牛陣 (iSQUARE國際廣場)

Open Now

Now Closed

星期五happy friday梗係要約朋友一齊食好野，趁住天氣凍凍地大家都不約而同想食火鍋，而近年興起既養身鍋就最好不過喇。係isquare搵餐廳時發現原來牛陣最近都出左有膠原嘅養生鍋 ，$329一位，滋潤又美肌，啱曬我地嘅要求。星期五嘅7點鐘唔算多人等位，好快就有得入坐。先講下個奶白色嘅膠原湯底，入面有d雞肉同其他蔬菜，就咁當湯咁飲都得，叫呢個湯底打邊爐唔洗怕熱氣。跟餐有2碟日本鹿兒島直送「美人和牛」，脂肪平均分佈，絕對唔係平價料。另外仲有手作雞滑，油揚蔥卷同埋美肌蔬菜盤，係可以任叫既。除左跟餐之外，當然仲有平時無限任添嘅自助配料。我地最中意嘅就係佢地比其他地方有多幾款菜揀，菇類都有4/5款揀。食左甘多肉都唔怕無蔬菜balance下。最後仲有Haagen-Dazs雪糕任食，帶埋小朋友黎佢地一定會好開心~~

天氣越黎越凍，有咩比打邊爐更適合? 去到ISquare嘅牛陣，當然就要食最新出推嘅「美鍋」，用上濃厚雞白湯做湯底，味道充滿濃郁自家烹調嘅雞湯味，濃厚但絕不油膩!接著嘅肉食可以無限添加，日本產嘅黑毛和牛肉，肉味香濃，快滾十數秒即可食到嫩滑口感，絕對要encore! 而豚肉同牛舌同樣亦選料高質，牛舌帶有應有爽勁嘅口感，食得到有濃郁嘅肉類鮮味。接著亦有一個蔬菜籃，包含清新十足嘅油揚蔥卷，自家手打嘅豬肉滑，接著仲有多款嘅食材任食，包括有龍蝦丸、生菜、烏冬等等，包保一定食得飽。最後仲有精心制造嘅水信玄餅，晶瑩剔透嘅感覺，加添黑糖增添甜味，兼且仲有任食嘅Haagen Dazs雪糕，其實整晚真係相當抵食!

呢排天氣轉涼 梗係要食火鍋啦🤤🤤今次同男朋友去左牛陣到食晚飯叫左全新既冬戀美鍋套餐300幾蚊一個人雖然唔算平但係個套餐真係好豐富我地一睇到就忍唔住要試下個套餐包左美人和牛，豬柳肉，豬肋肉，牛舌幾款高質主食和牛同牛舌值得推介 估唔到食火鍋任食都有靚牛肉配菜仲有手作雞滑，蔥卷同蔬菜盤雞滑幾好食 有咬口 有d蘿蔔粒蔥卷就一般般而湯底係雞湯 係好清甜 不過略微淡左少少可能我地食開重口味😂另外所有牛同火鍋配料都係任食嫁有好多唔同既丸 金菇 腸仔 等等食到我地勁飽😂野飲方面呢 有汽水同Asahi啤酒任飲甜品就有Haagen-Dazs雪糕任食最後值得一提既係 服務好好 晚市好full好多人做服務員都會主動加湯 啊 介紹野食好有禮貌 整體都唔錯 食物有水準 仲食到好飽🐷🐷

感受到冬天嘅來臨又係時候開始去打邊爐😎呢間牛陣我都算幾經常去😆因爲都幾就腳😛好似其他嘅日式邊爐店一樣你要叫一個肉嘅套餐😌佢會將啲肉放到你枱面而其他菜，丸同麵就係出去拎😌啲選擇都唔錯同食材質量都ok🤓我地叫左麻辣湯底同豬骨湯底😆個麻辣都唔算太辣😋但個豬骨湯真係一世都未滾🤦🏻‍♀️得一個半鐘嘅情況下真係好令人心急😅😂

今晚同朋友慶祝生日，食咩緊係壽星女揀，佢最鐘意打邊爐，千挑萬選揀左牛陣。平日早到唔洗等位，但8點後開始多人就要等。好彩我地都算早，即刻就入得。嚴選牛肉$179加一--我地揀左中等價位既牛，仲可以包埋豬柳肉同豬肋肉。一上菜先嚟3碟肉，2牛1豬，牛肉都ok唔會太肥，都有牛味，唔會好鞋。豬肉令我有驚喜，估唔到都幾靚，而且唔會好薄，啱啱好，都好好食叫左2轉。之後上既牛同豬肉都同第一次差唔多。湯底揀左壽喜燒，真係每次必叫壽喜燒配料都係丸、菜、豆腐、腸仔之類。特別既係豆卜係珍珠豆卜，比平時細一半，一啖一粒好快就食好多。而菜有羽衣甘藍，平時放題好少見有e種，好似e款菜都唔平估吾到放題都有，當然要試下，味道都ok。拎野既時候聞到好香咖哩味，見咖哩都好重料，有薯仔、紅蘿蔔同牛肉，一於試下。係日式既咖哩，好好味，啱唒我胃口。壽喜燒湯底放日式拉麵同公仔麵估唔到都好夾，每樣都食左d，唔洗次次落烏冬。食到咁上下，緊係食返個雪糕結尾。雪糕係Haagen-dazs，當日有咖啡、士多啤梨、曲奇同夏威夷果仁味。忍吾住食左3球，落埋最愛既蜜糖星星、可可米同粟米片，真係超滿足！整體上都唔錯，會再嚟，下次試下日本和牛，和牛餐

無諗過星期一晚嘅iSQUARE 竟然可以如此寧靜! 男友鍾情日本菜， iSQUARE 7樓有好幾間日韓餐廳，有丼有燒肉同Shabu shabu &Sukiyaki! 間間都唔洗等位，最後決定去牛陣，貪佢可以任食菜!係~你無睇錯!我哋係主要去食菜多過食肉，真係有d蝕，不過各取所需啦!牛陣來頭都唔細，佢喺日本都係人氣火鍋店，香港都有九間分店架!除咗任食牛肉黑豚肉，仲有幾十款火鍋配料，加埋有任食Haagen-Dazs，食返兩球都夠數啦!餐廳設計走和風簡約路線，牆身間隔都設計成傳統町屋咁，原木色傢俬配紅色坐墊，加上圓形和式吊燈，充滿濃濃嘅日本風，望落好柔和好舒服。飾櫃上放咗好多達摩~我相信呢隻係一隻牛！呢間牛陣坐得幾舒服，一嚟冇乜人，二嚟地方都幾闊落，侍應安排咗我哋兩個人坐四人梳化位。餐廳提供有唔同級數嘅牛肉，除咗有牛味濃郁嘅澳洲上級牛肉，仲有油脂分佈到好似雪花嘅日本和牛，另外亦有高級嘅神户牛。餐廳亦標榜所有和牛都係由日本九州自家牛場提供，保証貨源同質素都係有一定水準。不過價錢都幾大分别，值唔值就睇個人嘞!menu內仲有其他牛肉嘅，對我呢d唔牛人仕，真係唔太識分，大家可以硏究下!由於我同男友都

90分鐘可以做啲乜?牛陣90分鐘午市放題就讓我們一班同事挑戰一下，我們每個人都懷著無比鬥志睇下可以食到幾多嘢。可能早到未完全踏入午市的關係，入去時不會太多枱客，現場的食物其實算多選擇，自選的牛肉薄片佈滿白點雪花，觀感不錯，在滾湯中灼幾下就可以撈上來吃，口感不錯啃時冇渣而有肉味，唔錯。見到咖哩肉汁好送飯，雖知是食咗實頂胃，但又忍唔住拿了來吃，咖哩汁是日式甜咖哩煮法，味道不錯，可一嚐但不要多，因為仲有其他嘢食。整體午市放題的種類也不錯，而且haagen-dazs雪糕無限量供應，只是擔心太飽下午回公司會恰晏訓。

I wanted to make a reservation and as soon as I started talking in English, the phone was hung up on me. I called back immediately but just rang and rang. Ah well, their loss. Will not be going to this place.

昨天晚上跟友人 到了尖沙咀ISQUARE的牛陣晚餐, 訂了六點枱, 早了十分鐘便到達, 侍應帶了入座連點餐及到食物時間來的時間大概用了十五至二十分鐘, 因為是自助火鍋我和朋友出去拿食物至火鍋正式開始食用時間已經是六點二十五至三十分, 但是到七點十分侍應已經拿單據來到通知我們二十分鐘後便要離開, 侍應雖然有在點菜後通知食用時間為個半小時, 但是由六點二十五分開始進食 (強調是自助火鍋不是自助快餐!) 所以非常意外為何會這麼快便要求客人埋單, 我們當時只完成七成食物, 而且餐廳只有六成入座, 有很多空檯也並沒有客人在等候; 我向侍應反映這會否太急, 她說你們是五點五十分下單, 我們公司規矩由下單開始計時, 並很堅持我們在只有六成入座情況下亦必須要離開, 甚至準時在我們檯上收拾所有食物及餐具.....我和朋友都感到非常不滿但亦很無奈, 我們每人花費三百多元點了和牛火鍋餐, 絶對不認同這樣怱忙, 亦對侍應回應我們詢問的反應感到失望, 她只説這是公司規矩, 跟著馬上在我們檯面執走所有食物.牛陣不是甚麼平價茶餐廳, 當晚亦非繁忙為什麼不可以彈性的處理食用時間呢?! 我並非第一次被要求食用時間亦大部

今日同朋友出尖沙咀買野，因為太即興，所以事先完全冇idea食咩野，出到去先諗，突然戚起條筋我就話想食日式火鍋要食甜豉油湯底，朋友即刻上網搵，但打過去間間都話好多人等緊位，我本人對等位真係冇耐性，所以最後揀咗間冇打電話既直接walkin，竟然佢話等幾張就有，太開心喇！佢有分4種唔同既牛，兩澳洲兩日本，我揀咗最貴個隻！如果冇記錯係日本既！真係好香！入口會溶㗎！我仲試咗另外三款都唔差㗎！所以想平叫另外個三隻都得！但一食就會食得出個分別！（我試過係其他日式火鍋店要最靚個隻，佢除咗第一碟俾啱我之外，之後個啲全部俾返平既我！其實食開牛既人一定一食就食得出！但呢間真係貨真價實！叫邊隻俾邊隻！）不過我本人略嫌醬汁同配料唔夠多原化佢呢度冇日式芝麻醬但佢有隻芝士丸又幾好食！另外個甜豉油湯底愈食愈甜，我係咁要求加湯，啲侍應姐姐同哥哥都好nice落單又快！完全唔駛我地等！讚讚讚！飲品方面我飲道地冬瓜茶，攞黎配呢個甜豉油湯底都唔錯！之後朋友幫我拎咗雪糕，好似係Dreyer's黎

基本人，每年都會食一次牛陣，係因為自己本身中意bino...而且牛陣既質素keep到，特別尖沙咀呢間！先拎野食！d牛同豬都好新鮮！任食都keep到質素wo!!!! 同埋配料食物都好多選擇。湯底一向中意蕃茄，但今次叫埋柚子，柚子同牛估唔到又好甲！推介！雪糕係好食，不過真係好硬好難筆

We visited at 6 PM.We visited without reservation, but the store began to crowd at 7 PM.We chose "Supreme Japanese Black Wagyu Buffet Course" ($329)from the menu.I got a beer with an order of more than 198 dollars.I chose a pig bone soup.First of all, special wagyu beef, pork and beef tongue were brought.As these quantities were quite large, we did not place too much additional order.There were many kinds of menus provided as buffet.Especially, we recommend watercress, Echino mushrooms, fish fil

和做Project的組友一起進行的慶功宴。環境幾靚，有很美味的朱古力曲奇口味哈根達斯冰激凌~四個人食十幾碟牛肉好過癮！！各種丸子也很美味❤唯一美中不足的是有很嚴格的時間限制。90分鐘一節就要趕人，四個好友仲未傾完就到時間了……

服務差，我向門口帶位小姐表示人未到齊，可吾可以等人齊再入去，佢話吾得，過左三個號碼就要重新排隊。入到去，叫左179蚊既餐，第一次既牛肉係吾錯，第二次再叫，又粗又鞋，仲衰過快餐店果D。吾會再幫襯。

一食完返黎就忍唔住寫小弟第一篇食評，大家千祈唔好幫襯Isquare既牛陣！我唔明點解係冇人排隊既情況下，一夠90分鐘，職員就話立即要交枱！如果你間餐廳係排晒長龍既，咁你叫我地走係好合理，我地叫得太多野食亦係我地唔岩，但問題係你本身已經靜到有幾張吉枱啦wo！點解明知我地未食完，都要堅持趕我地走？無論係我地bk枱定埋位就座既時候，職員都冇講過有呢個咁嚴既規矩wo，同埋呢個規矩合理咩？佢一話夠鐘，我地已經拿拿臨食緊d野，點解仲要喪催我地走？又冇人等緊位，你又未有耐關門，係都要倒晒d野食先安樂？ 係咁催，我係黎食野，唔係黎考試呀！立即停筆呀？！大把食肆有限時，但我未食過一間係不停趕客走架囉！