夏銘記

Open Now

Now Closed

夏銘記一直是我心目中的經典。即使簡單一碗魚蛋粉, 店內無時無刻也座無虛席，再次印證了它的魅力。紫菜魚四寶-店內的魚蛋魚片都是每天新鮮手打，完全不添加防腐劑，難怪口感特別鬆化。魚蛋、墨魚丸、魚餃等，搭配紫菜和湯頭，好食好食~牛腩撈粗：牛腩炆得軟腍入味，牛筋骨膠源滿滿,搭配彈牙的粗麵，滿足滿足。炸魚片： 炸得金黃，外酥內鬆化，魚肉的鮮甜味被完全鎖在裡面。-淨雲吞水餃： 雲吞皮薄餡靚，水餃的口感Q彈。簡單卻能吃出食材的鮮甜。-炸魚皮： 非常酥脆!滿滿的魚香在口中散開。對了, 我還外帶一枝辣椒油回家, 老闆每天親自炒油呢~

今天晚餐，我和朋友在佐敦的夏銘記麵家享用了一頓美味的晚餐。這家麵店的環境輕鬆，讓人感到非常舒適。我們迫不及待地點了幾道招牌菜，希望能滿足。首先上枱來的是炸魚皮，外酥內脆，是一個完美的開胃小吃。接著來柱侯牛腩，牛腩炆得恰到好處，肉質鮮嫩多汁，忍不住多吃幾口。接著是紫菜四寶丸，外層酥脆，內裡彈牙，紫菜的鮮香與丸子的口感相得益彰，真的很美味。雲吞水餃湯粗麵也相當出色，湯底清鮮，雲吞和水餃的皮薄餡多，湯汁濃郁，讓人感到溫暖和滿足。而新鲜芥蘭則為整頓飯增添了一絲清新的味道，吃上去爽口。

📍 夏銘記麵家 (佐敦)佐敦白加士街5號地舖收工好攰，想快啲食飽返屋企唞唞食粉麵就最啱啦😆😆👉 鮮炸黃金魚片（一條）💰$60😋😋😋😋.6/5見咗隔籬枱食到好滋味，忍唔住叫左，黃金魚片一上碟就聞到陣陣魚香味，佢咬開魚肉味鮮甜，仲要勁多汁！👉 淨牛筋腩💰$100😋😋😋😋.8/5牛筋腩份量都唔小😆 牛筋夠軟，牛腩唔會過熟，重點係牛味好濃！正！👉 紫菜魚四寶河，💰$58😋😋😋😋.8/5四寶河有魚蛋、魚片、墨魚丸同埋魚餃，不過墨魚丸賣曬轉左做雲吞！魚蛋同蛋片既魚味都好濃郁而且好彈牙，魚餃都魚味十足，估唔到雲吞都岀色！好大隻蝦仁係入面，而且紫菜份量好多！😆😆😆👉 新鮮油菜💰$20😋😋😋😋.8/5我叫左生菜同菜芯，兩樣都好新鮮，而且份量都好多👍👍👍👉 紫菜湯💰$20😋😋😋😋.8/5紫菜份量好多！而且唔會太濃味清清地我自己就超級鍾意💕💕回頭: yesYesyes!!!全部食物都好新鮮， 加埋佢地既辣椒油食，夠哂正！下次想試埋佢個鵝腸同墨魚丸因為今次賣晒所以食唔到下次一定要食💓🤭🤭#kermit食在佐敦

中秋節Boss 好人提早收工，就在附近(佐敦)出名老字號全人手打魚蛋~夏銘記麵家店舖常常排長龍，適逢今日可以提早收工，排吓都值得。店舖雖然細細地，但勝在店員好有人情味。💥鮮炸金黃魚條人手打制的鮮炸金黃魚條，金黃的外皮酥脆香口，魚肉鮮嫩多汁，鹹味適中，讓魚的本味得意充分展現💥紫菜四寶(魚旦/魚片/魚餃/墨魚丸)紫菜四寶河粉口感滑順，魚旦鮮彈，魚片嫩滑，魚餃鮮香，墨魚丸帶海鮮味，口感層次分明，鮮甜味十足💥牛筋腩牛筋韌性適中，軟滑可口，牛腩則柔嫩多汁，兩者搭配互補，湯汁醇厚，風味獨特。💥炸醬麵撈粗炸醬麵麵條爽滑煙韌，醬汁香濃醇厚，配上肉絲、清甜爽脆榨菜條，口感層次分明，咸香適中yummy

佐敦夏銘記真心正！難得老字號得來又不坑人的！作為本地人，發現在旺角的白加士街有很多網紅店，一個很普通的常餐也要排隊？我就寧願走多一步路去白加士街後一點的夏銘記，雖然也要排少少隊，不過肉眼所見全部都是本地香港人，滿滿的質素保證。.他們家主打用鮮魚製造魚蛋，魚片頭，食過酒之，真的很不一樣。炸完條魚片頭彈牙得來又好滑口，而且滿口都是魚的鮮香。.我也發現他們的雲吞也是一絕，一個雲吞內有1.5隻蝦，令人超級滿足呢。足料就是足料。.如果想一次過吃勻他們家的招牌，可以點紫菜四寶，then you have everything!.作為老字號，他們的價錢我覺得也算很公道，而且份量夠，所以很多街坊也喜歡來吃。食完的時候大概兩點，後面也有人龍。我吃得慢，不過店員也沒有驅趕，服務而言算是很不錯。

好鍾意喺佐敦搵嘢食，因為食品種類繁多、有特色、而且性價比較高。今日經過一間「夏銘記麵家」，見到食客叫咗碟大大條嘅魚片吸引住，決定入去試吓。鮮炸黃金魚片（一條）一條足足有半尺長嘅黃金魚片十分吸睛，一上碟就聞到陣陣魚香味，外層鬆脆，內裏鬆軟，魚肉味鮮甜濃郁，感覺好似食咗好多條魚，呢個必食。淨食魚蛋食咗個魚片之後，決定試埋個魚蛋，果然冇令我失望。魚蛋質感比魚片較彈牙，魚肉嘅密度好高，用料十足。蔥花鵝腸撈麵除咗主打魚蛋之外，仲有我最鍾意嘅鵝腸，鵝腸份量不少，而且幾大條，食落爽脆，味道甘甜，清洗得非常乾淨。餐廳奉上秘製醬汁，醬汁掛上鵝腸上，真係食唔停口。撈麵還跟上一碗蔥花魚湯，味道鮮甜，有別於其他餐廳。水餃米粉（加紫菜）可以用皮薄餡靚嚟形容，豬肉和蝦嘅比例適中，蝦肉夠彈牙，配上木耳，味道夠正中。

夏銘記是間手打魚蛋老字號，餐廳座位不多，星期六下午兩點到都要等位的。餐廳是採用軟漿方式手打魚蛋，至少兩種魚起肉打漿，每粒魚蛋皆用人手製作。點了一碗紫菜魚四寶，一碗有齊魚蛋，魚片，魚餃及墨魚丸，份量都頗大碗。魚蛋口感爽滑，但不是好彈牙的那種，反而魚味比較濃。炸過的魚片更好味到我地額外要再點一份原條的鮮炸魚條。魚餃就跟潮洲的那款相似，口感比較煙靭。雲吞水餃粗麵，水餃有兩粒，雲吞更有四粒之多，粒粒都很皮薄飽滿，內邊的蝦隻大粒爽口。水餃更會多了一份木耳的口感。另外餐廳的自家製辣椒油都很推介，加少少落粉麵當中，更好味。

好耐無去佐敦覓食。近排多數係元朗覓食。因老婆想去佐敦按摩。所以今晚好理所當然在佐敦找吃。**蔥花鵝腸**如同一首清新的樂曲，輕輕撩動著味蕾。鵝腸的鮮嫩與蔥花的香氣交織，讓人感受到一種獨特的風味，徬佛在品味著大自然的恩賜。每一口都帶來了脆爽的口感，令人心情愉悅。**雲吞河**，這道菜品如同一幅精緻的畫作，雲吞的柔軟與河粉的滑順相得益彰，湯底清澈而鮮美，徬佛在訴說著一段悠久的故事。每一口都讓人感受到家的溫暖，令人陶醉於那份熟悉的味道。**水餃河**則是另一種風情，水餃的鮮香與河粉的Q彈相互輝映，讓人忍不住一口接一口，享受這份美味的幸福。**時令油菜生菜**以其清新的口感為整個餐點畫上完美的句號。油菜的鮮綠與生菜的脆嫩，讓人感受到自然的純粹，為這場美食之旅增添了一抹清新。

同朋友一齊嚟咗呢間麵家諗住食吓雲吞水餃牛腩咁🤣$60「鮮炸金黄魚片一條」：原來呢個可能係餐廳旗艦食物👍，見到差唔多枱枱都嗌同埋好多外賣👍，咁又真係幾好食，魚片非常鬆軟，好魚味，外皮脆脆哋，炸過之後好香口🤣$42「淨水餃🥟」：大大隻，裏邊有鮮蝦仁、豬肉、仲有脆脆哋嘅木耳，落足材料，好味😋$42「淨雲吞」：都係有鮮蝦仁，好味😋$60「牛筋腩撈麵」：「牛腩牛筋」夠軟熟兼好牛味🤣，麵係粗麵，幾彈牙🤣$20「新鮮油菜」：叫咗兩碟，一碟係芥蘭一碟係菜心，蔬菜夠新鮮😋$8「大紅袍」：凍冰冰👍

相信如果以前係何文田返學的朋友，一定會食過夏銘記的魚蛋粉，勝利道果間關門之後，係唔同既地方都有開過，而今次就係佐敦開店，當然要去食返個回憶啦！餐廳舖子小小，座位不算好多，平日非繁忙時間去都爆滿，可見受歡迎程度！紫菜魚四寶河，四寶河有魚蛋、魚片、墨魚丸同埋魚餃，不過沒有墨魚丸，轉了雲吞！魚蛋同蛋片魚味濃郁，口感唔錯！魚餃都好濃魚味，比平時出面食到的更美味！雲吞有大大隻蝦仁係入面，鮮甜彈牙！紫菜份量好多，再加埋佢地既辣椒油食，夠哂正！牛筋腩麵，幼麵彈牙，牛腩入味鬆軟，牛筋彈牙！鮮炸金黃魚片，魚片味道咸香，魚味濃郁，差不多每枱都點一份黎食！食夏銘記當然要飲返枝冰凍玻璃樽裝汽水啦，回憶返哂黎呀！

今日試咗魚蛋魚片河粉🍜$5️⃣2️⃣有3粒白魚蛋3片魚片（切薄身）夏銘記魚蛋同魚片咬落淋身，唔係平時坊間食開爽彈的口感，同我預期有落差，食落只係一般普通嘅河粉。本來想試埋炸魚皮，可惜店員話沒有。是日消費$52回頭指數低

Lunch 時間，行行下見到好似開咗間新食肆，就諗住去試下，先唔講個面好唔好食（湯底無味似白開水、雲吞同牛腩麻麻、菜心正常），店內比較擁擠（店面唔大、好正常）埋單時店員打多咗個0（由＄78埋單 變咗$780）之後，我並無出聲 以為退返錢畀我就無事店員不停係度責怪我點解會咁快擺個八達通上去（閙完後都有退返差額畀我）店員閙得啱，責任全部在於我，多謝貴店畀個機會我入去食嘢、多謝貴店畀咗張台我坐低、多謝貴店畀咗個機會令我有溫飽，再次對個店員講聲對唔住，令到佢激氣係我錯，真心道歉

見到網上評語好評，於是專登搭車去試食，結果大失所望。魚片係鬆弛，不過無咬口，而且又油膩，味道偏咸，一點也不好吃，價錢貴，伙記冇禮貌，隨便呼喝客人，個個要睇佢面色，唔怪之得客咁少，不會再幫襯

老字號, 慕名而來, 十分失望. 叫墨魚丸, 無墨魚丸, 話貨未送到. 乜系送來嘅貨, 又話手打墨魚丸? 叫魚皮, 無魚皮. 不知道什麼原因.                                                                                                                                                                                                      呢間最出名系油炸黃金魚片. 上時一啲都不似炸. 只係似就咁煮熟, 完全不香口, 大中伏.                                                                                               另外叫咗碟魚蛋撈麵, 魚蛋又粉又軟, 一啲咬口都冇. 完全不合格. 今次中伏後, 下次無幫襯.

三十多年前，通街都喺，好味，正宗嘅，魚旦粉麵舖及大排檔，呢個品牌嘅魚旦粉，在何文田區亦有名氣及人氣，揾食肥華，亦曾慕名一試，結論喺，講好好食唔到佢，喺一碗普通，平凡，大路水準嘅魚旦粉，就有佢份，估唔到在幾拾年後嘅，一碗好味，正宗，魚旦粉難求斧，在7月13日揾食肥華和靚媽，竟然在佐敦區，此品牌粉麵店食到一碗，湯底，魚旦，魚片，河粉都有幾拾年前風味嘅魚旦粉及有水準嘅，柱候牛腩米，真喺有驚又有喜，而食魚旦粉面嘅，最佳配搭，潮式辣椒油，此店亦做到當年味道，再加上，用筷子到挾得起嘅河粉底，此店如不是，畫蛇添足，在粉面内加上生菜，此店呢碗，鎮店名物，肥華會俾個A++評分佢👍👍👍👍⭐️⭐️⭐️⭐️⭐️