四喜冰室 (Closed)

四喜冰室係九龍灣，大大間既冰室有得食雞煲，我同一班朋友就緊係要黎試下！晚市麻辣雞煲🌶🐥🍲雞煲分佐半份$188同埋全份就$268，今次我地人多既關係就叫佐全份。全份既雞煲份量果然唔可以睇少，6-8個人都仲得😳辣椒仔同埋大量蔥鋪滿雞煲，撈勻黎食好惹味，雞煲既醬料就入晒落每件雞件，所以好香而且雞肉肉質嫩口，滿分！晚市雞煲烤魚配料：餃子拼盤 $32🥟作為配料既餃子好好食，同麻辣湯底好夾，我地幾個人分黎食份量岩岩好！晚市海鮮：鮑魚 啤酒蝦🦐時價既海鮮都不在menu，想食就要電話預訂啦。鮑魚新鮮大隻，只係聞到濃濃既海水味，碌完爽口有咬口，吸晒麻辣湯既味，一絕！啤酒蝦就好濃酒味，蝦肉又彈牙，配埋麻辣湯味道更突出！醉香雞中翼 $68🐤雞翼應該係用花雕酒黎浸，酒味香濃，而且雞肉飽滿，唔會鞋口，做小食就岩晒！

我地今日中午時間咁岩黎到九龍灣，諗唔到食咩，就決定香簡單咁食一食，去佐呢間看似普通既四喜冰室，我地一個就叫套餐：叉燒湯意粉、火腿煎蛋、牛油方包，盛惠$46🍝🍞🍳叉燒厚薄適中，而且甜香好食，配埋湯意粉好夾，煎蛋係太陽蛋，蛋白好滑好好食，同火腿同埋方包一齊食超正呀，食完呢個餐好飽好滿足🤤另外我地仲叫佐常餐：沙嗲牛肉公仔麵、牛乳炒滑蛋、牛油方包 $46😋😋沙嗲汁好濃，牛肉又有咬口而且吸晒沙嗲味，彈牙既公仔麵令味道進一步提升，另外滑滑既炒蛋配方包咁食，好香口感好好，好飽肚又滿足！另外仲叫埋兩枝茶，高山翠綠同埋四季春，每枝都係$24，茶味香濃，凍凍地又解渴，好飲！

九龍灣既四喜冰室環境舒適，座位闊落，而且特別地仲有得打邊爐，為食既我地緊係要去試下😆🐥晚市麻辣雞煲雞煲半份就$188，全份就$268，想試多啲食物款式既我地就叫佐半份。雖然係半份，但2個人食都好飽😜雞煲有辣椒仔同埋大量蔥，撈勻佐好香，啲醬料入晒落啲雞果度，每件雞都好香又嫩口，食到停唔到呀！！晚市雞煲烤魚配料：四喜極品牛 $288🐮 尚品豚肉片 $88🐖食晒啲雞就係配料開始時間，我地叫晒豬同牛，兩樣都好香，牛肉脂肪分布平均，牛味好濃，豚肉都唔會過肥，又無豬騷味，兩款配上麻辣湯底都好正！晚市海鮮：鮑魚 蟶子皇🤩兩款都係時價，而且不在menu，想食就電話預訂啦。鮑魚好大隻好新鮮，上枱都仲未死，完全無腥臭味，碌完黎食爽口彈牙，蟶子皇就大大隻，鮮甜無比，而海鮮同麻辣湯都好夾，更提鮮呀😝

今日係九龍灣做野，放工就同同事黎試下呢間四喜冰室。呢度裝修都係正常茶餐廳裝修，但係食物就一啲都唔普通啦，而且好抵！我地叫佐兩個主食，兩個都係全日供應既，中意食牛既我就簡佐冰室鮮茄牛肉燴意粉 $58🍝意粉有一舊舊蕃茄，絕對真材實料，牛肉又大塊，份量又多，而且好香好有咬口，加上唔少既洋蔥絲提味，好香好好食，意粉軟硬度又適中，絕對唔係普通茶餐廳質素呀！然後食素既同事就叫佐蕃茄濃湯紫菜豆腐烏冬 $58🍜深橙色既蕃茄湯好濃稠，加上滿滿既紫菜絲，椰菜絲同紅蘿蔔絲，仲有幾大舊香滑既豆腐，配上烏冬一齊食口感好好，同事食到啲湯都飲晒😝我地仲一人叫佐中枝維他奶飲添，童年回憶呀😛

九龍灣有間四喜冰室，大大間，原來除左一般茶餐廳食物，仲可以打邊爐！我地緊係試下😜原條烤魚煲 $328 😍烤魚可以簡麻辣或者走辣，我地就試佐麻辣，鮮紅色既湯底加上辣椒，蔥，蒜，未食都知足料🌶🌶原條既烤魚好入味，每一啖魚肉都好辣，但又食得出魚肉既鮮甜，好過癮好正呀😆晚市海鮮：花雕梭子蟹🦀啤酒蝦🦐蟶子皇🥢全部都係晚市先有，而且係時價，餐牌無架，想食就要電話預訂📞 花雕蟹同啤酒蝦都好濃酒味，而且鮮味大足，啲蟹又多膏，蝦肉爽口彈牙，而蟶子就超大隻，手掌咁長，配麻辣湯底好惹味，更加提鮮，全部都好正呀！晚市雞煲烤魚配料：響鈴卷 $32🤤餃子拼盤 $32，五丸拼盤 $68🥟🍡 尚品豚肉片 $88🐖呢啲係晚市雞煲烤魚先有既配料，全部都好好食，啲丸彈牙又香，係麻辣湯底之中就好入味！👍🏻豚肉片肉質都好好，唔會鞋口，同麻辣湯勁夾！

今次同朋友黎到九龍灣呢間四喜冰室，以為係一般茶餐廳咁，只有普通小菜，原來呢度連烤魚打邊爐都有😆🐟原條烤魚煲 $328 呢個烤魚可以簡麻辣或者走辣，我地中意食辣既就試佐麻辣，一上枱已經見到滿滿辣椒，而烤魚真係好足料，真係原條咁上，超抵呀！魚肉好滑，唔會煮得太熟，而且吸晒啲辣味，好惹味好正！😋魚片頭 $32，餃子拼盤 $32，五丸拼盤 $68同埋爆汁牛丸 $36呢啲都係晚市雞煲烤魚先有既配料，全部配料放落麻辣湯食都好正，好入味！😍醉香雞中翼 $68，沙薑粒粒牛脷 $68同埋艷影蝦球 $98呢啲都係晚市先會有既小食，醉雞翼好香酒味，超級入味，雞肉又嫩，牛脷粒就好好咬口，沙薑味好重，好好食！而最特別既蝦球原來係炸蝦球，粒粒蝦球炸到金黃香脆，點埋啲汁黎食好正好好味呀！

今次黎到九龍灣呢間四喜冰室，大大間冰室座位幾闊落，今日食lunch經過就入去試下😌我地叫佐兩個飯，首先有😍秘製蔥油雞扒炒蛋飯 $52，呢個係全日menu黎，大大塊既雞扒煎到好香，雞皮都有少脆，而醃過既雞扒好好味，肉汁又多，炒蛋更加正🤤半熟既炒蛋撈埋飯一齊食真係好好食呀，再加上香蔥豉油，成碟飯消晒無難度！另外我地就試佐🐷鹹蛋肉餅籠仔蒸飯 $58，呢個係lunch先有，太岩啦！啲飯本身已經係蛋炒飯底，有味又粒粒分明，而用籠仔蒸既鹹蛋肉餅好香，肉餅又唔會太實，好好食呀！飲品方面就叫佐一枝四季春$24，一枝白桃烏龍茶$24，兩枝都好濃茶味，好香！

今次黎到九龍灣呢間四喜冰室，裝修係80年代既香港風，食物都好有特色。我地今次就先試佐鮮茄焗厚切豬扒飯 $58🐽🍅呢個係全日menu，一上枱已經聞到好香，焗飯鋪滿芝士，豬扒超大塊，煎香既豬扒口感好好，又有肉汁，而啲飯係炒飯底，本身已經好香，加埋鮮茄同芝士一齊食，十級好味！另一個全日menu就係蕃茄濃湯紫菜豆腐烏冬 $58🍜呢個岩晒食素既朋友，上枱就聞到好濃蕃茄味，紫菜又好多，仲有其他椰菜絲同紅蘿蔔絲，好爽脆，而滑捋捋既豆腐都好香豆味，烏冬彈牙煙韌，飲住果湯黎食超正，好健康！😝我地再叫佐一罐可樂同埋一枝維他奶黎飲，配住解渴岩晒！

今日同幾位以前係九龍灣做野既舊同事食飯，大軟家就簡佐呢間四喜冰室。呢個唔會坐得好辛苦，店員又唔會趕客走，好舒服，岩晒想傾陣計既我地👍🏻蕃茄濃湯紫菜豆腐烏冬 $58🍜呢個係全日menu黎，濃濃既蕃茄湯好健康，飲得出係蕃茄鮮製，紫菜又多，加埋其他菜絲，仲有軟滑既豆腐，好清新，烏冬又有咬口，好正！鹹蛋肉餅籠仔蒸飯 $58🐽🍚呢個係午餐先有。飯係蛋炒飯底，好香蛋味又粒粒分明，用籠仔蒸既鹹蛋肉餅蒸得岩岩熟，食果陣仲有啲肉汁，配埋鹹蛋送飯一流呀！秘製蔥油雞扒炒蛋飯 $52🐥🥚🍚呢個係全日供應既，雞扒好大塊，醃到好香，脆卜卜既雞皮，咬落口感好好，超好食，炒蛋係半熟既，撈埋飯同香蔥豉油一齊食，絕對係人間美食呀！🤤芝士牛肉菠蘿包漢堡 $38 🍔🍟呢個都係全日供應，包皮係用菠蘿包，唔係普通漢堡包，所以特別酥脆，芝士牛肉超香，牛肉好多肉汁，好juicy，夾埋生菜蕃茄食口感好好，薯條都好香脆，不得了呀！🤩😚

一早起身同老公一齊返工，去到公司附近餐廳度食早餐，最快既當然係要揀冰室啦！四喜冰室係不二之選👍🏻佢地早餐時間都會比較多人，同埋都出餐快，人來人往得好快！我就叫左個卡邦尼意粉+ 火腿煎蛋、牛油方包，飲野就四季春，間冰室既全日餐又多左選擇，但飲品個度可以再多啲🤭意粉個度汁濃味，好正！老公就叫左常餐黎食，沙嗲牛肉公仔麵、牛乳炒滑蛋、牛油方包，飲既係百香果青檸紅茶，老公平時都係例叫呢個餐👍🏻唔洗諗咁多地方夠大，價錢合理👍🏻職員好快手，送餐速度快，趕時間食早餐既都好岩去🤣

話說同個閨蜜討論同另一個閨蜜，打算神秘慶生，我地就上網見到間食雞煲之餘仲有好大地方慶生同可以買定蛋糕幫手放去雪❤️間餐廳叫四喜冰室，佢仲可以用what’s app book台同埋預訂海鮮😍好方便呀！由於得我地三條女🤣麻辣雞煲叫左半份都好夠我地食，食完仲有其他配料就當打邊邊🤘🏻 花雕梭子蟹呢個就要預定左先，尚品豚肉片、五丸拼盤、爆汁牛丸、響鈴卷呢啲就可以即時叫👍🏻豚肉好抵食，夠晒大碟，其他遠慮都係手打，所以都好爽口，響鈴卷都係即炸即卷，性價比比較高👍🏻然後我哋額外再叫沙薑粒粒牛脷嚟試吓食，呢個牛脷反而有驚喜，汁嘅配搭同口感好夾，另外再叫店員幫我哋想蛋糕，呢餐好豐富好開心🤭亦都比到驚喜閨蜜❤️好多謝職員幫我地收埋個蛋糕同切餅，唔該晒🙏🏻

同朋友帶埋大家既bb出黎聚一聚，去完bb展掃完貨，就經過附近既餐廳睇下有咩食，見到有間四喜冰室，睇落好似好多年歷史，但原來係佢地既特色之一，都會吸引到好多人黎食，重點係多選擇👍🏻我同朋友都係點左全日Menu，秘製蔥油雞扒炒蛋飯+冰室鮮茄牛肉燴意粉，兩份都好岩比bb食，bb仲好快食晒🤭而飲品叫左高山翠綠同四季春，佢地都係用樽裝好方便拎走，作為師奶們覺得呢一類冰室好方便我地傾計吹水！價錢方面又好抵食，係平民價錢黎，好岩我地食野吹水，職員都有同我地講晚市有雞煲火鍋同烤魚，晚餐又多啲選擇👍🏻

男朋友經常都會要我諗下夜晚個餐食咩好，今次加埋佢同事黎就唔洗我諗🤭由佢同事揸主意，預先提我地喺九龍灣地鐵站等，然後一齊過去，佢同事提及大部份海鮮都要電話預定左先至有，我話咩餐廳咁特別，原來係叫四喜冰室🤔我男朋友話難得一齊食雞煲就食好少少🤭一去到就已經好快可以入座，原先book枱時已叫咗預訂一份麻辣雞煲全份，海鮮類原來喺Menu上面係冇，叫咗蟶子皇、鮑魚、花雕梭子蟹，原來呢啲都係時價價錢🤔蟶子王仲會幫你開咗一半，鮑魚會幫你解開變位，但仲係好新鮮，花雕梭子蟹佢嘅花雕浸入蟹身入邊，酒香好濃郁🤤然後我哋額外叫魚片頭，響鈴卷，四喜極品牛，食完雞煲當然要叫牛肉片當打邊爐咁食啦，響鈴卷同魚片頭呢兩樣佢哋都係即叫即整，而牛肉片佢哋會切得有返咁上下厚度👍🏻👍🏻三個人既份量已經好足夠，好飽了

廚師話係用秘制香料炒過既雞煲，同出面唔同，果然一試難忘，堅好味牛頸脊超好食！$128 好多片！菜籃大大個，唔次一次，成日都覺得餐廳既菜靚啲已推薦朋友去，成班人聚會岩哂！仲叫左小食墨魚咀，重磅份量，一班人食岩哂

同爸爸行開九龍灣，去完買野就去搵食，途經一間叫四喜既冰室，好懷舊既感覺，爸爸話想入去試下，我就同佢一齊入去，佢入邊Menu好多食物揀👍🏻位置又多，唔會好逼既感覺我就比較細食，揀左芝士牛肉菠蘿包漢堡， 佢地係用菠蘿包，唔係普通漢堡包，非常特別，口感好正好有驚喜，再加上可樂就一絕啦🤤爸爸就揀左鹹蛋肉餅籠仔蒸飯，話要有飯氣，食要食飽肚感，老人家會揀呢種，同埋佢用蒸籠比較特別👍🏻價錢非常合理同抵食，非常值得再去多次，比起其他餐廳多好多選擇👍🏻👍🏻