八沢 (杏花新城) (Closed)

自從疫情開始之後😖，平時淨係成日喺屋企食屋企餸，屋企飯餸都開始食到好厭倦，今日終於忍唔住點樣都要落街去行吓搵吓好嘢食先得！🤓見到有間餐廳之前未食過，又係我最愛嘅日式料理餐廳，等咗10秒左右就行入去了😝希望食下日本嘢重拾一下去日本旅行嘅心情啦🥺鍾意食肉，而且最近天氣又熱辣辣，就嗌咗一個黑安格斯肉眼掛烏冬🍜，冇食飯類咁滯啦。淨係一個正餐點樣可以滿足到我呢？忍唔住要叫多個小食用黎撈麵食！😆咁就叫多咗一個吉列帆立貝帶子🧆黑安格斯肉眼掛烏冬好快就嚟到啦，有幾件大大嚿嘅牛肉鋪喺烏冬上面，牛肉咬落口一啲都唔鞋口，而且肉味又夠香，牛香四溢👅🍜仲有少少生菜拌碟Tim,賣相一啲都唔頹😍吉列帆立貝帶子，👀件件都大大嚿，有一層薄薄的脆衣包裹住，食落海鮮味十足，好厚肉，用來做小食一流！下次都係要帶埋屋企人嚟一齊食先得👨‍👩‍👦‍👦

成日都好頭痛🙎🏻‍♂️唔知去邊度食飯好，每日午餐嘅選擇就係最頭痛嘅時間，日日都要諗食咩好。👀今日放飯就試吓呢一間未食過嘅日式料理啦咁🍡入到去裝修好多以木材為主，牆上同枱面都係以木材做裝修的🍡充滿日本感覺😆熱死辣辣不如就食個冷麵平衡一下啦,我就揀咗芥末果醋帶子冷烏冬(掛烏冬)同濃湯雜菜，👥同事仔就叫左個日式滑蛋叉燒飯。果醋帶子冷烏冬有附帶一碗醬汁，醬汁酸酸甜甜，夏天食真係好開胃🍜仲要配埋帶子呢一個海鮮清新冇負擔，配合得好好！濃湯雜菜用錫紙兜上保持住溫度，入口唔會凍哂，店家好細心☺️。同事仔的日式滑蛋叉燒飯，就冇事，但同事仔話滑蛋好滑溜，🍛食叉燒充滿醬汁，醬汁甘甜配飯食剛剛好，再配上日式抹茶梳打同埋凍奶茶作結，無得輸🥰睇嚟我哋搵到新飯堂啦☺️

工作需要，平時成日都要一個人食飯，🙎🏻‍♂️一個人又唔想去食頹飯，今日就揀咗去食日本料理，貪佢呢度裝修幾靚，用咗我鍾意嘅木材料去做大部份嘅裝修元素。😆天氣咁熱都係唔好食飯，揀嚟揀去最後都係，叫一個黑安格斯肉眼掛烏冬，諗吓諗吓好似唔夠飽再追加多一個小食先得👅！要對自己好啲😅額外叫多咗個吉列炸蠔，明太子雞翼做小食。黑安格斯肉眼掛烏冬好快就到左，好開心呢度嘅烏冬唔係用平價烏冬，係入口彈牙嗰隻日本烏冬🍜🍜安格斯肉眼內裏仲係粉紅色，成熟嘅程度掌握得好好，入口唔會乾柴，有肉感🍜另外配埋吉列炸蠔同埋明太子雞翼🐣拌冷烏冬食，好多肉好幸福！而且去炸物揸得好夠火喉，唔會油淋淋咁成口油，食完都唔會有太多油膩感覺，下次黎可以試多啲其他嘢tim!

最近疫情情況穩定翻唔少，在家工作得太耐忍唔住要趁呢個疫情穩定嘅時間同朋友仔出去行吓搵吓好嘢食先得！👯‍♀️🍜難得嚟到杏花邨呢邊,一於周圍去睇吓有咩好食先👅朋友仔行行吓話好想食日本嘢太懷念日本🍱周圍行就發現到呢間以木為主做裝修嘅餐廳👀我哋兩個即刻眼前一亮👀決定就入去食啦!鍾意日本文化嘅我揀咗個黑蒜炙燒極濃黑豚肉拉麵,朋友就揀咗個咖喱吉列豬扒飯🍱我哋驚唔夠飽😝仲嗌咗個小食叫咗一個日本炸南瓜🥗拉麵一上枱熱辣辣黑豚肉經過燒後，香氣逼人🍜放喺面頭嘅糖心蛋好香蛋味🥚未到拍得住好多日本拉麵專門店。同行朋友的咖喱吉列豬扒飯，炸豬扒炸得好酥脆，食落口啖啖肉超滿足。最後再食埋炸南瓜，香甜又軟糯，炸嘅時間拿捏得非常好👍🏻睇嚟下次可以再約一齊食💃🏻👯‍♀️

今日部門同事好多去晒外勤👯‍♀️，只得同另一個同事兩支公去咗撐枱腳，見到呢間日式料理好似唔錯👥入去就嗌咗一人一個正餐，試吓正餐好唔好食如果好食下次先再嗌小食啦！🥢我就嗌左一個咖喱吉列蝦飯，朋友就叫了一個雜菌忌廉松露芝士烏冬。點餐過咗一陣，我哋叫嘅餐點就送上來了🍱💃🏻都幾快手一上枱咖喱吉列蝦大大件，炸得金黃色，色澤均勻，咖喱汁又香又濃厚，要黎撈飯就啱晒 咖喱醬汁入面仲有幾粒紅蘿蔔波波，🥗造型可愛亦都可以補充一下蔬菜吸收🥗呢一點非常好。同行嘅同事叫的雜菌忌廉松露芝士烏冬，擺上台聞到好大浸松露香氣，同事話入面仲好多雜菌，🍝估唔到呢個少少舖頭都可以食到咁濃郁嘅松露忌廉芝士烏冬，我哋不約而同都覺得呢間可以做飯堂了.😍👅

好耐冇去日本啦，好掛住日本嘅美食，冇得去旅行搞到個人都頹晒，🙎🏻‍♂️男朋友為咗令我可以系香港試到日本風味特登揀咗呢一間餐廳同我去食🍡一嚟到餐廳門口見到用咗好多木嘅元素去做裝修，有一種日本嘅風情🍥令我喺門口就已經好期待，入到餐廳我哋最後叫咗黑安格斯肉眼牛扒飯🧆同小桶山薑玉子鯛魚腩飯🍛，為咗要均衡飲食我哋最叫多一個濃湯雜菜🥗去平衡一下。我叫的黑安格斯肉眼牛扒飯首先送到黎，牛扒熟嘅程度剛剛好，🍱內裏仲係粉嫩嘅紅色入口柔軟有牛香，餐廳好貼心地切開咗一片片方便客人食用，免途中灑上一啲青蔥令到牛肉食落口更香口，送飯食一流。濃湯雜菜🥗🥗用錫紙包住上枱，咁樣令到熱力冇咁快散，keep住入口都係熱的，好貼心。最後，🙎🏻‍♂️男朋友叫的🍱 小桶山薑玉子鯛魚腩飯，是用原個木桶上，賣相超特別😝用嚟打卡一流，醬汁配上鯛魚腩，成件事好夾撈埋玉子一齊食十分滿足😝食晒飯飲埋靜岡抹茶味梳打汽水同信州蘋果梳打汽水，成件事夠晒日本味道🍡一定要多啲嚟呢度食先得，要尋找返日本嘅感覺。

睇完電影後，行街行到好攰又肚餓，路過一間日本料理裝修好有風格，有一啲木嘅圍欄喺外面圍住，好有日本氣氛👅咁一於就入去試吓啦。行到入去見到裝修好企理，乾乾淨淨，就係鍾意日本呢一種嘅裝修風格，即刻食慾大增👁👀行完街咁耐梗係要補充體力👥打開餐單，見到有我最鍾意食嘅吉列豬扒緊係叫黎試吓先！咁我就叫咗一個咖喱吉列豬扒🥢飯，同行嘅朋友就叫做一個雜菌松露芝士烏冬🍜。好快咖喱吉列豬扒飯就送到上枱面，跟你豬扒炸得好酥脆金黃色的，咬落去脆口唔油膩，好快就比我食晒啦😝同行嘅朋友叫的雜菌松露芝士烏冬，望落烏冬比好多忌廉包住，💃🏻朋友話每一口都食到好濃郁嘅松露忌廉芝士味，而且雜菌嘅數量亦都好多，差唔多食到最尾都仲有雜菌可以食到🍱下次再去附近行街可以再嚟呢間食飯👯‍♀️

今日嘅天氣幾好朋友行完山，順便去附近行吓街，🥢行完山大家都好肚餓，見到有間日式舖頭好似唔錯🍡🍱咁，大家好快就決定入去試吓。由於行完山嘅關係大家都好肚餓，所以大家都係嗌正餐去醫下五臟廟，我就叫左一個🍤🦪黑松露忌廉海鮮烏冬，去邊度都好想試吓餐牌上嘅黑松露產品，另外兩位朋友分別就叫咗日式滑蛋叉燒飯同埋黑蒜炙燒極濃黑豚肉拉麵。黑松露忌廉🍤海鮮烏冬一嚟到，我就即刻忍唔住偷食咗鋪喺上面嘅一舊帶子🤣大大粒非常吸引，每條麵條都比好濃厚嘅忌廉包裹住，令到行完山既我呀係咁食🤣朋友嘅滑蛋叉燒飯好快都到埋，呢個日式叉燒飯係用咗拉麵舖頭嗰種圓形嘅叉燒，朋友話入口肉味好香，滑蛋亦都夠香蛋味。黑蒜炙燒極濃黑豚肉拉麵🍜最後到，一擺上台就聞到好濃郁嘅黑蒜油香氣撲鼻而來，🍜拉麵最緊要熱辣辣趁熱食，朋友話黑豚肉肉質🍜好濃郁，唔鞋口湯又好飲，行完山嘅佢好快就食晒啦。

今日放學後，諗住同朋友們去搵個地方食🥢少少嘢先返屋企，行行吓就發現咗呢一間日式料理餐廳，行到咁攰就試吓啦！🍱朋友們叫了兩個正餐🍜，但由於我啱啱食完午餐不久，咁我就知叫了一個小食，叫一個日式南瓜試吓😝。朋友們叫咗八沢咖喱吉列蝦飯同埋黑松露忌廉海鮮烏冬黎醫下五臟廟。我叫個南瓜好快就到咗🥢南瓜做到好鬆脆嘅效果，經過油炸亦都唔會成口油，唔會太油膩。朋友嘅吉列蝦飯吉列蝦大大隻見到好吸引🍱，咖喱汁亦都夠多足夠撈晒成個飯🍤🍤。👁最後一個嚟到嘅餸菜係黑松露忌廉海鮮烏冬，擺上台就聞到好濃郁黑松露味，忌廉烏冬上面仲有幾粒大大帶子及三文魚🍜，睇落份量都幾大，試咗一啖，我決定下次就食呢個，個麵黑松露味香濃，又唔會太油膩配埋海鮮剛好。下次放學一於再嚟食啦！👩‍👧‍👦

路過呢一間日本料理，先發現自己同同事好肚餓，做嘢做到晏就飯都未食🫠，望吓時間原來已經兩點幾，咁我哋最後決定都係去醫飽個肚之後先去繼續工作，望晒成個餐牌，最吸引我嘅係自己最喜歡嘅黑松露產物，所以我就帶咗一個黑松露忌廉海鮮烏冬俾自己😝，同行的同事就嗌咗一個日式滑蛋叉燒飯，諗諗吓咁肚餓都好似唔夠食，我哋又再追加左一個吉列炸蠔拼明太子雞翼作為一個小食。好快食物就嚟到啦，黑松露忌廉海鮮烏冬一嚟到，見到滿滿嘅忌廉完全覆蓋烏冬，有幾篇三文魚同埋大大粒帶子鋪咗喺烏冬麵嘅上面，見到一刻忍唔住即刻食下先！😆食落口，烏冬因為有忌廉汁包裹嘅關係超香滑，另外三文魚肉質唔錯唔會好鞋口，不錯。同事嘅日式滑蛋叉燒飯，話明係日式當然唔係好似港式燒味舖嘅叉燒咁樣🤣呢度嘅日式叉燒係圓圈一片,好似平時食拉麵嗰種叉燒,我夾咗一舊試吓，佢個醬汁好香甜肉質唔難口，滑蛋就咁睇個色水唔錯，呢個滑蛋我就武士道啦不過朋友話好滑而蛋味好香。最後再食埋個小食，炸物做得幾好唔會成口油，食埋個小食我哋兩個飽到上心口了。

週末都要出外工作，都冇咩時間出去食好食，難得同男朋友仔今日出去周圍行吓街，路過見到呢間日式料理🍴，大家又行到熱死辣辣想搵個地方坐下食少少嘢補充體力，一於就入去試吓啦！🥢一入到去舖頭，感覺乾淨企理，☕️座位又唔太逼，坐得都算幾舒服，等陣睇吓餐牌有咩食啦！我哋嗌咗芥末果醋帶子冷烏冬🍜（掛烏冬），夏日炎炎又咩胃口食飯，最好就係食呢啲啲涼涼地的麵條，一擺上台，面頭上面有🍳半粒溏心蛋，🥚🥚糖心蛋嘅色澤仲好靚，見到後雙眼即刻發光，旁邊仲有三粒大大嘅帶子，🍱冷烏冬配果醋食酸味味好開胃，果醋調配得甜酸啱啱好！唔會太酸。另外我哋仲嗌咗日本炸南瓜，炸南瓜嘅份量都唔少，外面包裹住一層薄薄脆衣，炸粉無過厚，高水準，南瓜食落味道香甜，忍唔住熱氣都要食多幾舊，最後飲番杯🥤🥤凍奶茶消消暑，🥤奶茶又濃又夠滑，成餐好滿足，補充元體力之後我哋又繼續去行街了！

平時啲日式餐廳食黎食去都係個幾款野食，食品款式欠缺新穎，今次見到八沢個餐牌啲野食幾特別同小見，好有興趣試吓😋首先係芥末果醋帶子冷烏冬(掛烏冬)，天氣咁熱，淨係睇個名都感受到個股涼意😂帶子有三粒，都幾大粒同幾鮮甜的😋個芥末果醋酸酸辣辣咁，超級醒胃，烏冬幼身彈牙，同個汁好夾好好味👍🏻無試錯另外仲叫左個小桶山薑玉子鯛魚腩飯，平時都好小見有鯛魚腩食，鯛魚腩好滑，無骨啖啖肉食得好爽，份量都幾多下，好滿足😋 鯛魚汁同埋啲蛋用黎撈飯超正🤩日本炸南瓜應該係今餐最普通既菜式😂 南瓜控對炸南瓜無抵抗力，一見到就想食😊結果都係無令人失望既👍🏻🤤好味今餐非常滿意，菜式新穎又好味，價錢又平，推介大家可以一試🥳

天氣潮濕個人成日都好攰咁，同老公申請放假一天唔煮飯，齊齊出去食飯撐枱腳🥰 經過呢間餐廳見到都幾乾淨企理，啲櫈又好似幾舒服咁，門口咁岩有個侍應又幾有禮貌，一於就試吓喇😆小桶山薑玉子鯛魚腩飯，平時唔多食魚，見到呢個配搭又好似幾新奇有趣🤣鯛魚腩唔腥都容易入口，腩位肥美又夠滑，唔錯👍🏻淡淡山薑味中和下鯛魚腩既味道，好夾🤩八沢咖喱吉列蝦飯，有兩隻大大隻吉列蝦🤤好厚肉又夠晒彈牙，勁鐘意😋 咖哩都係傳統日式咖哩味道，濃度適中，咖喱中有幾粒紫薯比較有驚喜😄秋葵沙律，難得我同老公都幾鐘意食秋葵，沙律清新開胃🥳唔洗煮飯成個人身心舒暢😂仲要遇到呢間高CP值餐廳，大滿足😊

今日同媽咪係杏花邨有野整，整完諗住係附近食埋飯先走，行過見到呢間日本菜，作為烏冬控既我當然唔會放過每一個食烏冬既機會喇😂近排同朋友出街食得太多肉，所以想齋啲叫左個鮮雜菌松露芝士烏冬，好香松露味，湯底都幾creamy幾滑🤩😍 個烏冬超！級！好！味！爽滑彈牙 襯埋個湯絕對係有水準之作❤️媽咪食日式滑蛋叉燒飯，叉燒完全唔乾，點埋個日式汁黎食好夾，用黎餸飯岩岩好，滑蛋夠滑有蛋味，平時媽咪唔多食白飯，今日呢餐成碗飯食晒，相信都幾岩佢口味🤣仲有靜岡抹茶味梳打汽水，我地都係第一次飲抹茶味汽水，抹茶味好清新唔甜，解渴之選🤗餐廳侍應服務態度好好👍🏻😊我同媽咪對呢餐lunch都好滿意

同老公行行下街想搵餐廳醫肚，見到呢間餐廳價錢平民啲相又幾吸引咁，即刻上網睇下食評，啲評語都幾正面，一於試吓🤗黑松露忌廉海鮮烏冬，第一次幫襯當然叫返餐廳既signature dish喇🤤 忌廉湯底真係好smooth 好creamy，出乎意料地好味😍 海鮮有三塊三文魚同埋兩大粒帶子，幾鮮甜好味，烏冬煙韌彈牙，真係同普通烏冬唔同質感，好驚喜🤩老公揀左個八沢咖喱吉列豬扒飯，豬扒份量足夠，炸粉唔會太厚岩岩好，最緊要啲咖哩汁無淋係啲豬扒上面，保持豬扒脆口😆，日式咖哩唔辣，好容易就撈晒啲飯黎食，清碟😋飲品叫左奶茶，正常無乜特別😃唔係特別難飲已經收貨😂個烏冬真係超高CP值，十分推介要一試，忌廉迷大愛😍