HABITŪ table (ELEMENTS圓方) (Closed)

聽朋友介紹呢度咖啡幾好飲，咁岩lunch唔知食乜好，就walk in去試下。墨西哥脆片普通到不能再普通，成碟得一兩塊脆片係痴住乾左嘅芝士。啲酸忌廉就真係咁咁啫一撻，又無加洋蔥粒又無盛。成碟野fresh到不得了，切完蕃茄牛油果同辣椒就咁擺上去就出餐😂同行友人話未食過咁難食嘅墨西哥脆片😂。本身想食意大利飯，見到呢碟椰菜花不是飯好似幾得意，試下先，黎到賣相似飯，但原來真係不是飯，口感幾得意，味道都不錯，奶味濃。再叫多份雞翼，個汁就幾香燒烤味，以為會幾juicy，咬落去係好失望，啲雞肉超級鞋口。飲品叫左一杯只限堂食嘅薄脆焦糖咖啡，係幾香但不太濃，唔太苦，溝埋焦糖苦中帶甜。咖啡的確係幾唔錯，野食就無下次啦。仲有對面個𡃁妹除哂鞋擺係走廊踩上櫈，都無人理🤮

Late lunch諗住食輕盈啲同快快手搞掂，唔想再行嚟行去慢慢簡就是但入左間。-🍝蕃茄肉腸闊面（轉意粉）$158蕃茄醬唔錯，腸片份量多不過味道一般，呢個價錢連加一⋯唔特別推薦。-🍟松露醬雙色薯條 $88松露味唔係好突出，雖然大大兜不過蕃薯條同薯條都係好一般，本來幾期待結果都幾失望🥲-☕️薄脆焦糖咖啡 $54大大杯，加上薄薄一層焦糖有少少口感，唔太苦幾啱我口味。-🍹哈蜜瓜桃茶 $54藥水味，好難飲，完全係伏。-總結：整體感覺一般，一次玩完系列🙉

📍 Habitu Table #MFJ尖沙咀 #MFJ西餐 #MFJ意大利菜 人均消費: HKD135好多年無食過 #Habitu !! Lunch set menu 選擇唔算好多，我哋就點咗個Pizza同貓耳朵！⭐️蒜香蝦薄餅🍕$128其實薄Pizza都好味，貪佢夠脆！色水好靚🥰 餅底又脆又香口，Pizza 好多蕃茄醬同蕃茄蓉幾香，蝦爽口，整體口感幾好⭐️西蘭花鯷魚貓耳朵意粉🍝$98一上枱，陣味咁中式嘅😂😂 原來係西式咸魚，我覺得好香口好惹味喎！貓耳朵又有口感，雖然食西式有中式味道的確有啲怪，唔係個個都鍾意，但我自己就幾Buy! 服務幾好，間唔中食下都幾唔錯！#pizza #orecchiette #pasta #mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #食好西 #吃貨 #香港美食指南 #香港美食 #尖沙咀美食

Good baseline coffee; ordered the iced Caffè Mocha and hot Caffè Açaí-Rosa, both decaf.The iced mocha has actual cocoa flavor, not the generic Starbucks or Pacific chocolate flavor. If you want a good baseline cocoa flavor that is well mixed in with the coffee, I would recommend this mocha.The açaí-rosa tastes so good; tangy and sweet flavors that blend well with the milk and coffee.The decaf bean profile written on their menu is 2/5 acidity, 3/5 roast, 3/5 body. The Classico No.3 blend is 3.5/5

難得個女行街主動嗌肚餓🤣經過見到HABITU table寶貝話要揀呢間❤️❤️———————————————野莓班戟 $88Pancake 好香好鬆軟藍莓士多啤梨配埋Greek yogurt 酸酸甜甜好好味☺️蟹餅配番薯條$98番薯條好脆卜卜蟹餅餡料多，好香口寶貝話好味道👍🏻哈密瓜桃茶 $52一上枱寶貝飲左大半杯🤣評語係好香嘅桃味抹茶泡沫豆奶 $52抹茶味香濃，飲落好細滑😋個女食得開心，媽媽特別滿足💕

黎elements睇戲，食埋飯先走。幾好無乜人，靜靜地夠哂chill👍。松露醬雙色薯條 有薯條又有番薯條🤗，番薯條幾甜！Carbonara 極creamy，兩個人share啱啱好，如果唔係可能會食滯香烤厚切豬鞍扒好juicy! 個汁幾清新。

約左朋友去圓坊睇電影，睇戲之前去搵野食，去左Habitu試下。叫左佢個ALL DAY BREAKFAST食，入面都幾豐富有creamy scrambled eggs, cumberland sausages, bacon rasher, home smoked salmon, roasted vine tomatoes, portobello, italian baked beans同埋toasted sourdough。擺盤都唔錯。好欣賞佢個home smoked salmon，煙燻味好香，三文魚都好入味。另外仲叫左杯伯爵茶咖啡Caffè Earl Grey，聞落好香，入口都幾香醇，茶同咖啡混合得好好。我最最最鍾意佢個環境，坐入少少的話有D半開放幾開揚的位置，可以望住下面的溜冰場，可以好好咁嘆下。而且唔多人，成個感覺好放鬆。同朋友不知不覺都吹左差唔多兩個鐘頭水，唔會有人趕，唔錯唔錯。

Elements 的 Habitu 環境舒適，有大張舒服的梳化坐位，空間感超多，又可望住溜冰場，店員服務友善良好去到 Elements 想輕鬆hea食下午茶定慢慢享受正餐都非常適合食物方面: 牛油果烤雞凱撒沙律 : 牛油果新鮮、羅馬生菜爽脆，加上烤雞肉同烚蛋混合一起食，感覺清新又好味蟹餅配蕃薯條 : 蕃薯條香脆，蟹餅用蟹肉同薯蓉制成，啖啖都食到蟹肉的味道辣肉腸薄餅 : 3mm 薄餅餅底香口薄脆，加上辣肉腸、紅椒、青椒、芝士，好味得要食曬成個Pizza

當日去elements 看電影。為什麼會用圓方平價餐廳作標題？就是因為圓方普遍餐廳太貴了。它在溜冰場上面，可以望著別人溜冰，環境也可以，當日見到很多一家大小來吃。呢排愛上吃生酮keto, 見佢有生酮沙律及椰菜花飯，立即點了。也點了一杯當日咖啡。原來他的咖啡一點也不貴。但椰菜花飯來了之後，我有個疑問，它的醬汁不知又是否生酮呢？野菌椰菜花飯味道：很creamy; 份量也ok 一個女仔應該吃不完。下次會試下甜品。

Habitū Table 之 狂風「素」落葉🍃篇 新派廚師 嶄新佳餚 大快朵頤！ 😋羽衣甘藍🥬 x大樹菠蘿 🍍薄餅 環保之作 低碳♻️ 意大利青瓜🥒 x 蕃茄醬🍅意粉 🍝Hungry Friday - Part IFusion vegan meal @ Habitū Table with special combos!Recommended dishes 必吃Vegan Pullpork x Kale pizza 羽衣甘藍🥬 x大樹菠蘿 🍍薄餅 Italian sun-dried tomatoes x Zucchini Noodle 環保之作 低碳♻️ 意大利青瓜🥒 x 蕃茄醬🍅意粉 🍝

食物環境都冇咩特別，係啲staffs無禮貌到離譜…埋單俾錢果陣，個staff姐姐碌錯咗其他人果張單個amount（即係無啦啦我地幫人地台找數），俾番張卡我地果陣，咁我地好正常咁check啲數啱唔啱，果時佢就咁「ah」就喺我地手上搶咗我地張卡連張單，係真係搶，咩野都冇講就走咗，我地十萬個無奈咁唯有喺到等…等到5-10分鐘有個男staff走過嚟就咁話「啱啱碌錯咗，已經void咗，應該唔會扣數。呢張先係你地台嘅單。」，就咁擺低就走咗🤷🏻‍♀️What! 走果時經過見到個staff姐姐佢仲要啤一啤我地🤷🏻‍♀️呢啲咁嚴重嘅失誤，連唔好意思都冇聲，已經莫講話sorry啦…都未計佢咩都唔講搶番我地張卡🤷🏻‍♀️真係無禮貌到離譜，呢啲基本野都做唔好，食物環境幾好都冇用啦，係真係好垃圾！服務分係零！真係從來未試過有一間餐廳係咁！

今日心癢癢出去搵午餐食😬，星期六要搵間好食，坐得舒服而無限時都幾難😵‍💫。猛然醒起Elements 有唔少餐廳可選，而且服務及食物水準都唔會太差😬，所以立即趁中午前去搵搵有咩好嘢食😜。由於未夠12:00，去到餐廳仍未算多人，仲可揀位坐🙂。服務員都有禮地引領到座位，一坐下來可以慢慢睇吓有咩好食😋。今日胃口不錯，我在等候午餐伴侶之同時，已努力睇睇有咩啱食，我實屬為食之人，但亦同時非常注重健康，所以揀左以下😚😚：1） 生酮沙律🥗2） 小小焗辣雞翼🥓3） 野菌椰菜花不是飯🍛4） 焗一焗穀飼雞 🐔5）冷萃椰子咖啡☕️6） 伯爵茶咖啡 ☕️今日所點既餐單，基本上二人前就足夠有餘😃，生酮沙律份量都算充足，可以夾完再夾😬！雞翼更加係本人必食之物🤣！焗雞賣相尚可，件頭不算大，如果淨食呢碟，應該晏少少又要食下午茶😜！好在有點埋椰菜花飯，初初頭幾啖好香好夠味道，但再食到中間已經有點膩🥺，不過最終我地都食鬼哂😋😋。整體今餐都滿意，環境、味道及服務都尚算不錯，以後encore 再食無難度🥳。

事隔左一段時間無黎依間餐廳，今日再黎好唔掂，入到黎張桌無清潔，滿枱水和餅碎，就叫人坐落去，重點係張枱之前已經無人坐。食物到左，餐具遲遲都未黎，難道要學印度用手食嗎？到餐具黎左，啲碟有食物積，😖😖仲衰過大排檔，要熱水，又攪到滿枱面水，但無人清潔返，職員掛住吹水多過做野，無下次亦唔會介紹人黎職員完全無心工作，唯一食物質素只可以話正確，並沒有什麼突出，值得一提係佢餐牌有素食和生姛食物，供有需要人士食用

✨All Day Breakfast麵包 密度幾高 偏硬煙三文魚 味道適中 唔會過鹹香腸 肉質偏實 味道正正常常煙肉 唔會乾唔油膩 幾好炒蛋嫩滑茄汁豆正常蕃茄清甜多汁 沙律菜新鮮爽脆✨Caffe Latte 咖啡質感偏薄 奶泡唔夠厚身味道尚算濃 今次咖啡麻麻食物普通 份量唔算多環境可以 都幾開陽 尚算坐得舒服平時比較少人 可以坐好耐都冇人趕 好啱傾偈服務正常 店員態度友善係人手有點不足 可能要等好耐先有人理價錢偏貴 但以該商場計算係已經比較平嘅餐廳

一行四人黎圓方嘆返個午餐，上次食完個墨西哥脆玉米片，對佢既印象幾好，環境舒服，餐單靚又多選擇，吸引非常。「蟹餅配番薯條」🦀🍟$98份量方面係俾張相完全呃咗，一上菜見到嗰陣時有啲吃驚，四個人去分黎食完全唔夠喉，呢個份量同價錢好唔成正比，佢跟個醬仲大過蟹餅，略貴。好彩佢質素唔錯，平衡心理，蟹餅既蟹肉絲多，蟹味好出，蕃薯條蕃薯味重，外脆內軟，香甜又可口，係出色呀哈利🧙🏻‍♀️「雞肉墨西哥芝士餡餅」🐓🇲🇽$108佢有齊我所有最鍾意食嘅嘢，感覺牛油果🥑醬混入左芒果🥭令個醬除左有牛油果香之外，增添左芒果既香甜，加分位。仲有個蕃茄莎莎醬非常清新，再加一堆酸忌廉，賣相很好，一睇到咁樣就令人食慾大增。不過可惜主角令人感到失望，餅皮香，但個餡真心好一般，四個字形容係「乾柴烈火🔥」啲雞肉唔嫩都算，又乾又柴，芝士又少，存在感低，失望，菠菜都乾，加埋醬食好少少，但加埋醬食個味道又唔太夾？得個樣，下次唔會再叫呢個。「龍蝦扁意粉」🦞🇮🇹$198好一般，略嫌稍貴，性價比低。龍蝦肉好少，意粉底蕃茄味淡，同個龍蝦又唔夾味，各自為政，感覺就只係食緊個蕃茄汁意粉。「牛油果多士」多士較薄片，牛油果醬無乜味，車里茄暗黑，可能係品種