囍慶酒家

Open Now

Now Closed

來到屋邨探望朋友，探望完後屋邨商場吃飯， 大家都想吃中菜所以來到這間屋村酒樓進食，估不到這間屋邨酒樓性價比高438蚊兩位包茶位加一，仲可以食到多款海鮮，包括上湯龍蝦伊麵，炒花甲，蒸海上鮮等，還有飲品，甜品，炒飯，抵到爛，而且兩位就可以食到，唔駛湊夠半圍先食。椰青水: 一般酒樓只有汽水橙汁，有椰青水揀都幾新穎，這椰青水還有椰果肉的，味道也可以，不會很酸或很甜。紅燒乳鴿：夠新鮮熱辣，有即燒的感覺，皮薄脆，肉不多但夠嫩滑多汁。上湯開邊龍蝦伊麵：上湯龍蝦size當然不大，但也不算很小，龍蝦挺新鮮，蝦肉很彈牙，每人少少地半邊龍蝦都夠食，伊麵索了龍蝦汁，也都很美味。清蒸海上鮮：今天海上鮮係倉魚，倉魚size非常大，兩個人食食唔晒，蒸得岩岩好熟，果然蒸魚就是出街食比較好食，火候十足。礦泉水大鮑魚：兩隻鮑魚，大大隻，口感彈牙，且有鮮味。勁蒜蒸貴妃蚌：原本是兩隻的，因來貨size較小所以給四隻，都幾老實，雖然說是細隻，我覺得可接受，而且肉蒸剛乾好不會老，夠鮮嫩，粉絲蒜蓉配搭一流。椒鹽蝦：蝦殼有點軟軟的，椒鹽味不突出，但蝦肉尚算新鮮，不差。金銀蛋浸菜苗：金銀蛋份量夠，但味道好像不夠突出，白菜苗切好細細棵，

香港真係好逼，慢慢鍾意約朋友係酒樓食，有時覺得更少人，又可以坐耐d，易d傾計不過兩個人可能難d食多幾款菜！🤔朋友推薦囍慶既二人海鮮餐！超正呀！我要左八道鮮味二人用！八個海鮮任飯全包價$438！😍😍睇到張單都流口水🤤有茶有椰青水！椰青水感覺好新鮮，健康😁bb乳鴿，多汁好食唔會太咸，細隻d留肚食海鮮！金銀蛋浸茶苗清淡幾好，唔會下下都落油，欣賞！白灼蝦好鮮甜，得4隻可以師父都用好蝦！😝炒花蛤！好鍾意花蛤！😍啖啖肉，椒都食埋，好香😍😍湯，岩岩見到既再現湯中，當然好甜好喝喇！正正龍蝦伊麵！食到呢個時候已經飽飽地我淨係食左個身，朋友覺得超新鮮彈牙，食到好肉都冇哂！大大隻殼又係my love~蒜粉貴妃蚌，鮮味甜甜完美！趁熱食啊！給你一個全相！唔記得仲有條魚😂有d多水，仲蒸得岩岩好全晚海鮮之旅完滿結束

最近忙住開新鋪，好耐都無陪過屋企人喇。今日難得得閒少少，即刻約屋企兩個老頑童去飲個靚茶。咁啱佢地要去大圍探堂哥，就下佢地過個邊飲茶啦。顯徑商場呢間屋邨商場都有咁靚裝修既茶樓。我地12點幾黎都高朋滿座，好受歡迎喎仲有咁大個魚缸，姨甥仔黎到一定好開心。餐牌應有盡有。即燒即製叉燒腸入口超滑，爭啲一口舌左落喉嚨叉燒份量都超多，果然係呢間酒樓即招牌菜鮮蝦腐皮卷超脆口，蝦好新鮮蘿蔔千絲卷超穌，蘿蔔真係一絲一絲，廚師功力深厚喎。其他點心都一定係即叫即製，全部熱辣辣，食完都唔會好口渴，證明真材實料，無咩味精，最緊要午市食4個人都係300蚊左右，CP值都好高丫

今日去大圍探親，原來的呢屋邨非常交通不放便，難怪都幾多野食下，老人家想食中餐，就去左飲茶。中餐酒樓格局，光線足，環境亦算舒服。大家都肚餓了，點左幾款小菜，黑衫男部長非常嚴肅一本正經話有推介喎，欖角骨，非常入味；鮮竹燴一品齋，份量足味道很甜的齋。本身點左蜂巢豚肉，唔知係咪黎左普通咕嚕肉，不過肚餓亦唔想煩，無理會。咕嚕肉肉嫩。片皮鴨鴨肉味道濃郁，鴨肉鮮嫩，配上麼麼的香味，格外特別。乳鴿好耐食乳鴿點左一隻，忘記左要餐廳唔好切，外層軟熱，味道不錯。本身想點甜品，不過原來晚市無中式糖水食，山長水遠完成一天的任務了。

Fantastic Large Grouper cooked in 2 Ways at an Incredibly affordable Price!!!My families and I went to a restaurant called "Happiness Cuisine" (囍慶) located in Shop 301A, 2/F, Wing A, Hin Keng Centre, 69 Che Kung Miu Road, Tai Wai大圍車公廟道69號顯徑商場A翼3樓301A號舖.The entire restaurant made use of the pure white as the theme color.The restaurant is ell lighted with crystal chandeliers and golden light tubes which give the customers a clean, neat and bright feeling.Large grouper Combo -cooked in 2 ways龍躉兩食HK

今晚去左屋企人樓下酒樓食飯，當預早慶祝母親節。裝修光猛寬闊，張枱夠大。乳豬併盤乳豬皮夠脆，叉燒也夠入味同腍，燒鵝皮肉質尚算嫩滑。紅繞乳鴿燒到脆卜卜,隻乳鴿一開四，好鮮嫩，附上鹽同鼓油，但唔用都已經好夠味。上湯加拿大龍蝦 (伊麵底) ，龍蝦份量十足，上湯味濃，麵底幾滑，龍蝦都彈牙鮮味。富貴芥末明蝦球大蝦質感彈牙爽口，面頭塗上了沙律醬同芥末，夠開胃，但無太攻鼻太刺激。大蝦炸得好脆身，而且唔多炸粉。鮮竹燴一品齋份量都唔細而且都好多料，有腐竹、雪耳、山根、菜芯、白果和木耳。個汁好香，食起黎不會話太多油。乳香藕片炒黑豚肉好香南乳味，藕片口感爽脆，黑豚肉肉質滑及無臊味。清蒸鮑魚鮑魚肉厚彈牙，簡單以陳皮蒸，已能帶出鮮味。馬拉盞通菜吊片火候十足，少少辣同鹹香味。

許多年前，曾經在科技園裡面上班了一段時間，每當有新同事到、有同事離職、公司興祝，都會在科技園裡面的囍慶去慶祝一番。最近它又在其他地方開分店，這家在顯徑村的，是第三分店了。今晚剛好預先慶祝母親節，所以也選了這家。進去後，裝修也很堂皇，也有好多人在吃飯、也有火鍋的。看了一會餐牌，便選了幾道菜。包括，果皮蒸大連鮑魚6隻、富貴芥味明蝦球、上湯加拿大龍蝦加伊麵底、鮮竹燴一品齋、乳豬拼盤、一隻紅燒乳鴿、馬拉盞通菜吊片、乳香蓮藕片炒黑豚肉、再加2鑵可口可樂。品嘗之後，我個人覺得，值得推介的1) 富貴芥味明蝦球2) 紅燒乳鴿3) 果皮蒸大連鮑魚4) 馬拉盞通菜吊片所以，我通常也主張，不叫那些預設好的一圍半圍那些菜式，反而散叫喜歡的菜式，更適合一家大小去吃。

中午踏完單車後決定係大圍附近食晚餐，揾到呢間食中菜ge酒樓，就坐地食番餐。我地點左點左扁皮鴨同幾樣菜，今日做運消耗左ge卡路里又返番黎，不過算啦🙈食完先再減過😂扁皮鴨：好耐無食扁皮鴨，青瓜條ge清新感中和左扁皮鴨ge肥膩，鴨肉口感唔錯。部分鴨肉用左黎炒西芹，一餸二食，更多元化！鮮竹燴一品齋: 食左咁多肉，食番d齋菜中和下都幾好。鮮竹燴一品齋主要以鮮竹為主，再夾雜有唔同齋菜，鍾意食鮮竹ge朋友都可以試下，呢個店主推介我地試，不過不失，健康之選！彩蛋魚滑泡莧菜: 莧菜係我鍾意食ge菜之一，出街食又成日點金銀蛋浸時蔬😁今日呢碟彩蛋泡莧菜仲有魚滑，幾豐富！

很多酒樓都會推出一些套餐晚飯，還有些孖寶小菜經濟之選，還有些以優惠價享用菜式，不止於集團式酒樓，走進屋邨酒樓也有著相近的做法。這次來到公屋屋邨酒樓囍慶，沒想到也能用上優惠價錢吃出高質味道。沒有因為價錢相對平了而把食物質素和味道降低。除了小菜味食，還有海鮮火鍋供應，確實讓人有點意外驚喜。******************************位於大圍顯徑邨的囍慶，不用擔心交通問題，商場附近有巴士總站，途經商場也有著很多巴士經過，前來吃個美味晚飯，也不用煩愁交通問題。酒樓座位充足，光線充足，枱與枱之間空間也很充足，不會讓人坐的不舒服。 走在門外，便看見這任飲任食的龍蝦海鮮火鍋，以不同肉類供應來收費，還包括了軟雪糕甜品任食，晚飯時間20:30後入座，還有8折收費，單看這張火鍋餐牌已經覺得很吸引想吃。簡單的推介小菜餐牌，賣相不錯，價錢也很公道。還有海鮮推介，價錢也不貴。時令小菜和海鮮推介選擇也不少。燒味拼盤、小吃、孖寶套餐、湯類和飲品也有供應。單看抵食優惠菜式和價錢，已經很吸引。還有2-10位不同的套餐選擇，收費也很優惠。晚飯小菜有茶介HKD12及小吃HKD8收費，此外加一服務費也是有的。

今日陪阿媽係沙田搞回鄉證，佢話想飲茶，搭左程巴士好快就到囍慶。望左幾張餐紙，呢度食物種類好多，花多眼亂，好多野都想食，諗左一陣先決定到食乜。🥢真味燒味配 $ 88 脆皮皇子鴿（2隻）餐上湯米線（窩）呢個set真心抵食，米線都成6-7碗，重點係乳鴿真係好好味，肉質鮮嫩，媽媽大讚好。🥢咸菜豬肚 $35媽媽簡既，佢一個人飲哂D湯，話好好飲，不過話咸菜唔夠酸。🥢（中）原隻鮮蝦餃2隻 $20🥢（中）蟹籽燒賣皇2隻 $20蝦餃、燒賣飲茶又點少得？呢度有兩人份，好貼心，而且呢度蝦餃燒賣夠大粒，都非常新鮮，好味。🥢（中）粟米煎魚茸餅 $20魚肉彈牙，加上粟米粒，外層炸至酥脆，口感豐富又好食。🥢（中）香茜牛肉腸 $20呢度出名叉燒腸，但我更愛牛肉，腸粉夠滑，牛肉新鮮。🥢（中）薑汁雙皮奶 $20新鮮出爐熱辣辣，香滑好味，值得一試。吃後感，呢度食物質素相當唔錯，性價比高。相比我果區。。。真係想囍慶取代我屋企樓下間酒樓。

今日入左大圍探朋友，之後我哋再落咗樓下間茶樓食飯，估唔到屋村酒樓裝修都唔錯。菜式選擇都幾多，又有孖寶餐簡野菌牛柳粒，牛肉份量都不少，而且食落有牛肉味，又有蔬菜喺旁邊，最鍾意d菇吸晒啲味道芝士龍蝦伊麵,有好多龍蝦喺上面，仲有好多芝士，伊面索晒啲芝士汁勁好食，龍蝦都有好多肉食芥末味明蝦球，蝦球真係隻隻都勁大隻，調味亦都好好，芥末味唔會太辣，西蘭花都好食，唔會乾蒜蓉粉絲蒸大元貝，上面有炸蒜頭，撈埋啲粉絲，撈啲豉油就會好入味，元貝都勁大隻今晚嘅海鮮餐真係正，下次入嚟大圍都可以再食

一般系公屋村入面嘅酒樓比人嘅感覺就系得過且過，無咩要求。但囍慶作為有幾間分店嘅品牌，又maintain到應有嘅品質，最鍾要系價錢都算公道，深受食客喜愛。晚市嘅各款孖寶系列的確吸晴，每款賣200蚊左右，仲有其他平價海鮮，燒味，以及小菜。蒜茸粉絲蒸貴妃蚌 (64) - 除返開都系16蚊/隻，自己去街市買都系差唔多價錢，仲唔洗自己整添。貴妃蚌大大隻好厚肉，蒸煮時間岩岩好，仲keep到好嫩好有肉汁，亦夠鮮味。連粉絲都夠曬入味!避風塘炒辣肉蟹 (128) - 平時食肉蟹最平都300蚊起，呢度128蚊簡直系超值中嘅超值! 必食之選! 雖然蟹唔算肥美，但都有唔少肉，避風塘方式炒到肉蟹都算上色入味，整體唔錯。但避風塘嘅炸蒜蓉份量唔夠多。蜜汁叉燒王 (108) - 例牌嘅叉燒大大份，都有唔少肉汁，肉亦夠滑唔鞋身，仲好夠蜜味!鮮腐竹一品齋 (78) - 一品齋有鮮腐竹，栗子，雪耳，雲耳，山根，菜心等等，打左個芡汁令整道素菜提鮮而無甘單調，食落又幾香，食左幾道較油膩嘅菜式，食返個齋中和返都唔錯。甜品芒果布甸 (16) - 芒果布甸偏甜，中間夾左唔少芒果肉，友人嘅小朋友十分喜愛。

囍慶有多間分店，其中一間設於附近的顯徑屋邨商場，由於沙中線亦未開通，現只能定位屋邨酒樓，但其實屋邨價錢，也有燒鵝味道。晚市更有優惠選擇，例如$1沙薑雞/ $108原隻澳洲龍蝦焗伊麵，其餘大部份小菜售$78元左右，另有$200餘元的海鮮/燒味孖寶系列。價錢不高，因此也能吸引大批«街坊»光顧。蜜汁叉燒王 ($108): 例牌份量蠻多，足夠三至四人享用。叉燒半肥瘦，肉質鬆軟且有肉汁，每塊叉燒均被足夠的蜜汁牢牢包著，蠻惹味，配白飯食一流。紅燒乳鴿 (特價$38): $38元優惠價可謂極之優惠，一般酒樓索價$58-$68元不等，這裡居然平三分一有多。雖顏色看似不夠深，但醬油卻出奇地入味，其也不乏肉味，超抵食!蒜茸粉絲蒸北寄貝 ($68/4隻): 尺寸與元貝差不多，但價錢卻是意想不到的划算。北寄貝鮮甜爽嫩，而粉絲卻吸收了肉汁及蒜茸的精華，也相當入味。焦糖欖角骨 ($78): 炸至酥脆的排骨加入欖角及焦糖醬快炒，香味四溢，焦糖醬非常香甜，但微膩，散發欖角的獨有香氣，整道菜非常香口惹味。

今日到顯徑邨探望親友，例牌動作一家人到附近酒樓開飯。今日來到一間叫「囍慶」的酒樓，地方清潔闊落，有別於一般屋邨酒樓格局較街坊的既定形象。甫坐下細看餐牌，小菜款式眾多。不泛海鮮、小炒、燒味等選擇。價錢更非常親民更有優惠精選供食客，知慳識儉的我當然要點個$138龍蝦伊麵！開場菜式先來個例牌囍慶燒鵝。燒鵝皮烤得很脆，肉質尚算嫩滑，夠入味，送飯必點海鮮方面$68 4隻貴妃蚌，非常划算。蒜蓉滲透粉絲內，略嫌豉油不太夠，但很好下飯黃金蝦碌吃得多，加上南瓜頗有新意，為比較膩的黃金蝦添上甜味，整體很夾。蝦肉彈牙，可見海蝦為新鮮蝦，用料交足功課。重頭戲芝士焗龍蝦伊麵，芝士重量級，香氣撲鼻龍蝦size夠份量，拆開蚶後啖啖肉而且肉質彈牙厚實，每一件配上濃郁芝士，滋味滿分💯㰖角骨年輕一輩未必會欣賞，但欖角油質適中，氣味芳香，味道微酸微甜，有一種獨特的鹹香味，用來配上炸得香脆的排骨，甘甘甜甜，令人一試難忘蔬菜方面點了一個瑤柱海味什菜煲，瑤柱蝦乾配上清雞湯，不需太多調味，已輕易為什菜提鮮，清清舌頭，減低其他菜式造成的油膩感。

做野來到大圍顯徑，午餐時間充足，又唔想同人迫茶餐廳。見到原來囍慶係顯徑開左間新鋪，裝修好靚又夠光亮，最緊要係乾淨！大廳已經坐得七七八八，被安排入坐房入，但抵讚係長期有個阿姐企房門等候服務你！唔怕入左房無人理！竟然發現可以兩隻裝蝦餃和燒賣，呢間老闆果然細心，照顧到一兩個人來飲茶既人！亮點又出現！條條腸粉都唔標明即製，反而叉燒腸係即燒即製！唔係唔試呀！？點心種類夠多，d點心分類名稱都充滿趣味，大家有無留意到？連甜品都有咁有特色！黑椒金錢肚：好入味，仲有南瓜粒，辣中有甜。蝦餃：大粒又多蝦！出色！棉花雞： 要知酒樓龍與鳳，點點棉花雞就知！呢間係魚肚，無錯，係魚肚！（某些係用豬皮扮魚肚）燒賣：用料足，蝦肉和豬肉比例好！鮮蝦腐皮卷：啖啖鮮蝦！魷魚鬚：我鐘意既菜式，炸得香脆，絕對唔韌！即燒即製叉燒腸：出場啦！果然名不虛傳！粉皮非常滑，而且好有口感，唔會好似好多粉漿住個口！最後，當然係點甜品作完美既終結！擂沙湯丸：係大大粒黑芝麻湯丸。薑汁雙皮奶：夠奶味！芒果布甸：粒粒新鮮芒果！整體來講，食物質素好！職員都好helpful，上菜都好快！所以甜品真係要食到後段先好落單！臨走見到晚市做緊任食火鍋，仲要係極級