牛舞日本燒肉‧涮涮鍋放題

Open Now

Now Closed

食過好多任食放題燒肉，暫時食過最念念不忙既都係薩摩和牛，要食到薩摩和牛既地方唔多，咁啱屋企附近有一間牛舞，復活節後個人blue blue地，就去食下薩摩和牛燒肉放題再追加涮涮鍋。係我地出去放題區拎飲品時，職員已經送上牛舞拼盤，各類型既牛（日本薩摩、澳洲樂天、美國Prime同安格斯）、豬、雞都會各上兩件俾大家試下。老實說都唔係好分到啲牛，唯獨淨係認得件薩摩牛啲油脂特別靚🙈哩到用App落單，首輪都係各款薩摩牛黎一件先。佢啲牛有分無調味、有燒汁同韓式辣汁。由於牛味本身好重，無調味其實燒完都重油脂香，仲可以沾佢地既燒肉汁/柚子醋，已經夠晒味。個人鐘意用柚子醋多啲。牛舞最開心既位係咩都有得食，我地除左燒肉仲有燒海鮮，大推佢個磯燒鮑魚、虎蝦同魷魚圈。另外我地仲有叫刺食同炸物。刺食款式都多，有甜蝦、三文魚、帶子、墨魚、北寄貝、鯛魚。個人覺得都好好食。再叫左軟殼蟹同蝦天婦羅，正🤤唔好忘記仲有個煲！煲主力都男朋友食，叫左和牛、豚肉，用火鍋就會無咁重油脂，肉味再出啲。其實仲有好多野想食，但已經食到超飽，最尾都係叫多兩塊薩摩牛埋尾🙈 真係好好食🙈🙈 最後既最後梗係唔少得甜品，哩到雪條好多款，揀左朱古力脆皮雪

首先，平日夜晚都等下位，如果星期六日就要預鬆啲時間。今次好彩都唔洗等太耐，因為聞住啲燒肉味已經饑餓難耐。一上黎佢就直接上個拼盤，可以試哂佢啲牛雞豬，試啱邊隻再慢慢落order 都唔遲。咁揀得和牛套餐，就緊係叫多幾轉和牛啦。佢地係用薩摩和牛，油脂雪花分佈平均，無論燒到幾成熟，都一樣咁香。個人就推薦兩面各燒30秒，表面微焦，入口即融係基本，肉汁仲要不停爆出黎，成日都係滿滿和牛既香味。再配埋佢個柚子醋，酸酸地可以中和番和牛嘅油膩，perfect match。除左燒，仲可以火鍋，一次滿足兩個願望，有各類配料可以自己拎。另外仲有各種刺身海鮮熟食任叫，特別係磯燒鮑魚同虎蝦我個人最鐘意。最後，作為和牛放題黎講，牛舞可以話係超值，值得回頭再食。

復活節假期中午食，估不到有位可以walk in。我們選A餐，食2小時，仲有個火鍋，火鍋配料不算多，但有好多款肉選，又有海鮮，熟的小食，我最中意燒雞泡魚乾，好正。店員態度又好好👍🏻👏🏻環境ok，坐得幾舒服。

同家人去左元朗牛舞食燒肉，揀左高級套餐，仲可以打邊爐同刺身，好多選擇，刺身都有三文魚，甜虾，帶子，北寄貝，都新鮮。燒肉梗係有日本牛，日本牛好多肉汁，入口即融。其他仲有澳洲和牛同美國和牛，豬肉羊肉，種類夠多，牛舌同豚肉莞茜卷都好味。海鮮有燒蠔，鮑魚，帆立貝，牛油蜆，虾同甲羅燒，我地專攻鮑魚同甲羅燒。出面有自助飲品吧，火煱配料同雪糕。另外，待應嘅服務都好勤快，主動幫我地個爐换網。我同家人都諗住下次再encore。呢道坐位幾舒服，兩人都安排卡位，water都算足夠，服務質素係香港小有

第一次去試元朗牛舞燒肉店，有幾個吾同嘅套餐選擇，我地揀左最貴嘅餐試下，有火煱可以一次過試埋，肉類有最靚嘅薩摩和牛。我地首先食左剌身先，有帶子，三文魚，北寄貝同甜虾等等，份量細份d，要點多幾次先夠喉，但都係鮮甜嘅。燒肉最正係蕯摩和牛，烤兩烤就食得，充滿肉汁同和牛油香。仲有其他肉類選擇，澳洲同美國和牛，豚肉同羊肉等等。另外海鮮亦好豐富，有鮑魚，帆立貝，甲羅燒，虾，牛油蜆同蠔，帆立貝比較淡味，其他鮑魚，甲羅燒同蠔好鮮美味。我地試左牛骨湯火煱，出面有自助火煱配料同飲品雪糕，種類都ok多。另外仲有炸物同小食，炸芝士年糕，炸蠔，雞軟骨同辣花螺，今餐食得好飽好滿足，待應服務吾錯，上菜同收碟速度都快。

之前約咗個朋友喺元朗睇戲，睇完戲想食打邊爐，但係朋友就想食燒肉，跟住就諗起有間餐廳可以打邊爐又可以食燒肉，食咗以下嘅嘢俾大家參考牛舞日本燒肉‧涮涮鍋放題 (元朗)元朗元龍街9號形點1期1樓1073號舖嗰日揀左最貴嘅價錢係$588，加多$60有一個任食涮涮鍋底，我哋揀咗牛骨湯，另外仲有三款唔同嘅湯底可以揀，有冬陰功、豆乳魚湯、芫茜豚骨湯因為平時見呢間餐廳晚市好多人排隊，所以都甚少喺呢間食晚市，今日咁啱諗起，晏晝就食佢啦！一開始會供應一盤牛舞拼盤，拼盤入面有薩摩和生牛肋肉、樂天澳洲和牛腹肉、美國Prine生板健、厚切豚腩肉、安格斯一口生、牛舌薄切、雞腿肉，我個人就最鍾意食牛腹肉，因為冇咁油膩，肉又多啲薩摩牛佢哋好出名嘅薩摩牛，肉質呈現雪花紋理，非常之靚，食落口油脂感十足，鍾意食重油脂嘅朋友，唔好錯過呢款牛牛舌大小同厚度適中，燒起上嚟好容易熟，加埋少少柚子醋好好食😋熟食區有少量嘅熟悉比客人揀，炒蜆同埋炸金沙骨，都幾好食 熱辣辣 ，炒蜆食落口冇沙，鮮甜，另外都有白飯同埋湯提供炸物-脆皮香蕉好香麵包好味，外層酥脆，咬開會見到好似麻糬嘅餡，好煙靭，唔會好甜，亦有淡淡的香蕉味😍-榴蓮炸彈鍾意食榴槤嘅

星期六，兩公婆想食燒肉，見呢間餐廳幾乾淨，無乜油煙就入去食啦揀左個D-E餐 ，星期六日每位$288加一先上左盤牛舞拼盤，食材用牛造型嘅木板上，都幾得意💕主角黎喇，我地點左好多安格斯牛肋肉，安格欺牛板腱，望落D雪花都好均勻，質疑唔錯😍，個人覺得牛板腱更勝一籌，入口鮮嫩D，牛肉味濃D仲有我最鍾意嘅燒菠蘿除左套餐包嘅食材外，自助區仲有好多款選擇，全部都好新鮮好整潔，好欣賞佢用錫紙兜一盤盤盛好牛油栗米粒&牛油金菇，好user friendly ，燒落好方便另外，最欣賞係服務，全部侍應都好有禮貌，收碟又收得快，我係自助區夾左d生果食，問侍應拎叉，好有效率即刻俾，仲要唔駛問，見人頭俾叉嘅數目，好細心👍抵讚

元朗牛舞餐廳是一家位於元朗的自助餐燒肉餐廳，以提供美味的牛肉和豐富的自助餐選擇而聞名。最近，我有幸光顧了這家餐廳，並將我的食評分享給大家。環境元朗牛舞餐廳的環境非常舒適，裝修風格簡潔大方。餐廳的空間寬敞明亮，使用了多種顏色和材料，使得整個空間充滿了活力。另外，餐廳還配有舒適的座位和高效的空調，確保客人能夠享受到最佳的用餐環境。服務元朗牛舞餐廳的服務非常周到，服務生非常熱心和友好。他們可以幫助客人選擇菜品，並且時常檢查客人的飲食狀況，以確保他們得到了他們需要的服務。此外，餐廳還提供了多種不同的餐具，以滿足客人的不同需求。食物元朗牛舞餐廳的燒肉是最受歡迎，味道非常美味。肉質鮮嫩多汁，並且充滿了牛肉的天然風味。此外，餐廳還提供了一系列其他美食，如前菜，海鮮，蔬菜和甜點，味道非常美味。價格元朗牛舞餐廳的價格非常合理，考慮到其高品質的食物和周到的服務，價格是非常值得的。

早排約咗個朋友喺元朗食嘢，我自己就想食燒肉，朋友就想食打邊爐，然後就諗起元朗有間有得燒肉，又可以打邊爐嘅餐廳，滿足晒我哋兩個願望牛舞日本燒肉‧涮涮鍋放題 (元朗)元朗元龍街9號形點1期1樓1073號舖我哋嗰日食咗最貴嘅set價錢係$588，再追加多$60有一個 任食涮涮鍋底，湯底揀咗牛骨湯，另外仲有冬陰功、豆乳魚湯、芫茜豚骨湯可以揀👍🏻加一服務費，另外因為係晏晝，所以比較少人，之前夜晚見到好多人排隊，所以都冇試，今日終於有機會試吓，佢哋舖頭最出名係薩摩牛，梗係要試吓佢啦😍😍😍一開始店家就會供應一盤牛舞拼盤，賣相都幾打卡，拼盤入面有薩摩和生牛肋肉、樂天澳洲和牛腹肉、美國Prine生板健、厚切豚腩肉、安格斯一口生、牛舌薄切、雞腿肉，可以每樣試少少👍🏻薩摩牛呢款牛肉係最好食嘅牛，牛肉嘅雪花紋好靚，勁快就燒熟可以食，入口完全feel到佢嘅油脂感爆燈，咩配料都唔使加都好好食😆👍🏻同埋佢係一口就可以搞掂嘅牛肉，唔會太大塊亦都唔會太細塊，另外佢都有啲有醬汁嘅薩摩牛，而薩摩牛肋肉有燒肉汁、韓式辣醬等任君選擇！炸物-蟹肉忌廉餅外脆內軟，入面嘅餡係白色帶點淡淡級牛奶味-炸芝士年糕芝士控唔好錯過😍😋中間流心

想食燒肉好耐，今日終於有時間坐低慢慢嘆！見食評唔少人推介呢間，就決定食佢！第一次聽薩摩牛，聽職員講呢款牛由食糧到飲既水都有特定，肉質入口即融，好矜貴，就試一試佢啦！餐廳先先上一碟牛舞拼盤熱下身先有雞、豬、牛。薄薄地，好快燒熟有得食！岩晒一坐落就想食既我地！肉類好新鮮，唔點汁都好好食！主角:薩摩牛！🐂🐂有圖可見，油脂分佈好靚！未食已知好juicy ！食落更加反唔到轉頭！！只需輕輕燒一燒，已經文到好香，咬落去真係有入口即融既感覺，好香牛味外，又唔會太流或韌，油脂係口度迴，回味無窮！好好食！暫時係食過最好既既燒牛！係出面買和牛都唔平，薩摩應該更貴，仲要唔係度度有，真係食多幾碟都翻晒本！除左薩摩牛外，呢個餐仲任食甲羅燒同磯燒鮑魚，兩樣都好新鮮！清甜爽口，燒到好香！涮涮鍋都唔錯！湯底好濃，料又多，所以個湯好甜！涮涮鍋食材主要係自助區夾，食到你飽真係好多款食物簡🤣仲可以叫炸物同魚生。應該即叫即炸，上台仲好熱辣辣！最中意食炸蠔，只蠔好肥美！好滿足的一餐！上菜無漏又快，最緊要啲燒肉好味！尤其是薩摩牛，上引了！哈哈😄會再去！

今晚有事情辦夜左，好肚餓，成八點先食野，食放題就最岩啦！🤣yoho食放題既唔多，食燒肉既更少，什至無？🤔佢有幾款放題俾你簡，之前食過樂天和牛，今日就試佢個薩摩和牛先！仲會免費送牛舞拼盤同任食涮涮鍋！涮涮鍋我地簡左牛骨湯底，個湯超濃！湯內既牛肉好淋！好味！一啲都唔輸泄燒肉！其中一啲火鍋既食材牛舞拼盤，有牛有豬有雞。牛好juicy !!無醃過，食落好新鮮，好有牛味！👍🏻👍🏻主角！薩摩牛！睇個樣都知正！未食已經流晒口水🤤🤤🤤之前東張都有介紹鹿兒島名物「薩摩和牛」，原來薩摩牛出產自鹿兒島，當地牛隻以熊本米為飼料，飲用的水更來自櫻島火山的火山泉水，礦物質尤其豐富，造就了薩摩牛的完美肉質。而進口香港的薩摩牛，均指定由連續五年獲南九洲共勵會優秀賞的薩摩牛飼養員大村稔飼養。可見相當矜貴薩摩牛相對其他和牛，其肉色較紅、油分更高，脂肪溶點只有28度，而人體口腔是34度，故能做到入口即溶的效果。超juicy ，超好味！食完真係無得返轉頭！而另一個值得推介既係甲羅燒簡左薩摩牛餐既可以任食！😎😎其他餐要$98兩個，依家幾大都食多幾個！蟹膏蟹肉超多！好濃既蟹味，食落有海鮮既清甜味！一流！任食既種類好多，不能盡錄呢

以日式燒肉為主，火鍋為輔，限時為１００分鐘。分等級的燒肉安座於不同的價目套餐之中。(1)牛舞拼盤首次會將不同種類的豚肉、雞肉及牛肉拼湊，務求品嚐各個部位。牛舌、牛肋肉、牛板鍵相對出色，色香雙全。一口牛相對上較為有韌度，難以消化。整體上調味較為單調，若長期作戰，味蕾會疲乏。(2)牛肉蛋糕牛舞的熟食類做得不錯，例如：椒鹽雞軟骨、豚肉丼飯等，都有外間和食屋的水準，並不是濫竽充數。不過，刺身方面建議避而遠之。厚度、切法完全顛覆對刺身的理解，刺身上餐的速度奇慢無比，等候的時間亦沒有帶來相應的水準。

諗住大年初三食好啲，選擇左C餐。點知除左第一次俾個盤拼盤係靚少少。其他基本上係貨不對辦。另外就係落單叫嘢食，無論落幾多嘢食，都只係隨便送啲嘢就當到左。職員只會係咁催促，話仲有幾分鐘就完啦！呢間嘢直頭係一個伏。麻煩海關可以放蛇去執法

突然放假想食燒肉就揀咗同區既牛舞✨其實半個月前先食完銅鑼灣店🤣印象中幾好，今次食貴一個餐反而有啲失望首先，我哋order咗B餐，早鳥優惠$348會員再送多份薩摩和牛壽喜燒壽喜燒肉唔滑蛋唔香，不過送既無要求😅餐入面澳洲和牛一共3款，有肉味但唔嫩上次食C餐反而仲好食，諗住照叫prime牛試下勁瘦勁薄🥲炸物就一如水準，叫做多啲選擇個人幾鐘意奶黃今川燒，外面脆，裡面似奶黃加吉士，幾得意吉列蠔好似唔太熟，無吞～刺身衰過放題，唔洗食自助區只有銅鑼灣三分一😅最失望呢個位，甜品櫃只有4款飲品有汽水機再加3款左右建議如果要食，都係食銅鑼灣店會好啲元朗店之前食過午餐燒肉定食，都係麻麻🫠但係服務真係好好，收碟好快，成張枱食完都好乾淨

今日喺Yoho行街，見到呢間牛舞涮涮鍋，可以燒肉+涮涮鍋幾吸引，所以一試選擇了日本蕯摩和牛放題，任食來講，質素很高，很好味😋令人非常滿足。就連雞腿肉都好好味，非常適合喜歡燒肉既朋友。我哋燒完一轉多，侍應們都立即幫我哋換過新嘅網，非常細心貼心，有禮貌，讚👍🏻有非常之多嘅食物選擇，其中有韓國蠔、清酒煮蜆，都係冇限添加🤤🤤正！牛油燒金菇，我個人好鍾意食，食咗好多碟🫣好細心用錫紙盤，咁樣煮，好好食👍🏻👍🏻呢個甲羅燒好鮮甜，好味，又係任食😆😆涮涮鍋，有好多甜美蔬菜，仲可以到出面自取有好多丸類、菜類仲有美味刺身任你選擇😋😋飲品都有好多款式，有凍有熱👍🏻👍🏻最後當然要食啲甜品啦，雪糕雪條雪米糍都有整體來講，呢間餐廳環境非常好、乾淨、職員非常之主動有禮，值得推介👍🏻👍🏻好適合一大班朋友gathering 或大家庭食飯，坐得好舒服，正👍🏻👍🏻