韓牛韓式燒烤 (Closed)

韓牛好難食，這個價錢有咁既野食、同咁既質素、食其他好過啦。服務態度3.5星、食品質素2星、環境質素4星。應該唔會再黎食E間野架。刺身唔得，肉唔得，唔明點解仲咁多人黎。我真係怕怕了。

話說尋晚同男朋友和他的家人去韓牛食晚餐，我們一行七人竟然俾張枱得兩個爐，坐位已經非常逼加上行出去拎野食極之唔方便，好啦出去拎野食食物選擇係多，但無一樣野我想食我岩食既，行去燒烤肉區見到有多春魚就夾左的燒，點知燒熟食先發覺唔係多春魚來，咁算唔算誤導客人呢？好啦無樣岩食轉攻刺生，三文魚都係好一般，成晚無飯到肚決定拎的加州手卷試下食，俾我想像中好食，我食左三件先覺得有食過下野，甜品方面無試，飲品選擇還可以啦，伴菜有好多但太咸....今次抱怨夠了，下次唔會再來食啦。

間野轉手後第一次去食 差！！平日夜晚去 燒左一個半鐘叫人走最後話比你燒多陣la 正常要一個半燒就走Ok!之後1個鐘9個字不停吹你交枱態度極差 唔會再去利申：轉手前係旺角諗唔到食乜就會擇佢 依加冇下次！

韓國料理一向我至愛，但好多時份量太多，如果不是一班朋友食真係未必吃得完......但如果食放題就無呢個問題了，食幾多自己控制自己拎，而且選擇超多!呢間最近去過，食物款式好多，花多眼亂單係糖水都有3款，仲有豆腐花，超讚不過糖水係港式仲有沙律，刺身，日式壽司，海鮮，味道不錯又新鮮而韓國料理食物都好多選擇，有泡菜餅，煎葱餅，仲有炒粉絲，雞翼，另外仲有泰式炒蜆，味道討好而韓燒選擇亦係十分多，有肉類，菜類，菇類......不過食量少的我，就每款選了少許，加上不想浪費味道好好，肉質鮮美，甚有韓式味道所有食物味道都很味美，好喜歡而雪糕雪條都好多選擇有我至愛榴槤味道雪條飲品仲有呢款可樂，平時放題較少機會飲到這裡食物選擇好多，味道亦不求其，但如果時間有2小時就更好了！

2.14勁想食韓燒，放左工周街搵，搵到呢間，雖然知道節日會貴小小，但都係有d離譜，d野食又麻麻地，海鮮刺身都唔新鮮，甜品仲要壞左，變曬味，d員工態度又好差，似我得罪我佢咁比左幾百蚊仲要我睇佢地面色，絕對冇下次，唔會再去！！！

第一次去這一間放題，本身只是想食樓上果一間，但是經過時比樓層帶位的店員吸引了，因為由二百幾蚊+1服務費，減到170幾+1服務費，佢話係燒烤火鍋放題，入到去就知道賴嘢，嘢食唔好食，侍應全部都傾計都唔會執碟，三文魚肉質奇怪，燒肉類好鹹。非常不推介！收我呢個價錢其實我可以食得覺好嘅嘢，海鮮又不新鮮，雪糕有雜物牌子，軟雪糕仲有冰粒嘅，棉花糖機整左十幾分鐘都未有，嗰個人唯一覺得最正常係朱古力噴泉，熟食大部份變凍晒，部份熟悉不新鮮。見到個廚房衛生非常差。有員工在食煙。新手寫文，如有任何寫錯請多多見諒

08/Feb/2019(Fri) 見OpenRice D 人post 嘅韓牛餐牌價(~ 12/2018), 見幾好走去試吓; 中伏, 埋單時才驚覺原來門口有更新餐牌價, 吹脹; 早知去他處

韓式前菜種類多，味道也不錯， 尤其辣蘿蔔，本人覺特別好吃。 冷盤 刺身壽司雖然款式不多 ，但亦算新鮮及鮮味，可以一試 。 湯類為中、日、韓式 ，材料 十足，味道亦相當不錯。 食店內提供生熟食物， 生熟食物擺放得井井有條， 種類亦算多，迎合不同人士的口味 。燒烤的生肉款式多 ，質感新鮮 ，味道也相當不錯。 熟食多為 蔬菜類 ，適合食素人士。 店內亦提供任飲的韓式飲品 及韓國的酒精飲品， 款式及選擇 比同類食店 豐富， 適合不同人士的口味 及需要。 飯後甜品亦是值得一讚的地方， 除了一般的雪糕蛋糕等甜品外，還有自製的棉花糖。客人可以隨自己 喜愛的口味親手製作棉花糖 。這些難得的經驗 ，很少在其他食店獲得。

韓燒放題愈開愈多，價錢需平，但有質素既唔多，呢間平靚正選擇多，環境乾淨舒服，所以都帶不同朋友來食過幾次~今次質素依然keep到~淹好既生肉，海鮮同蔬菜選擇多，擺放乾淨整齊~泡菜，大豆芽，酸蘿蔔得前菜亦不可少~熱食，煎炸物都好多選擇，炸雞翼，炸蝦片，紅酒牛尾，豬腳薑，呢4款係必食~仲有幾款糖水~連凍海鮮，壽司，沙律都有~除左雪糕櫃入面既幾款雪糕雪條，仲有軟雪糕機可以自己唧~仲有朱古力噴泉，自製綿花糖~各式甜品杯，水果~選擇真係好多好多~飲品選擇都不少~上次黎食店員教我地用菜墊底，上面放肉去煎煮，蔬菜吸左肉汁好 juicy ，又唔會整到個鐵板燶哂，肉又會特別軟嫩多汁~豬腳薑夠淋同入味~炸蝦片脆卜卜又香蝦味~食埋水果同雪糕就大滿足啦~

2019同朋友第一餐飯局就揀咗最方便大家嘅旺角，但今次唔係日式放題，而係位於創興一樓嘅韓牛韓式燒烤，當然都係放題形式今次係我第二次光顧，餐廳環境同食物種類都差唔多，入座後就馬上出去觀察自助區，好好計劃今晚攻掠由凍蝦，三文魚刺身，青口，再到沙律吧，多至十款嘅韓式泡菜，熱食有炒蟹，炒蝦，豬腳醋，同多種炸物。花多眼亂真係唔知食邊樣先。印象最吸引豬腳醋嘅蛋，同紅酒牛尾，牛味酥香，肉質軟中又帶有咬口。而燒烤部份有三文魚腩，豬扒，牛仔骨，羊肉，魷魚，蝦，多春魚，同不同嘅腸同丸丸。我個人最中意係牛仔骨既入味，又嫩口。三文魚腩就明顯嘅肥美。其他嘅食材也算新鮮。甜品除左雪糕，雪條，甜品櫃中有多款水果，啫哩，布甸，自製棉花糖，軟雪糕，同不同嘅罐裝飲品。餐廳cp值高好適合朋友家人飯聚

韓國菜永遠系我最愛，因為行12元店剛好經過呢間韓式燒烤放題好似幾抵食就捉埋朋友仔去試下。收費：- 星期一至四21:00前入座 　HKD 208+10% 其實平日200多都唔算太貴，就盡管入去食。自助區——冷盤這裡的燒烤放題是全自助式的，需要出去拎食物+飲品例如有刺身丶壽司，飯面，炸物等 特別推介炸雞翼 熱辣辣不錯不錯嘩，估佢唔到，選擇都幾多下，有沙律、刺身、壽司，估唔到既係連青口、大大隻蝦，蜆同埋螺都有！唔講以為去左酒店食自助餐咁，仲有三文魚刺身TIM~質素正常!青口隻隻都好大隻，不過有點乾入口都可以。壽司就麻麻地，賣相好一般。自助區——炸物好多選擇！有炸物、蝦片、薯條、薯餅、麥樂雞呢啲唔少得，仲要炒菜類、韓式煎餅、豬腳薑而且Refill速度好快，值得一讚!自助區——燒烤蔬菜、肉類但小編就落力專注於燒肉方面凍櫃擺咗大約幾十款肉類+蔬菜🥬+海鮮🦐選擇頗多 任君選擇 。菜類一定係食金茹、雞脾茹，亦有南瓜、茄子等等。另外，牛肉果然好好味牛味頗重 而且醃得非常入味🏻所以我同朋友仔都瘋狂攞嚟燒，不過我認為攞金菇同牛肉一齊燒係最正，啲金菇索曬啲牛肉汁超正啊啊啊!自助區——甜品食完一輪燒烤又點少

新派既韓式燒烤大行其道，試過好多間質素參差而且價錢唔平，所以我一向都偏向中意傳統任飲任食既韓燒多d，唔洗就住就住咁食，今晚去左呢間食物質素仲要唔錯而且款式極多。韓牛韓式燒烤位於旺角創興，非常方便。任飲任食都係$208，價錢勁抵，而且都真係好多款式。冷盤有蝦，青口，螺肉，帶子，蜆同三文魚剌身，仲有幾款壽司同沙律提供。冷盤都幾新鮮而且都大份，唔錯。熟食有炒蜆，瀨尿蝦，韓式雞翼同韓式泡菜餅都係必食，炒蜆同瀨尿蝦少少辣勁惹味，韓式雞翼同泡菜餅都煮得好香口。黎到重頭戲燒烤類，足足有30款唔同既食物可以選擇，其中我覺得所有既牛類都非常好味，餐廳用既醃料甜甜地好入味，而且完全唔韌，特別係牛仔骨肥瘦適中，真係不停咁拎食左好多。甜品同飲品都好多選擇，有軟雪糕，朱古力噴泉，棉花糖，仲有成個雪糕櫃，仲有我最愛既蜜瓜味雪條！飲品特別要提既係連啤酒都係任飲！一邊飲啤酒一邊食燒肉，有咩正得過咁。

韓國菜永遠係小編長期的Favourite😍🇰🇷今次去旺角見到呢間韓式燒烤放題幾抵食🥰於是捉埋朋友仔去試試👭。這裏的燒烤放題是全自助式的🚶🏻‍♀️需要出去拎食物🌮+飲品🥤例如有刺身丶壽司🍣丶飯麵🍛丶炸物等 味道還好🧐特別推介炸雞翼 熱辣辣唔不錯不錯😙。但小編就落力專注於燒肉方面😎凍櫃擺咗大約幾十款肉類🥩+蔬菜🥬+海鮮🦐選擇頗多 任君選擇 睇到網上特別推介🐮牛仔骨+牛肉🐮果然好好味😍牛味頗重 而且醃得非常入味👍🏻所以我同朋友仔都瘋狂攞嚟燒👅不過可能因為牛仔骨太受歡迎好快就搶購一空🥺所以鍾意食牛嘅朋友就要注意喔 ⚠️附加一個吃貨小Tip: 攞金菇同牛肉一齊燒🔥啲金菇索晒啲牛肉汁超正啊啊啊💓。食完一輪燒烤又點少得甜品呢🍨係雪糕放題啊 可以任食雪糕雪條🍧小編同朋友都一致覺得呢個榴槤雪條💛好重榴槤味鍾意食榴槤嘅你不要錯過喔😌。總結：平價韓燒之選👍🏻CP值高，而且啱晒一班食肉獸。下次可以諗下同一大班朋友gathering嘅好地方。

食過咁多間韓燒都未見過一間可以污糟到咁。我同朋友一行二人，諗住見到一間幾抵食嘅韓燒上去試吓。當我地食到差唔多五成飽嘅時候，我眼尾稍到有兩隻不明物體喺隔離枱移動，跟住望真啲原來係兩隻曱甴仔喺隔離個爐頭徘徊，仲超級生猛！即刻反胃唔想食，過多一陣仲見到一隻係我個碗隔離行走。我即刻同朋友離開餐廳。同店員講我張枱有曱甴，佢哋只係答話唔好意思，前排滅蟲可能清唔晒先會出現。我都費事同佢爭論咁多。勸各位去呢間韓燒前諗清楚！

囡囡難得今日吾洗返學，最愛食韓燒既佢，經同事介紹下黎左呢間位於旺角創興廣場韓牛韓式燒烤試一試甜品樣樣都有，囡囡見到巳經好開心😃壽司都有數十款，沙津菜顏色嫩嫩綠绿，好新鮮😋冷盤-有三文魚刺身，青口，凍蝦，螺肉，蜆等...三文魚鮮甜肥美，蝦肉爽口鮮甜👍👍👍熟食都有十幾二十款，最愛泡菜餅，辣辣地好香口，好有韓國風味👍燒烤肉類已經有二十七款，未食主菜巳經飽了一半，大吸引人😋😋😋豬腳薑煮得好入味好淋，啖啖肉食左五六件👍食韓燒最重要係肉類調味的足夠，呢度樣樣都好入味，肉類新鮮👍食韓燒最怕熱氣，飲返碗西洋菜老火湯滋潤下，一流😋😋😋