埠 (Closed)

今日嚟呢度食晏晝，門面的確係好隱蔽，就咁睇你唔會知道呢度有一間日本餐廳，不過真是一個舒適的好地方，店員姐姐哥哥都好有禮貌。我揀咗食烏冬，因為被餐牌上的「雪場蟹烏冬」吸引咗，不過諗諗吓，來到呢度主要食串燒，下次都係食串燒好啲。胡麻蕃茄，好味😋 呢個串燒係朋友仔揀的呢個飯都幾別緻，份量剛剛好。雪場蟹係幾好味嘅，不過呢個價錢～ 如果多少少其他材料會好啲。一人一粒甜品整體來講係OK嘅，亦覺得呢度好舒服，食物質素都係好的。雖然價錢唔算好抵， 但係有禮嘅服務同埋舒服嘅環境令到我會加返分，真係感受到佢哋嘅誠意，下次要來食串燒！希望唔好令我失望呀。加油💪🏼

閨蜜想吃好吃的日本串燒，所以事隔三年，我再次來到這間串燒店，和上次5月時分不同，因為昨天天氣還不是太熱，我們真的能夠坐在露台，好好的欣賞一下香港的百萬美景。雖然朋友想試水果酒，但最後我們還是先試了🍶 好可愛的酒壺和酒杯，讓我們還未喝心情已經高漲起來💕這酒並不算甜味最重的，入口的一刻有一丁點的辛口，但之後很易入口三年後的再次到來，多了很多菜式。我們也真的很不客氣的吃了不少。前菜：沙甸魚薄脆🐟、雞泡魚干漬物：螢光魷魚🦑串燒：五花腩🐷、牛舌🐮、紫蘇脆皮蝦🍤、月見免治雞肉棒🥚🐔、手羽、雞軟骨、雞腎🐓、山芋、小青椒🫑燒物：芝士年糕、松葉蟹🦀飯糰🍙甜品：梅酒啫喱閨蜜說能找到一個可以跟你一吃還能一起享受吃的樂趣的吃伴是一件十分幸福的事，萬分同意！所以即使吃到飯局的最後因為太大雨，沒辦法只能搬回室內，但整餐晚飯還是令人十分滿意及滿足。

話說上次嚟食既時候已經訂定今次既對海位置. 帶住愉快既心情嚟享受我既周末午餐雖然間鋪唔大. 而對海既位置亦唔算闊落. 但係呢個疫情灰灰既日子. 已經算係好好既get away.  由於間鋪同小輪碼頭相連.  所以不時會見到D唔好既小輪出現. 算係係呢間餐廳食野既一大特色. 但可能有時你要忍受濃濃既機油味囉. 不過都扺既由於上次嚟食過既串燒唔錯. 所以今日我地兩個都主攻串燒SET. 叫咗一個串燒定食同燒鳥丼.  基本上肉既串燒都無重複. 所以大家可以開心SHARE串燒都係樣樣出色. 好快就比我地掃哂.  而可能對住個海心情都好既關係,  差唔多食完個SET又心絲絲咁再ORDER佢其他野.  個甲羅燒拼松葉蟹飯團唔錯. 燒得好香口.  結果兩個人食咗差唔多成千蚊出嚟. 雖然唔平. 但絶對好食,  重有得對住個海tim, 扺返啦. 一定會再返嚟食過

多次看見這店一直無法光顧，一次星期六中午12：00walk in話full哂(當時間鋪是得一張檯有客)；一次早兩日訂位想星期五晚光顧都係話full booking終於早一星期訂了星期二晚4位，終於有位啦啦啦(故事教導大家想光顧要預早訂位啦！)是晚是一頓生日飯，4個人點了非常多串燒（下面會介紹我推薦的串）以及：前菜沙甸魚海苔脆：擺設精緻，得意，夠脆又香。其中一人形容為似鹹魚味鍋烏冬：比想像中份量足，四人一人一碗，熱熱濕濕，對個胃來說襯串燒一流蟹肉飯團：一客兩份，比想像細件，但入面見到ok份量蟹肉，表面也脆脆地，有紫菜自行包起來吃。精緻。巨蜂梳打：不是我飲，無影相，但大杯的。海鮮湯：也不是我飲，但以1人份量大碗的。味噌湯：不是我飲，但熱辣辣香噴噴的，份量和一般味噌湯碗一樣。串燒：講明是主打，當然好味。用熱石爐暖住串燒，細心打卡又靚。如果一次上多幾條，唔好每件逐件上更佳本人非常欣賞白鱔、流心鵪鶉蛋、雞腎、雞肝也是燒得一流，新鮮香脆香滑。當然牛肉、豚肉、雞軟骨、蔬菜類等這些基本口味一定好食。可惜無哂廣島蠔，否則一定試。總括來說，地方精緻有海景，環境清優很有身處日本居酒屋感覺。服務細心，食物亦是

【絕無僅有一線海景💕西灣河超有情調日式串燒餐廳🧚🏻】最近發現西灣河海邊有超多好有特色既餐廳，假期專程走過黎依邊試下，千挑萬選之下揀咗依間chill到爆既日式串燒餐廳😍係正個海上面，早一日打黎book位留咗最外邊既枱❤️聽住海浪聲食飯，真係無邊間餐廳有咁既體驗，咩煩惱都一掃而空阿😆以為海邊餐廳實好貴❓依度既餐牌真係豐儉由人，想貴食既話一串A4和牛$178串都有，但係正常其他串燒都係$18-56左右😌由於朋友最近唔食得牛，牛個頁既餐牌另外放上黎比大家參考😂成晚叫咗十幾串串燒，上串燒時佢會放個熱石爐上面，確保串燒既溫度，超級貼心阿😎順帶一提，依度既服務質素超級好，侍應非常友善💁我地叫咗多春魚($24),白鱔($78),雞軟骨($22),大蔥雞肉($26),月見紫蘇免治雞肉棒($52),流心鵪鶉蛋($32),赤雞心($25),大蔥豚面頰($28),豚大腸($34),山芋($22),以上依啲都係一般般，不過不失(白鱔直程有少少失望)，大家如果唔係特別中意食都可以唔洗試🙈下面就推介一啲覺得比較特別既😀—《 #鞍鱇魚肝》$58 ⭐⭐⭐⭐️⭐️係好少有得食既鞍鱇魚肝😭以前去親千兩都要食，依加罷食藍店之後都好

之前行過西灣河碼頭見到有間日式串燒鋪幾靚，今晚終於得閒黎試吓！入面座位唔多，夠空間大家可以舒服坐低傾偈，原本想坐窗邊可以睇住船埋岸，但係book唔到。而且嚟之前最好訂位，唔係好易摸門釘，因為見好多人Walk-in都話冇位。其實仲叫咗好多其他嘢，但係食咗無影，燒豬大腸同烏冬超好食。可惜今次想食廣島蠔同埋關東煮冇貨，下次去食埋！總括非常開心嘅一晚，好環境傾偈，加上好嘢食！

We were lucky to snatch a seat during our staycation in the HK Eastside right before mid-autumn festival. Not wanting to dine at the hotel, we opted for something nice on the eastside, and booked Hatoba, a japanese yakitori restaurant tucked away in Sai Wan Ho Pier, across the street from all of the western restaurants you normally see at Soho East. I loved how exclusive it looked, right in the pier, quiet, beautiful. A good mood brings good reviews. We ordered a bunch of single skewers, we are

跑步經過呢間鋪 (因為又無窗,  又關哂門, 所以都唔知佢係食乜既).  成日都諗係咩嚟架呢?  咁細間, 又無乜見人出嚟. 點知係OPENRICE 揾下, 都幾多好評架喎. 只係之前佢星期日又唔開, 我星期六又通常唔得閒. 所以一直都未試過. 今日終於有機會試下. 一開門, 就比佢個海境吸引住. 原來入面已經坐咗幾枱人. 由於我地無訂枱 (以為無人架嘛 ). 只係得返BAR枱可以坐. LUNCH價錢唔算平. 見佢出名食串燒. 當然就叫個串定食試下啦. 而老公就揀咗鰻魚釜飯三食由於坐BAR枱. 可以對住師傅睇住佢燒. 見佢件件都好細心去燒. 期待徝即時上升, 而肚就更加餓...先嚟我既串燒定食. 師傅係你面前即燒. 架下面重有熱石幫你暖住D串燒. 好貼心. 介紹返我覺得最好食既三樣, 美國牛肉串,  肉質好好, 好淋, 無渣.  一下就比我食哂日本絹豆腐, 呢個又係驚喜, 豆腐燒到個面脆卜卜. 但入面重係滑嘟嘟. 再加上佢豆腐面搽咗汁去燒. 真係好好食. 點解得一串咁少架. 墨魚香腸, 又係出色之作. 睇到一粒粒墨魚好實在同佢個燒汁亦好夾. 只可惜一串得3小粒. 兩啖既無.  其餘既串

09-Oct-2020朋友搬進新屋好一段日子, 一直未有機會參觀探訪; 今晚終於約齊4人相聚!Soho East 聽得多, 但平常只會去西灣河文娛中心附近; 近碼頭這個位置還是第一次來! 如果早點下班, 還可以欣賞黃昏日落, 可惜啊！😂😂呢間日式料理店主打串燒, 有熱石爐保溫, 其實我好懷疑佢既功效, 因為每次串燒上枱, 我地都急不及待拿來放進口!😏 不過, 熱石爐確實增加了料理既可觀性!我嘗試逐一列出來:¤ 豚肉露筍卷¤ 蔥蒜牛肉: 名符其實, 係蔥+蒜+牛肉, 我覺得蔥蒜反而蓋過了牛肉味¤ 秋葵: 我期待燒完後仲保留到裏面滑"汕汕"既感覺, 但係😂¤ 京都絹豆腐: 剛燒好, 豆腐面層是脆的, 必試¤ 墨魚腸: encore 推介!¤ 帶子雞翼: 整體味道稍淡了, 帶子還是刺身食最滋味!¤ 紫蘇梅子雞腿肉: 少少既紫蘇味帶出左梅子醬既酸味, 好想研究點樣整呢個汁😋¤ 月見香葱脆脆蓋飯: 唔好講笑, 雖然無肉但係好好味。拌勻後嗰飯仲係好鹹 (講多次係好味的😋), 我笑說似生炒糯米飯!¤ 鍋燒烏冬由於我地趕住參觀友人新屋, 大約逗留1.5小時就離開了！

食串燒既話哩間埠都幾唔錯，首先就係4個人book左台🈶️房座，環境優美，仲可以望住碼頭船來船往但係唔嘈。重點就緊係串燒啦，叫左好多，最有印象就係芝士年糕、雞肝、白鱔、燒明太子同紫蘇雞腿，醃製的好燒出黎熱辣辣，皮又脆。另外試左個釜飯，睇menu就覺得好普通因為無咩餸架，得啲蔥花、蛋咁，但係出奇地好食，重要叫左兩次！講真食串燒真係唔夠飽。松葉蟹柳鍋燒烏冬都唔錯，湯底好飲，入面粒粒蟹肉，一鍋兩個人食就夠既，三個人都唔夠架啦。

男朋友話今日想帶我食日本嘢，本身以為佢會好hea的我去商場食大集團，點知佢竟然車咗我嚟碼頭！嗅到陣陣海水味，聽到海浪聲，以為自己去咗旅行！原來有間日式小店㗎呢度！入到嚟，裝修好日式！ 唔係大間，更顯得地道 一坐底友善嘅店員已放下兩杯熱茶我哋先叫個沙律 - 日本水菜蕃茄沙律大大個蕃茄非常新鮮Juicy! 配埋特製嘅汁，非常開胃！之後緊係食吓串燒！會比個爐仔你燒住，所以慢慢食都得，唔洗怕放得耐凍咗 睇相都知好食 全部都非常香口又唔燶 我個人私心推薦豚肉露荀卷 非常好嘅配搭，又唔怕太油，又健康！我亦好鍾意流心鵪鶉蛋！真係好少見，而且鵪鶉蛋已剝殼，好貼心~淨食串燒男朋友邊夠飽所以我哋叫咗個釜飯！ 釜飯有蛋，香蔥，同埋脆脆！口感好食又特別！非常香口，我極度推薦！多謝男朋友車我嚟，又發掘多間好嘢了

Avoid at all costs!Booked a table, reached early but was not given ocean view table despite requesting many times..waiter said it's reserved and when we finished food after 2.5 Hrs, it was still empty and noone came!!How was my reservation any different from other people's reservation?Waiter during booking even asked about my nationality..such people should be fired immediately!Don't go to this horrible racist restaurant......

放左工，最好梗係同老婆去食飯relax chill下。我地去左西灣河鯉景灣個邊度食日本菜 (食店叫 埠)。入到去，見到日本風味濃厚，最重要既係見到無敵大海景，令到食飯個個氣氛昇華左不少。我地叫左松葉蟹肉溫泉蛋沙律 (HKD 98)，牛舌(HKD 104)，A4 和牛 (HKD 148)，雞軟骨 (HKD 22)，帶子雞翼 (HKD 78)同埋松葉蟹肉鍋燒烏冬 (HKD 118)。個沙律賣相好靚，層層鮮嫩蟹肉放左係個沙律上面，賣相好靚。開隻溫泉蛋，見到蛋黃湧出黎既感覺好治癒。味道唔錯，係幾好既開胃菜。至於燒物，佢係有一個石爐幫你保持個溫度。啲燒物味道唔錯，牛舌同和牛入口即融，好鮮嫩。至於雞軟骨就爽口彈口，口感唔錯。不過個人最喜歡佢既帶子雞翼，將帶子壤左左份入去雞翼內面。除左好味之後，我無唸過兩者可以咁配搭，非常有創意。個烏冬鍋，分量唔細，湯底清甜，食落起非常暖胃飽肚，個人覺得味道幾好。

有人話想去太安樓掃下街，我就話想去soho east，咁一人一餐，fine🙌🏻Soho East最後揀左呢間響正西灣河碼頭嘅居酒屋——埠。呢餐係真正貼住海岸線嘅餐廳，仲有露台位，可以見到渡輪靠岸上落客。比起同朋友談心，我更鍾意響度望住個海靜靜地食野。餐牌入面嘅價錢全部都唔算好貴， 每一樣嘢都想試下，串燒上枱嘅時候有熱石爐保溫， 唔會熱到食物乾曬但係又唔會凍左，食物質素得到保持。串燒首推係白鱔，味鮮肉夠實淨，再來係墨魚腸，食出墨魚肉好鮮味兼冇味精嘅味。另外再推就係牛舌，佢有一定厚度，咬落去好多汁好鮮味，牛肉味非常之濃烈。另外一個推薦嘅小食係芝士年糕， 呢個應該係我喺香港食過最有水準嘅芝士年糕，表面係香脆，個心充滿芝士而且好柔軟。另外一個值得推薦嘅配酒前菜就係酒盜芝士， 酒盜其實係用唔同魚嘅肝臟，醃漬完之後出嚟嘅一個醬，配埋佢嘅芝士味道有啲鹹，但係飲一啖啤酒就剛剛好。本身酒盜嘅意思就係食咗呢樣嘢會令你飲多咗好多酒，所以呢個小食絕對無改錯名。👍🏻

最近番工好辛苦，所以就諗住同男朋友食好西補償下。之前行海旁經過間餐廳已經覺得好chill，望住海景食串燒。佢主要係分咗幾種串燒，包括海鮮、雞、牛等，仲有啲小食同埋主食。值得推介既流心鵪鶉蛋真係一定要試，外面搽咗啲燒汁，配番一咬就流心既鵪鶉蛋，真係好夾，平時真係好少見鵪鶉蛋流心，但正正因為細粒啲，所以完全可以感受到佢流心個下。另外，紫蘇梅子雞腿肉，依個都係比較特別，因為會有啲紫蘇放係上面，配上平身雞腿肉既燒都好好食。蔥蒜牛肉都好正，因為佢有一大堆蔥蒜係牛肉上面，所以好惹味。而且，個牛肉燒得岩岩好，吾會overcook，仲有牛味添。月見蘇草免治雞肉棒好適合啲鐘意啖啖肉既人食，餐廳仲好細心咁比埋生蛋溝醬油，因為係免治雞肉既絕配。仲有另一樣好特別既小食，就係平時係其他日本餐廳都會見到既芝士年糕，但佢個質感係好吾同，比人一個吾濟既感覺，加上佢啲流心芝士，真係想再食。燒雞翼燒豚大腸最後，叫咗個甲羅燒拼松葉蟹肉飯團，個飯團都幾得意，因為外面係脆既。原來我地係飯團上面加咗甲羅燒撈埋食，但係之後發現就咁食甲羅燒先係享受。