喜聚燒 (Closed)

我和朋友喜愛食串燒，今次打算到尖沙咀一帶覓食，享受美食佳餚的情趣，上網看見「喜聚燒」食材新鮮，受顧客喜愛，一個談天說地的好地方。地點設於寶勒巷，餐廳開揚，環境舒適，氣氛自在輕鬆，歡聚閒談的聚腳地。浮世繪風格牆面，裝飾設計優雅，打卡影相好位置，充滿風情的藝術格調。蒜蓉燒廣島蠔而家做緊六周年優惠，每人會送一隻燒蠔，肥美的燒蠔，入面有蒜蓉同蒽花粒，讓人回味無窮。喜聚鑊仔麻辣雞 (半隻) 麻辣雞初級辣度，食落啖啖肉，雞脂肪少，雞件鮮嫰爽滑，蠟燭助熱，入口更好味，仲有配菜，洋蔥，紅辣椒仔及芹菜等，增加口感，齒頰留香。燒脆皮香腸及燒雞肉串脆皮香腸咬落脆卜卜，香脆有彈性，非常爽口，雞肉串鮮嫩美味，口感很好，仍然保留了誘人的味道，正合我的口味，水準幾好。燒茄子茄子上面好多蒜蓉，細滑芳香，彈牙豐盈，帶出清新的感覺，不能抗拒它的誘惑。燒玉桂焦糖金菠蘿烤到焦香的外層，食出玉桂花香，菠蘿甜美，十分香滑，香氣四溢，味道可口。喜聚燒（尖沙咀）地址：尖沙咀寶勒巷10號10 Prat 8樓

🐷又掛住雞煲，而我又好想食烤物，🐷竟然又搵到間正野，有日本風但食雞煲同烤物，仲可以飲返兩本日本風的畫有4 幅，全人手畫👍✨️鑊仔麻辣雞勁正既雞煲，平時用火爐同煲，好快令雞太熟變鞋，但呢度用蠟燭慢慢興住，又唔會拎雞變鞋，保持雞肉鮮嫩，再加上配料惹味，麻辣度岩好，唔會傷到喉嚨✨️燒生蠔剛做週年慶典，有幸餐廳送一人一隻生蠔，生蠔脹卜卜，鮮味十足✨️麒麟果味生啤桃味生啤，唔苦，好岩女仔飲✨️燒蟶子皇➕️燒貴妃蚌兩者仍保留鮮味度，而且不會烤到十分乾身✨️泰色燒原隻魷魚一定要點個泰色醬，泰國廚師精心研製，點海鮮鮮味十足，魷魚鮮甜度大增✨️麻辣大腸配上花椒麻椒干炒，味道麻辣香濃，所有配料洋蔥和酸菜也很入味，另也是用上蠟燭去保持溫暖度✨️燒賣：沙嗲沙嗲醬味濃燒賣外脆皮✨️黑啤牛仔骨牛仔骨够厚切，但十分淋✨️燒棉花糖絕對是今晚甜品，法包帶點甜，棉花糖做到拉絲的感覺慶祝店舖6週年，餐廳推廣$88日本廣島生蠔，詳情可以再訂位時候問😆我找到兩幅人手繪畫，另兩幅靠食客再打卡

星期六去咗尖沙咀行街，搵到呢間好多好評嘅雞煲串燒店食晚飯。我哋6點幾咁早上到去已經有幾枱客人，似乎都唔錯😌喜聚鑊仔麻辣雞 （半隻）$198我哋本來想試麻辣烏雞，但係可惜賣晒，就食返白雞。麻辣雞用鑊仔上，有蠟燭喺下面溫住，食到尾都仲好似有啲溫度，唔會凍晒結晒膏。雞嘅份量足，我哋叫咗半隻，兩個人食啱啱好。雞肉香嫩惹味，尤其是係雞髀位置，好正😋麻辣到適中，食得好過癮👍🏻蒜蓉燒廣島蠔 $78/隻呢個係餐廳六周年送嘅，蠔肉肥美，脹卜卜，用蒜蓉燒正到冇得彈😋燒貴妃蚌 $68/隻貴妃蚌新鮮，爽口鮮甜，用蒜蓉燒咁惹味都掩蓋唔到佢嘅海鮮味👍🏻日本霜降和牛串$59和牛油脂豐富，燒得肥美甘香，肉質鬆軟，充滿肉汁😍明太子釀雞翼 $49一份有兩隻，釀得好飽滿，雞皮嘅油香燒到充分發揮出嚟，配上鹹香明太子同埋甜甜嘅燒汁好食😋，如果雞皮再脆啲仲正😝燒芝士響鈴 $24呢個要趁熱食，響鈴酥脆，裏面捲着嘅芝士鹹香鹹香，熱溶嘅狀態令人無法抗拒，邪惡代表😋焗墨西哥黑松露芝士薄餅 $48雖然黑松露就唔係幾食到，但係有啲酸辣椒好醒胃同埋裏面有綿綿奶香芝士，加上焗得一啲都唔油膩嘅薄餅夾住，幾好食😋

好耐都冇食過串燒啦！聽好多人講呢間串燒好多嘢食，質素都相當唔錯，今晚一於去試試佢先！餐廳環境唔錯，乾淨企理，好有日式串燒店嘅感覺！座位都闊落，坐得舒服，可以慢慢食👍🏻 食物選擇真係好多，除咗一般嘅串燒，仲有好多刁鑽嘅部位，而且仲有雞煲食，夠晒豐富😍 而家like埋佢個社交平台，仲送每人一隻燒蠔😆今餐我豬牛雞海鮮，樣樣都有叫啲試吓，款款質素都好高！最抵讚嘅位係，佢每台都有塊鐵板，串燒燒完之後放喺鐵板上面保溫，咁就慢慢食都唔使驚凍晒啦👍🏻👍🏻👍🏻 我自己特別鍾意佢個原隻燒大大隻扇貝，超大超足料，加上大量蒜蓉同粉絲，超級惹味，必叫之選👍🏻👍🏻其他肉類都好出色，雞軟骨, 牛舌, 多春魚等等都非常高質，食到停唔到口！仲有佢個招牌麻辣雞煲，啲雞又滑又入味，正🤣食咁多嘢，非常滿足，下次同朋友嚟再食過！

放假過來尖沙咀吃燒烤，享受美食，特別喜歡大大的落地窗，配上別緻的裝修和音樂🎶，好像去了旅行。香港都有很多好吃好玩放鬆的地方，只要善於發現。每次來都會點喜聚麻辣滋補鮮烏雞，貨真價實的烏雞，連骨頭都是烏黑的。味道特別鮮美，配上味辣的調味，簡直就是美味。 海鮮有生蠔和帶子，超級鮮美，生蠔烤過之後，肉質細膩入味，一口一個，喜歡喝酒的朋友就是美好的小菜。最近6周年店慶，有優惠哦喜聚燒尖沙咀寶勒巷10號10 Prat 8樓

三月份生日第五擊幾忙都好 朋友要見一見聚下傾下計，就search 咗 搵到呢個尖沙咀寳勒巷新開嘅樓上串燒店店內佈置充滿日本風情 帶埋隻公仔去打咭都唔錯喜聚燒麻辣滋補烏雞$198女仕食烏雞補一補☺️烏雞比較平日嘅雞脂肪少啲 加埋蟲草花 夠滋補養生有秘製麻辣汁去煮香辣中帶少少甜 雞件都幾滑同埋有鐵板 加小蠟燭 keep住熱度燒珍寶大扇貝$78大扇貝好新鮮肉質鮮甜重有最愛嘅蒜蓉粉絲夠香夠惹味叫左幾款串燒台灣腸燒賣雞肶菇燒得香口之餘重帶少少甜甜地可以為店既秘製煮法😋重有鐵板keep 熱👍🏻燒茄子🍆去串燒店必嗌食品茄子面上滿滿蒜蓉而且又唔會太油香口糯軟玉桂焦糖燒金菠蘿焦糖响外面食落香脆又甜加埋本身菠蘿香甜 食完一件想食多一件有調味粉可以自己加 好貼心飲品 巨峰提子梳打 好甜嘅提子味都幾fresh 我就飲經常飲嘅 zero coke配串燒 夠解渴 #喜聚燒#尖沙咀美食#串燒#烏鷄#蟲草花#hkfood #hkfoodig #hkfoodsnap #hkfoodie#hkfoodblogger # hkfoodlover#hkfoodpic

一心唸住食串燒原來li間餐廳嘅小菜都好有驚喜🤤. 原本唸住飲杯野, 早d坐低慢慢食串燒n海鮮, 睇到menu有幾款招牌菜都好吸引啱哂我地三個人happy sharing, order li個鑊仔麻辣雞啦.🥢喜聚鑊仔麻辣雞店家嘅自創小菜黎講真心有特色, 以麻辣香鍋嘅方法整嘅雞肉好有四川味. 首先我會連皮食因為雞皮唔油膩而索滿麻香辣味. 雞肉新鮮又嫩滑, 辣度黎講都係大眾friendly嘅辣度, 好有風味呢! 仲要食埋啲紫洋蔥因為都超入味呀.🔥蒜蓉燒廣島生蠔🦪好肥嘅燒蠔呢! 係好豐富嘅蒜蓉蓋滿隻蠔黎燒, 啖啖肉.🔥店家嘅串燒好有創意, 平時打邊爐嘅材料例如響鈴同麵筋都有串燒食, 即叫即燒熱辣辣. 👇🏻👇🏻👇🏻👇🏻👇🏻👇🏻👇🏻日式燒雞肝 - 粒粒雞肝都好大粒.燒芝士響鈴- 勁正!! 現炸響鈴入面包住流心熱辣辣嘅芝士, 真係要攤返一陣先食如果唔係實勁辣嘴🤭.沙嗲燒豬頸肉 - 肥美豬頸肉燒手切雞腎串 - 雞腎勁爽口入味, 推介！燒茄子 - 爆多蒜蓉好味.

來到一間日式串燒店， 又有串燒，又有烏雞食，其實都幾有特色。餐廳牆壁畫上浮世繪，感覺都似去左日本甘。喜聚麻辣滋補鮮烏雞，我們叫左半隻，烏雞份量對於兩個人而言剛剛好，好入味，麻辣帶有微甜，舌頭感受到醬汁的刺激，我都食到呢個辣度，仲有蟲草花，洋蔥提升到香味。食左甘耐周年優惠每位都有得食海鮮，貴妃蚌好鮮甜，廣島蠔都好飽滿，仲有滿滿蒜蓉，超香口。燒金菇肥牛卷 肥牛卷能包裹金菇，石板的熱力能保持到串燒的溫度。蒜蓉牛油金菇 金菇一整梳，牛油香濃，蒜蓉充夠，拌勻食去除草腥味。燒肉桂焦糖金菠蘿 菠蘿外層金黃色微焦的薄脆焦糖，菠蘿熱熱地，酸甜多汁，肉桂粉增添果香。稻庭烏冬豬骨湯配溫泉蛋 豬骨湯濃郁，拌以海帶，粟米，喜歡稻庭烏冬既爽滑，溫泉蛋是流心既，呢個主食很飽足。

系尖沙咀食街區寶勒巷既樓上舖位置都幾便利裝修十分日式居酒屋feel依到主打既麻辣滋補鮮烏雞不過唔系雞煲黎，系一款菜式重會熱住鐵碟上當然烏雞並唔系大大只啖啖肉個啲佢肉量雖小，但味道好夠因為細細只，所以好入味，十分香辣串燒方面就會燒熱厚鐵板上首先系週年送既燒生蠔唔好以為送就求奇，好大只嫁海鮮既重叫左大扇貝都系好大只之餘，肉汁都保留到，唔會乾之後牛舌，超厚身，又勁彈牙韭菜，夠味得黎水份都好多面根，外小脆內軟魚肚，依個幾特別，啲醬汁系甜甜地叫埋啤酒慢慢坐

喜聚燒@尖沙咀呢排想食雞煲嘅雞，但又唔想打邊爐（前排打得太多⋯⋯），留意到呢間喜聚燒有得嗌麻辣雞小菜，就來試一試。半隻喜聚麻辣雞 都只係需要$198，因為係小菜咁煮，D汁好濃郁，麻辣味十足，好食好食。另外再嗌了些燒海鮮：燒蟶子 $78 一隻；燒貴妃蚌 $68一隻；燒珍寶大扇貝 $78一隻。每一款海鮮都燒得夠乾身，鮮味十足；而且有滿滿嘅蒜蓉在表面，配合埋D汁，每啖都是香香的燒海鮮風味。海鮮夠新鮮，餐廳做緊六週年Promo送了兩隻燒蠔，不得了，都是燒得非常惹味，大愛。 仲有燒烤不得不吃的燒孜然茄子$29，有四條，全條都食得！不會太油膩，燒得很軟熟，很正。最後來了一個燒棉花糖多士甜品，$38，是真的像BBQ時的燒棉花糖，外脆內軟，做到拉絲效果，加上士多啤梨味的醬，和香脆的多士，很喜歡這個甜品！$38有三舊，性價比高，差點就再嗌多一個Encore，真的太好吃了。推薦這家燒烤餐廳，很誠意，食物高質，Like！

📍尖沙咀 喜聚燒📍位於10 Prat 八樓的喜聚燒，係食串燒聞名😀😀！呢次同朋友特登去食，享受下串烤美味😋😋！👍🏻喜聚麻辣雞（半隻）$198原來大廚之前喺高級酒店做過，煮嘅嘢食都好好食！鐘意呢個小菜，夠香夠麻，非常惹味。份量都好夠，充料，雞肉啖啖肉，肉質唔會老，高質的。最正係佢嘅麻，真係做到麻辣，唔會得個死辣味。推薦，係用心之作呢！👍🏻海鹽燒皇牌牛舌 $49👍🏻燒豬頸肉 $28👍🏻燒手切雞腎串 $28👍🏻燒娃娃菜 $24好有心嘅用熱嘅鐵板上，令到啲串燒唔會凍咗！大讚！牛我舌係厚燒的，燒得超好，爽脆口味一流，又有牛味。豬頸肉又係燒得好入味😋😋，正！雞腎爽脆好食，唔會韌！加上佢Keep到熱，係好正好正嘅串燒呢😍😍！👍🏻燒玉桂焦糖菠蘿$38勁有心思切到個菠蘿好靚，有賣相，都有味道。表面燒咗一層焦糖，提升咗菠蘿嘅甜香，之前都無試過咁食！推介！👍🏻飲品：雪耳雪梨 $38

行街行到攰攰地，見到間又有麻辣野食又有串燒，就入去坐低啦，咁岩舖頭搞緊週年紀念活動，送每人一隻蒜蓉燒廣島蠔，優惠期到 12/3咋。✨蒜蓉燒廣島蠔 （週年紀念活動送） 超多蒜蓉加上少許蒽花粒，然後有驚喜地，超肥美的燒蠔，真係無諗過燒都可以咁肥美咁鮮甜。✨喜聚鑊仔麻辣雞 (半隻) $198雞肉好嫩滑，麻辣程度為初級（我個人覺得），岩晒唔太食得辣既女朋友，裡面還有很多配菜，例如洋蔥很鮮甜，紅辣椒仔，芹菜。✨燒蟶子皇（蒜蓉）$78蒜蓉鋪面既大大隻蟶子皇，入口即感受到鮮甜爽口，都幾新鮮。✨海鹽燒皇牌牛舌 $49咬落爽口，加上海鹽融合一起更加帶出牛舌的味道。✨日本霜降和牛串 $59用以牛油燒，帶出很濃郁的牛香味道，肉質不但不韌而且入口即溶。✨鹽燒穀飼三層肉 $39沒諗過穀飼豬肉都可以咁Juicy，放入口可以邊咬邊感受到肉汁的溢出，食完有些少罪惡感。✨芝士焗意大利大磨菇 $49一向都覺得芝士配上大磨菇都係絕配，這道也不例外，溶左既芝士咬落去仲可以拉到絲，意大利大磨菇比平時食的更香濃。

今日來到尖沙咀寶勒巷食串燒，呢間鋪本身o係1樓開左好耐，客人多到做唔切開埋8樓鋪，今日就睇下係咪傳聞中咁好食，鋪頭裝修主打日式居酒屋，有唔同清酒、啤酒可以叫，我地今日三個人叫左個雞煲，同唔同既串燒同海鮮。鑊仔麻辣雞煲香辣味好惹味，份量都幾多， 蔬菜配料都好好食燒生蠔蠔身幾大隻，蠔味重，生熟蒜 配上辣味配料，又幾夾粟米都幾受歡迎，我地叫左兩轉，不會燒得太乾串燒用燒熱既石版上菜，慢慢食都唔會凍冰冰，雞軟骨調味唔錯，牛肩胛肉質軟腍，仲有唔同既 蔬菜喜歡食串燒飲啤酒可以來呢度試下尖沙咀寶勒巷10號8樓喜聚燒

The Japanese skewer restaurant located in Tsim Sha Tsui brings the essence of Japan 🇯🇵 into the restaurant, creating a relaxed and peaceful atmosphere for customers. The walls are decorated with Ukiyo-e style paintings and different stickers 🏯 are placed randomly to add more beauty.Recommended dishes include:- Nourishing Spicy & Numbing Silky Fowl 🕯️🐔: spicy and juicy, the fowl is even more delicious with the help of the candle 🕯️ for heating.- Spicy & Numbing Platter in 4 🍲: spicy and flavorful,

————————————————————————喜聚燒 地址：尖沙咀寶勒巷10號10 Prat 8樓位於尖沙咀日本風格🇯🇵的串燒餐廳，提供獨特的自創菜肴以及令人回味的麻辣滋補鮮烏雞。以浮世繪風格裝飾牆面，不同的貼紙🏯錯落有致地添加更多美感，散發出一種悠閒與安靜的氣氛😌朋友相聚在一起的好去處🟠推薦食物 Recommended 🔹喜聚鑊仔麻辣雞🕯️🐔($198/半隻) ：🔥這款自創小菜麻辣雞味道香辣，肉質多汁，還有蠟燭助熱，更加美味，氛圍感滿滿🔸麻辣四姊妹🍲($88) ：🌟味道香辣，蓮藕，淮山，萵筍，雲耳等蔬菜都搭配得很好，讓人回味無窮，也有小蠟燭🕯️keep warm🔹海鮮：蒜蓉燒廣島生蠔🦪($78/3,週年優惠每位客人免費贈送😍)加上燒珍寶大扇貝($78)，整體搭配不錯🔸燒玉桂焦糖金菠蘿🍍 ($38):必點，烤到焦香的糖衣搭配著金黃色的鳳梨，而加入的玉桂花香氣更讓整道甜品層次分明，錯開擺放的菠蘿讓整道菜看起來更有質感🍍😋🔹燒啤牛仔骨🥩($69)：特厚的牛仔骨烤得酥脆，帶有較多的牛仔骨筋，啤酒香氣更濃厚，一口咬下，香氣四溢，令人食指大動🤤🔸燒豬頸肉🐖 ($28)：有沙嗲和BBQ兩種味道可以選