花居酒屋 (Closed)

冇諗過荃灣有咁抵食同高質的日式餐廳睇好評價錢好吸引就去試下預約了2pm去食入到去都幾多人地方不算大但佈置好靚所以最好有預約定比較好咁佢午市買一送一係可以簡唔同的野食價錢計最高個一款咁我地就叫左依幾樣依個係另外散叫的北寄貝$48唔腥好食不過得6塊好想食三文魚所以叫咗個三文魚親子丼定食$98左下角是燉蛋，加了蝦肉去燉超好食仲要唔貴依個都唔洗$100又夠飽依個係天婦羅配手打烏冬定食$108冇燉蛋，但天婦羅整得好好食仲要都唔少但發現有個問題好似係冇野飲例如可樂冇飲品的餐牌，但有唔同的日本酒可以叫服務超級好大家都好有禮貌仲會成日走過嚟睇吓洗唔洗幫你添水又會叫你注意梯級，好細心值得收加一服務費～有機會會再來吃的

抵食又好食既餐廳從來都唔嫌多‼️依間花居酒屋做緊午市套餐買一送一嘅優惠，而且仲唔一定要揀一樣嘅餐，總之無論嗌咩set都好，佢哋就會free左平啲嗰個餐俾你啦🧡係真心抵食㗎🥰• 極上壽司定食 $158我會形容依個定食，係抵食得黎堅飽肚，除咗十幾件壽司之外，仲有烏冬、茶碗蒸同沙律。雖然menu上就冇寫明有啲咩壽司，但黎既都唔係下價野，有海膽呀赤海蝦呀帆立貝呀吞拿魚蓉卷等等，而且質素都幾新鮮，茶碗蒸又嫩滑，至於烏冬就不過不失啦，唔好忘記仲係買一送一，所以依個set係free左㗎🤤超抵‼️• 極上魚生定食 $168魚生set同樣豐富，有帆立貝、甜蝦、三文魚子、油甘魚、三文魚同北寄貝，依個set就配左飯既，同樣有茶碗蒸同沙律，仲多咗個麵豉湯，連個托盤都係啱啱好裝得晒😌

今日同朋友行街行到攰就隨意入左黎食，一入到去裝修都好日本風，當日唔算好多人，都坐得舒服，叫左5樣野食，包括沙津、明太子玉子燒、火炙三文魚親子飯卷、甜蝦壽司、帆立貝壽司。個皇帝蟹肉蟹籽沙律做前菜幾好，味道同平時個啲差唔多，不過就大份都幾足料，撈埋一齊都食到唔同餡。食日本野梗係食下玉子燒，叫左明太子玉子燒。好驚喜，明太子味唔係個種死咸，係清清地之餘又有蛋味，蛋都好嫩滑，推介！三文魚同牛油果呢個組合一直都好夾，而火炙三文魚親子飯卷有呢個餡，好食。三文魚都幾大份，不過火炙嘅程度再多啲就好。如果唔怕一粒粒親子個種腥味，都好推介試下呢個。而且都叫左甜蝦壽司同帆立貝壽司。壽司不過不失，甜蝦都幾新鮮，有鮮甜味，但下次應該會想再試其他～

最近因為疫情關係冇咩機會夜晚坐低係居酒屋同朋友飲住酒傾計今次第一次晏晝食感覺係差咁D 但野食一樣大滿足！呢排午餐做緊買一送一 超級抵食！🍽花刺身便當 $178我直情覺得唔需要討論一定係揀呢個🤣一黎價錢同其他便當唔差好遠但性價比好高！先講基本沙律同濃味大醬湯(正！)加紅豆mochi之外仲有我最喜愛日式燉蛋 🤤 雖然料唔算多 但又暖又甜加菇都夠曬！👻主菜刺身有5款 都係當日師父發板 用料新鮮甜蝦有驚喜既鮮甜 同埋油甘魚厚切魚香出曬黎 🤤另外仲有炸軟殼蟹天婦羅 唔算大隻但食落香脆 配蘿蔔蓉一流！🍽安格斯西冷牛扒便當$168都係差不多組合 同埋都有少量刺身！要順帶一提個便當size 幾大 可能可以食多一餐😆試左個牛扒 本身冇講明幾多成熟但司傅都係大概整到6 7 成唔會overcooked不過略嫌汁比較少少 送埋飯更佳！ 🍽海鰻日本香川縣玉子燒 $98相對上性價比好似冇咁高 但食完之後 一 D 都 唔 後 悔!可能真係我食過最好食既玉子燒（唔計幾錢haha）玉子本身有調味加味醂 食落已經有甜蛋味玉子燒煎得厚但好軟同埋好夠水份加上入面既鰻魚汁同厚肥既肉 食完一舊即刻想食多幾舊 （不過已經滿清曬）

上星期早收 同個好耐冇見既朋友黎食lunch聚聚之前食麻辣風雲個時已經想試 因為就係正佢下面🤣餐廳門口好低調 喺樓梯旁邊 一個唔小心就會走漏眼🙈佢地lunch set做緊買一送一另外刺身 壽司 小食都做緊8折 幾抵食😛———🥢海膽魚生丼 ($148) • 沙律, 中華沙律, 麵豉湯, 茶碗蒸茶碗蒸好嫩滑 有蝦仁 嗚門卷 蟹柳 同菇總共有7款魚生 海膽 帆立貝 甜蝦 三文魚籽三文魚 油甘魚 北寄貝 各兩片 大滿足🥰魚生全部都好新鮮 海膽冇腥味 咁多款都好抵食☺️🥢天婦羅手打烏冬定食 ($108) • 沙律, 中華沙律, 麵豉湯天婦羅有兩隻海老 南瓜 蕃薯 茄子 秋葵層炸粉夠薄 炸得岩岩好 夠香脆 蝦食得出好新鮮彈牙🍤🤤烏冬係扁身烏冬 彈牙有咬口 湯底帶甜甜醬油香 有驚喜😋買一送一 free左平啲呢個set🥢黑松露刺身沙律 ($88)有三文魚, 油甘魚, 帆立貝, 甜蝦, 三文魚籽 5款♥️刺身下面係滿滿既沙律菜配日式柚子醋汁三文魚同油甘魚上面加左啲黑松露 好香加埋酸酸甜甜既醬汁 唔洗沾豉油都得帆立貝厚身而且超鮮甜😍三文魚籽更加食到停唔到口🥰

因為疫情嘅關係，一直都去唔到旅行🧳心思思一直都好想返日本🇯🇵男友見到咁樣😅就帶我食下居酒屋🏮來點日本既味道。我本身就好鍾意去居酒屋🏮今次去咗荃灣依一間餐廳，雖然喺門口一啲都唔起眼，但係俾我哋發現寶藏🪙餐廳裝修得很和風，環境亦都很舒服依家Lunch Time做緊買一送一添，午市套餐有丼飯、定食、便當🍱海膽魚生丼Cp值幾高，一碗入邊包括左七款刺身（大滿足）海膽嘅份量一啲都唔野少，食落口入口即溶但係唔腥，而其他刺身都係厚切套餐仲包括埋前菜中華沙律，茶碗蒸，雜菜沙律，麵豉湯。壽喜燒牛肉鍋定食壽喜燒湯底很甜及濃郁，凡經過壽喜燒汁煨過的食物，絕對會令人食指大動光是這一個汁醬，已經能下一大碗白飯店

餐廳裝修美觀， 環境舒適， 配上柔和的燈光， 用上日本啤酒樽 、日本櫻花及和服做裝飾，洋溢著日本居酒屋風情， 最近午市定食，做買一送一優惠 ，十分抵食。蒲燒鰻魚定食$138(買一送一)配沙律、麵豉湯、 漬物 、御飯半條鰻魚， 十分肥美， 放在飯面上， 賣相吸引，表面燒到微微焦香及鋪上甜甜的燒汁， 香氣誘人，大口咬下， 肉質香甜嫩滑， 十分鮮味， 每口飯沾上甜甜的燒汁，與肥美的鰻魚一齊吃 ， 令人滿口油香，滋味指數爆燈。 配上熱呼呼味噌湯、漬物和爽甜沙律菜， 豐富而滋味。吉列銀鱈魚定食$148(買一送一 ) 配沙律、麵豉湯、漬物 、御飯吉列銀鱈魚，新鮮炸起，外表金黃帶脆，香氣十足，入口脆皮酥化，魚肉輕輕一叉便散開， 魚肉雪白， 紋路清晰， 味道鮮而軟嫰， 沾上沙律醬， 更加美味，著實不錯。火炙三文魚親子飯卷$98( 八折優惠)特別喜歡火炙三文魚飯卷，火炙下三文魚魚油被迫出，顯得油光亮澤， 帶有柔柔火炙焦香，魚身仍然保持半熟，柔潤滑溜， 食後滿口油香，津津回味，配上悅目的三文魚子點綴， 賣相吸引 ， 脆卜卜之餘 ， 令飯卷增添鮮味， 十分享受。

來到荃灣覓食，看到這間日式餐廳全部午市套餐買一送一，刺身壽司均8折，超級抵食！立馬不作他想，選定這間醫肚。店內環境不俗，燈光柔和，裝潢美觀，充滿日本風情的佈置，有濃厚和風居酒屋的感覺。座位舒適，整潔企理，比一般日式餐廳的環境更佳。套餐十分豐富，均附有沙律、茶碗蒸、中華沙律、味噌湯。茶碗蒸很出色，蒸蛋非常嫩滑又帶鮮味。沙律菜新鮮爽脆，配上大量芝麻醬，十分醒胃。味噌湯湯質和味道皆很濃郁。角切魚生丼份量十足，有多款刺身，色彩豐富。魚生種類繁多而且新鮮嫩滑，尤其三文魚更是魚腩位置，肥美得很，啖啖魚油。火灸三式丼大有水準，火炙左口魚邊肉質嫩滑，經火炙後啖啖油香，有入口即溶的口感。火灸三文魚和帶子同樣厚身嫩滑，燒得恰到好處，美味無比。三文魚腩刺身賣相一流，極度新鮮肥美，每一口都很鮮甜，魚油滿滿，啖啖滋味！三文魚壽司新鮮且脂肪均勻，火炙三文魚腩壽司肉質更嫩滑，充滿啖啖魚油，非常美味。

見到openrice介紹午市套餐買一送一所以黎試！真係物超所值！！！😆強烈建議唔好怕貴👍🏻因為除番都只係$84一個餐！！超抵食！！👏🏻定食跟茶碗蒸、蝦仁、嗚門卷、蟹柳，入面用的菇菌超香！有濃濃香菇味👍🏻味增湯內亦有大量海帶及菇🤤原價$148海膽魚生丼🍛刺身帶子一開二、海膽、北寄貝、三文魚、油甘魚各有兩片😋仲有一隻甜蝦及一份魚子😋仲配埋生薑好開胃😋原價$168極上刺身定食🍣刺身種類基本上係同海膽魚生丼一樣😍但轉哂做厚切😍😍😍個人覺得刺身定食比魚生丼更加抵食！$88明太子香川縣玉子燒🍳明太子醬好足🤤🤤🤤玉子燒甜甜地配鹹鹹的明太子醬🤤🤤玉子燒唔會過熟硬實實，內層有滑蛋感覺💯熱辣辣仲有八大舊！！午市仲有八折優惠🤑總括黎講依家午市套餐買一送一非常抵食！居酒屋日式環境寧靜又適合朋友聚餐傾計👯‍♂️店員勤加茶執枱，呢個價錢有咁嘅享受真係超值！

見廣告話午市買一送一，就抱住試下嘅心態去試。食飯當然要book 枱，咁就唔使等位。不過可能因為疫情，都好似唔使等位。環境都靚，啲咕𠱸嘅布料好靚🤣叫左一個北海道丼定食、一個魚籽香蔥鮪魚丼定食兩個都好高質。另外叫左枝豆同火炙三文魚腩。定食跟麵豉湯、沙律菜、中華沙律茶碗蒸，茶碗蒸好味😋仲有菇菇，好足料😋😋北海道丼有帶子、鮮蝦、魚籽同海膽，樣樣都新鮮，鮮蝦有挑蝦腸👍🏻仲有玉子同一塊好靚嘅日本蘿蔔，用左壽司飯，所以係凍的，個人認為如果用温飯會更正，我成碗清晒🤣🤣朋友表示佩服魚籽香蔥鮪魚丼，都係好足料，朋友唔食魚籽，俾晒我😋正👍🏻火炙三文魚腩，超好味，入口即融，油脂超正🤤枝豆熱的😍咸左少少，但都好食定食買一送一，超抵，單點都有八折，除返開一人$111，真係物超所值😋😋😋😍😍😍好想再去食 （但開頭侍應唔記得左扣優惠，記得提下佢地呀）2021.02.02. 星期二，$222題外話：張濕紙巾好高質素，侍應很有趣😂

喺荃灣搵嘢食，呢區有好多餐廳，真係想食乜嘢菜都有，兼且價錢一般幾合理，所以有好多選擇，我想去間我未去過嘅餐廳，行吓行吓，見到呢間小餐廳，做日本菜，就入去試吓😆有好多款「午市定食」可以揀，叫咗$158嘅「極上壽司定食」，呢個定食跟「沙律、漬物、茶碗蒸、湯烏冬」，另外以八折再加咗$68嘅「燒雞泡魚乾」😁「壽司定食」賣相幾靚，魚生全部都幾新鮮；沙律簡單開胃；茶碗蒸暖暖哋又幾滑；烏冬熱辣辣大大碗有極濃郁嘅醬油鹹香😁；仲有個「燒雞泡魚乾」幾好味😋。呢個「午市定食」食得我相當飽飽😆

最近有開心野要慶祝一番，唸住order日本嘢食😋，見到荃灣有間花居酒屋🏮～一於外賣番屋企！嗌左鍋物、壽司&串燒！石垨鍋～真係好足料！成個三文魚頭尾 中部 加埋好多塊三文魚煮成既湯鍋，配菜鋪底都勁多～ 有 豆腐、香菇、菜、洋蔥🧅明太子日本香川縣玉子燒 - 呢個真係超好味，玉子燒滑滑嫩嫩，口感多層次！正！碎䓤吞拿魚腩 - 碎吞拿魚腩超多，多過壽司舊飯，必須讚👍🏻火焰帆立貝壽司 ～ 大大粒！北寄貝 ～每件壽司上面有兩塊北寄貝！椒鹽黑豚腩 ～ 切薄片，味道有陣咸香～七味燒雞腎～雞臀厚切粒，爽口！燒煙肉車厘茄串 - 車厘茄搭煙肉 幾時都咁Match！

BOOK 咗星期六下午四點堂食, 可能疫情關係, 就算星期六都唔滿, 入面只有一, 兩枱客. 去到門口已經同我地講限時75分, 其實都冇乜所謂, 依家6點都冇得比堂食啦。不過如果講係平時、正常情況下, 夜晚黎居酒屋食野如果要限時我就唔會考慮了。散叫咗幾樣食物: 青瓜蟹籽沙津- 好食的, 好清新刺身拼盤 $298 - 二人份量, 講真有D貴。但每種刺身都好新鮮串燒 - 好普通, 價錢亦偏貴。 牛舌細舊, 雞腎好硬, 其他都冇映到相, 叫完一轉算了海膽手卷 - 算新鮮, 海膽都算多總括黎講叫試過就算, 價錢偏貴。除咗刺身, 其他都唔算出色。環境係坐得舒服, 如果係午市嗰種買一送一食個快飯我好推介, 但如果想搵間居酒屋, 慢慢咁飲下啤酒食串燒就唔推介要限時既店了。

今日去荃灣做野，經過睇到間餐廳做緊午市套餐買一送一咁抵，一於入去醫醫肚先。餐廳環境唔算好大，但佈置得好有日本Feel又有櫻花樹可以打卡都唔錯👍。叫左野食之後可以慢慢影靚相。午市套餐選擇多，有丼、定食、便當、飯可供選擇，所有定食會跟沙律、漬物、麵豉湯同御飯。今次叫咗極上壽司定食🍱同蒲燒鰻魚定食🍱。🍱極上壽司定食有10件壽司🍣+2件玉子🍳+中華沙律+沙律🥗+日式燉蛋🥚+烏東🍜，份量十足，壽司🍣好新鮮，海膽好鮮甜，帶子都厚身👍🏻，燉蛋又滑溜。食咗一半已經覺得好飽😂。.🍱蒲燒鰻魚定食，鰻魚大大條又厚身，覆蓋哂成碗飯，甜甜嘅鰻魚汁撈飯好開胃。即使呢個定食係送嘅，但完全冇因為係免費而將份量減少，呢方面好抵贊👍👍。.價錢優惠，食物質素又高，服務態度又好好，大推👏👍。.好味指數：😋😋😋😋4/5推介指數：😋😋😋😋😋/5抵食指數：😋😋😋😋😋/5.🍽 花居酒屋 (荃灣)📍荃灣海壩街108-114號荃碧大廈地舖

環境食物都好好❣️好有Japanese 既感覺而且坐位好有空間感食都食得好安心軟殼蟹手卷 $48有埋蟹子、牛油果，餡料超多的！芥辣八爪魚軍艦 $28隻軍艦多餡到就黎反艇😂火炙帆立貝壽司$38火炙帆立貝壽司超厚，落左少少醬油燒，甜甜地北寄貝壽司 $20松葉蟹肉壽司 $38呢個蟹肉味好出軟殼蟹牛油果卷 $98本身冇諗過有咁多件真係食一份都飽晒紫蘇黑豚腩 $28返到屋企凍左都咁好味紫蘇葉味道好出牛油果加州卷 $68又係超飽肚之選製作有少少慢，建議打去落定單之後去拎