哈比斯燒肉串和咖哩

Open Now

Now Closed

今日去完仁愛堂做運動，走過附近商場覓食，簡單單就試咗呢個印度嘅薄餅卷商場入面嘅food court，座位非常多，只不過都滿晒，所以唯有take away啦見到有其他客人食緊佢個薄餅卷好似好吸引咁，就嗌咗一個嚟試吓啦🍕Kebab Chicken Tikka $68-薄餅卷用錫紙包住 -卷內有大量沙律菜及洋蔥🧅-烤雞經已調味 都調得唔錯 鹹中帶辣-然後被特色印度薄餅包裹住-食落相當飽肚 有成條手臂咁長總括而言，呢間印度薄餅嘅薄餅卷都幾得意，最緊要新鮮好味👍🏻

位於屯門新墟嘅「GoGo Mall」一直深受屯門人係既歡迎🙊裡面雲集左超過十多間小店，中式，西式，港式，東南亞式，甜品等樣樣有齊，仲要款款都係平民價，又吾洗加一，當正自己食緊Buffet，想點食就點食都得啦🥳.其中較為特別嘅係「哈比斯」呢間小店，主打土耳其及印度菜，有烤卷，咖哩雞，薄餅等.【Butter Chicken with Naan $70】Naan以錫紙包住，即時外賣回家食都Keep到溫度，呢點好值得一讚👍 Butter Chicken濃稠度高，濃厚而香滑，味道辛辣惹味，雞肉撕成一塊塊，去骨去皮，配埋厚實帶嚼勁嘅Naan，真係絕配😎

屯門餐廳都算多 前排發現呢個場有間馬拉野又平又抵食 今日再黎試下印度野~呢間印度野都好多選擇 kabab 飯類 薄餅都有加18蚊仲可以套餐連野飲加naan諗左好耐試kabab定係食咖哩好但係都係覺得印度野食咖哩加naan 係最正~所以最後叫左牛油雞野飲都有好多款 其實好想試下佢個支裝lassi佢包裝得幾好 因為我外賣返屋企食錫紙包住naan 返到屋企仲係熱嘅不過較失望係佢比較粉口 厚粉左d 唔夠脆 唔知係咪外賣嘅開係la但係個咖哩係好好食嘅辣嘅程度係接受到而且好香 同埋雞塊都唔少算係幾足料 整體其實係好食嘅70蚊左右唔平唔貴啦

喺屯門新墟一帶嘅Gogo mall開左已經一排，不時都要過嚟搵食，發現都多左唔少小店。見到有間叫Habib’s 嘅中東餐廳，就位於gogo mall food court嘅入口位置，由門面到店員都幾地道，喺該區嚟講都算少有同類型嘅餐廳。今次買左外賣返屋企食，叫左無骨牛油雞嘅薯條，同埋烤牛肉沙律。無骨牛油雞($72)幾岩唔食得辣嘅人，醬汁夠濃味，今次叫左配薯條；如果配飯食應該十分夾。烤牛肉沙律($70)炸牛肉同菜嘅份量夠多，配上沙律醬食好juicy。

放工後來到附近Gogo mall food court， 入面真係好多餐廳，眼花撩亂。見呢間近門口位呢間哈比斯燒肉串和咖哩幾有特色，於是外賣份咖哩魚肉配印度薄餅回家食。在收銀位可以按一按鐘去呼喚店員，用簡單英文與店員落單。咖哩魚肉配Naan印度烤餅$70：咖哩香濃惹味，充滿香料味，不會很辣，份量好夠，足夠伴住食埋印度烤餅。魚肉切到一粒粒，吸收晒咖哩味道，肉質亦夠晒滑身。印度烤餅用錫紙包住，保持溫度，烤餅偏厚身帶點煙韌，烤得帶點微焦，加入咖哩汁特別惹味，好夠飽肚。

哈比斯燒肉串開咗好多分店，自己本身間中都會去試吓印度嘢，我發現屯門都有，所以去lunch就買咗一個kebab嚟試一試。一行近舖頭已經比陣陣嘅香料味吸引住，佢店面唔算好大，主要係做外賣食物，我叫咗一個烤牛肉味，要70蚊，不過份量相當大，差唔多我成隻手臂咁長。佢入邊都幾足料，除咗片片烤牛肉，仲有唔少蔬菜加埋沙律醬同特製嘅調味，而且識落辣辣地好惹味。而且表皮烤得有少少焦就更香口。值得一讚係牛肉唔會過乾，咬落仲有少少水份，而且佢用錫紙包住，好保暖返到Office仲係熱辣辣，即叫即整即食剛剛好。

Go go mall都開左好耐，隔咗一排再去開左啲唔同嘅小店，一入去就見到呢一間賣印度菜舖位，竟然係我好鍾意食嘅kebab，店員係印度人，睇落啲食物都好正宗🌯**********<Roasted Chicken Kebab> $68Kebab嘅口味有十幾款，今次就叫左烤雞kebab，裏面有生菜絲、洋蔥絲、蕃茄絲同埋烤雞，餡料嘅份量超多，一咬落去幾乎爆餡，加埋沙律醬係perfect match🤩個kebab皮有烤香過，口質煙煙韌韌好食啊，一個人食曬全條好夠飽，當正餐食嘅話依個價錢都可以接受啊✨

今日星期四放工，OT完特別攰自己一個食，決定放鬆下唔煮飯經過樓下商場 見到一間新既巴基斯坦食店專賣肉捲、薄餅，款色好多，岩曬我呢啲減緊肥，唔想食咁多電粉質既人佢係一個類似food court既商場 出面有位可以坐低食 不過我緊係外賣返屋企 have a me time啦返到屋企打開個袋 個捲超足料而且份量超多，足足有我成隻手臂咁長，仲粗過我隻手腕呀，完全估唔到見佢料好足, 咬第一啖啲菜超新鮮，好清爽又甜，配上肉食味道好唔錯另外，皮都幾薄，少少煙煙韌韌，食落有豐富口感一邊食一邊睇戲爽呀

今日係屯門go go mall想搵啲小食做晚餐，其中呢間中東印度菜嘅哈比斯燒肉串和咖喱好似幾正宗，連店員全部都係外籍員工菜式選擇幾地道，有kebab、咖喱、肉串、印度炒飯、Pizza、同沙律等Kebab gyroz（roast chicken）💰6️⃣8️⃣即是旋轉烤雞卷，餅皮入面有切碎烤雞肉、紫洋蔥、生菜、蕃茄同配搭咗3款沙律醬kebab卷仲長過我手臂，份量一啲都唔細🎈哈比斯燒肉串和咖哩🎈屯門屯門鄉事會路112-140號雅都商場Go Go Mall1樓S58號舖

依間哈比斯其實都已經係第三晶分店嚟，所以大家唔駛擔心依間食店嘅質素，我覺得依間嘢食嘅質素係唔錯嘅。咁今次我就叫咗一個Butter Chicken with Naan（$72）嘅。講下塊Naan先，其實塊嘢真係好大，大過我隻手掌有多，同埋佢係即叫即整嘅，我覺得佢做得幾香口👍🏻👍🏻。如果大家唔想食Naan，佢都重可以俾大家揀飯或者薯條嘅，但食依啲印度菜就梗係食印度薄餅有feel啲啦。跟住就講一講嗰主角，無骨牛油雞。首先講味道，佢其實係有少少辣嘅，但程度我覺得只係有10少辣咁啦，然後再配啲咸咸地嘅奶油味咁，我覺得幾好味道係唔錯嘅。然後雞嘅份量都好足夠下，足夠你可以一啖薄餅一啖雞咁。另外，偷咗朋友一啲白飯嚟試下嚟撈我嗰汁，係好夾嘅。所以如果有朋友想試下用嚟撈飯，我都好推薦嘅。講埋員工質素先，因為好多時見佢地啲員工都唔係本地人，佢地廣東話未必識聽同埋就算識英文都未必講得好流利。但佢地都會盡努力同大家溝通，同埋真係好有禮貌。

屯門一向都無乜kebab 食，反而印度野呀咖喱呀都仲有一兩間。聽朋友講新墟food court開左間kebab，今次拉埋朋友特登黎試下。一黎到就見到有勁多選擇，除左kebab之外，餐廳仲有pizza、飯呀、咖喱、沙律等等，比起預期中多好多選擇。竟然仲有學生優惠，$36就有一個kebab，真係好抵食，好可惜要著校服先有。除左學生offer 之外，一至五仲有唔同既combo set 有discount。我去既當日係星期五，做緊咖喱炭燒雞肉kebab，但我真係太想食牛既關係，就無叫到呢個kebab嚕。烤牛肉 kebab roast beef $70好足料，滿到我一打開就散散地HAHA，牛味夠重，而啲醬又唔會太搶味，攞到個平衡。而且最估唔到既係就咁攞鍚紙包住佢，行十五分鐘番屋企食裡面都仲熱，超級抵讚～

屯門既gogomall已經變左food court一段時間~咁耐以黎我都未食過 今次咁岩去開附近 就決定過黎睇下有咩好食場內都仲有幾多餐廳比人簡，但我就比門口間kebab吸引住嗌左個kebab donar ($75) 即係烤羊肉~卷皮薄得黎有咬口裡面啲醬好好好好食!! 夠味得黎可以帶到多啲羊味出黎而且唔羶～羊肉啲肉汁鎖住曬係入面，好正，加埋啲菜做番個平衡令到成個卷都唔會太膩～仲有啲額外嘅汁同醬擺係到，比啲人隨意調味，好抵讚可以隨住自己想食嘅去落，唔洗嘥野！另外野飲方面都係自己拎嘅，選擇都唔少雖然呢個價錢唔算平但都唔算貴，但野食質素唔錯，下次都會再嚟～

黃金間Kebab執左，呢間新開買左個烤雞Kabab買完返屋企都唔洗10分鐘Kabab 皮已經變左薄pancake 皮，淋patpat!唔知料唔夠多定包唔實，拎唔起😓成個kabab都冇乜味，食中東kabab都係想有中東香料味，烤雞都冇乜味，唔知食緊乜！加$18 有咖哩角或薯條+汽水不過炸唔夠，完全唔脆，好似食薯溶咁！失望！

今日同老公入屯門整野🤟🏻因為約左人就快閃入gogo mall食小小野因為老公食素💃🏻選擇唔多所以就揀咗呢間餐廳叫咗個咖喱雜菜配薄餅👅店舖小小不過勁多嘢揀🤣🤣咖喱雜菜顏色配搭好靚😍味道唔辣仲有甜甜地😝好多雜豆❤️食完呢個勁想tag三色豆關注組🤩🤩不過我會覺得再加多少少新鮮嘅菜落去就更加完美🥳🥳🥳個薄餅係即叫即烤🔥🔥拎到上手真係辣辣辣辣着🤣🤣🤣好熱😆我老公就話佢鍾意食軟身少少🤭但係我就鍾意比較食厚身d因為食落去成件事會實在好多🤣唔講真係覺得自己係麻甩佬要啲飽肚嘅嘢咖喱同薄餅mix埋係最完美😝❤️❤️❤️

今天到屯門工作，屯門的朋友介紹新墟附近有一間Habibs Indian and Middle Eastern food，可以在food court 吃，也可以外賣回家！土耳其烤包是我喜歡的土耳其美食之一，menu花多眼亂的，我個人很愛吃牛，最後我選了這個lamb kebab。此外，其實小店也有各款小食，有pizza、咖哩等，不過一個人一定吃不完，所以我只點了一個kebab。烤卷是即點即製作的，超讚，在門口等侯時已問到香味，回家打開仍然是熱辣辣的，醬汁也完全保留著！啖啖juicy!! 羊肉的份量來說也是很多的，陣陣炭燒味，配上菜絲，絕對啖啖清新！下次可以再encore!!