半熟工房 (Closed)

行經見到有甘多人食此芝士撻相當一定有其吸引之處，半熟芝士撻比人既感覺是是否流心呢。賣相就幾得意圓圓賬賬的，外層烤焗至金黃色，一咬入口看見芝士真的是半熟的樣子，好似會跳動的一樣，陣芝士味非常香濃，應該有加入cream等運合而成，真是香甜好味。撻皮夠鬆脆可口，仲要係牛油皮至愛。讚

之前試咗半熟工房推出一陣子嘅半熟朱古力撻,食過佢哋嘅芝士同綠茶撻,都唔錯.今次都係抱住試試嘅心態,因為一向好少選擇食朱古力味道嘅嘢,通常都好甜好漏.但係今次就意料之外熱辣辣新鮮出爐食,食到佢流心半熟既口感,鬆軟又滑,highlight既係香濃既朱古力味,有啲似朱古力奶味果隻味道,撻濃得黎又唔會太甜,甜度適中,幾surprised之作喎

前陣子聽友人說半熟又出新口味, 就是朱古力芝士撻. 其實之前的原味試完, 再來抹茶味也試完.今次有新口味, 都覺得要試一下, 因為難得這店定期推出新口味, 最適合喜歡試新品的食友們.今次見齊三個口味, 好興奮, 見有推廣是 $120/6個 (三個味X2). 如果我之前未試過, 我就會買來一次試齊幾個味. 我還是試新口味的朱古力芝士撻吧.朱古力芝士撻 ($22) :焗得不夠美, 因為中間的受熱較多爆出了少少, 可以朱古力的問題, 因為原味是很美的.但外表是不會影響味道, 試了就知道啦. 可能之前食的是剛出爐不久, 這次的是冷的, 不過還是有香香的朱古力味.好軟滑好綿密的朱古力芝士餡, 半熟狀態好吸引, 入口溶化開的朱古力好濃郁.反而搶走了芝士味, 而且有點膩. 不過撻皮厚薄剛好, 夠脆身唔易散開.購買芝士撻時, 又發展另一個新品, 細問店員之下, 原來是限定的半熟櫻花蛋糕.還有葉子酥, 布雪, 但留下次再試吧.回家立即開封試限定半熟櫻花蛋糕. 包裝很精美, 粉紅色紙盒, 而且有保溫冰附送, 可以保持蛋糕溫度, 很貼心.限定半熟櫻花蛋糕 ($85/5):剛好每人一件, 可以同家人分享. 打

今日行經過半熟工房, 係街上就聞到陣陣既芝士撻香味,吸引左我入去。幾好既係唔需要排隊,就可以即買即食。半熟工房的芝士撻外面係金黃色,賣相非常吸引,而食落唔會好辣咀,溫度保持得十分恰當,而半熟既芝士十分滑溜,口感極佳!

係一個爆笑既情況下食到呢個半熟撻，半熟真係無得輸，半熟蛋糕同半熟撻都係甘好食。朱古力撻簡直係我既致愛，入面流心，濃濃既朱古力，又吾膩。可惜既係我唔係熱辣辣甘食。如果吾係一定仲好食。。。芝士撻都好好味，我一定會再買咖!!!!!!!!!

好以為半熟工房只賣流心芝士撻，其實都有或精緻蛋糕賣。件裝蛋糕每天大約有十款。由拿破崙抹茶蛋糕和Earl grey tea and orange chocolate 中二選一最後帶了後者回家。因為適逢復活節，當然要吃朱古力應節。Earl grey tea and orange chocolate $45這個蛋糕吸引之處正是幻彩反光的鏡面朱古力。內裡 Earl Grey mousse, Cream , chocolate, Grey Mousse and Crunchy Base.味道較淡的橙味朱古力外層，百爵茶味道也是淡淡，要非常㗳多幾口先才感覺到小許茶味。幸好 Mousse 和Cream 口感尚算順滑，但非常甜膩，吃幾口已經要放棄。金玉其外，敗在其中。

上次食芝士撻時見到佢呢隻新產品，今次就買來試試啦～ 第一次見呢種食物，覺得外形好特別好靚呀，真係造到好似一塊葉子～店內櫃面放了張小單張，細看介紹，“選用高品質牛油及麵粉，獨具楓蜜香氣魅力，酥脆雅致的口感”，未食已經覺得非常吸引，買完一盒葉子派之後就急不及待在店面吃一塊先啦一咬之下發覺原來呢個派有多層次既口感～真係好酥脆啵，而且啖啖牛油味，連跌出黎既酥皮都有牛油香味，好好味！ 咬開見到入邊有好多層酥皮咁，好似千層穌咁～一咬層層的派皮與楓糖發出酥脆的聲音～派上面仲覆蓋住細細粒既楓糖，充滿楓蜜香味！ 甜度亦係好適中～我相信如果一邊食葉子派時一邊嘆啖紅茶，應該會好正剩番5塊拎番屋企試下飲住熱茶當茶點嘆下～讚！有驚喜！

除了Bake, 半熟工房嘅芝士撻都係要試目標之一, 加上人龍較為人小~買咗原味、綠茶各兩個。原味嘅芝士味掂, 但我嗰個略嫌吾太流心, 無bake咁滑, 不過芝士質地實在感又強啲, 真係睇自己喜愛比重喺邊, 撻皮脆脆嘅。綠茶就有小小失望, 本身都係綠茶控, 哩個綠茶流心撻, 可能有原味對比, 會覺得較為同流心芝士做法吾夾…有綠茶味就無芝士味啩~ 但整體以原味芝士撻嚟講仍然係good

今日特登經過見到唔太多人，所以入去買黎試下，原本諗住買2個原味芝士撻，但經店員介紹下，終於買左原味同綠茶試下食過後，個人覺得原味幾好食，撻身脹卜卜，又大個，賣相幾吸引，芝士味幾香，綠茶我就唔多like，有幾會都係買番原味~另外左下圖呢件好精緻的西餅$45，唔知叫咩名，但價錢就記得相當貴，食落 件餅幾香橙味，餅底內有拖肥，所以整體都比較甜，試下都還可以吧…還有草莓布雪$15，餅身鬆軟，cream又唔太甜，淡淡草莓味，好食，下次試埋其他口味先

"布雪", 法文叫"Bouchee", 貌似泡芙和馬卡龍的東西, 其實是指一口的小蛋糕，通常還會夾入果醬或奶油餡，是在日本相當流行的小茶點! 之前我在台中和日本旅行時都食過這種甜果子~ 很回味~早兩天朋友跟我說半熟工房都出左呢款甜品, 估唔到香港都會有, 所以今日專誠過來買左個抹茶味布雪試試! $15一件~ 價錢合理~ 外形和之前吃過的一樣咁可愛, 而且其實SIZE都不止吃一口呢~涼浸浸的布雪, 食落口有超鬆軟口感, 而且感覺好輕盈~~ 質地軟綿綿既蛋糕再夾入軟滑既CREAM, 口感細膩, 好正~ 內餡的CREAM好香抹茶味, 有D回甘~ 甜度適中, 唔會膩, 亦都唔會"死甜"! 而且和蛋糕仔的濃濃蛋香味原來都幾夾! 我個人十分喜歡這款產品! 除左鍾意佢既入口即化的特別口感同味道, 我覺得佢既外表都幾靚㗎因為在製作過程中要撒上幼細的糖粉後再烘烤, 出黎效果就猶如白雪覆蓋在蛋糕外層一樣~~除左抹茶味, 仲有其他3隻味既布雪 : 朱古力味, 士多啤梨味, 同埋原味, 我下次都會買埋嚟試!! 聽聞原味係由北海道忌廉同煉奶整成的 唯一要改善既地方就係希望店內可以放多D 枱, 等多D食客可以在場

半熟工房新產品 - 葉子派 Leaf Pie由日本運送到港,,每天於工房新鮮烤焗入口非常酥脆,,餅上加上楓榶咬開其實見到佢入面有幾層係到...我諗就係因為咁...先至會食到佢酥脆,,,楓榶甜度亦都好適中....如果下午茶的話..這是一個不錯的選擇再買多左個【布雪】一買既時候係到諗布雪 究竟係咩意思....番到屋企再SEARCH下..原來布雪(法語#bouchée ) 在法國統稱為一口大小的點心，流傳到日本後發展成獨樹一格的夾心燒菓子，在製作過程中撒上細緻的糖粉後烘烤，猶如白雪覆蓋般的蛋糕外皮夾著入口即化的各式口味內餡，成為既非馬卡龍亦非銅鑼燒的和風洋菓子代表甜點之一。呢個都係新系列黎架..我睇到~分別有抹茶，原味，朱古力同埋草莓味...我自己比較鍾意抹茶同草莓味,,今次呢個蛋糕仔都幾軟身...都幾鐘意啊都..買果時員工話HKD15.00/件,HKD56.00/盒(一盒5件,有得比你自己揀要咩味架)蛋糕都好鬆軟...............不過蛋糕身其實係有D甜係上面的....用手拎住呢...會痴到成手都係..哈哈..

之前已經食過佢既半熟芝士蛋糕，超級好味，一試難忘，仲令我即刻有衝動寫番個詳細食評去表達一下～今日見終於有少少空閒時間 又再專誠去食多一次～今次依然保持超高水準～咬落去口感軟綿綿好creamy，質感好幼滑，食一件口腔都已經充滿芝士香～呢隻蛋糕之所以咁得我歡心。。係因為我真係未喺第二度試過有呢種口感既蛋糕～一咬感受到佢既軟滑。。誇張d都要講 瞬間係有種幸福既感覺超正！！仲有佢每件隋圓形的芝士蛋糕都會有條紙圍邊，確保蛋糕之間唔會黏起來，很細心呀！另外今日亦都係想試新出品：葉子派leaf pie～ 呢樣食物以往o係日本旅行時都見過～在當地應該係幾出名的洋果子～見到這個新出品的資料上寫了“由日本運送到港，每天於工房新鮮烤焗，保證做到《香、酥、脆》”～已經覺得好正宗＋好吸引了～ 一咬落去 口感好酥脆，真係幾好味，甜甜地～上面佈滿粒粒楓糖，好有楓蜜香味的～ 同埋重點係佢唔會好甜，甜度都係剛剛好～外型都好靚，成塊葉咁好特別～ 值得試下～

半熟朱古力撻 ($22)好大個朱古力撻喔！齋睇佢外表已經覺得口感會好鬆化，而且憑佢深啡嘅顏色就可以估到佢朱古力味應該幾濃。朱古力味非常濃郁，甜度適中，流心餡料跟芝士撻般綿滑，如慕絲一樣。撻皮很鬆化軟熟，富有朱古力味，各位朱古力控仲唔快啲試下！

之前已經食過半熟芝士撻同半熟抹茶撻一聽到有新撻出當然唔放過今次食半熟朱古力撻 撻底也是朱古力口味及鬆脆可口朱古力撻心帶有雞蛋香味每一口也吃得很滿足半撻不斷出爐 完全能夠做到流心效果唯獨是店鋪供客人站著即吃的空間不夠很多客人要站在門外吃

已經試過好多唔同地方既芝士撻，呢間算係出色，芝士味夠濃，帶有有小小淡酸味，入口綿軟輕巧, 食落口感好creamy, 好有食緊芝士梳乎厘感覺，配上好香牛油味既餅皮，比蛋撻大小小, 食2件都唔會膩  我係平日夜晚21:30左右到，所以無人排隊