八沢 (杏花新城) (Closed)

師奶仔心態係門口見到寫住特價同埋限量 忍唔住想試下🤣🤣🤣🤣 原來除左個滑蛋叉燒飯做特價 其他lunch 都唔貴 60幾至80 幾既選擇都多 滑蛋蛋味濃  又好滑 叉燒係日式叉燒 燒到表面好香 肥瘦適中 雖然係限量優惠餐 但係一啲都唔馬虎朋友叫左一個 「小桶山姜玉子鯛魚腩飯」 鯛魚腩既賣相同埋口感都有啲似厚燒鰻魚 但價錢又係足足平一半 又係一個抵食之選！！🤣🤣🤣另加多左個凍豆腐小食  原個豆腐上 加上濃厚既芝麻醬汁 呢個小食相對就簡單啲  係屋企都可以試到 下次要再試下其他 地方舒適，適合過黎食下嘢傾吓計🤣

朋友表示戒口中，唔可以食生冷野，但又想食日本野😀🤓呢間八沢可以滿足到佢兩個願望！！ 八沢類似居酒屋小店格局，主打拉麵 同 烏冬， 另外仲有唔小咖哩飯既選擇 。 我地分別叫左「  安格斯牛扒飯」 同埋「 忌廉海鮮烏冬」我可以飲凍野 😹啲日本汽水樽樽都好靚！！ 我叫左個靜岡抹茶味梳打汽水，個樽超靚！！ 😍😍抹茶梳打汽水唔算好甜，有抹茶甘味， 仲要有氣🤣飲完好爽 、好暢快  ！！！！！安格斯牛扒飯牛味濃， 上枱前已切開一件件 ，方便食用 。忌廉海鮮烏冬‼️‼️‼️ 烏冬口感煙un ！掛到汁！ 忌廉湯底好好飲， 鍾意佢個忌廉味😁食完烏冬之後， 我仲飲左大半碗湯！😆😆😆😆平時食日本野 ，都係壽司刺身多 ，今日成日挑戰唔食生冷野都可以做到日本野！😆😆😆🇯🇵

疫情之下 食多左好多外賣 之但係來來去去都係嗰幾味有時都想落街食下一啲唔同嘅嘢 頂唔順了 同老公落去附近食 都好耐無食呢間 一人叫左一個主食 加野飲 我揀左黑蒜炙燒極濃黑豚肉拉麵  老公就揀左 黑松露忌廉烏冬 兩個麵都足料大大份  鍾意佢 個拉麵已有埋糖心蛋 唔使加錢加配先有  湯底唔可以同出面拉麵店比 但質素都合格既  老公個烏冬好彈牙 撈埋啲忌廉湯似一啲日本洋食 有幾舊三文魚同帆立貝 👍呢度有啲日本梳打汽水 比較特別 食完我地兩個都好飽😽（老公心聲： 唔使食雙餸飯 ！） 

朋友最近搬左入黎，新居入伙 ….本身住大西北既我 平既已經好少過海 ，杏花邨真係咁大個人第一次嚟 😅😅原來個商場都幾大幾方便仲有outlet 行 我地行左一陣去左食lunch 之後先再上去 睇到外賣有折 本身想外賣 但廢事啲炸野放到林晒 都係坐底食埋 🤓座位都幾闊落好坐Total 叫左三樣野食同埋日本汽水 什菌芝士烏冬 、豚肉拉麵、炸帆立貝啲餐具幾得意係成煲上 😆烏冬同拉麵都係大大碗 兩個主食 入面都好足料 有勁多唔同既什菌 同埋豚肉 ！！  帆立貝唔會一大陣雪味 小小甜味 仲飲到勁耐無飲過既波子汽水🍹😆

On shift 朋友一定明 返工前食飽有幾咁重要‼️今個星期都係返夜更 諗吓返工前食咩都算係返呢個更既樂趣🥴🥴🥴八沢已經食過好多次 係諗唔到食咩時既穩陣之選 份量偏大既 一人食有啲勉強 但唔想浪費食物 我都會食晒 味道 價錢 環境都係 穩陣同中規中矩黎形容 主打 湯麵 當飯 冷麵類 等等既日本食物 款式都幾多 總有啲野岩食 同埋 坐低就有啲野想食😹😹😹 講下今晚食既黑松露忌廉海鮮烏冬，黑松露味好夠 如果覺得黑松露好似煤氣味嘅千祈唔好叫😹😹😹 烏冬係高質個種 有咬口 忌廉汁超多 有三文魚同帆立貝 夠料 加配一個日本汽水 食飽 夠鐘返工💤😴🥱

八沢其實都開咗喺我屋企樓下年幾🤣一直都覺得佢嘅裝修好靚好日系🧶仲有好得意嘅動物壁畫😻每次經過心情都會好好✨但礙於佢嘅價錢比起其他餐廳嘅外賣都貴咗啲🥹所以一直都冇機會試🥺今日🧸放工嚟搵我，見我未食過就帶我入去食🍀平時佢食開筲箕灣嗰間😋八沢喺將軍澳同銅鑼灣都有分店✨㊙️fun fact: 銅鑼灣嗰間主要係食泰國菜🇹🇭其他分店先係主打食日本菜😂✰黑安格斯肉眼牛扒飯 ($92)(By🧸) 牛肉飯嚟講佢嘅牛肉係厚切一塊塊放係啲珍珠米煲成嘅飯上面🍚安格斯牛加上適當嘅烹調係相當入味🐄口感都幾淋亦都充滿油脂😋不得不提嘅係佢有個另上嘅蒜香豉油🥹淋落啲牛肉再配埋飯食真係起正😻令牛肉飯上升咗一個層次，個人認為雖然價錢少貴但值得一試！✰ 豚骨湯叉燒拉麵 ($68)本身以為佢會係用碗上🍜點知佢真係好特別佢係用個煲上😂個煲好熱所以要小心啲😂拉麵個豬骨湯都ok濃加有少少膠質✨叉燒都係有醃過有燒過嘅味🌿不過偏薄偏細塊~拉麵麵質都ok唔會過淋/太硬✰熱冰糖紅棗雪梨蜜 ($8)嗜甜之人一定鍾意呢個😻個人嚟講真係好鍾意❤️佢好清甜🍐甜得嚟好潤喉🥹嚟m嗰陣飲好舒服✰凍檸蜜 ($10)佢同其他檸蜜唔同🍋冇陣奇怪嘅蜜糖味🍯又係好清甜

之前去過八沢的銅鑼灣分店， 試過他的黑松露忌廉海鮮烏冬， 味道還記憶猶新， 因為真的做得很香很好味。去杏花邨經過他的鋪面，一落電梯、便認得出是八沢。繼上次的忌廉海鮮烏冬，今次也同樣選擇了忌廉系列， 黑松露忌廉海鮮烏冬， 忌廉湯底依舊香濃，兩三片三文魚，剛好熟透， 兩片帶子是薄身的， 肉質鮮嫩，跟其他店味道一樣。暖胃嘢還有自家製的冰糖紅棗雪梨茶， 補氣滋潤， 只是如果少甜一點會更好。結賬後發現，仲以為佢計錯數收少我錢，店員哥哥同我講，杏花邨店冇收加一，而且仲係咁多分店最平嘅一間，可惜我唔係住呢度，如果唔係呢度一定係我嘅飯堂

📍#八沢#MFJ杏花邨 #MFJ日本菜人均消費: HKD92八沢第一間本尊係筲箕灣，已經食過2-3次，原來杏花邨都開咗，又可以去回味下！餐廳位置都幾唔起眼，喺地下嘅電梯底！本來想試新野，但最後都係食佢嘅主打！⭐️黑松露忌廉海鮮烏冬🍜$92佢最出名嘅黑松露忌廉海鮮烏冬！上枱已經聞到好香濃嘅忌廉同黑松露味！ 入口滑捋捋，烏冬咬落去十分煙韌，黑松露同忌廉味好夾！ 海鮮有帶子，三文魚，海膽等等，都好足料下！ 似日非日的反傳統煮法的確好特別！係好味嘅，抵我翻啅！🆗芥末果醋帶子冷烏冬🍝$82依個之前都食過，貪佢酸酸的夠開胃！今次有少少失色，烏冬黏住影響口感，而個芥末果醋酸咗啲，食落有少少嗆🤏🏻帶子有4大隻，不過味度有少少寡雖然今次果醋冷烏冬有點失色，但我都推介佢個主打，真係好味！另外店裏有兩位年紀頗大嘅員工，佢哋好熱情好好傾！🥰👍🏻#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #hkfood #he

入到餐廳坐低即用QR code掃code落單，大約5-10分鐘食物就好快送到上枱面。我哋叫左 黑松露忌廉海鮮烏冬$92，味道麻麻，烏冬較少令人失望⋯⋯然後仲叫左 一桶厚燒鰻魚玉子飯（2人）$198，鰻魚極多骨，味道一般，呢個價錢好唔值小食方面叫左 吉列蝦（2隻）$45 炸粉超級多，裏面嘅蝦極細隻🙄🙄🙄總之以後都唔會幫襯呢間餐廳，十分中伏😵‍💫😵‍💫😵‍💫

話說去開杏花邨，因為順便睇吓有咩抵嘅運動產品，所以就順勢喺度食埋個晚飯先走，因為呢度來來去去都係嗰幾間舖頭，所以就唔識太大型嘅連鎖店，試吓呢間八沢～.入到去嘅座位相對比較闊落，亦唔會話太過逼夾， Menu裏面好似主打係食咖喱同埋拉麵，最終決定都係隨心，因為平時麻麻哋咖喱🙃.我哋就嗌左1. 帆立貝小食 💲唔記得😅2. 吉列炸蝦天婦羅 💲383. 板燒銀鱈魚 💲1284. 黑蒜灼燒豚肉拉麵 💲825. 黑松露安格斯肉眼牛扒飯 💲88.so far整體都正正常常，但係唯獨板燒銀鱈魚，第一次相嘅時候食到中間竟然係凍嘅，出面係熱嘅，未煎得熟！所以叫廚房換過一疊俾我哋，都食得飽飽嘅成餐飯，係唯獨呢個美中不足，暫時未見有好突出嘅美味，就做個簡單記錄啦。

實在好想食日式烏冬，回家前就拿拿聲去買個外賣。點了一個凍的牛肉烏冬，吃起上黎有驚喜﹗個芝麻醬汁恰到好處，清爽得黎又唔會太黏口個種。烏冬口感亦非常彈牙，而且非常「索」醬汁，唔會醬還醬，烏冬還烏冬。牛肉都要一讚。有時D餐廳既牛肉會overcook，搞到又靭又痴牙，咁佢既牛肉算做得好好，食落口唔太靭，而且肉的味道仍在。見佢個menu都有好多咖喱選擇，下次應該會試下。但係環境就爭左少少，係個電梯底無天花板，所有人經過都太open咁，加上枱放得比較密，暫時都只係幫襯外賣先啦，等疫情再好返D先敢堂食了。

🍜 黑松露忌廉海鮮烏冬 $88💯 評分：🌕🌕🌕🌕🌕 (5/5)💬 黑松露俾得十分之多，香味亦都非常濃郁，忌廉湯底整得頗為順滑容易入口，就算飲晒成碗都完全冇油膩嘅感覺。海鮮分別有帶子同幾塊三文魚，件件厚身得嚟味道仲相當鮮甜，烏冬條條爽滑彈牙十分之掛湯，豐富嘅層次感令人非常驚喜。😍🍛 八沢咖哩金菇牛肉飯 $68💯 評分：🌕🌕🌕🌕🌗 (4.5/5)💬 咖哩汁嘅濃度恰到好處，味道辣而不嗆，撈埋啲飯嚟食相當之驚喜。金菇既爽脆又彈牙，牛肉塊塊肥瘦均勻鮮嫩多汁，油香味會喺口腔入面慢慢擴散。咖哩汁入面仲有啲清甜嘅紅蘿蔔粒同超級軟腍嘅小甘薯做點綴，油膩嘅感覺一瞬間被飽肚同滿足感代替。😋

見門口個menu上面嘅菜式五花八門，俾人嘅感覺相當吸引，於是決定入去坐低歎返個靚lunch～😃🦪 廣島蠔肉碎烏冬 $78💯 評分：🌕🌕🌕🌕🌑 (4/5)💬 三隻蠔都大大粒，食落肥美又飽滿，肉碎份量都夠多。烏冬比較幼身，掛湯能力唔錯，口感亦算彈牙。湯底鮮甜唔會過鹹，配上海帶十分滋味。☺🍯 小桶山薑玉子鯛魚腩飯 $98💯 評分：🌕🌕🌕🌕🌑 (4/5)💬 鯛魚腩肉質好嫩滑，油香濃郁但唔肥膩，入口即溶非常滿足！玉子撈飯堪稱完美，醬汁都食到山薑味，甜甜哋幸福感爆燈～😋🍘 牛乳忌廉餅 $30💯 🌕🌕🌕🌕🌑💬 外皮炸得金黃色，薄薄一層幾香脆。咬開內餡頗足料，牛乳忌廉味濃郁。餅下面有椰菜絲，食完解膩啱啱好！🤤店員服務態度良好而周到，食物即叫即製又唔洗等好耐，整體用餐體驗值得嘉許，時不時一定再嚟支持！😉

嚟杏花邨行開outlet行到攰梗係要搵啲嘢食啦~ 揀咗呢間係筲箕灣都有分店嘅日式店，平時東大街都幾多人排隊㗎，呢一間分店就少啲人，一於試吓佢！之前已經食過佢嘅人氣忌廉黑松露烏冬已經覺得好好食，今次試吓咖喱肥牛~睇到啲肥牛唔會話全部都係肥膏，而且份量都幾多！呢一隻咖喱比起平時唔辣嘅咖喱都有啲辣味🌶我個人好鍾意🤤另外仲有啲蕃薯仔、金菇同紅蘿蔔🥕令我覺得好出色嘅就係帶子冷烏冬🍜有三隻帶子，雖然唔係話好大隻但都整得好好食😆而且超鍾意佢呢隻讚岐扁烏冬，好有咬口，再配埋個烏冬醬油一流❤️另外仲叫咗蒜蓉金菇，簡直係燒烤重蒜蓉嘅味道🤣超正，啲蒜蓉完全係好似唔駛錢咁🤣🤣下次都會再叫！

今晚會合家姐食飯,杏花村多餐廳就落去食飯,開左間少見既日式烏冬店菜式如下牛肉烏冬$68  黑松露忌廉海鮮烏冬$88 玉子鯛魚腩飯$88黑松露忌廉海鮮湯烏冬 個湯底未飲已聞到濃香忌廉松露香氣煮得好滑既質感海鮮三文魚既油香溶入湯之中好好飲 仲有帶子粒 碗中間黑色就係松露醬,食之前拌勻湯底更香更濃牛肉烏冬麵 上面一層野菌湯蓋住生牛肉,熱湯餘溫迫熟牛肉有D似越南河既做法,牛肉唔會過熟又嫩滑 湯底係接近豉油湯 烏冬係用日本貨,特別彈牙吸湯燒汁魚腩玉子飯即係滑蛋魚腩啦,上層係照燒汁燒魚下層係炒滑蛋用比較肥美既魚腩燒過都係勁重油脂勁肥美嫩滑,加埋炒滑蛋一齊食滋味無窮八沢烏冬杏花邨盛泰道100號杏花新城地下G53B號舖評分8/10平均消費$122