夏銘記

Open Now

Now Closed

老字號魚蛋粉麵成日都想試，因為見到排長龍而放棄，今日終於見到小龍有得食啦！🔸紫菜魚四寶魚蛋同魚片都非常水噹噹，非常鮮味！魚皮餃肉汁豐富，皮薄適中！相比之下，墨魚丸稍為遜色。墨魚味並唔顯著～不過值得一提，湯底清爽，感覺無添加味精，食完唔會口渴！🔸炸魚片肉質鮮甜有口感，自家製作王牌之一！外面金黃，內裏鮮嫩多汁！👍🏻總括🔹老字號粉麵，真材實料！值得一試！

这家被誉为全港数一数二的鱼蛋粉面店就是拥有香港本地40年历史的老字号夏铭记 是全港仅存数家采用软浆方式手打鱼蛋的餐厅鱼制品每天新鲜制作，也可以买走生料回家自己煮蔡澜、刘銮雄都是座上客 他家自制辣椒油也很出名，吃粉面的时候加一点更提味爱吃辣的一定要挑战一下，后劲比较足~ 虽然经常大排长龙，但是厨房出餐很快，值得一等~ 🔸鱼蛋鱼片面他家的名物之一就是鱼蛋粉，但是我更喜欢吃面鱼蛋很有鱼味又新鲜，但是不会过分爽弹因为没有加入其他添加物汤底鲜味突出，但是感觉到没有加味精不会口渴 🔸紫菜鱼四宝河粉四宝都很新鲜，有鱼蛋鱼片紫菜鱼饺和墨鱼丸口感好丰富性价比高汤底也鲜甜~ 🔸云吞真的太吃好了觉得不过瘾，又加多了一碗净云吞里面是一整个原只大虾，新鲜爽弹~ 🔸鲜炸鱼片一整条鲜炸出来，绝对是王牌！外面炸的酥脆金黄内里鲜嫩多汁微带鱼鲜咸香，真的一吃难忘几乎每桌都会点一盘还有好多人专门过来打包回去的 ✔这家真的是卖真材实料，现在老字号的粉面店真的买少见少大家要多多支持这些小店我们才能继续吃到老字号的香港味道！ 📍 夏铭记面家地址：佐敦白加士街5号地舖（港铁佐敦站 C2 出口， 步行约2分钟）

上一次吃的夏銘記已經是在駿發花園, 也是在電影中心看電影前抵吃的午餐或晚餐選擇, 之前它在港島區也吃過, 現在在佐敦重開的位置, 有麥系兩家雲吞麵店, 也有盛記粥麵等這些能吸引人流的食肆, 競爭情況比之前的位置更激烈. 當然它引以為名的白魚蛋和魚片就成了和分別他人的武器, 吃罷還是和其他魚蛋麵檔有差, 但差別好像不如想像中高, 這裏的魚蛋就是應該有泥牛入海之口感, 會啜著牙齒和舌頭的, 這是因為它不會為了追求彈牙的口感而放入大量的添加物, 很純粹的魚肉就是這樣子, 只是今次吃的有點實, 當然不是彈牙, 但就是和以前有所不同, 是配方改變, 還是處理時的意外, 沒有深究. 當然魚肉鮮味依然很不錯, 就是你去到吃, 如果之前未品嚐過不會覺得失望. 豬手去毛公整, 這是不明顯, 但只要一吃到就會大打折扣的部份, 而且很花心機時間, 另外煮得夠入味夠膠, 如果皮再厚彈一點就更完美.

吾怪得無旅客排隊今日系白加士街搵餐廳，好多間都排隊，哩間剛剛好有位，眯是但囉，原來查翻下西環老字號，出名魚蛋。一次過要試齊幾樣，唯有叫三寶同4寶，食完個人感覺無普通魚蛋咁爽咁有魚味，但又見到好多人食完堂食又買外賣，可能我個人要求比較平凡吧。- 魚蛋- 無魚味- 彈口可能只有普通魚蛋鋪50%- 魚片-- 無魚味- 彈口可能只有普通魚蛋鋪50%- 墨魚丸- 無墨魚味- 彈口可能只有普通魚蛋鋪50%- 魚餃- 系比較出色，感覺系自己做吾系包裝貨色。- 河粉- 厚，吾滑，”淋”.全個過程感覺無一個遊客，可能都系本地情懷。

星期五晚上8點15分入去吃；下單時，服務員很不耐煩， 態度非常差， 未落完单就想走開， 跟著又話廚房要收，是最後order了； 我是胃口很細 ，但一個魚蛋魚片河也吃不飽 ，河粉極少，轉頭便再吃過；食物 份量和晚上8時半便要趕客走， 這是什麼食肆？以後都不會幫襯了，不知所謂！

魚蛋粉界的legend回歸了……講的是老字號「夏銘記」也！我絕對是老顧客了，由他們的店在勝利道時代營運時開始幫襯，跟著他們去油麻地、西營盤，這次便在佐敦重開，計落都有三十年了。這天唔順路也繞路而來，當然要食該店兩大名物魚蛋粉同原條炸魚片。最愛他們的魚蛋夠魚味，唔會過份爽彈（通常加入其他無謂添加物才會爽彈），水準依舊出色。另外，我感到他們應有微調魚蛋粉用的湯底，與西營盤時代相比魚湯鮮味更突出。至於炸魚片更是正斗，微帶魚鮮鹹香，一吃難忘，是「夏銘記」的絕對王牌。年輕時嫌貴唔會order原條魚片，但到咗呢過唔知仲可食多幾多次的歲月，都係食咗先算。至於點辨別是否真夏銘記回歸？一試其辣椒油便知也，充滿後勁同爆發力，一吃便回不了頭。當然，這次回歸此店整體價格又上調了，同其他魚蛋粉店相比確要貴一、兩成，這也是無奈之舉。

最近睇YouTube 見到訪問🤔老字號 好似幾有特色所以就去試下。星期六1點去都要排一陣間，不過好在佢上菜好快 ，所以唔駛等好耐 叫左一碗四寶河同埋雲吞水餃河，雲吞水餃都ok ，個人喜歡水餃多d 🤭爽口過雲呑，都係用新鮮蝦，所以好甜😆湯底好甜，令到個河粉昇華左☺️仲要冇味精唔口渴👍🏻四寶 有魚蛋魚片紫菜魚餃同墨魚丸😝好豐富，魚蛋唔係我預期咁彈牙，但食得出冇落粉，全用魚打成，所以係食個鮮味。墨魚丸係最正🥰濃味冇咩肥肉😎😎下次打邊爐一定買墨魚丸

見附近開咗間新面譜成日排隊，所以就諗住試吓聽講以前好出名都排咗15分鐘先入到。。。一坐低就嗌咗個雲吞水餃撈粗同埋墨魚丸魚皮餃撈粗！第一碗上嚟本身係雲吞水餃，上平淨係俾咗睡覺，跟住同職員講返。都即刻改返，但係都好少碗嘢我撩過，然後佢本身入邊有三粒水餃正常你可以比多兩粒雲吞我就算，但係佢係我碗面倒抽走返一粒睡覺，然後放返三粒雲吞落去。正常疫情就算過咗去咁樣都唔係好衛生🥶🥶🥶之後，再上嚟墨丸魚皮餃撈麵，個面超級重鹼水味，就算食落口都係苦澀嘅， 即時同職員反映，今次態度超級差幾個沖埋你話你轉過都係一樣唔擔保會好過啲一碗當堂呆左😅😰真心你買雲吞麵起家。。。啲面有鹼水味，你唔係即時了解一個原因點解而係反過來叫過客換過第二樣嘢明明第一碗冇事但係第二碗有問題咁即係淥麵嗰個人出錯🥹而家就算去啲唔出名嘅麵譜食麵都好少食到有鹼水味咁重而令到個麵食唔到。人生咁多年都係第一次知道重要呢一個態度，希望你哋可以改善返你哋嘅水準如果唔係今時今日咁嘅服務態度同質素係呢個市場應該唔係好站得穩。另外水餃雲吞墨魚丸都唔係特別出色，都係好普通。。。而且水餃皮上面摺埋嗰個位仲要未熟我都唔計較冇再去反映，因為呢個真係好差嘅經歷。試

呢間西環老字號喺佐敦開店，上次經過好多人已經想試，點知佢多人排隊都要截龍，今次唔使排隊當然入去試❤️紫菜魚四寶魚片魚蛋好彈牙，魚皮餃同墨魚丸都唔差， 配埋紫菜湯就好夾😊魚蛋魚片河河粉份量足夠，一個人食就剛剛好，店舖有辣椒油提供，辣椒油加少少都辣，喜歡食辣嘅人可以來挑戰吓～鮮炸黃金魚片外面炸得酥脆，魚片好彈牙，喜歡食魚片嘅人就唔可以錯過啦～整體嚟講性價比高，價錢唔算貴，店舖好乾淨，坐得都算舒適，推薦喜歡食粉麵嘅你❤️

出名的魚片魚蛋保持到舊店的水準,今午和太太兩人,見全條街只有這家店在正午已有一條小人龍排隊,生意应该幾好,排了十幾分鐘,入內馬上叫了魚片魚蛋河和紫菜四宝河,廚房煮得甚快,轉眼食物上枱,好食！未食完已叫定外賣一條炸魚片帶走.賣真材實料魚片魚蛋的粉麵店買少見少,大家要多持這些小店,大家才有好嘢吃,話這家是普通粉麵店的人唔識宝,唔駛理佢

我試過以下的菜式：1. 紫菜三寶河：三寶河是這家餐廳的招牌菜之一。湯底鮮美，魚蛋、墨魚丸和魚餃都煮熟後保持了彈性和鮮嫩，充滿了魚肉的香氣。2. 雲吞水餃麵：麵條彈牙有嚼勁，雲吞和水餃皮薄而富有彈性，內餡鮮嫩多汁，讓人想一試再試。3. 炸魚片：這家舖子的炸魚片是我食過的最好吃的炸魚片之一！魚片外層酥脆金黃，內裡鮮嫩多汁，好像是魚味的豆腐，讓你回味無窮。總結：我認為這間舖頭性價比可以，特別是炸魚片味道和質感是一絕！

一間曾經屹立中上環數十年老字號粉麵鋪,而家重新開業喺佐敦,今日路過佐敦入去有試嗌咗一碗四寶紫菜河 不過今日魚餃就賣晒 選擇轉做雲吞魚蛋 中規中矩有魚既鮮味 不過質感偏向淋身魚皮 食落味道只多左一層外皮既魚蛋墨魚丸 食落質感都係偏淋 冇外面爽彈既質感 不過佢溝左少量芹菜落去 增添香氣 味道亦有墨魚鮮味雲吞 呢到雲吞外形好靚 食落有原整蝦 而蝦亦食得岀新鮮爽彈 不過豬肉餡就少左啲紫菜 食落冇沙 有紫菜應有既味同質感 幾好至於湯底飲落冇乜特別好在有紫菜輔助下 而河粉夠原整唔會碎曬食落亦幾滑總結 如果大家路過不妨入去一試 我都會想再試下今日食唔到既魚餃

見有媒體報導所以黎試下。店鋪唔算大，同一般麵店差不多。不過都算光猛乾淨。要排一陣隊先有位。先講野食，叫咗個四寶河，油菜同炸魚片。唯一算好味d係個炸魚片。不過d 魚蛋真係麻麻地，散得黎又冇魚味。四寶冇魚餃變左雲吞，相比隔離麥文記當然差一截。不過最不愉快都係因為個女侍應。其實原本叫做手撕雞泡飯，點知過咗成10分鐘先話原來冇。態度麻麻之餘，又漏單。明明幾分鐘前落左單，轉頭又話冇落過。結果一碗麵等左15分鐘。價錢唔算特別抵。可一不可再。唔覺得有咩原因值得排隊去食。

上網睇到好多人介紹呢間老字號，話魚蛋一d粉都唔落，只用魚同冰製。咁魚蛋粉係我既至愛，就一定要黎試下係咪真係咁好食啦～可能因為多人講又係紅日既關係，要係門口排隊，排左大約半個鐘。入到去間舖其實好細，得五、六張台，張四人台其實係二人台大少少，就剛好夠你放兩碗粉一碟炸魚片兩支汽水。兩碗粉叫左魚旦魚片河同紫菜三寶河。粉先到，飲湯，好淡。明既，冇味精，不過又唔係好濃魚味。河粉薄身，魚蛋，一d都唔彈牙。明既，唔落粉，所以好淋身，但又冇乜魚味。反而墨丸幾好食，可能有溝粉，彈牙d又有墨魚味，紫菜都幾好幾新鮮。期待既黃金炸魚片後到，放低見到有油出但唔算熱，夾起一食，都係貫徹淋身口感，新鮮但唔香，炸得唔香，可能係健康做法。因為湯淡，所以落左少少辣椒油，一食，辣到噴火，建議唔食得辣嘅人一滴都唔好掂。其實大致上都問題不大，只係如果要排隊我應該就唔會排。佢地個冷氣又極度唔夠，係門口熱住排隊果時已經出晒汗，入到去食粉仲要繼續流汗。成個體驗既總結係：攞苦黎辛左。

要講魚蛋粉好食唔輪到呢間，間舖頭細，又唔俾外賣，咪營造到個感覺好多人排隊去食，其實根本未至於忙到做唔到外賣，奉勸各位真係唔好特登大費周章去排隊食，小弟都係見到唔使排隊咁啱入去試吓，都唔會有下次。