕不敷衍，一大盒的送來，所以不用不停叫店員加牛，兩款和牛油花十足，口感軟滑，牛味濃郁⋯除2款和牛外，還有牛舌，油脂甘香，非常有口感⋯豚肉也非常嫩滑，一點都不膩⋯美肌蔬菜和油揚蔥卷，非常豐富⋯自取食物有蔬菜、丸、魚柳，還有蟲草花，蔬菜更有超級食物羽衣甘籃⋯Haagendazs雪糕有四種口味呢﹗我選了最愛的朱古力還有咖啡⋯只限冬戀美鍋套餐才送的水信玄餅啊﹗晶瑩剔透軟彈的水信玄餅上淋上黑蜜和黃豆粉一同

早幾日同朋友去左牛陣食dinner, 一齊叫左個「冬戀美鍋」! 估唔到咁好食, 食物質素好得，一定要推介！！！！有日本鹿兒島既和牛，超靚，冇咩脂肪，食落好有鮮味～仲有澳洲長期穀飼牛肉、豬柳肉、豬肋肉等，我地encore 左一盤又一盤.... 食多幾盤已經回本～另外, 仲有油揚蔥卷、美肌蔬菜盤 ，出面有勁多野食拎，Haagen-Dazs 雪糕仲要任食，哈哈，超正！OVERALL 食物質素正，環境又舒服，可以再食！

岩岩聖誕，同幾個朋友一齊食牛陣!! 原來牛陣最近推出左個全新「冬戀美鍋」，個湯底好得😋 感覺進補左好多骨膠原!!出面有好多野可以任拎，有大量蔬菜、eg. 粟米、蘿蔔、蕃茄、金菇... 套餐包括： 日本鹿兒島直送「美人和牛」、澳洲長期穀飼牛肉、豬柳肉、豬肋肉、鮮嫩雞肉、油揚蔥卷、美肌蔬菜盤，全部都無限添加！Haagen-Dazs雪糕任食，仲有汽水及Asahi啤酒任飲！ 食物新鮮、望落賣相都勁吸引！坐得又舒服~ 不過限時90分鐘!下次會再食 =]

牛陣嘅火鍋放題相信大家都唔會陌生，所以朋友話要食打邊爐，喺尖沙咀就即刻搵咗牛陣食，貪佢係iSquare入邊夠方便。牛陣依家有新出嘅美人鍋，有啲新意喎。既然係主打湯底，所以未上枱之前我哋都好期待😂😂原來湯底好似一大煲雞湯咁，都幾多雞件，湯底面頭都唔會有好多油。見佢清清地咁，我哋都即刻’不‘左啲湯底嚟飲😂幾清甜，唔會覺得重味精👍🏼👍🏼除咗湯底之外，配料都幾唔錯。有鹿兒島黑毛和牛、黑毛豬、牛舌等等，質素唔錯。除咗肉類之外，仲有個美肌蔬菜盤。入面有個雞肉滑記得別，幾爽口。甜品仲有一人一份水玄信餅添！味道就普普通通，不過難得放題有水玄信餅食，都幾特別。除此之外，當然唔少得仲有雪糕任食啦！

冬天當然去打邊爐啦，同朋友去牛陣試新野！係全新「冬戀美鍋」套餐，有Asahi啤酒任飲，又有任食Haagen-Daz。餐廳環境，都幾清潔。火鍋配料任食任拎，有好多丸、 金菇、 腸仔、菜等。個餐有日本鹿兒島直送「美人和牛」，豬柳肉，豬肋肉，牛舌。D牛好薄切幾入味。仲有鮮嫩雞肉配埋「手作雞滑」,油揚蔥卷,美肌蔬菜盤 (可無限添加)，感覺幾特別。但加水既湯底係雞湯。 飲品方面，有汽水同Asahi啤酒任飲！任食Haagen-Daz。晚市好full好多人，每人3百幾架，最後仲每人有一個水信玄餅，好得意，好有口感。

今晚約了朋友去尖沙咀食飯，涷涷地諗住打邊爐，咁岩行到去isquare，就揀左牛陣。雖然晚飯時間多人，但舖頭環境寬敞，一啲都唔逼。職員服務態度十分殷勤，細心介紹菜單內的菜色，仲推介冬戀美鍋放題套餐，有濃厚雞白湯配美人和牛！濃厚雞白湯，自家熬製既湯底，好重雞香味，配上奶白色澤，濃而不膩，不自覺飲多幾啖。好少見有和牛食，和牛肉雪花都細密，脂肪唔多，分布平均，油膩感較低，肉質嫩腍，非常juicy好吃。豬肋肉是薄切，只需灼一灼就食得，帶有油脂甘香的，好吃。而難得的是瘦肉也不「鞋」口，不讓腩肉專美。這碟豚肉，吃得滿意，也追加了一碟。新鮮雞肉加入香蔥，味道新鮮，啖啖肉，適合無肉不歡人士，份量亦好充夠，食到好滿足。旁邊有油揚蔥卷，生蔥配上腐皮，一串兩件，再放入火鍋滾一滾，食法幾特別！今次既甜品十分有特色，水信玄餅，故名思義，係水滴形狀。口感滑漏，有少少甜味，仲可以加入黑蜜同黃豆粉，點綴一下。店員仲推介可以配上Haagen-Dazs雪糕一齊食。

冬至前夕的火鍋之旅今天我們就點了冬戀美鍋鍋湯底是用雞骨熬煮的濃厚雞白湯味道天然清甜有膠質兩款牛肉隨即奉上澳洲穀餌和較瘦肉味濃郁鹿兒島黑毛和牛雪花紋優美在濃湯中輕輕涮十秒就可上桌黑豚肉肥瘦適中豬肉味濃我喜歡伴以拉麵或烏冬一起食用美肌蔬菜盤緊接送上手作雞肉超彈牙雞味重跟這個湯底相當合拍超級食物羽衣甘藍鮮甜除幫助排毒外更有抗氧化作用雪糕有四款哈根大師吃到飽最後奉上甜品水信玄餅灑上黃豆粉淋上黑蜜食用這個冬天可以美美的過了