牛極 (怡和街)

Open Now

Now Closed

香港石燒牛既概念愈黎愈普及 基本上都總有一間石燒牛店係附近 但呢間幾特別既係佢好似去左日本咁有部自助販賣機係門口 入店自己禁制同埋入錢 入紙幣同硬幣 或者可以用Alipay 呢種模式有種去左日本既感覺禁完票可以坐低等店員送餐 出面仲有個細小自助吧 刀叉筷子餐具呢啲都係自助吧拎 亦可以自己斟水飲 最主要有椰菜絲、每日餐湯、白飯可以自己拎 無限量提供架🙊牛肩扒 180g $85 牛肩位夠實亦有筋位 牛味會較重牛柳 180g $115牛柳比較鬆軟 記得一定要薄切

日式石燒牛扒熱潮入港後，周圍都見到有石燒牛既專門店，感覺有啲似拉麵咁愈開愈多但愈開愈有得做廚師先將牛肉煎到一成熟，就放上300度火山石板上上菜，然後任你煎，熟度、燶度自己揀，有得食有得玩就係吸引今次食既係銅鑼灣牛極，舖面靚，一開門設計幾特別，自助區放中間，令其他位置唔會好迫，枱枱都唔會距離自助區好遠，加埋啲日本裝飾，環境都算幾唔錯餐牌基本上食開既牛部位，肉眼西冷牛柳牛肩都有180G牛柳，牛柳係其中一個最珍貴既牛肉部位，賣點就係厚身，可以外焦內嫩，上枱超吸引嘅賣相，滋滋聲好好聽仲會用塊廚紙遮一遮先，以免彈到油，份量好足好厚，烹飪時間到由於我較鍾意食生啲(平時食五成靚牛食三成)，所以切開後無反，一面煎燶啲而入面既肉又可以保持粉嫩食牛扒當然先試配鹽黑椒，有岩鹽PINK SALT，牛味好濃，肉質嫩，熱辣辣入口肉汁好多之後試下自家製燒肉汁，用較外面煎到焦香既部分配，較熟既口感，有日式燒肉感覺，好好味另一款既牛味，配飯一流本身食靚牛扒就唔太啱點辣醬因為太重味會蓋過牛味，但試一試辛味芥末燒汁，一食上癮以為普通辣椒醬咁，點知佢唔會死辣或死咸，少少辣又好有芥末味，配牛扒都好正好惹味熟啲燶啲既部分會更正試

呢日突然好想食牛，見啲同事介紹呢度有間食石燒牛嘅唔錯，就去試吓👍♥ 牛柳180g $115牛柳切開一啲都唔細，切開薄片可以係石燒到自己控制成熟度，我自己就鍾意全熟但係食落一啲都唔會好榎同韌，口感仲係好軟淰，石燒上燒到少少油脂香濃而且非常有肉汁。仲可以跟自己需要加返調味料，我落咗好多黑椒同小小岩鹽調味♡ 自助吧有任食沙律，白飯同牛肉湯，牛肉湯飲落加左蕃茄同蔬菜，比較似雜菜湯好鮮甜，湯入面仲有牛肉粒。 水同餐具都係自助自己拎

< 牛極 > 😋 🎀牛肩排 180G 💰85🎀Top Blade Muscle 🎀牛柳 180G 💰115🎀Tenderloin 先自行購票。半自助石燒牛。白飯，湯，沙律 都任食日式牛肉湯內有洋蔥，幾開胃珍珠米，有紫菜粉提供，落左好食D石燒牛扒 想食幾多成熟，都由自己決定。牛扒上枱時，已有張廚房紙cover住牛，防止油彈到周圍都係。 另外都有圍裙提供給客人。 2款牛味道都不錯😋，而且抵食牛柳比 牛肩排更重牛味，牛肩排較為韌。

成日搭車會望到怡和街呢間石燒牛扒專門店。今日落開銅鑼灣順便嚟食個lunch先一入到去 店員熱心地介紹 餐牌 同如何使用餐廳內的設施 細心值得讚揚。我就先揀咗$115/180g牛柳。其實店內落單主力係用自動售賣機嘅 付款落單一條龍 可以用現金支付或AlipayHK 又用自動售賣機落多一份法式羊架$90 2件 lunch 等待主菜之時候 就去半自助位置取餐具。飲用水。白飯 （可加紫菜粉）菜絲沙律。同牛肉湯 喜歡飲湯嘅我試下先 wow 今呢個牛肉湯有埋蕃茄落去煮。香甜鮮味 。很快主菜牛柳到來180g一啲都唔細架 晌熱石板上 切開黎睇 廚師將牛柳預煎了一成熟度 其餘嘅成數都可以自我去控制牛柳嘅成熟度 加埋自助區攞嘅蒜蓉同秘製燒汁 牛柳淋而有肉汁 加埋白飯一齊食十分美味飽肚。法式羊架係新菜式 咁啱今日有實在太好啦羊架就會燒得熟啲 到來時約五成熟度加埋蒜容一齊食 十分香口😋最後飲多左一碗湯完成lunch十分飽肚滿足😋值得一提 有圍裙提供 唔會令衣物污糟咗 呢個貼心服務值得嘉許👍🏻

好久沒吃石燒牛了，原來銅鑼灣怡和街開了間石燒牛🤩今次點了石燒牛柳餐($118/180g)，上桌例牌又手忙腳亂了😂這種要自己燒熟的，我真的都很怕會燒焦🤷🏻‍♀️ 我發現石燒牛點餐流程都差不多，首先餐廳門口會有一部售票機，需要客人先點餐和付款，操作流程不會太困難(旁邊會有店員幫忙)，點餐之後店員會安排座位，之後等待送餐就可以。餐廳採取半自助形式，沙律、白飯和湯都是自取(分量由自己掌控)，沙律只是普通的雜菜沙律，醬料有沙津醋和和風芝麻醬~而調味料方面，自助吧有燒肉汁和蒜蓉(這個我喜歡，呀Ju吃得超重口味)可以自己拿🤪而喜歡淡口的可以用海鹽/岩鹽配搭黑胡椒自己調味一樣滋味。

下雨天，總係無乜胃口食野，阿仔响附近學野，我又未食晏一個人me time ，行行下就見到牛極石板燒就入去試下，一入到去，感覺好像响日本，個食物自助機可以自己點，但如果你懶，店員又會幫你點啲扒有唔同g,可以因應自己個份量去點，又唔怕食唔哂，平時我都鐘意食牛柳，加上又冧冧地，唔洗甘大力咬😜望落間店好舒服好乾淨，我見店員一有人走就立即消毒清潔，再加上播日文歌，真係好寫意。我入去既時候都有人食緊，又不斷有人叫外賣叫完牛柳，店員就好好話我知係半自助，岀面既湯、飯、沙律🥗係隨自己份量refill ，唔洗怕唔够食就甘食白飯真係好悶，旁面有紫菜粉加下，白飯用左珍珠米，都好有咬口，粒粒分明日式牛肉湯好重牛肉味（玩野咩，牛肉湯梗有牛肉味）其實都好重蕃茄味，仲有一啲都唔係味精湯沙律係自己落醬，我除左落芝麻醬同黑醋外，仲加左蒜蓉醬，加左呢3樣之後，我認為好好味，仲食左兩大碗沙律🥗上面個蒜蓉加辣汁點牛柳同就甘撈飯都好開胃仲有牛柳既調味品🧂個牛柳真係好冧，上碟既時候個石板好熱，但食到味到keep住熱，仲有最正係我自己選幾多成熟，手殘既我都控制得個好好，想8成熟又得、5成熟又得最重要係食既時候好舒服，鐘意refil

喺銅鑼灣午餐想食扒有咩好選擇？不如試下自助式石燒吖！牛極係用自助販賣嘅形式，價格親民，揀好食咩就買飛，買完坐低無幾耐，食物就送到喇呢度嘅湯、飯同沙律都係放題，一定夠飽沙律菜都新鮮，日式牛肉湯好入味今日決定食好啲，要牛柳啦！廚師會先將牛柳底面煎熟，再放在經焗爐烤至攝氏 300度的火山石上之後再送到，食幾成熟完全自己控制。牛柳入口軟諗，性價比高，牛肉靚到唔洗調味，不過枱面都有紅色鹽、黑胡椒及香料提供。另外蒜蓉同日式燒肉汁喺自助吧俾客人自行調味。沙津菜新鮮爽口配上麻醬或柚子沙律汁也可口。麵豉湯內有大量海帶及豆腐,絕不馬虎又不太鹹。

第一次食石燒牛🔥硬係覺得自己燒嘅熟度好難掌握會唔好食😅 但係呢度嘅店員都好熱心教我點燒🤩 牛肉以平價連鎖店來講算不錯👍🏻 店舖不算大但座位旁邊有紙巾而且提供圍裙 呢D細心位都加分呢💓⭐️ 牛柳 🥩點左一份180g既牛柳 一個人食都幾夠飽😋店員話佢哋會先燒到一成熟🧐然後就靠自己控制😛 最後我都係燒得過龍少少🌝但係都無阻牛肉嘅嫩滑 加點粉紅岩鹽同黑椒上面一齊燒更能提升肉味💕除咗燒肉之外 呢度有自助式嘅飯沙律同埋湯🥗 特別推介日式牛肉湯🍲 牛肉味好濃仲有啲蕃茄味 越飲越開胃🍅⭐️ 牛極 (怡和街) (銅鑼灣)📍 銅鑼灣怡和街19-31號樂聲大廈地下1C-1D號舖

呢間位於銅鑼灣嘅平價鐵板燒，幾十蚊就可以食扒，仲有沙拉菜，牛肉湯，白飯任添，好抵！✅牛肩扒 $85 （最細嘅分量）食落去淡淡肉，wow好興奮！🤩舊肉都容易切開，唔會好韌牛肉醃得幾鬆軟👌美中不足，係覺得醃得有啲鹹不過配飯之後就岩岩好呢個價錢嚟講，質素算高CP😏✅牛舌 $70推薦各位喜歡牛舌嘅朋友仔，口感非常軟淋💓😆呢個調味合適個人好鍾意☺️檯面有黑椒鹽可以自己添，建議試原味先，再決定是否加，我覺得兩樣食物本身都夠味！

已經好耐未出門口， 同好姐妹黎銅鑼灣呢間食個午餐，餐廳環境明亮寬闊，擺設都好有日式特色，用餐都好放鬆~食物種類有牛、雞同豬肉，可以揀不同份量同牛肉原產地，係任飲任食和自助形式取，最貴有和牛，白飯，沙律🥗和湯，旁邊有醬料和檸檬水，仲有即棄圍裙好方便，用餐唔洗擔心件衫有污漬✌️照燒雞扒雞扒用左餐紙蓋著，以免油煙四散，火山石雞扒大塊，厚身之餘，皮燒得仲有點脆，唔會好油膩，肉質鮮嫩多汁😋雞肉底層仲舖左包菜，同雞肉一起搭配食幾夾👍沙律、白飯、湯係任食！！沙律都好新鮮，飯前可以食D開胃，白飯係珍珠米，粒粒飽滿，我仲灑D紫菜粒係上面，送飯一流👍牛尾湯都幾濃香，我飲左俩碗，飯後飲湯真係好正👍呢間餐廳價錢平靚正！地址係路邊都好方便，下次會再黎😋✌️

牛🥩 極🥩 🫶🏻 怡和街♪───Ｏ（≧∇≦）Ｏ────♪甘多分店 間間試下😹呢間銅鑼灣牛極 地點都幾透便 銅鑼灣中心地帶圓形橋底附近 三角形鋪面中間係自助吧區域因為疫情關係 佢地都有做外賣自取 😳實惠d可以考慮下雞排 55蚊🫢我坐低食180g牛肩排😙佢既環境 裝修其實都唔差😼睇得出有心思紅色嘅帆布 幾鐘意d擺設👍🏻舖頭燈光暖色系😜🔥💥☄️😍🥩🥩🥩🥩🥩🥩🥩今日既牛肉湯都正 大大嚿肉牛肩肉都正👀

📌 牛極📍 銅鑼灣Causeway Bay今日黎到抵食嘅牛扒專門店✨ 日系裝修風格同音樂令人覺得好似陣地去左日本咁🥰 抵食係因為真係有自助沙拉吧, 牛肉洋蔥湯同飯任食🥰 一個價錢已經包曬一份牛同各式各樣嘅野食😋-🐮 牛柳 200g $115 👑👑👑🐮 牛肩排 150g $85- ❥ ❥ 牛柳大推呢個!!! 肉質鮮嫩多汁, 基本上唔曬點和風醬汁都夠可口🥰 因為裡面鎖住左滿滿肉汁💕 可以另外加pink salt同埋bbq steak seasoning~😋 更加惹味!! 重點係佢唔會好乾 係石板上面燒好久都可以保持鮮嫩!!🤍❥ ❥ 牛肩排呢個反而就唔太出色🙈 肉趁早食會比較好🤣 係石板燒太久會變得好乾身 要沾和風醬汁搭配先夠可口🙆🏻‍♀️ 不過牛肉味道還可以🤩 ❥ ❥ 洋蔥牛肉湯呢個任飲🤩 同埋超值得飲😋 裡面由牛肉熬煮而成 牛肉味道可以媲美牛排🥩🤣 洋蔥令到湯底好入味💕 不過飲得太多會開始覺得有點鹹🤣❥ ❥ 沙拉同飯沙拉可以選柚子汁同花生醬汁✨🤍 而飯重點一提可以自己加芝麻蔬菜粉!!!😚 夠曬特別-#牛極 #銅鑼灣美食 #分店 #causewaybay #causewaybayfood #

前排石燒牛好hit啲餐廳多到無哂質素, 最近行開記得心前試過呢間牛扒專門店, 就再去左試下lunch嚕呢度嘅牛扒集合左靚肉質嘅貨源，有唔同部位比客人自己揀😛上菜時會係大概一成熟 大家可以慢慢煎成心水嘅生熟度🙈今次同同行朋友都揀左180g嘅牛肩扒,都好大塊絕對夠多一個人食😂肉質都好淋 配埋黑椒同蒜蓉煎出黎更加香餐廳都以自助形式有任食沙律、珍珠米飯同牛肉湯。牛肉湯依然高質, 胡椒味偏濃 完全唔會有牛臊味！

中午係銅鑼灣，去牛極食個石板燒午餐，有主食、湯、飯和沙律，$55-$70，抵食。來牛極不一定要食牛扒，它的午餐還有雞排、黑豚腩片、鰻魚和厚切牛舌幾樣選擇。我今天選了黑豚腩片燒（$60）。黑豚腩片連燒熱的石板很快便來到，份量不少，腩片下墊有椰菜絲和紅蘿蔔絲。此時可到自助枱上取蒜蓉和燒汁。腩片本身其實已夠味，想更濃味可以加把燒汁加到腩片中拌炒。又或者食的時候才蘸燒汁也可以。我呢，就自製了一個黑豚腩片洋蔥牛肉湯飯。到自助枱裝一碗白飯，喜歡的可灑點紫菜粉，然後加入熱辣辣的日式牛肉洋蔥湯，記得加多些洋蔥。返回座位，腩片燒得剛剛好，可襯熱和洋蔥牛肉湯飯一齊享用。腩片嫩滑，洋蔥牛肉湯清甜。好唔好再食多碗呢？唔好忘記仲可以出去攞芝麻醬椰菜沙律喎！結果，我食了全部黑豚腩片，一大碗牛肉洋蔥湯飯，一大碗沙律，再飲了一碗湯添。飽飽！