哈比斯燒肉串和咖哩

Open Now

Now Closed

星期六下午，諗住叫個烤雞肉卷外賣。等咗10分鐘就有得拎。呢一個雞肉卷$72 ，我覺得值回票價。啲雞肉同埋蔬菜非常足料，調味亦都非常有土耳其特色。 大家如果想食異國風情嘅嘢食，可以嚟呢度試吓。

平日晚上18:30來到屯門food court Gogomall人流不多 位置很多也算舒服 環境衛生很滿意本身試過Habis既觀塘分店 相當好食 見到屯門有要食過返尋味 可惜有少少失望中東食物一般比較重口味 呢間感覺有點淡味叫左個Mixed doner with chip 上面有雞肉牛肉羊肉 下面有份M記1.5份大size即炸薯條 加上靈魂醬汁garlic and mint sauce係一向中東食物完美組合 不過唔知點解我18:30落單 第三張單就係我 之前喺觀塘食都係十分鐘左右就有 今次等左半個鐘 周圍都係美食既香味等得好辛苦以為佢吊我胃口 係準備俾我更大既滿足 結果啲薯條炸好喺入面放凍了唔太好食 可能唔記得落鹽 淡到都食唔落口剩哂喺度煮了半個小時既肉又唔多香口 份量又少 靈魂醬汁既味道周圍食Doner meat都一樣 感覺呢度又改淡左啲 好似失去左靈魂既人一樣 冇左活力一份俾到人希望同精神既烤肉薯條 同一碗維持生命既白飯冇分別 食完不禁令人產生一種遺憾同意猶未盡既失落

👍Tasty Habib's Monday Comb Set Chicken curry with rice extra+$10 Nana bread 一直很想遠去屯門逛逛,終於疫情放缓解除社交條例後,店員們非常歡容.之前試過其他分店kebab和招呼都不錯😋今天試吓comb rice set 如何？是日係咖哩雞跟飯+汽水,我額外$10多叫印度薄餅.即叫即做熱呼呼hot hot 印度薄餅加點curry sauce,雞肉惹味唔太辣juice tender,印度米粒粒分明可能食慣軟綿廣東米會唔慣,overall very Tasty!👍哎吔！😉唔記得打咭影印度薄餅忍唔住咬口食咗😋,咁食完影啲餐牌,睇吓下次食咩好？店員笑容滿面 道別Thank you

睇食評見人地份卷好靚好乾身，就嘗試買返去食，點知完全係災難級，份卷比的泛濫汁液整到軟塌淋晒，餡料同汁液不斷跌出來，完全唔知食緊咩，用膳體驗極差！非常混亂，唔會有下次！

收工去屯門射箭前搵下食，次之前都係雅都商場既美食廣場見到好多不同類型既小店，今日就試下呢間主打中東菜既小店，個人其實都幾喜歡食卷餅呢類型既食物，所以今日都黎試試。門口睇下d餐，除左烤卷餅之外仲有印度菜，全要係中東特色，但飲品就只得汽水同d紙包飲品，其實平均價錢黎講定得有點高，最平一個烤卷餅都要超過60蚊，其實主菜如咖哩飯都差不多超過70蚊而仲未計套餐，以美食廣場入面黎講算係幾貴了，但叫比較有特色。去到落單，店員睇落似印度人講英文的，本身小弟想要個H餐就係陀螺儀雞肉，估計係果種旋轉雞肉切落黎果隻，但可能溝通問題店員落左J餐變左羊肉，到俾錢果陣先知，咁由小弟英文又唔好就唔搞咁多野啦，羊肉我都ok的係貴少少，事後都發現原來有得QR code自助落單的，以免有溝通上既誤會。羊肉卷餅落單後等10分鐘左右就有了，算ok快，先講講個卷餅不算好熱，叫做暖暖地，羊肉切成粒狀，份量都不少，有輕微既羊羶味，卷餅有大量既菜，不過間唔時都食到少少苦味，可能d菜唔太靚，卷餅都有d中東既沙律醬，同港式沙律醬味道不同，無咁濃味同偏油少少，食落都ok既，卷餅都算係幾大個，胃口不大既朋友應該都夠飽的。咖哩角跟餐加18蚊有

在gogomall food court 裡很多選擇，所以在每間餐廳都買少少，其中是哈比斯的羊肉沙律。因為即叫即整，所以要等一段時間，如果趕時間的話 就要考慮要不要吃。羊肉沙律：足料，成碟都是新鮮蔬菜和羊肉。羊肉烤得有點乾，沒什麼羊羶味，怕羶的也能吃，可以試試。

食在屯門💜哈比斯燒肉串和咖哩位於屯門雅都商場美食廣場，心心帶大家品嚐中東/印度咖喱料理。第一次試依間，今次晚餐點了奶油芝士配印度薄餅和咖喱羊肉配印度薄餅，另加套餐（+$18），鷹嘴豆咖喱角和百事可樂。兩款主菜心心小編都試左，中意食辣既朋友可以選擇咖喱配羊/雞，依款羊肉騷味勁少，基本上咖喱都差唔多蓋過，可以接受。怕辣既可以食奶油芝士，香滑吾辣，入面仲有粒粒芝士，超好味。 配印度薄餅真係一啖接一啖，食完薄餅仲有好多醬剩下，可以撈飯🤣。鷹嘴豆咖喱角好有驚喜，一大嚿咖喱角，外面脆卜卜，入面滿滿薯仔和鷹嘴豆。食完一定夠飽🤤。好滿足的一餐，下次再食。📌 哈比斯燒肉串和咖哩☎️ 2882 9892📍 屯門鄉事會路112-140號雅都商場Go Go Mall1樓S58號舖

第五波疫情發展得越嚟越嚴重，平時出街都冇咩地方好去，唯有都係去行下山、再喺出邊食少少嘢就算，而家都盡量減少咗去人流聚集嘅食肆堂食，多咗機會去Food Court買完搵個位坐低食。今日就嚟到屯門，以往多數都係去屯市/V City嘅食肆搵食，今日就去咗新墟呢邊嘅GoGo Mall，估唔到一段時間冇入嚟新墟，呢度已經變咗一個咁有規模嘅Food Court，場內都有二、三十間小店，仲有啲連鎖店進駐😃今日行咗Food Court一個圈，最後俾呢間位於門口當眼位置嘅Habibs吸引咗眼球，佢係一間賣中東/土耳其/印度食品嘅店舖🤩我哋叫咗一份Kebab Chicken Tikka，即係烤雞卷。一打開個袋，勁誇張😱超級大條嘅Kebab，當刻心諗兩個人可以點樣食得晒🤣Kebab入面有大量雞肉粒，主要配料係青紅椒、紫洋蔥、生菜，唔少得佢哋特製既醬汁，超級juicy😬口感層次相當豐富，份量好驚人，食極都食唔晒咁😹

疫情嚴重…最近真係食多左外賣，黎黎去去都係個啲真係有啲悶，是日就黎到Gogo Mall，食下呢間哈比斯中東菜，來點異國風味。本想點咖哩+烤餅，但店員告知大廚未返，呀呀…無緣了，店員話暫時得卷餅同炒飯，咁就食卷餅啦，呢樣都好好食。點左是日special黑椒牛排口味，連埋成個combo set都係$55，超抵食。個set包飲品一罐，揀左呢支黑罐裝spiderman pepsi，個罐好靚，飲完儲起佢先。另外跟餐仲有薯條，即炸勁香脆，份量唔少㗎。見店員好認真咁擠茄汁落個杯仔度，唔使提都主動供應，加分～主角就係呢條哈比斯卷餅啦，好大條呀，啲餡多到漏出黎。黑椒牛排已切粒，牛柳粒好重牛味，仲帶黑椒味夠香口，入面仲夾左生菜蕃茄生洋蔥等，有菜有肉感覺幾健康，點都好過餐餐涯飯盒啦。小店係Gogo mall正門電梯一上就係，超易搵。唔知係咪疫情呢，個場無乜人食野好靜，支持下小店啦。

Habib's 有印度菜、土耳其菜同、中東菜見到餐牌內Kebab烤卷口味有11款，自己又鍾意食烤卷，買了烤雞肉卷 ($68)，付款後店員即叫即做烤雞肉卷有A4 size 好長，餡料新鮮，有錫紙包到實可以保溫。打開烤雞肉卷，外層是香脆印度薄餅，包著雞肉塊及帶點微辣，沙津菜、蕃茄、紫洋蔥、醬汁，味道辛辣惹味，令人好開胃。Habibs'📌屯門屯門鄉事會路112-140號雅都商場Go Go Mall1樓S58號舖

屯門雅都商場逛街，經過Foodcourt 去買午飯，發現一間買印度菜的餐廳，聞到香濃的印度香料味道，買了一份烤雞肉炒飯配沙律，烤雞肉好嫩滑而且帶有香辣味道，一口一件啖啖肉，印度飯軟硬適中，色澤橙黃色，味道帶點辛辣，非常惹味。搭配新鮮沙律菜、蕃茄仔、紫洋蔥、沙律醬，味道好fresh，感覺好醒胃。Habib's屯門屯門鄉事會路112-140號雅都商場Go Go Mall1樓S58號舖 (港鐵屯門站 F2 出口, 步行約5分鐘)

因為一餐生日飯，令我深深愛上中東菜然後成日出去食飯都食中東菜是日落屯門整啲嘢然後肚餓，醒起gogomall好多嘢食一入到去見到呢間係門口已經吸引住我之前懶出街細佬成日叫外賣都會建議叫中東卷，嗰陣時已經吸引咗我我就叫咗雞肉卷🫔都算幾大條未打開已經聞到香噴噴，打開發現超級足料裏面有蕃茄，菜，洋蔥，重好多嘅雞肉佢連醬汁都好多，真係好正因為醬汁好多嘅關係食嘅時候都要小心啲，如果唔係滴到周圍都係佢每日總會有一款烤卷嘅套餐配搭，如果食套餐裏面嘅就會更加抵

🫓 Panner palak + naan $66This wasn’t on the menu, as it only had Palak Makhani. Shopkeeper was nice enough to let us change it to palak paneer. -Other than a side of naan, you can also choose rice or crisps. Palak paneer was given very generously, box full to its rims. It was quite salty, but the mild cheese made everything better. -🌶careful for little chillies inside, if you eat the palak itself🌶fyi* palak = spinach (sauce)paneer = Indian cottage cheese 😋-Naan was wrapped in foil and kept it wa

屯門真係改變左好多，連市中心附近都變得更新更靚，入去屯區探朋友，行完山就去食午餐，假期去food court 買外賣就最快，唔使排長龍。呢間賣咖哩、kebab、中東菜等等，價錢算大眾化，最緊要都多人幫襯，一定唔會太差。試下咖哩會唔會好辣先，有10款配料選擇。Fish curry 咖哩魚可配飯、印度薄餅、薯條，魚肉都滑，我揀左咖哩最佳拍擋印度薄餅，烘得有點焦香，好煙韌，咖哩香又唔會好辣，少少辣好惹味，用薄餅點一流。

今次難得入屯門，又未夠時間食晚飯，決定跟朋友去food court 買少少野食。好耐無食kebab了，決定買個外賣去朋友家食。Kebab有11 款口味，我揀了 烤牛肉 Kebab Roast Beef 現場即叫即做，烤肉卷有我手前臂咁長，睇落好新鮮，份量好足，錫紙包住保存到溫度。烤牛肉粒口感似牛肉乾，唔會太乾，烤餅口感煙煙韌韌，伴上沙津菜和醬汁，酸酸甜甜好開胃，份量好足，一個都夠晒飽，堂食仲有3款醬選擇，下次試下其他先～