博多屋台

Open Now

Now Closed

出trip返深圳，下班過關時候已經感到好肚餓，所以近近地去咗上水食晚飯。每次經過彩園商場，一到晚飯時間就好多人等位，心思思想食呢間博多屋台，餐廳裝修夠晒色彩繽紛，食飯心情都開心啲，好有歡樂感覺。豚骨湯拉麵等位時候俾風吹下覺得有啲凍，想食熱辣辣湯麵暖吓肚。豚骨湯拉麵，湯頭清甜，加入日式叉燒一起吃，拉麵口感煙韌，九州豚骨湯底好不錯。章魚小丸子小丸子好彈牙，醬汁紫菜佈滿小丸子上面，好吸睛，章魚好鮮甜。煎自家制餃子自家制餃子經煎炸後，上枱時仍然熱辣辣夠曬鑊氣，食入口香脆可口，肉汁爆棚，非常美味，混和餃子汁同吃，口感香脆軟腍，絕對一流。特盛炭火燒牛肉丼我們要了特盛的容量果然是珍寶，上面鋪滿炭火燒牛肉，味道濃郁帶一點炭火焦香味，醬汁又帶甜蜜，惹味非常，牛肉肉質亦很嫩滑，咬落柔軟順滑。唐揚炸雞件另外唐揚炸雞件，大大件，外脆內嫩又多汁，都有質素，味道不錯。大板燒好耐冇飛日本啦！食返個大阪燒回味一下！賣相已經好靚，而且又有蛋香，係健康之選，真係夠香又好食。親子丼感覺好特別，蛋有少少甜，好有味道，好容易入口，創新嘅口味絕對能夠引起大小朋友的食慾。熱奶茶、熱咖啡晚餐坐得舒適，價錢經濟之餘更沒有加一小費，

上水民居之中既高質街坊日本料理，抵食又好味，唔怪得之上水朋友大大力推介🥰❤️黑蒜油腩肉拉麵 湯底濃郁但又唔會太咸，黑蒜油味好香!! 軟淋又肥美既叉燒非常入味，而拉麵就用左幼麵，加埋隻溏心蛋，成碗拉麵每樣野都洽到好處，呢個價錢呢個質素，好驚喜!!🧡特盛炭火燒牛肉丼 牛肉好香炭燒味，又香又惹味，而且份量非常多，大大碗好足料💛天婦羅魷魚鬚 薄薄一層脆漿包彈牙魷魚，炸得好香脆💚煎自家制餃子 皮夠薄，餡料比例岩岩好，又煎到個底金黃香脆，唔錯唔錯💙章魚小丸子 熱辣辣香噴嘖，咬開仲有章魚粒粒!!💜芝士年糕 香脆外層包住煙煙韌韌既芝士年糕，仲有邪惡芝士流心，正rrr

在上水行商場，被一株櫻花吸引了視線，枱頭發現「博多屋台」的招牌，令我想起多年前去福岡旅遊的回憶🤭瞬間決定晚飯就在這裏解決。屋台飲食文化始於江戶時期，當時經濟蕭條，不少人為生計而開始在路邊擺起了「屋台」。其實是一種小型、可移助的攤位，販賣拉麵等街頭美食，有點似路邊小食灘。天婦羅軟殼蟹 $58 (爆推🌟🌟🌟🌟🌟) 原隻軟殼蟹，蟹膏清晰可見，炸衣薄，香脆得來又味道香濃，非常高質。份量大，啖啖肉，非常好食😋😋確實超值。炭火燒牛舌丼 $62牛舌有五至六塊，份量不少。醬汁十分有驚喜，香濃但帶點麻辣，辣味的掌握確實一絶，辣得恰到好處，再多半分就覺得嗆喉。配上薄切的牛舌，食得十分過癮。丼飯飯量不少，性價比很高。 燒芝士年糕（兩件） $19 (爆推🌟🌟🌟🌟🌟) 年糕尺寸不小，一咬開，煙煙韌韌，內裏的芝士流心滿瀉而出😍😍😍 最愛芝士的我，像吃了一道軟軟糯糯的甜品一樣，十分滿足。紅紅的燈籠高高掛着，配着原木色的門面，餐廳有著濃厚日式氣氛。光線明亮，空間寬闊，在此用餐感受一下當年時光，的確不錯。@big_big_foodie

博多屋台📍上水彩園路8號彩園商場3樓22-23號舖間中會喺上水搭車，但好少喺呢頭食飯，今次喺商場覓食揀咗呢間日式料理，舖面幾大，座位闊落舒適。火炙三文魚帶子丼$98有好多塊三文魚，半邊火炙過香口啲。帶子大大粒好爽口彈牙，附送味噌湯。黑蒜油腩肉拉麵$68腩肉有三大塊咁多，腩肉肥瘦適中火燒過香而唔乾，軟腍惹咪，好食😋拉麵幼身彈牙，湯底唔會太油太鹹。三文魚腩刺身$72勁厚切😋新鮮鮮甜爽口，肥美得嚟唔會滿口油脂味，好食👍🏻火灸香蔥左口魚邊壽司$38

跑完步就想補充能量，在附近商場找到這家日本餐廳，看到裝潢不錯，於是試一試。這裡採取手機掃碼自助下單，食物選擇很多。🍱 蒲燒鰻魚丼 $98鰻魚鮮嫩肥美，配上醬汁送飯一流，感覺又不會太油膩，而珍珠米則圓潤飽滿。🥣 味噌湯 $0跟餐送的湯，水準正常。🥚 溏心蛋 +$11溏心蛋黃的味道甜甜，蛋白口感彈牙，挺好吃😋🍢 關東煮 $40冬天想吃點暖身的食物，關東煮就最適合不過。有白蘿蔔、年糕福袋、冬菇、丸子、白菜，很豐富👍🏻 尤其推薦有內餡的福袋和丸子🙌🏻整體而言味道不錯，份量剛好，下次可以試試拉麵🍜或者壽喜燒🍲

好耐冇喺上水食嘢啦🍴今次同好耐冇見嘅朋友約喺上水見面諗住一齊試吓地鐵站附近有啲咩新開嘅餐廳就比我搵到呢間排大隊嘅日本嘢我哋冇訂枱都冇book位當日大概喺出邊等咗10分鐘⌚️入邊嘅環境都裝修得幾好有卡位同埋普通枱好有和風嘅感覺🇯🇵我哋叫咗一份炭火燒豚肉飯🍲豬肉都幾大一片 同埋口感嫩滑入味價錢都非常合理💰70就有一份主食、一份小食、同一杯嘢飲我哋仲叫咗雜錦刺身✨有好幾種唔同嘅款，整體都比較厚切大片我最鍾意三文魚同油甘魚🍣整體嘅體驗咁都幾好如果經過上水火車站可以過嚟試吓呢間

話說，天氣突然轉冷，去完深圳出差經過上水，好想打個邊爐，於是搵到依間，仲有 #和牛 供應！🤩宮崎牛壽喜鍋 $228第一次食 #宮崎牛，印象都唔錯，外表充滿雪花，食落有油脂同肉香，但唔會過膩，好滑入口即溶。再配埋鮮雞蛋，混入濃濃蛋香，錦上添花！🤤火鍋料仲有芋絲、粟米、菇、竹輪、年糕福袋、菜，好豐富！牛蒡漬 $20唔錯嘅前菜，幾有咬口，醃得鹹味剛好！🤪巨峰提子乳酸梳打 $14好夠汽，唔過甜，酸酸哋好開胃，爽嘅！🤭三品壽司盛 $30.8#火灸蝦壽司幾好食！蝦表面加左少少焦糖，食落又幾夾，脆嘅表面加爽彈蝦肉，好正嘅口感！#醋飯 都可以🤭！#火灸蟹柳壽司個蟹柳好彈牙，加左d wasabi醬先燒，很不錯！🤓#火灸三文魚壽司非常標準，不過不失。三件壽司，性價比非常高！😜最後，驚喜地個經理勁nice，好樂意介紹佢哋嘅嘢食；更驚喜係有服務，但冇收 +1服務費。🫡

「屋台」是指日本的路邊攤🏮，通常入夜後不少街頭巷尾都會陸續出現這些攤檔的蹤影，檔主會與食客打成一片，非常熱鬧，亦充分感受到博多的人情味。如果大家未有空去旅行，又想一解鄉愁🤣，不妨可以去試一試接下來介紹的這間隱世日本餐廳。🍜黑蒜油腩肉拉麵 ($68)大推❗️一上枱已經蒜香撲鼻，令人食指大動🤤。拉麵幼細，湯汁可完全吸附上麵條，每一啖都有好濃的黑蒜味。腩肉🐽口感軟腍，油脂分佈均勻，肉香滿滿。另外半熟溏心蛋加了不少分，做到流心的效果，果然是人氣之選👍。🥢炭火燒雞扒鰹魚湯烏冬 ($66)除了拉麵，另一店長推介就是烏冬🔝。雞扒賣相不錯，燒過的表皮有少許焦香味，肉質嫩滑。鰹魚湯味道鮮甜，配料有粟米🌽、昆布、鳴門卷等。烏冬爽口彈牙，掛湯力高💯。🐔燒雞軟骨肉串 ($18)一口大小的肉串，免治雞肉和雞軟骨的比例恰到好處，不會太難咬，配上香濃的燒汁，咬起來很有嚼勁😋。🍢關東煮 ($40)材料非常豐富，包括蘿蔔、鳴門卷🍥、福袋、明太子魚餅和冬菇等，加上鰹魚湯底味道清甜，每樣食材都很入味，整碗煮物熱乎乎♨️，暖胃滿足。🫕燒芝士年糕 ($28)年糕表面燒成金黃色，軟滑煙軔，內裡有奶香味濃郁的芝士，形成外脆內軟的口感。

係上水行商場經過見價價幾平就入去食晚餐～環境裝飾日式風格而且有節日氣氛😄 我點了炭火燒雞丼套餐，配炸雞件（3粒），面豉湯。燒雞皮好脆，配料豐富，有栗米，沙律菜，紅蘿蔔，飯我覺得好多，大碗抵食～男友點了特盛火燒牛肉丼套餐，配章魚小丸子溏心蛋，牛肉燒過卻軟淋。之後還點了三個小食，烤油甘魚，燒雞軟肉串，七味炸三文魚骨，都是$300，價格超抵！燒雞軟肉串好特別，魚蛋的形式，食落有啲軟骨脆脆爽爽，有口感👍🏻

雖然去唔到日本旅行住不過留喺香港一樣嘆到平靚正日本菜去到上水我就搵到一間高水準親民日式料理店「 博多屋台 」 餐紙上嘅食物圖文並茂相當吸引最後我哋點了沙律、壽司及烏冬大家開心share食❣️⊰⊹════════════════⊹⊱💬 ✎ 食後感 ：✨呢度除咗有必食新鮮魚生刺身丼飯仲有拉麵及炭火燒手打烏冬鍾意食辣嘅你更可以選擇麻辣風味系列喔【 宮崎火炙牛烏冬 】經過火槍燒一燒的火炙牛是來自日本宮崎縣遠處已經聞到好香嘅牛香牛肉大大片份量適中而牛肉肉質則非常鮮嫩加上蔥香簡直係完美嘅配搭另外加$11就有一隻糖心蛋❤️【 胡麻豆腐沙律 】我最喜歡嘅豆腐非常滑溜面頭滿滿的醬料及脆紫菜配上香甜嘅日式芝麻醬加上木魚及蔬菜點綴健康又好味喔鍾意壽司方面有88折優惠咁抵食一於叫返幾款先 ⬇️🧡【 三品壽司盛 】三款壽司經過火炙燒逼出魚油感覺特別香當中的火炙三文魚壽司食落去有啲creamy嘅感覺好新鮮好香亦有少少鹹香💛【 火炙黑糖帶子 】帶子壽司就食得多但係從未食過用黑糖火炙燒過估唔到鮮味配上甜甜地嘅黑糖味道好開胃好match🖤【 凍檸茶 】最後飲一杯冰涼嘅凍檸茶亦都為呢一餐的日本菜畫上句號。

今日到上水打針睇大家食評揀左呢間，環境方面係正常空間感OK，因為我帶住BB車方面好重要，店員服務態度良好，但係提供嘅係熱水有啲奇怪，因為正常日式餐廳應該都係茶多，都係第一次係熱水😂午餐價錢中等，最後揀咗壽喜牛肉鍋，$88本身要求都唔會太高，但係入邊嘅配料仲小過吉野家難啲接受，所以性價比唔高，叫多左2個小食，$48天婦羅魷魚絲得幾條，夾埋都冇10條真係有啲小家，仲要係短嘅；另外再叫咗個日式芝士年糕，同圖片不符細一半之餘，仲要有一舊係凍嘅😅你期望入邊嘅流心係完全無流之餘仲要有啲好似未夠熟甘。咖啡方面係即磨咖啡，但係都係偏向酸嘅豆，咁好唔好飲就因人而異又唔會飲唔落咁樣。以上全部都係真實食評，絕對唔會寫假評語😊供大家參考🫣

簡約日本風格 裝修都好有日本feel🇯🇵 刺身拼盤拼飯 ($148) 刺身有甜蝦、八爪魚，油甘魚、三文魚、吞拿魚！ 仲有帶子！全部都鮮甜新鮮！😍 賣相都好吸引👍🏼 另外叫左牛肉壽喜鍋配烏冬/飯（$88） 賣相相當不錯☺️ 配料有菜有各款蔬菜 大大片牛肉～好飽！滿足❤️‍🔥 仲日式煎餃 正正常常~~~~~~~~~~~~!!!!!!!!!! 📍博多屋台 上水彩園路8號彩園商場3樓22-23號

已經嚟過幾次上水彩園廣場，成個商場商鋪及食肆眾多，由於今日天氣寒冷既關係，所以去咗博多屋台食熱辣辣既牛肉壽喜鍋一個鍋物都有8片牛肉，配以大量既蔬菜一個烏冬及麵豉湯，分量不足，對於小女子嚟講食剩一半既烏冬

細數手指🤲🏻都快半年無食過日式餐廳了🇯🇵🥢上水雖然係一個經常會經過嘅地方…但卻未停留過用饍🫢今次嚟到位於上水站旁的商場覓食🤤5點多就見呢間博多屋台開始人頭湧湧😨所以諗都無諗就跟大隊衝入去了😬十分專一嘅我點咗滑蛋豬扒丼🐷🍳睇一間日式餐廳合唔合格💯我會睇佢地滑蛋吉列豬扒·塊豬扒炸得鬆唔鬆脆..嫩唔嫩滑😋滑蛋係唔係仲有蛋汁..再加上醬汁嘅調味🤓不得不說就以上三點·係食咗一啖後😝我都打好高嘅分數👍🏻蛋有幾嫩滑就代表吉列豬扒面層有幾脆😆蟹籽沙律🥗清爽的感覺..難得的沙律醬不會太酸..而且蟹籽同蟹柳嘅份量十分慷慨🥰煎自家制餃子🥟食得出唔係批發肉餡又少又無口感的餃子🥰粒粒都餡多皮薄…而且肉嘅質感係feel到係有用心的🤩鹽燒油甘魚鲛🐟以呢個價錢⋯呢個魚鮫我會比滿分💯油脂感適中..而且表面燒得好乾身..但食落口依然好嫩..調味剛好 毫無魚腥味🥰牛肉壽喜鍋配烏冬份量唔洗講😝邊度會諗到烏冬唔係一般貨色..煮到溶個啲🫠竟然係超彈牙的..食落口感同讚岐烏冬一模一樣😛所以千祈唔好睇少屋村商場嘅餐廳…可能分分鐘好食過熱門打卡餐廳的🥳

今天要介紹的餐廳位於上水，是一家平價日本餐廳。餐廳位於屋邨內，價格定位相對較低，但餐廳沒有因為價錢低而將貨就價，更提供性價比高的食物給客人選擇。特盛炭火燒牛肉丼 $94好耐冇食過牛肉飯，今次趁機食個加大。呢個飯極多牛肉而且醬汁唔會太鹹，大碗到差點食唔哂。黑蒜油腩肉拉麵 呢度既拉麵非常抵食，最平又由 60幾蚊起跳，而且大大碗幾抵食。今次試左黑蒜油腩肉拉麵，配菜有全隻嘅半熟蛋，木耳絲，同三塊腩肉。拉麵就比較普通但勝左可以選擇軟硬度，而個湯底唔太鹹。自家製餃子餃子有5隻，餃子煎得香脆皮到簿身，但少左d肉汁。關東煮(B) $40餐廳有兩款關東煮，呢款關東煮有蘿蔔、鳴門卷、福袋、魚餅同冬菇。蘿蔔非常淋身冇渣，湯底清甜不錯的。📍博多屋台 @hakatayataihk上水彩園路8號彩園商場3樓22-23號舖港鐵上水站A2出口步行約5分鐘