HANG A RI Korean Restaurant

Open Now

Now Closed

咁多年黎 依然咁好食 味道同埋份量無變過✌🏻性價比高 仲要無咩點加價真係平民美食 住附近街坊真係不妨試試🩷雞肉年糕拉麵🍜 ($55) 呢碗係我會形容為完美既拉麵😛 無誇張首先辛拉麵湯底唔會太鹹 而且湯裡面仲會有野菜、洋蔥、蘿蔔、海帶 令到成碗麵多左唔同口感 都健康左🤣麵絕對唔會過熟 超級彈牙！我超級喜歡～年糕都好彈牙 絕對唔會痴埋嗮👍🏻雞肉份量都唔少 都好嫩 應該係chicken thigh無錯呢個價錢仲要係包埋野飲🧃✨飲品選擇大部分都係韓國罐裝飲品味道：🩶🩶🩶🩶.75/5

I have become a regular at this place as the food is good, price is reasonable and the staff are so kind ! My number favorite dish is the beef rice and vermicelli !! The owner is one of the kindest I have met in Hong Kong, she is very friendly and generous ! The food is good and value for money! Would highly recommend giving this place a try

本來今日諗住去打邊爐，點知full晒，唯有轉場過嚟紅磡睇吓有咩好食，行過見到間韓國嘢好似都幾平，有寫住係韓國人主理，點知入到去完全同實際係兩回事！衛生就真麻麻地，D餐牌都油油地，叫左個牛肉石鍋飯,味道都一般，啲飯似煲完再用大火,搞到啲飯焦係黑色嘅，另外叫咗個牛肉拌麵，唔知係唔係正常嘅味道，有少少苦苦地！不過都食晒！另外再嗌左個卷蛋，都係味道一般！

上次食過今次再黎，叫左個部隊鍋配飯同煎餃子。lunch set黎講價錢算係實惠而且足料，部隊鍋係滾住咁上枱，細細個鍋入面估唔到咁足料，腸、午餐肉、豬肉、泡菜、年糕重有拉麵，佢重要比碗白飯，真係澱粉質十足。而另一碟煎餃子亦都唔錯，一碟有8隻，每一隻都算大隻，而且入面餡好足有菜有肉有粉絲，煎得唔會好乾，好好味!

今日黎到紅磡祟潔街，成條街都有好多唔同種類既餐廳，中、日、韓，土耳其菜都有，今日就試左呢間食韓式既HANG A RI。我地叫左兩樣野食，分別係泡菜豬肉飯同埋石鍋牛肉飯。一如以往韓國餐廳坐低就會比泡菜人客，泡菜豬肉飯味道十足，泡菜既辣加埋豬肉同埋其他配菜混合埋辣醬真係非常之咁夾。而另一個石鍋牛肉飯一上枱既時候個湯重係滾既，入面有牛肉、粉絲、年糕同其他蔬菜，辣辣地加埋白飯當湯飯咁食真係好美味，如果10滿分我會比夠9分。HANG A RI雖然地方唔大，坐爆都係20人左右，不過睇得出佢地食物質素好有誠意，而且價格合理，值得再次幫襯！

之前來過LEI度食味道冇乜問題直至頭先食晏諗住再幫襯時今次想嗌飯卷食佢居然話依加唔得閒整，叫我嗌其他野咩叫唔得閒整?!其他麵,鍋你又得閒整?!你一係收埋果樣野唔好SHOW出來使唔使我教埋你點做生意?!

今日咁岩同媽咪去左土瓜灣附近行街，行完便決定就近享用晚餐，在這條街的食店打了數轉，最後選擇了這間韓式小店。坦白講，店鋪外相看落並不吸引，但未試過，便決定給一機會。意想不到的是，店內的食物味道不俗。我和母親總共點了三款食物，一份煎餃，一份豆腐海鮮湯跟飯及一份韓式辣肥牛撈面。補充，未點野食前，老闆娘已會提供韓式泡菜給客戶開胃，個人幾中意，不會太辣。下單的三款食味都好食，餃子做到皮脆而肉香，豆腐湯亦十分香湯鮮甜，略厭撈面不夠辣。開心既係老闆娘小計了一枝啤酒，謝

呢條崇潔街竟然有3間韓食店，我認為呢間非常唔錯，Lunch嚟食會送罐裝飲品。👍🏻👍🏻👍🏻雖然店細，但坐位算多，有時要等下位。食物唔算好平，平均一個Set都要5x-6x，都係一般有嘅石頭飯，炒粉絲等等，但呢到多啲鍋物，例如部隊鍋、海鮮豆腐鍋，會送上一個白飯！我係喺呢間餐廳先第一次食韓式部隊鍋，原來幾唔錯。我鐘意佢一人份量，所以先叫嚟試下，平日驚太大。個鍋乜嘢料都有啲，一啲都唔孤寒，包括有蛋(好正)、餐肉、腸仔、豚肉片、年糕同泡菜(如果可以多啲仲好)，最底仲有公仔麵，所以無飯都飽咗。個味道唔辣又剛剛好，見住佢熱辣辣咁上，啲湯滾下滾下好吸引。🤤冬天食真係一流！另外都叫過蛋捲同牛肉炸醬麵，都ok，但始終無部隊鍋咁出色，部隊鍋推薦度5️⃣星。👍🏻👍🏻👍🏻👍🏻👍🏻

在昨天2019年2月1日星期五，來到土瓜灣崇字大廈的美食街。在這一天有不少食店開始收爐，有些已經在星期四當天收爐。為有在這里的韓國食店跟隨韓國🇰🇷🇰🇷當天初一至初三收爐🎊🎊，初四啟市。部隊鍋售賣$75元一客，😂😂用上韓國的麵條，配料有韓國年糕、芝士腸、午餐肉、芝士、豬🐷肉、茄汁豆🍅以及泡菜。而且份量非常充足，味精不會太辣，當中茄汁豆及芝士把辣味中和，麵條和芝士融合了，感覺很軟綿綿。年糕比腸粉皮更加好食。而且跟餐有白飯一碗，又有飯吃和有麵吃，非常有新鮮感。

韓國菜一向都唔係我杯茶，我又唔中意食辣，廣東菜又比韓國菜吸引，再加上韓國菜鬼死咁貴，一個普通過普通嘅即食麵(部隊鍋)成五十幾蚊！一碗超好味嘅牛腩河都唔洗五十蚊，所以，對韓國菜無咩興趣.日本朋友話想試試韓國菜，捉咗我入去哩間韓國餐廳，唉，佢一場黎到香港，將就吓佢囉！點咗一個豚肉石鍋飯，有驚喜喎，飯焦唔少喎，其實與其話驚喜，不如話我見識少，少食韓國菜啫.係飯上加隻生雞蛋的確令個飯更香滑惹味，不過份量少咗D，可能係隻細蛋掛，豚肉薄切，入味，份量偏少.成個石鍋飯賣相好靓，可惜我都係唔識欣賞，性價比底。

本身係因為見其他食評都話幾好食而專登揾黎到叫左個牛肉炸醬麵lunch set 但個麵淡而無味 無炸醬 就好似食緊無味既公仔麵咁但牛肉係好食既 靠住牛肉既咸味撈埋個麵食先食得落口建議黎食都係食飯會比較好

事件在9月9日星期日當天，本人第二次來吃韓國餐時，剛剛是2018年印尼雅加達亞運會最後一天及閉幕的日子。當天下午尋找一些很隱世，而且非常好食的韓國餐。我的年糕拉麵剛剛上到桌上。之後來了一家港孩家庭，而且是兩位十歲小孩和媽媽及姨姨一起的。當他們點菜時，兩位女士嫌麻煩，完全不了解韓國餐的膳食，還要向韓國老闆娘白眼。當然老闆娘以偷偷地的笑容來回應，揶揄他們。，很高的招數。他們的兩位港孩更加没有禮貌，韓國餐用膳時，飯碗從來不可以拿起，筷子只可以用來夾泡茶及麵食，是不可以把白飯撥入口裡，只可以用匙子逐一放入口裡。還有這對港孩不斷高談闊論FIFA19買尼馬還是C朗拿度。而且選擇祖雲達斯還是皇家馬德里。在我這位半韓國歐巴🇰🇷🇰🇷🇰🇷用膳完畢後，正在觀看韓國🇰🇷🇰🇷對哥斯達黎加的國際友誼賽精華，而且是韓語版。而且旁述提到孫興慜，奇誠庸，黄喜燦，黄義助時。港孩家庭沒有任何表情。而且韓國男子運動員在大型運動會上奪得獎牌或金牌，國際性團體賽奪得冠軍。是可以免役兵役。

本來打算去吃日本菜，經過這家不太顯眼而且沒有華麗裝修的小店，店員極力推薦，儘管試試。韓國人主理的，食物充滿地道韓國風味，石鍋拌飯不錯，加上店舖自家製的醬汁，味道夾得天衣無縫。價錢合理，比尖沙咀區便宜一些，但食物質素不會比它們差。店員服務態度親切有禮，不斷地問需不需要加泡菜，泡菜也是不錯的。

收左工同幾個同事周圍搵野食,搵到黎紅磡一條小巷,見到眼前有間韓國小餐廳比熱情既老闆娘呼喚左我個靈魂入去 見到好多野都好想食吖!一行五個人,嗱嗱聲坐底叫野食先!一位好有禮貌既哥哥仔埋黎招呼我地,用好溫柔既聲線同親切既笑容幫我地點餐 首先叫左一個部隊鍋,見到都流晒口水,好足料!吾會好似出面果啲咁,求求其其比幾舊豆腐,幾塊午餐肉你敷衍你,值得一讚! 部隊鍋$3xx (3人份)再黎叫左個煎餃子,認真講一般般,吾係話特別好食。煎餃子$5x第三樣就係韓國煎雞蛋卷喇,不過不失喇,中意食雞蛋既朋友不妨一試既 韓國雞蛋卷$6x到第四樣美食喇,就係至邪惡既芝士辣年糕喇,好多芝士,包住啲年糕,勁邪惡,勁好味!個汁甜甜辣辣咁,好開胃!《超推介!》芝士辣年糕$9x到第五樣喇,就係好多人都中意食既泡菜煎餅,由於泡菜都係老闆娘自己醃既,個味道無出面既咁濃味,再加埋洋蔥係入面,食落吾會覺得好油膩,都係好值得一試既一道菜!泡菜煎餅$1xx啲野實在係太好食喇,我地呢班化骨龍邊度夠架!緊係再追加啦!再叫多個拉麵炒年糕先!呢個食落會比較辣,不過就辣得好過癮!辣辣地,再加埋啲麵同年糕,我地呢班化骨龍終於飽喇!拉麵炒年糕

Happy friday 當然要食擺脫工作去食啲好野朋友推介呢間係紅磡嘅韓國餐廳 話啲野食比得上我地係韓國食個啲咁緊係要去試下啦！同朋友大概8點鐘去到坐左一陣已經全間坐滿哂睇黎大家都一樣同我地happy friday都冇得準時放工 哈哈哈哈 我地兩個人一共叫左三樣野十分鐘左右就上左第一道菜一開始以為入面係平時整冷麵個隻質地 原來係韓國拉麵味道唔錯 唔太辣 岩我呢啲鍾意食辣又唔食得既人 第二樣上既係我今日最鍾意食既上菜個陣仲有沙沙氣 出哂氣泡老闆娘煮既年糕用自己煮既果然係唔同啲好有彈性! 加埋芝士! 只能夠不停食最後呢樣係額外再叫平時出面食開牛肉飯都係用石鍋裝住第一次食用普通上既比起用石鍋明顯冇咁熱氣不過如果多少少汁就好喇 對我黎講啲飯硬左些少旁邊仲見到碗湯! 呢個同我係韓國個陣係路邊檔食野個陣成日問啲아줌마拎黎飲個啲係一樣!呢碗就係用黎煮熟魚糕個啲湯  我叫佢魚糕湯 哈哈哈呢種味完全令我懷念係韓國瘋狂掃街既日子呢間餐廳除左老闆娘係韓國人外 其他幫手既人都係香港人唔使怕雞同鴨講當然你想講韓文 老闆娘絕對唔介意