花居酒屋 (Closed)

呢段時間無得去日本 就去搵日本餐廳🍴食啦見荃灣花居酒屋好多好評因此假期中午就去試試入到去店員很有禮貌的上前度體溫及比酒精搓手液之後帶我到位置坐原來周日都有Lunch Set ！價錢70-120左右而且選擇好多叫左個鰻魚定食同壽司🍣定食。仲額外加左個燒豚肉定食前菜是沙律 芝麻醬配番茄好好食啊壽司🍣定食好大份 吾記得影相添海膽吾腥貝類壽司🍣好大份同好鮮甜鰻魚飯好吃！也是好大份女孩子根本是吃吾哂燒豚肉有驚喜！值得一試啊Lunch 人均150元 但吃到高質日本菜 覺得好有機會要試下Dinner先

今日去咗荃灣呢一間日本菜，距離地鐵站都唔太近嘅，行過去都要五至10分鐘。佢嘅門口係喺另一間餐廳隔離，有少少隱蔽嘅感覺。中午有lunch set，揀完之後侍應好快就上咗呢一個沙律，係好有特色嘅凍蕃茄，上邊仲加咗啲芝麻，感覺非常之有層次同埋新鮮感。叫咗呢一個壽司set，包括圖上面咁多舊壽司，一個蒸蛋，同埋一個熱嘅烏冬。點知個烏冬勁來都未到，等到食晒啲壽司再過多陣先黎。但整體來講嘢食都幾高質，侍應又幾有禮貌，都值得一嚟㗎，推介！

因為籌備人生大事而忘記又經過一週年嘅紀念日，所以就揀咗屋企附近嘅呢間居酒屋。因為未到中秋，所以冇dinner set轉為散叫。原來以為散叫會貴過set，點知原來一樣咁抵食！除咗雜錦壽司同雜錦天婦羅嘅價位外，其餘都係大概$60-80，食得出啲刺身係新鮮冇腥味；另服務態度真係好好，我哋會嚟多幾次食其他菜式！

平時成日行過都好想試下 今日見無人排就直接入去食 點知有驚喜！一入去就覺得環境舒適 好乾淨 好有日本居酒屋嘅感覺由於餐牌上有好多選擇 我怕叫嘅時候唔記得咗 所以我最後都係要搵紙筆抄得想食嘅嘢首先黎嘅就係蟹柳沙律 夠凍夠新鮮 而且份量都非常充足第二就叫咗個雞泡魚干 意外發現幾好食 味道都好特別🤤第三樣就係軟殼蟹手卷 軟殼蟹非常之脆 亦好美味 不過紫菜就比較軟身唔夠脆 建議大家一到即食😂之後就叫咗個燒雞軟骨同燒雞皮 味道可口 都係必食之選🤤跟住就係炒野菜 味道還可以 會建議大家撈完先食 因為個面比較淡 個底比較濃味之後就係期待已久嘅壽司 叫咗五款壽司蟹膏蟹肉軍艦~ 唔腥而且好新鮮味道非常好柳葉蟹肉壽司~ 不過不失鰻魚壽司~ 鰻魚味濃 無骨 值得一試火炙三文魚腩壽司~ 入口即溶 幾香三文魚油味火炙蝦壽司~ 夠曬爽口又新鮮 最後就係燒油金魚頭 份量十足而且味道都唔錯 不過燒得唔夠乾身 但點埋個柚子豉油就絕配 唔會話太油 而且好好味🤤🤤總共叫咗12款不同嘅食物 全部味道都唔錯 而令我最深刻嘅就係燒雞軟骨 燒雞皮同蟹膏蟹肉軍艦 我認為係必食嘅 強烈推薦整體都算好食 同有驚喜 而且價錢合理 大家行過

行開荃灣千色 發現附近新開左間日本餐廳喺門口都睇到濃烈嘅日本居酒屋氣氛所以就膽粗粗行咗入去試吓我哋一行兩人 差唔多18:00入座 岩岩好係佢地晚市時段 做咗佢地第一枱客！衛生環境都做得唔錯 入到去都好有日本嘅風味首先上既係沙律 味道不過不失然後再嚟雞泡魚乾 配梅酒一流！然後係男友最愛嘅軟殼蟹手卷🤣都算幾脆 唔會有擺得好耐嘅感覺然後叫咗啲燒物！雞軟骨串同埋雞皮🤤🤤都係必食推介 即燒即上因為我同男友都唔太食生野 所以大多數壽司都叫咗熟食 特別推介蟹膏壽司 非常鮮味黎到重頭戲 燒油甘魚頭🤤🤤油脂非常足 越食越惹味 配埋柚子豉油 食落就冇咁油膩 清新D整體上呢間日本菜都唔錯 會再encore

依家晚黑冇堂食，唯有晏晝出去搵吓食。喺荃灣想食日本嘢，上網睇發現呢間幾多正評。一入餐廳，搓手掖奉上，再用消毒液噴上全身，感覺衞生意識好高，令客人好放心👍🏻環境方面，枱與枱間距闊落，店雖然不大，但絕對跟足1.5米規定👍🏻 加上店開張冇幾耐，感覺好新好乾淨👍🏻再睇menu，啲嘢食唔貴，叫咗個吞拿魚溶便當，啲沙律菜好新鮮，魚生也好新鮮，可能係荃灣區最好的日本食物，絕對係物超所值👍🏻👍🏻👍🏻服務方面，侍應禮貌周周，加水頻密，很能照顧客人需要👍🏻設備也很齊全，乾濕紙巾，牙簽等等，全在桌上，不用廢心👍🏻寫到好似膳稿咁😅從來未試過畀5個5分，不過呢個時勢，遇到一間好店，覺得一定要支持吓，加油呀💪🏻利申：本人絕對係一個普通顧客😊

花居酒屋係社交平台彈左個外賣餐牌出嚟 有三文魚、燒牛肉、拖羅魚溶等便當 好豐富吸引 就打電話去落單 外賣自取仲有8折tim🤪用Wtsapp落單都得 好方便！.店員都好nice 見到出面天氣咁熱 幫我探熱同消毒後就叫我入店鋪等外賣🥰餐廳擺滿日本酒樽、Poster充滿日本居酒屋氛圍💛.👉🏻吉列豬扒便當+太卷+炒椰菜(折後$47)拎到番屋企便當仲係熱辣辣有玉子燒同其他醃製食品做配菜 酸酸甜甜幾開胃.豬扒份量都幾多外皮好脆 肉質都好嫩不過脂肪部份偏多太卷有滿滿餡料 好滿足😛炒椰菜好香 食落去都好爽口

花居酒屋最近有做外賣！自取八折，或者送去附近都可以Whatsapp可以落單好方便！今晚食咗個四人餐，自取之後計落每人唔使$140！非常抵食！四人餐好豐富:沙律、壽司、串燒 、天婦羅、炒飯、miso soup!最鍾意呢個黑松露刺身沙律，醬汁酸酸甜甜好開胃，沙律菜新鮮，魚生亦都好新鮮、鮮味！大蝦天婦羅都好正！最衰拎到返屋企凍咗少少串燒每人有三串，煙肉車厘茄串最好食！有兩大盤壽司，鰻魚反卷同埋帶子最好食！最後食埋個蟹肉炒飯，非常飽啊喺屋企咁耐，真係要食啲好食啲嘅外賣先得！

上個月幫朋友慶生，就腳既關係黎左花居酒屋! 如果大家未曾試過呢間屋酒屋，下午時份可以黎試下! 唔會後悔我地大約1點入去，店舖細少人流唔算多，都幾岩一班人黎傾下計，食住野傾呀!!!非常想介紹左呢個好食既東東，海膽燒蟹蓋。呢個會配埋切好既厚多士比你送蟹蓋，即使係撈左之後海膽味依然好出，加上佢有D菇係到加強左口感，唔會太咸味道適中，襯熱食好有滿足感!蟹蓋隔離個個係大啡菇，因為凍左既關係我放係上面再燒兩野，好juicy亦都酸酸甜甜咁，只係28蚊就有一隻切開兩邊既大菇都算係抵食呢個明太子玉子燒一定要叫，同出面食既都好唔同!!!!佢70幾蚊就有一份，蛋量完全可以滿足玉子燒發燒友。係大大小小既居酒屋食過呢個菜式，暫時呢間玉子燒性價比係最高，咬落好似食緊豆腐咁，眼見好多層既蛋，食落即刻融為一體，D蛋香一次過爆發，配上明太子剛剛好。下次我都會再食呢條蛋!!燒豚肉唔錯，唔會好肥膩既感覺，花居酒屋勝在小食算係多款，可以叫唔同既串燒試下~接近600蚊既松壽司盛合份量非常充足，我地六個人食都多左幾舊出黎，因為之前仲食左唔同既小食，如果想叫呢樣就可以係7個人食應該岩岩好。不過我就唔係太建議大家叫呢個盛合，寧願叫多

見到新開嘅居酒屋，決定lunch去試一試🥰食咗好多嘢，所有嘢食都對得住呢個價錢，平均都好好味👍🏻絕對會想再食多次，而下面我就會重點講我覺得超好味嘅嘢：最推薦嘅係「極上壽司定食🍣配手打烏冬」$118竟然有12件壽司，每一件都好新鮮，壽司款式係廚師當日安排。但係我哋最後先食呢個，搞到食唔晒，所以肚餓嘅可以先叫呢個，呢set野性價比真係超高第二推薦「玉子燒」$78我哋就叫咗芝士玉子燒（咸），佢仲有甜味嘅玉子燒，上菜嘅時候仲好熱辣辣，拆開嘅時候非常鬆軟，芝士都唔會非常膩，唔會搶咗蛋嘅香味「沖繩炸雞」$58當時聽侍應講係12粒，上到菜嘅時候比想像中大粒，炸得非常香脆，一咬落去油脂bit晒出嚟，想食炸嘢嘅人可以試吓另外想講女侍應嘅服務態度超好，係日本餐廳應有嘅水準，feel到佢真誠待客，值得讚賞👏🏻

由於我同我男朋友太遲食lunch😂其實已經變左食tea所以我地夜晚想食又唔想食太多於是揀左一間日式居酒屋食少少🤗事實證明我今次真係揀得好好入面嘅裝修完全係岩哂我口味😍一個字！好有feel呀~我地今次話食少少嘛所以揀左我最鍾意嘅北奇貝刺身！我男朋友中意食嘅串燒牛肉同豬肉！肉味出哂黎🤤食一串真係唔夠喉呢個芝士玉子😍😍😍熱食好正驚喜度一百分嘅吉列溏心蛋🤭我冇諗過可以咁夾咁特別最後海膽牛肉卷我覺得海膽味冇咁出到但整體都唔錯下次我好想搵三四個朋友一齊再黎吹下水飲下酒🥰

經典日式居酒屋裝修⛩🇯🇵 不過裡面環境偏細 目測應該大約坐30人左右！ 非常適合放工4個人一齊去食下壽司🍣或者串燒同埋刺身🍤🍙然後飲翻杯酒🍻🥂傾下計！ 牆邊都貼滿海報！🌁上面放曬酒瓶裝飾🥃🍹呢個係門口！好特別啊！佢係樓梯下面㗎！ 仲有吊飾睇下！最適合放工嘅人黎坐下飲杯野傾下計！薑蔥牛肉！唔識講啊！有種酸酸地嘅汁非常開胃🥩🐂！呢個係豚肉啊！仲有檸檬汁🍋任君選擇加定係唔加！串燒嘅香口加上檸檬嘅鮮甜真係好好味👍🏻北寄貝刺身！好鮮甜同埋好大塊啊！😋係玉子燒啊！不過係芝士玉子燒！非常好食但係好飽😂😂😂最後一個係海膽牛肉卷 雖然見到牛肉生生地 但係食入口居然無血味仲有種入口即溶嘅感覺！

好掛住日本呀🇯🇵😭 同朋友黎食日本居酒屋止下癮先😆散叫壽司🍣最好食係鰻魚壽司！壽司飯暖暧地，鰻魚切得算厚身👍🏻一口芝士擺盤有心思，而且炸得脆口，咬落有芝士流心，不過芝士可以更加濃郁，會更好食！牛舌串燒必叫串燒！燒得岩岩好！💕芝士玉子燒玉子滑，但冇乜芝士味，有點失望😢整體來講，食物水準算高質，環境舒服，可以下次再食😆👏🏼

今日一收工，就即刻衝過黎呢間期待左好耐嘅居酒屋。 呢間日本野係荃灣荃碧大廈地舖，一入到去好似去左日本嘅居酒屋咁。環境清靜優美，佢地都好貼心，比左個口罩袋我放口罩。我叫左七樣食物，樣樣都咁好味。如果你係芝士愛好者，咁就一定要叫一口芝士。外脆內院超重芝士味，一個字正！！！壽司好新鮮，帶子肉厚味道甜啖啖肉，三文魚咬落飽滿，鰻魚壽司不錯👍🏻玉子燒、軟殼蟹卷、燒菇、牛舌 都好正。總之每一樣食物都係大件夾抵食😻呢間居酒屋我下次都會再去食，真係好好食😻😻

花居酒屋一到門口就有侍應招持我同朋友安排入座，而且服務都幾好，除左枱上餐牌仲有掛在牆上時令食物的餐牌 ，更加推介一些比較少有的𩣑魚肝，本身已經下單的雞泡魚干立即取消轉為侍應推介的𩣑魚肝。同場更下了刺身盛、Open rice曝光甚高的明太子蛋餅、一板海膽、炒飯、兩罐果酒。海膽無其他食店的海水味，如果追求海水味道的朋友我就不推介啦，而且一般來說海膽都不是性價比高的食物。餐牌有其他款式的海膽，但就是時價供應，質素就留給其他朋友去試啦。竹刺身盛的份量有點少，而且有碎冰住刺身，想食刺身的朋友可以因住自己的口味散叫刺身，咁就唔怕唔啱食。明太子蛋餅雖然在open rice的曝光率高而且賣相獨特，一點紅色的明太子放在蛋餅中間。喜歡蛋餅的朋友可以嘗試餐牌上的芝士蛋餅，因為芝士加蛋餅的配撘應該比明太子加蛋餅更加匹配。海膽炒飯算係性價比甚高的食物，不只是份量足夠，而且質素較容易掌握，不像刺身容易因為食材的新鮮程度影響，又不像蛋餅般取決於師傅的經驗，多數都夾。 炒飯入面有一炸得香脆的蒜片，進食時不要誤以爲係骨而吐掉。酒就真係失望啦。以一間餐廳名係「居酒屋」命名，當然會期待果酒係一杯比較精緻的酒精飲品，但奉上的