香港賽馬會美食廣場

Open Now

Now Closed

跟着一位親戚嚟食好嘢山光道嘅賽馬會food Court 選擇又多價錢又合理，真係每次都唔會失望。朝早嚟到，小朋友先玩戶外嘅遊樂場，大人喺11點半嘅時候就排隊拎位，週末嘅人流比較多。曾經試過等45分鐘一個鐘都未有位。好順利等咗15分鐘就有位啦可能時間比較早嚟到馬會就梗係食牛扒啦，我揀薄切，呢個價錢食到酒店級數，牛扒真係好嫩，牛肉味重，配肉汁真係完美，可以選薯條或者蔬菜。另外點咗一個炒飯俾兩個小朋友分嚟食，炒飯鑊氣夠，材料亦都非常豐富。點左雪糕做甜品，完美的星期日中午

馬會Food Court，以往可自由就座，但早幾年開始新政策，周末時間要由職員安排座位，大概因為太多會員了。這裡有中西印度日式菜，遇上季節日子，會有時節煲仔飯，若果想清簡一些，可以砌一個大沙律，有很多不同配搭，蓮藕、青瓜、提子乾、西堇菜、粟米粒、蕎頭、紅菜頭⋯⋯之前試過薄切牛扒，唔多夠喉之外，比對一件約300g的厚切牛扒，約二百多元，何不要一件厚切呢？配菜薯仔小蕃茄加粟米，主菜厚切牛扒，肉質很軟嫩，肉汁也很牛，不過本身不好肥，略嫌送上太多肥膏。朋友喜歡吃薄餅，配搭有三文魚、小蝦及蘑菇。薄餅不厚，很鬆脆，三文魚香口，配上蘑菇很淸不肥膩，一開八件，吃完厚扒又將一件薄餅放到肚裡。

上次同屋企人來食過豬扒包下午茶，個餐有豬扒飽、有件cake仲有杯咖啡，＄100都唔使，真係好味又抵食，今日屋企再相約食多轉，當然YES啦！不過，人算不如天算，轉左Menu。。。選擇冇上次咁吸引, 最後揀咗burger set。呢個pork burger賣相吸引，成set好大地堆頭，見到隔離枱好多人叫，一於跟風！當然羊群效應唔一定有保障， 味道真心麻麻地。因為非黑毛豬關係，只可以做到全熟。塊扒咬落好鬼乾，冇乜肉汁，認真敗筆。咖啡就唔錯，仲可以有杯refill添。呢度服務梗係好啦，waiter／waitress 殷勤熱心，但食物質素就時好時壞好唔穩定。收咁貴會費，馬會真係要認真檢討下。

我原本以為得好少野食！ 應該多數人唔似得我顧住食，所以應該野食唔多花款。但原來， 有好多花款。冷盤除咗沙律菜，仲有巴馬臣火腿，芒果大蝦沙律。隻蝦真係好大😍而且口感好好，雖然唔係新鮮蝦下係雪藏蝦，不過都好好味。唔知道係唔係因為係呢個環境下食呢道菜所以覺得好好味。另外熱盤都有忌廉湯，麵包，芝士意粉仲有即切牛扒。相信呢啲都加晒分。食自助餐唔少得嘅就係甜品，完全冇諗過咁細個拎嘢食嘅area 可以容納到好多甜品， 連雪櫃都好可以， 有哈根達斯雪糕。

近来非常忙，随便在赛马会的food plaza 找东西吃吧。很久没来，价钱加了不少，算了吧。点了牛排，咖喱饭，沙拉......味道正常，算标准水平吧。数来数去，还是印度菜 set dinner 最value for money. $120包饭，面包，咖喱牛肉与奶茶，讚。

原來一年的時間可以過得很快，這個月收到馬會的月刋得知，跑馬地美食廣場又再請來日藉客廚獻技，不知道為何對鹿兒島情有獨鍾，今年蒞臨的兩位名廚：黑豚 Mikaku 亭的Chef Katsuyoshi Mitsuzono 滿園克義 及 五郎家的 Chef Kensuke Takeda 竹田健介，與去年一樣來自九州鹿兒島，不同之處，是擅長之美食。據說最可令鹿兒島市內居民心靈滿足的美食，就是品嚐炸豬排及拉麵，聽來亦合我意。兩位師傅亦大有來頭，黑豚 Mikaku 亭有自家農場飼養黑毛豬，以鬆化無比的炸豬排馳名；而五郎家在今年二月的＂第二回鹿兒島拉麵王決定戰＂中，打敗市內700家拉麵店，被當地居民評為最喜歡的拉麵店冠軍。逗留日子有限，8月12-21日，只有短短10天，本來忙著，亦要抽空前往。周日中午一時來到，繁忙時段的美食廣場十分熱鬧，幸好是會所，人潮不過份，大家依然舒適，現在入座要取號等服務員安排，除非願坐在戶外、沒有冷氣的花園進餐，那就可以自行找桌椅。走到廣場，佈置如去年，以紅日國簱及刻上鹿兒島字樣的紅燈籠作標題，一看便知這期的特色。迎面即見到炸豬排食品，滿園克義殿，因為展示了吸引的便當範本，$1

週五晚約了好友聚餐，選址馬會跑馬地會所美食廣場。揀選這地點的原因，除了美食有一定質素外，更重要是彼鄰兒童遊樂區，可予同行細細開心放電的機會。會所有訪客車位，於食肆消費後基本上可免費泊車，甚為方便。美食廣場設於會所四樓，相比其他樓層的餐廳，感覺上悠閒很多。各式各樣的「食肆」分佈在廣場內，中式西式美式日式應有盡有。簡單由一碗粉麵，以至生蠔牛扒，任君選擇。與細周生行經「薄餅店」，他已二話不說選定是日晚餐。薄餅即叫即製，更可自選四款配料。這個沙樂美腸、火腿、菠蘿及雙層意大利芝士薄餅，出品香噴噴，雖然脆感不強，但有沙樂美腸確實香口，再加上筆者喜愛的菠蘿與芝士，不經意也吃了三件。薄餅是細周生至愛，他當然也不會錯過。魚仔年幼，薄餅實在不太適合，在中式美食店出現的粟米班塊飯正合她心意。雖然飯款定價百餘元，但班塊份量不算少，加上選材不是一般的青衣龍脷柳，魚味滑感皆勝一籌。筆者為兩隻細細準備了一杯芒果橙香蕉特飲，以鮮果即榨健康美味。筆者要了一杯港式奶茶，奶感重，質感滑，可口值推！甜品要了一球酸香清新的 Movenpick 熱情果芒果雪芭，奇怪的是兩隻細細均對盛載雪糕的脆筒更有興趣，結果是雪糕脆筒分開上，這

馬會既美食廣場環境算唔錯，地方寬敞之餘服務仲幾好，最適合同朋友一齊聚聚既時候去架啦~今日就同幾個朋友一齊去左食lunch。我就叫左個牛扒，分量非常多，而且煮得恰當，唔會太過老身，不過我略嫌個汁唔夠味，令到整到菜偏淡。 相比之下我比較中意呢款咖喱鷄，佢個naan新鮮焗起，而且咖喱唔太辣好香椰汁味，鷄肉算滑，再加上旁邊既醬汁好好味 朋友叫左魚生，我試左兩塊，個人比較中意三文魚，感覺比較新鮮，而且值得一贊的係我比較中意厚切刺身，食落去口感非常好 反而個豬手比我想象仲既好食好多呀！裏面既肉好嫩滑而且食得出佢烤香既味道完全穿透整個豬手，外面脆而裏面非常有咬口，再配埋香滑既薯蓉就最正啦！ 整體都算唔錯，而且分量都算多，下次會再去過~

本地餐廳為了增加人流及收入，不時皆會邀請客席廚師到訪，會所亦不例外，想不到，美食廣場亦追上潮流，請來日本鹿兒島的兩位大師; Hamazushi壽司店的大師Koichi Shirasaka, 拉麵館Goroya的竹山健介大師，即場獻技。馬會近年廣收會員，周末到跑馬地會所的美食廣場，竟然要取號輪候。亦可能是客席廚師駕臨的最後一天，其他會員如我們，把握機會趕上，果然有人龍，幸好我們只有二人，即時有位。主辦人對這次推廣頗用心，廣場內設有鹿兒島壽司吧專區，其實只是改裝了平時的壽司吧區，及掛上鹿兒島字樣的大紅燈籠外，竟有一位穿著和服的年輕女侍應在旁協助訂餐，専區櫃檯放上套餐餐單及用木牌刻上是日魚生作散點，盡量營造日本風味，看清楚，價錢不菲喔！當然，大師亦在場即時表演手藝。在美食廣場享用矜貴和吃，我覺得有些不匹配，上乘刺身壽司講求即製即造，做好的食品，以三分鐘內吃為最佳，在這兒，我們得要自助把食品拿到收銀處，然後到自己座位，跟著相機先吃！我們亦一時忘記，一次過點選壽司烏冬及拉麵，吃不及時，錯過最佳狀態！但既來了，不可能不試最好的，鹿兒島和牛及拖羅壽司各2件，一客鹿兒島炸魚餅烏冬。亦走到另一位大師，五

早上辦完一點事情，之後親戚就帶我們來到這裡午膳，地方都幾大，有室內有室外，亦都好多款式食物選擇，行左幾個圈，決定食漢堡包落單之前以為好細個，點知咁大個，落足料，有煙肉、煎蛋、蕃茄、青瓜，熱辣辣，好好味，不過伴碟既菜就有d苦，薯條都炸得好好味沙律有大有細，自助形式，可慢慢堆砌

屋企大廈暫停食水供應，週末午餐只好與家人外出用膳。其實原本準備喺跑馬地食粥，無奈到處都冇車位，最後只好上咗山光道，車位充裕o既馬會。泊好車都已經成兩點，為節省輪候座位及等候食物時間，媽咪就提議上四樓有「大牌檔」之稱o既food court，因該處菜式種類多，大部份食品更為即叫即煮，大小雙肥當然係聽隨家中女皇意願啦 ！會所四樓以美食廣場為主，一出升降機門已經有棵聖誕樹迎接會員，四周亦佈置滿色彩繽紛o既飾物，聖誕節氣氛濃厚。直入大堂先為咖啡閣及室內泳池旁之散座，係全層最夠冷氣o既區域 。側旁有個售賣朱古力及節日禮品o既專櫃。右轉即達美食廣場中央，貌似八卦陣o既開放式廚房。圍繞廚房外側o既櫃檯頂部都設有一個螢光幕，列出該處所提供o既食品詳述；中間則為日式料理、甜品、酒品等之檔位。餐廳以food court形式經營，收銀處設於廚房另外一端，食客於進食前必先清數。因馬會會員可帶同非會員進場，故為方便結數，會員可於收銀處領取多張「付款卡」供客人自行購買食物，離場時才一拼簽單找數。收銀處直入為樓面超高之散座大堂，餐桌有圓有方，有大有小，人多人少都冇問題。如果想吸收新鮮空氣或者係一邊食飯一邊吸煙，

週一晚和好友聚餐，應邀到馬會會所的美食廣場用膳。雖說是美食廣場，環境氣氛顯然更見格調，用餐區悠閒寬敞。美食廣場彼鄰兒童遊樂區，更適合帶有小朋友的食客。廣場內設有多國美食，日式、西式、中式、美式、以至印度美食皆有，繞場一週，總能找到合心菜式。一行四人點了以下美食：美國肉眼扒，約六七成熟，300克一塊才約$200，其實幾實惠。肉眼扒肉色粉嫩，入口軟腍多汁，肉香撲鼻，甚有質素。白汁三文魚扒，肉質幾嫩，魚香則一般喇。海鮮炒飯炒得乾身香口，海鮮用料主要包括蝦及帶子份量亦足，食味不俗。印式羊肉炒飯，香料味濃而帶辣，特別惹味。羊肉羶味不強，不嗜羊的朋友亦說易入口。配上一塊蒜香印式薄餅，蒜香滋味，更有風味。鮮茄芝士薄餅，屬略清淡的款式，食味中規中矩，如餅底脆度能有所提升的話效果更佳。以一塊朱古力焦糖薄餅作結，即叫即製份外熱辣甜美。總括來說，馬會會所的美食廣場美食選擇多，選材食品皆有水準，作為悠閒落腳點是不錯選擇。

臘味煲仔飯可謂世上最邪惡食物之一，高脂高鹽高卡低纖仲有致癌物質，多吃絕對無益，但魔鬼的誘惑實在難以抗拒，每年秋冬總要食番幾煲先至心滿意足。本人今季第二煲臘味煲仔飯係託有馬會會所會籍友人鴻福喺跑馬地會所food court 食嘅。即叫即燒，打開更加難以置信，九十八蚊一大煲仲有一條臘腸，一條膶腸，兩舊臘肉，一舊臘鴨！臘腸不太肥，膶腸略帶酒香，臘肉臘鴨軟身唔硬。不過我覺得煲仔飯嚟講飯先係主角，瓦煲飯香混合臘味油香撲鼻而來，飯粒實身而不乾，飯焦燒得剛剛好，脆而不硬，加埋豉油之後簡直一流！如此美味偶然一次無妨啦！另外叫咗三文魚，魚油豐富而不腥，皮脆肉嫩，配菜豐富，都只係一四八！有幾層木糠同布甸交雜，絕非坊間係咁意滲少少木糠喺面貨色！蜜瓜木瓜奶亦係即叫即打，真材實料！Food court 都有咁嘅水準而價錢相對唔貴，應該係賺咗你會費後嘅優惠吧！

地方一貫咁干淨，服務永不失望。Salad Bar, 選擇有3m咁長既 salad table.Hamburger, 叫rare 得 rare。雞球煲仔飯。係戶外天寒地凍，幾個人幫你煮。唔食得都睇得，何況咁好食。

早前親友邀請我們來到這裡吃個便飯，馬會果然是馬會，food court都比其他的好很多。我們一行六人，每個份量都很大，吃完即刻重了幾磅!這個是和牛burger，份量十足，和牛不愧是和牛，特別香口嫩滑，賣相非常ok，而且薯條炸得很好，很脆，加上是粗薯條，是我的最愛。咖哩羊膝，這個超好味wor!!!羊膝肉質很嫩，而且沒有羶味，香濃的咖哩濃，配了那個脆脆的薄餅，還有一碗香飯，這是一個不錯的選擇。這個就普通的炒粉，不是我的喜好，試了一口，味道ok!咖哩菠菜芝士，真材實料，有很多粒粒芝士，用黎配飯真的一流，我另外加了一份薄餅，好好味呢!再share多個pizza，這個pizza很棒!超夠cheese，味道也很好，餅底又薄又脆，值得一試!這個是燒牛，比想像中好很多，可惜比較生，所以後來叫廚師們再煎一煎吧!份量十足，大大的啖的肉放入口，實在太正!!最後食了一個movenpick的雪糕為此餐劃上完美的句號。這個雪糕超抵食，四五十元有兩個球，size是supersize!!非食不可!!而且還有好幾種味道的選擇，又有得試食，試完先買，一定岩口味!