囍慶酒家

Open Now

Now Closed

難得返娘家，當然就要跟老爸老媽食餐好，平時見兩老都鍾意黎呢間飲茶食飯，所以就諗不如試埋佢個晚餐啦一入到去，其實都幾好招呼，服務生都好有禮貌，環境又幾乾淨企理，唔怪得兩老甘鍾意黎飲茶啦！我地4個人，都對呢餐讚不絕口隻隻鮑魚都大大隻，肉厚、彈口，煮得夠晒入味我就最愛呢個剪蝦碌，又夠香口，又夠脆口，連殼都可以吞埋落肚兩老反而對呢個粉絲貝讚不絕口，火喉控制得好，唔會太老，粉絲爽口唔會太林，又岩岩吸返扇貝嘅鮮味！冇得彈wo其實食咩都唔重要，最重要兩老食得開心！不過點都要提一提個大蝦🍤伊麵🙈🙈🙈，蝦肉好爽口，份量又足夠🙈呢餐真係好👍🏻👍🏻

呢間大圍喜慶係屋村內，喺大圍火車站，搭小巴大約十分鐘到就到。由於平時搞開婚宴，裝修好新淨。位置亦好寬敞。我同屋企人一共2個人黎到食。見到佢出咗個八度鮮味套餐，二人份量，而且又有好多海鮮所以就叫左呢個餐試下。上菜上得好快，首先嚟嘅係油鹽水浸花甲同皇子乳鴿。乳鴿嘅色澤好靚，啱啱炸起所以零舍香脆。油鹽水浸花甲配有粉絲，花甲好新鮮。跟住嚟就係金銀蛋菜，同埋上湯開邊龍蝦，足足有一隻龍蝦，開左邊，配伊面，龍蝦夠晒大隻，肉質亦非常爽身伊麵吸收咗龍蝦鮮味。椒鹽蝦好入味，蝦好新鮮隻。清蒸海上鮮好大條，夠鮮味。凈係食魚都夠曬飽。紐西蘭聖子王同鮮鮑魚亦有水準，好新鮮。總括而言，餸菜又夠曬大碟，海鮮新鮮三個人食都足夠。

坐落於大圍顯徑的一間酒樓，一間在已落成超過三十年的屋村內酒樓，商場內的範圍竟然還是沒有冷氣的，找一條扶手電梯亦不容易，但卻令我極度懷念小時候的日子。本人以前因爲親人住在這𥚃，所以常常來這個位置飲茶，當今次偶然來到，第一個反應是：又轉了名？但跟著就有截然不同的感覺。門口比較光猛，還有燒味部，立即令我餓了起來，而進內後侍應主動招呼，態度親切，而內裏是一個大廰，但枱與枱之間有一定的空間，不會像某些大型連鎖酒樓椅背撞椅背。跟著我點了一個叫八道鮮味的二人餐，有龍蝦伊麵，有花甲，有椒鹽蝦，有蒸魚，貴妃蚌，仲有鮑魚和乳鴿，竟然只是四百幾，仲要免茶價，冇加一，有贈飲，真係UNBELIEVABLE! 而每道菜都好正，一食就停唔到口，每道菜都鮮味非常，尤其是椒鹽蝦，整得勁香，個炒飯炒得又乾身又香，加上新鮮生果，食到我捧住個肚離開，好滿足，真是一間好正的酒樓啊。

坐落於大圍顯徑的一間酒樓，一間在已落成超過三十年的屋村內酒樓，商場內的範圍竟然還是沒有冷氣的，找一條扶手電梯亦不容易，但卻令我極度懷念小時候的日子。本人以前因爲親人住在這𥚃，所以常常來這個位置飲茶，當今次偶然來到，第一個反應是：又轉了名？但跟著就有截然不同的感覺。門口比較光猛，還有燒味部，立即令我餓了起來，而進內後侍應主動招呼，態度親切，而內裏是一個大廰，但枱與枱之間有一定的空間，不會像某些大型連鎖酒樓椅背撞椅背。跟著我點了一個叫八道鮮味的二人餐，有龍蝦伊麵，有花甲，有椒鹽蝦，有蒸魚，貴妃蚌，仲有鮑魚和乳鴿，竟然只是四百幾，仲要免茶價，冇加一，有贈飲，真係UNBELIEVABLE! 而每道菜都好正，一食就停唔到口，每道菜都鮮味非常，尤其是椒鹽蝦，整得勁香，炒飯也炒得不錯又炒得又乾身又香，再有生果，食到我和我朋友都捧住個肚離開，好滿足，真是一間好正的酒樓啊。

平時多數晏就黎飲茶~服務環境同食物質素都好滿意~今次係第一次落黎食晚餐~見到網上對個海鮮餐既評語都一致好評~我地一於試試佢^^八道鮮味 ($438 / 兩位) 人頭每位另加$200唔洗加一唔洗茶芥~飲品竟然有啤酒 or 椰青揀~即刻覺得抵左xd海鮮黎講個人口味比較偏向清蒸~咁樣先最能突出到海鮮既鮮味証明係靚野!礦泉水大鮑l!!真係好大隻好好食~~我覺得可以全完唔需要配佢奉上既醬汁!!油鹽水浸花蛤個量估唔到咁多啵~驚喜既係我每次夾親都唔係得殼!! 哈哈蒸魚也是很不錯的~!時間剛剛好~肉很嫩很鮮~~金銀蛋浸菜苗我自己覺得其實呢個菜最重要既係個上湯~呢個湯底夠哂清甜~!金銀蛋亦非常足料!最後仲有個蛋白炒飯~好夠獲氣!!~雖然食到最後好飽但都清哂~!因為炒得好味~估唔到性價比咁高~收後屋企人大壽都可以黎呢到做下~~~

之前食過位於科學園嘅囍慶酒樓，覺得水準唔錯，今日就專程嚟試吓顯徑分店。由於今日係閒日，而且時間尚早，食客仲未係好多。八道鮮味（兩位用） ＄438我同朋友都飢腸轆轆，所以決定嗌海鮮套餐「八道鮮味」，包括多款海鮮，最正係食海鮮餐有贈飲：橙汁、椰青水（可無限任添！）上湯焗龍蝦伊麵原隻龍蝦超吸引，肉質肥厚，又多龍蝦膏，食到我不斷吮手指呀👍🏻礦泉水灼鮮鮑魚越係新鮮嘅海鮮，越唔需要花巧嘅烹調方法，簡簡單單已經食到最原始嘅鮮味。椒鹽九節蝦鮮蝦大大隻，蝦肉彈牙，椒鹽夠惹味，唔錯。清蒸海上鮮估唔到倉魚咁大條！火喉掌握得恰到好處，魚肉唔會過熟，鮮味無窮。勁蒜蒸貴妃蚌一人一隻，蒜蓉好香，粉絲夠入味，正！油鹽水浸花甲紅燒王子乳鴿乳鴿烤得剛好，如果肥美一點更好。金銀蛋浸菜苗食返啲菜消下濟，清清地幾好。每人二百幾蚊，就可以食到海鮮大餐，仲有飲品任添，真係好抵食，推薦大家嚟試下👍🏻

本身諗住請屋企人出食餐好ge但佢話聽D師奶講樓下酒樓D海鮮唔錯~所以我地捨” 遠’ 取’ 近’ 試試佢!果真唔錯!紅燒乳鴿~大大隻~烤得岩岩好~皮脆脆地~肉又夠入味!佢個椒鹽蝦都超正~~蝦肉新鮮大隻又彈牙!! 重點係個椒鹽爆得超香!!除左椒鹽出色~個蒜香都一流!蒜蓉粉絲蒸貴妃蚌~好味!重點要讚既係上湯開邊龍蝦伊麵!其實本身我係覺得芝士龍蝦伊麵先係絕配今次呢個廚終於推番我既諗法~原來上湯伊麵都可以好正~開邊龍蝦大大隻用叉一吉就食到~完全唔狼狽~~!!總括黎講性價比唔錯~$838 for 4!每人二百頭~唔洗加一又有野飲又有生果~環境新淨卻適~服務態度又好好~食八種海鮮起碼主幫手換左三次碟!下次推介親朋戚友黎飲下茶先^^

平日食晏好少去飲茶，咁啱有同事想去就去咗顯徑邨商場既「囍慶」試下，地方都好大同光猛，聽講話叉腸同蟹籽燒賣皇出名，當然要試下啦！ 叉腸真係好好食，皮好滑，唔會整得好厚，叉燒份量又足，值得再試。而蟹籽燒賣亦都唔錯。 再黎有椒鹽脆皮豆腐、蘿蔔千絲酥，豆腐滑當然唔使講啦，但係佢炸得好好，外脆內滑，好香口但又唔會乾爭爭，好好味，好快清晒！ 之後仲有沙薑大雞腳，大大碟，平時去其他酒樓食通常呢啲雞腳都好細隻，但呢道係好大隻同好入味，好夠沙薑味，而且仲熱辣辣添！ 甜品我地叫左蛋白燉鮮奶(其實想叫薑汁隻皮奶，但原來叫錯左)同埋擂沙湯丸，燉鮮奶其實都好味，好滑。返而擂沙湯丸我地覺得仲好味，煙煙un un同啲花生餡好香，幾粒好快已食晒。 我覺得除左啲人講既招牌菜好味外，其實其他點心都好好食，同埋真係碟碟都熱辣辣上，唔係整好放好耐個啲，所以下次都會再去食過，值得推介。

最近同事食完個好抵食既海鮮餐，介紹我去食，本來我都半信半疑，邊有咁大隻蛤乸隨街跳，$438/2人 可以食足12 樣野？！咁我今晚就同屋企人(4人) 嚟到大圍囍慶食過究竟！ 睇下係唔係真係咁抵食！我哋總共叫左2 個2人海鮮餐，落完單無耐香噴噴紅燒乳鴿已經送到嚟！ 每人足足有半邊，外面做得香口，肉就做我嫩滑！第一個餸已經喜出望外！其他餸都陸續送到，白灼九節蝦係我隻隻都好大隻同新鮮，每人大約可以食到3 隻，蝦肉鮮甜，彈牙！每個餐都跟一渣飲品，可以揀椰青水，橙汁，竹蔗茅根水等等，我哋就揀左椰青水，唔太甜，都清涼！除左有海鮮食，仲有得飲，跟住送上既係非常鮮甜既海鮮湯！用料十足，有鮮蝦，紅蘿蔔，粟米，蜆。。。等等其實個餐感覺食極都有，跟住嚟既係貝殼類，大大隻既鮑魚，爽口彈牙，又有鋪滿蒜蓉粉絲非常香甜既貴妃蚌！貝殼類又點少得鼓椒炒蜆，炒得惹味，蜆肉又肥美！其實食到呢度，我哋都有d飽， 不過好戲在後頭，足料龍蝦伊麵登場！每人可以食到半隻龍蝦，龍蝦大概有手板咁大，啖啖肉好彈牙！海鮮海鮮，又點會少得海魚呢個重點項目，估唔到4百幾蚊個餐有咁大條龍躉食！肉質嫩滑，味道鮮甜啖啖肉！有魚有蝦又點會少得蟹？我哋有4

點解我話佢係大圍嘅西貢？因為佢好多海鮮食。無論係味道定係口感，呢間酒樓嘅海鮮拍得仕西貢嘅質素，環境同埋份量仲要係更加好添！見到好多人都食呢間嘅海鮮，我地兩個人決定叫咗佢嘅海鮮八道菜。份量多得驚人！首先有個乳鴿，燒得非常嫩口，皮脆內嫩，又好大隻，加埋d鹽一齊食，非常滋味。 仲有個清蒸鮑魚，蒸得妳好友，加埋啲蔥嚟食好好味，而且佢蒸嘅時間啱啱好，一d都唔韌，好有咬口。個貴妃蚌連蒜蓉食好好味，粉絲都蒸到好入味！ 蒜蓉炒蝦真係一流，有好香嘅黑椒味，仲有佢好彈牙，又好大隻， 蝦觳都好香，好想食埋佢。個花蛤都整得好好，配埋鼓汁令到佢好香口，佢都好大隻，食落去淡淡肉。龍蝦好多肉，充滿龍蝦鮮味！雖然唔係蒸石斑，但係有意想不到嘅鮮味，估唔到兩個人都俾咁大條！餐廳服務質素非常好，成日都會問我地洗唔洗換碟，仲有送炒飯，椰青水同紅豆沙，好抵食呀！

今日同男友父母食飯，叫咗兩個海鮮餐$438x2，都幾抵食，而且比預期好食，所以都推介下。但大家要留意，4位去食更抵。因為會多一個湯同埋蟹煲。上湯開邊龍蝦伊麵 - 我鍾意龍蝦開邊食，因為好易起肉，仲要係一條過，啖啖肉。龍蝦鮮味彈牙，伊麵吸收晒上湯同埋龍蝦精華。礦泉水鮑魚 - 清清地嘅鮑魚味，沾小小wasabi同鼓油，更能帶出鮮甜。白灼蝦 - 白灼蝦最緊要係新鮮，食落就知。清蒸龍躉 - 因為我地4個人，叫套餐可升級食龍躉，抵食。豉椒炒花蛤 - 份量唔少。紅燒開邊乳鴿 - 正常的酒樓水準。金銀蛋菜苗 - 第一次食唔係莧菜配金銀蛋，又ok wor。勁蒜貴妃蚌 - 除咗用新鮮蒜同埋粉絲加係面蒸，蒸完仲有炸蒜加係面，名符其實。蒜、粉絲、蚌，三樣一齊食，絕配! 我地秒殺咗呢幾隻蚌。金粟海鮮湯 - 加咗粟米嘅海鮮湯好清甜，仲有蘿蔔、蝦、蜆…。xo醬粉絲蟹煲 - 呢個蟹新鮮、粉絲入味，好食到唔停口，最推介。炒飯 - 都唔錯，但由於太飽，所以食唔晒。個餐包野飲，我地要咗椰青水，仲有紅豆沙/綠豆沙送，食到捧住個肚走。臨走睇到酒樓仲有龍蝦海鮮火鍋任飲任食嘅餐，下次可以再嚟試下。

屋企人食飯近近地去咗囍慶酒家😌除咗坐得舒服地方仲好光猛，似係新裝修～抵讚👍🏻😝經過部長極力推介試咗個海鮮四人餐$888仲要唔使加1真係超抵😆＂招牌金粟海鮮湯＂清甜粟米同新鮮嘅海蝦煲出嚟嘅湯真係鮮甜無比🌽＂上湯開邊龍蝦兩隻配意粉＂龍蝦雖然唔算大隻不過肉質厚實，咬落去好有彈性😋伊麵亦都吸收左上湯嘅鮮味，極速食曬🤣＂礦泉水蒸鮑魚＂初初聽個名覺得好得意，點解會用蒸餾水🤣最終都唔知點解，不過個鮑魚就好新鮮而且好煙韌👍🏻＂勁蒜蒸貴妃蚌＂超多嘅蒜蓉加粉絲攞嚟撈飯都一流🤣＂豉椒炒花甲＂花甲唔大隻，但勝在冇沙而且肉質好飽滿，吸收晒豉椒嘅香味。＂椒鹽九節蝦＂每人兩隻勁香，而且外層脆卜卜，比勁多椒鹽包圍住，新鮮爽口，唔會因為炸過而變得好乾身！＂清蒸沙巴仔＂比想像中大條，蒸時間啱啱好唔會過熟，肉質嫩滑。＂紅燒開邊乳鴿＂外皮唔算好卜不過勝在熱辣辣，肉質唔乾而且多汁。身為一個街坊酒家呢度性價比真係好高！下次我哋會再試吓食下午茶。

星期日大人入完馬場，順道去食好啲補慶大人節。囍慶最近做二人海鮮套餐聽說好抵食，六點來到人不多，馬上被安排入座環境似新裝修過，光亮寬敞，洗手間都好乾淨整潔坐下來就見到旁邊一桌老夫婦也是叫了二人海鮮餐，份量適中好啱我呢種小鳥胃人士等了十分鐘，已經上第一道菜：椒鹽蝦，蝦殼炸到香脆，但蝦肉唔乾身依然鮮甜彈牙，好惹味緊接住係我最愛之一的紅燒乳鴿，外皮酥脆，鴿肉嫩滑充滿肉汁，驚喜地好味食得味重剛好上上湯菜苗中和一下膩度，菜就有啲老，但個湯頭算清甜，不過不失啦第四道係椒炒花甲，花買算大隻多肉，鮮味十足，但上菜時略嫌唔夠熱辣辣，少咗啲鍋氣惹味感第五道係上湯龍蝦配伊麵，龍蝦肉質彈牙鮮甜，啖啖肉，上湯焗伊麵底吸收晒啲蝦肉汁，麵條軟硬適中第六道蒜蒸貴妃蚌，粉絲軟滑吸晒蚌精華同蒜香，蚌肉鮮甜第七道係清蒸鮑魚，但鮑魚就略微遜色，肉有啲韌 欠甜度最後上黃鱲䱽，大大條且肉厚，蒸得剛剛熟，仲保持到鮮嫩，唔錯整體來說：環境坐得舒服，套餐既抵食又鮮味，值得推薦

作為一間屋村食肆，酒樓的裝修同食物質素可以講係相當滿意，最起碼上枱賣相靚，食材算新鮮。蒸魚時間啱啱好，🐟肉鮮甜，🐔肉彈牙，味道調較得好好咸味適中，冬瓜盅湯料充足，大人小朋友都鐘意飲。有雞有魚碟碟餸大大碟，餸埋單一千邊度搵。

這天是運動日，我約了舊同事在大圍吃完晚飯再去做運動，透過親友的介紹，我們決定來到這間中式酒樓試一試，酒樓內的顧客非常多，證明食物的質素應該很高，而餐牌上的選擇非常多，店內環境非常寬敞和清潔衛生八道鮮味($438)上湯焗龍蝦伊麵非常清鮮甜美的龍蝦十分軟彈煙韌，十分大隻，軟綿綿的伊麵，伊麵吸收了上湯的精華，富有水份，整體份量十分多，非常抵食礦泉水灼鮮鮑魚十分新鮮和軟彈煙韌的鮑魚，十分大隻，用礦泉水來灼鮑魚，食得更放心椒鹽九節蝦大量的椒鹽粒，味道不會太鹹，非常清鮮甜美和軟彈煙韌九節蝦，這樣的配撘恰到好處清蒸海上鮮倉魚倉魚非常大條，非常清鮮甜美和香稔軟嫩，份量非常非常多，非常抵食，酒樓內有魚缸來養魚，有客人叫海鮮時，即時撈上來煮，因此海鮮非常新鮮勁蒜蒸貴妃蚌大量細碎十分濃郁的蒜蓉碎，非常軟彈煙韌的粉絲，份量很多，十分新鮮十分爽口微彈的貴妃蚌豉椒炒花甲非常軟彈煙韌的蜆肉，份量非常非常多，非常新鮮，配上鹹中帶點辣的豉椒，非常抵食紅燒皇子乳鴿乳鴿皮脆肉嫩，十分大隻，味道恰到好處，不會太甜，也不會太鹹金銀蛋浸菜苗黏口的咸蛋粒，皮蛋粒非常軟綿綿，菜苗非常新鮮和爽口微彈，份量非常多椰青水椰青水非常清鮮甜美