牛陣 (iSQUARE國際廣場)

Open Now

Now Closed

成日都同朋友去牛陣 gathering, 呢期新推出sukiyaki ， 即刻約🐢密們去食。又有得玩又好味！仲可以比我一展廚藝... 好正喔,佢既牛肉一d都吾鞋，個湯底味道亦都啱啱好👍🏻

我未見過任食嘅食物款式可以少成咁，肉得幾款....牛肉，豬肉，牛舌，海鮮得迷你帆立貝，蠔同魷魚，丸類接近零，我揀咗最平嗰隻$219放題，啲牛肉冇乜味兼瘦到一個點超孩超難食，一向係牛控嘅我竟然連同另一人夾埋都食唔到一碟，豬肉牛舌冇味，蠔同帆立貝僅僅合格，雪糕話haagen daz但要自己不，但硬到呢難不到呢，每個人最少用兩至三分鐘都未必不到一個正常size嘅雪糕球，每個人不雪糕都好似要擔泥咁起碼不三分鐘，環境座位都ok唔算迫劫但通風非常差，每枱一鍋啲水蒸氣蒸出嚟焗到呢，咁嘅食物質素同款式連加一每位收二百四十幾得90分鐘我覺得極度不值，牛肉係垃圾級別，我冇試但亦唔太相信升級到三百幾嗰隻嘅牛肉可由蟲變龍，呢間嘢我請都唔會再去

再訪牛陣，是為了一試新推出的泰國冬蔭公鍋。桌上放有DIY火鍋湯底的步驟，我們按照指示先把牛油平均塗在燒熱的鍋上，再爆炒香茅、紅蔥頭、魷魚和鮮蝦等。倒入冬蔭公湯後，待其滾起，擠上青檸汁，未吃已聞到陣陣酸辣味。我們點的是$219澳洲上級穀飼牛色澤紅潤、帶點脂肪。在鍋中燙後，肉質幼嫩，蘸少許麻醬已非常美味。豬肉片也不錯，肥膏不多夠健康薄切牛舌一點也不韌生蠔沒有腥味，帶子也軟腍吃了很多牛肉後，也想吃一些澱粉質，圖右上的日本拉麵出乎預期的煙韌有彈性。魚柳嫩滑，也是一吃再吃泰國象啤任飲，味道清新順喉，配火鍋一流。甜品是每人一枝I SEE I SEE手工芒果糯米飯雪糕，餐廳果然有心思！

放工好肚餓，見isquare間牛陣呢個鍾數又唔算多人排隊，就直接同朋友入去。餐廳好多位都好仔細因為員工嘅服務都好好一手一腳幫我地整。坐底叫左距個泰國冬陰功湯底，店員會先落油將d香料啊海鮮等等炒香，然後再倒湯，即刻冬陰功味好香。然後我地就揀左澳洲牛套餐。牛ge肉味好濃郁，而且唔會好un，反而好嫩滑，唔點醬料食都ok。之後仲有牛舌，海鮮等，都係可以追加ge。除了你叫果個套餐果d食物之外，仲有餐廳出面ge自助吧，有各款蔬菜，丸類，飲品，雪糕等。另外一樣我覺得餐廳幾有心嘅就係佢哋有得自己自製青木瓜沙律，平時去泰國餐廳我已經一定會叫，呢度仲有得俾我哋自製落唔同嘅份量配料同埋辣度。最後餐廳仲會送iseeisee ge芒果糯米飯 口味ge雪條，呢個雪條真係有糯米係入面，幾特別。唔錯，價錢唔貴，都幾好食。下次會再來。

牛陣一向都是小編吃任食火鍋的首選餐廳最近推出了泰式冬蔭功湯底作為粉絲的小編當然要一試冬蔭功湯用了泰式銀壺裝起 別具泰國風味配料則用藤籃盛載 有泰國原素材的感覺配料方面有牛脂 南薑 香茅 草菇 秀珍菇 芫荽莖 指天椒 泰檸葉 蝦和魷魚職員先將牛脂放入鍋中出油 然後再放其他食材去爆香最後再加入冬蔭功湯 色香味俱全除了原先選定的配料 客人可以隨自己喜好到配料區選擇配料有蔬菜類 丸類混醬區當然不能缺少的是肥牛啦牛肉肥瘦均勻 牛肉味香此外還有肥瘦均勻的豬肉女孩子有兩個胃 而甜品胃當然要留給haagen dazs雪糕啦雪糕有焦糖脆餅 士多啤梨 藍莓 咖啡 可以選擇愛吃雪糕的小編當然要吃個夠總括而言 小編覺得餐廳推出的泰式冬蔭功湯底創新跟食材十分匹配餐廳用料新鮮 水準依然

早前見到佢出咗個泰式冬蔭功湯底有唔少朋友食過都話好味，今日就同埋屋企人嚟試啦～大家可以因應個人喜好揀選肉類我哋就揀咗「澳洲上級長期穀飼牛套餐 $219」套餐除咗外面嘅火鍋配料任飲任食之外，仲有無限任飲泰國象啤！點餐過後，店員隨即奉上打邊爐嘅鍋欸？！點解無湯底嘅？原來店員會先係顧客面前將各式各樣嘅泰國香料炒香眼見材料真係唔少，好有誠意期間仲會放埋菌類同海鮮落去炒(註：菌類同海鮮都係無限追加)再加入湯底之後，形成正宗嘅冬蔭功了(個人覺得就咁當湯飲都好好味)梗係要出去自助混個醬先火鍋基本嘅配料都算係應有盡有，refill得幾快「澳洲上級長期穀飼牛」牛味頗重， 脂肪比例較多「黑豚肉」「海鮮」新鮮，尤其係啲蠔，大隻又有蠔味「DIY泰式青木瓜沙律」為配合泰國主題，餐廳特設泰式青木瓜沙律corner比客人DIY好有心思呀！而且整出來嘅味道都幾正宗哈哈「甜品」四款Haagen-Dazs雪糕任食！仲有！由isee isee出品嘅芒果糯米飯雪條勁好味呀～真係食到濃濃嘅芒果味同粒粒嘅糯米飯留意返：雪條係一人一條，不是任食總括而言，個人覺得今次泰式主題做得唔錯，由湯底，配料，飲品，甜品都好滿意期待佢下一次嘅主

1. 新推出期間限定的冬蔭美鍋🇹🇭 惹味又開胃🍴2. 現場即製湯底🥘 視覺和味覺的享受😋3. 🦑廣島蠔 魷魚 帆立貝任食 超鮮甜🤩4. 牛肉質素保證🐂 脂肪和肉的比例完美👏🏻5. 自助吧選擇十分多 推介魚豆腐 會有滿滿的芝士溢出🧀6. 喝酒的朋友可以免費任飲象啤🍻7. 熟食區青咖哩牛一試難忘😍 仲有木瓜沙拉等健康之選🥗8. #HaagenDazs 四款熱門雪糕任食🍦 特別加推 #iseeisee 芒果糯米飯味手工雪條🍚 真係有椰汁糯米同芒果肉😂 9. 以上咁多驚喜只係需要約$200一位😧 真係超值!10. 去試完呢個set影相📸 hashtag #牛陣冬蔭美鍋 仲有機會獲得來回免費泰國旅程啊😆

早食有着數，6點到唔駛等位。Isquare分店裝修不俗，而且好有空間感。牛陣好受韓國人歡迎，有好多韓國人來食。今期牛陣全新泰國主題，可以DIY冬蔭公鍋。揀左$219澳洲上級長期穀飼牛套餐，100mins。DIY美肌冬蔭功湯，用上泰式草織碟和銀壺，已經feel到好強的泰味。先將牛脂放入鍋中出油，然後放南薑、香茅、草菇、秀珍菇、芫荽莖、指天椒、泰檸葉、蝦和魷魚入煱炒。再加冬蔭湯底大火煮開，最後加青檸汁，搞掂。湯底酸酸甜甜，少少辣，好醒胃。Thai fest做得好徹底，仲有泰式圓茄、芫荽、通菜、青木瓜。自助沙律整青木瓜沙律，原來咁易整，好有滿足感！泰式香茅蜜糖茶一個個step教你點整，仲用上泰式honey，再用支香茅搞勻，自己整係好飲d。澳洲牛肉、豬肉、牛舌、海鮮無限添加，非常有質量，豬肉肉質很嫩滑，肥瘦剛好。牛舌很爽口，要encore!青咖喱牛肉殼米飯都好特別，完全泰味！牛肉食唔停口，放題食，真係好爽，跟冬蔭功湯底食都相當唔錯，唔駛再醮醬油食咯！海鮮有魷魚、元貝、生蠔。新鮮蔬菜款式多蘿蘿。Haagen-Dazs雪糕任食，口味有4款，咖啡、比利時朱古力、草莓、藍苺，一次過食晒，貪心d都得！每

牛陣,食得多, 不過今次餐廳出了全新美肌冬蔭公鍋, 無限任飲象啤。當然約埋好友試下。 我們要了$219澳洲上級長期穀飼牛套餐, 任食100分鐘。 店員問我們自己DIY美鍋或是她幫手DIY, 我們當然有勞店員幫手DIY啦. 見店員好純粹先把一小塊和牛脂肪放進鍋裡面,逼出油脂,及均勻抹於鍋底。 跟住, 店員放入不同的材料有香茅, 彷珍菇,草菇,泰檸葉,南薑, 鮮蝦,魷魚等等於鍋內炒。再把冬蔭公湯倒入鍋中煮滾。店員提我們滾起後擠上青檸汁就可以。 用冬蔭公湯底來打邊爐我都是第一次。最令人驚喜是可以食到冬蔭公湯的味道而又不辣。正合我們心意。 湯底滾起了, 就是我們開動的時候! 首先當然食主角牛肉！澳洲牛肉紅白分明, 賣相靚靚。稍為在鍋底滾幾下就可以食。不用點醬油, 已經好夠味而又有牛味。可能因為索了冬蔭公湯底, 真的不錯。 蠔, 帶子, 魷魚都是任食架! 蠔新鮮, 鮮甜。 仲有其他配菜如菜類, 菇類,腸仔,丸等等都是任食。 飲品選擇都不少。 打完邊爐當然要食雪糕, 雪條。 牛陣是免費任食Haagen dazs雪糕, 有四種味道: 藍莓,士多啤梨, 朱古力, 焦糖雪糕。 芒果糯米飯雪條, 味道特別

今日去左食牛陣，嚟咗喺尖沙咀呢一間牛陣食飯，就係iSquare上面，都非常之方便。我哋今日就食咗DIY冬陰公自助放題，diy湯底好正，可以自己配個酸度同辣度！ 仲可以試下自己炒！職員都會主動幫我地！個湯底味道都好好味，酸酸辣辣好開胃。而湯底啲料炒左好香口，好味道！牛肉:都幾新鮮，唔算好肥，通常放題牛肉都麻麻，但喱到嘅牛肉都幾好味！豬肉：正正常常，一啲都唔硬。牛舌：一般。生蠔，帶子同魷魚：生蠔都幾好味，大隻啲就更好。帶子同魷魚正常。其他配料:出面個配料都算多野食，比較鐘意佢嘅芋頭，芝士魚腐同埋豆腐撲！ 材料都新鮮。如果有餃子果啲更加好。最正嘅係喱到有Haagen daz 雪糕,可惜好難"筆"，不過都好正。芒果糯米飯雪條：喱個係自家制雪條，芒果部分好濃果香，而雪條最特別嘅係糯米飯。以放題黎講都好抵食！

岩岩由泰國返黎, 仍然相當掛念當地食物, 尤其係冬蔭功嘅酸辣味道, 口水直流,  友人知道呢間火鍋放題店有個期間限定湯底, 係咁叫我要同佢去試下喎!  OK, 見天氣又微涼, 火鍋都唔錯喎!有幾款唔同價錢放題火鍋套餐選擇, 價錢由百幾蚊起跳凡晚市惠顧$219或以上放題套餐, 可選擇期間限定"冬蔭美鍋"套餐, 哦............謎底解開左啦............特式湯底係DIY泰式冬蔭功, 由侍應代勞, 先落豬油然後再將所需香料及海鮮落鍋炒香跟住就倒入湯, 滾起就可以開始火鍋時間我地選擇$219嘅澳洲上級長期穀飼牛套餐, 肉色靚仔, 脂肪分佈平均, 切成薄片, 烚幾秒就食得肉質入口幾滑, 肉味都幾出, 多食都唔覺好肥膩牛舌多數都係用黎燒烤, 原來用黎火鍋都得喎, 薄切成圓形狀, 又係拖幾拖就食得入口有牛舌香味, 質感滑中又有D爽脆感, 不禁食完一盤又追加!除左有牛, 仲有黑豚肉, 肉色又係靚仔嘅, 仲要唔多脂肪, 咁就食得健康啦!而呢3款海鮮 : 鮮魷筒, 帆立貝, 廣島蠔都可以追加至於丸類, 蔬菜及麵食類可以出去自己拎, 種類都唔少架, 要食多幾ROUND先可以試晒估唔到仲有

係尖沙咀做完野，一望錶。都仲係lunch time。上到iSQUARE 既7樓。有幾間吾同既餐廳，平均都要80,90蚊。見到牛陣。加埋一都係150內。仲要坐得舒服同任食90分鐘。所以最後同朋友入左去牛陣。一入到去已經見到好多配菜。仲有最正既甜品！係Haagen Dazs！出野既速度都幾快！一坐低吾夠5分鐘就上哂野。打邊爐吾可以吾食啲菜。佢啲菜都幾新鮮！野飲方面都幾多選擇！吾同其他地方。吾只有1,2種選擇，都有差不多10樣野飲。呢到都吾算多人。坐得幾舒服！

今日同屋企人來左哩間牛陣試距地冬陰功湯底味道火鍋，哩個鍋好特別，首先距會比一些配料同一塊肥牛肉爆炒個鍋，爆到甘香時候再倒入湯底，我地食辣程度麻麻，所以只放左一塊辣椒。開始食啦，哩度肉類需要叫服務員落單，其他配菜汽水出面自助任添，連我最愛哈根達斯雪櫃都係任添😍勁抵食$219/人，可以食到甘多野。距地牛肉真係雪花好新鮮，特別還有牛舌片，牛舌烤肉食得多，火鍋第一次，不過有意想不到好味道，爽脆，豬肉海鮮個人麻麻喜歡，主力牛我地食左8碟，勁啊⋯⋯距地限一人一條芒果糯米飯雪條就麻麻。配菜基本熱門都有：娃娃菜，金針菇，蘑菇，雞比菇，芋絲，芋頭，南瓜，公仔麵，烏冬，生菜，香菜，通菜⋯真係非常多。

難得約到齊人食飯，緊係要黎十下十下，開心下~今日呀妹帶我地黎到呢個係isquare既牛陣，夠哂方便，所以唔會好難搵~先俾大家睇下有咩野食, 我成日都覺得日底打邊爐佢地既蔬菜都好新鮮, 任食唔嬲2...點解會有炒野既?因為呀妹發牌叫左個thai式火鍋, 先將香料炒香再落冬蔭公湯底, 睇見都流哂口水等滾既同時又再出去睇下有咩野食先唔知大家又會中意食咩打邊爐配料呢?樣樣野食都夠哂大份同新鮮，真係越多人就越抵食。yeaaaaa食得喇, 可以十喇...叫左幾次既海鮮拼盤真係點食都唔厭湯底既材料，怕辣既朋友記得唔好加辣喇~最後緊係要黎個ice cream 涼一涼喇

中秋節就算幾忙都好都一定要一家人齊齊整碟食個飯，黎打邊爐就岩哂，可以齊齊十 齊齊食<3先黎睇下佢地有咩打邊爐配料喇!!!而呢到係一份既海鮮拼盤，可以勁N CALL嫁!!!!牛~豬~而呢個就係個湯底主角，正式出場喇!籃上既配料先會炒香既..俾大家睇下之後再放湯去滾，就變成打邊爐既湯底喇~而且我地今次叫呢個thai主題，仲會每人送一枝mango sticky rice既雪條。正~!黎左一轉牛同醋，我地都開始飽到上心口，呢個價錢加上咁既環境，大力推介俾大家