巧興麵食店

Open Now

Now Closed

第一次認識呢間店，係有一日老公突然話帶我去一間佢自細幫襯開既好味餃子店。一入店內已經見到歷史既痕跡，佈置簡單但企理，檯櫈之間有足夠位置，有D檯會放喺後巷出面，街坊小店，對環境要求不能太高。餃子有五種，分別係韭菜餃、白菜冬菇餃、牛肉餃、三鮮餃同埋菜肉雲吞，可以叫半份或者全份。另外有豆漿同埋幾款麵食供應。餃子可以揀放湯或者煎既，我地叫左煎韭菜餃，同埋放湯既菜肉雲吞。煎餃其實係微炸，但餃皮仍然好軟熟，韭菜味濃，同肉既比例岩岩好，配埋醋一齊食，好味。菜肉雲吞感覺大粒少少，一樣都係香甜鮮味，湯入面有一塊紫菜，一齊食又幾夾喎。我就試左酸辣麵，味係粗既上海麵，湯比較杰，只有少少辣味，同酸味平衡得好好，配料有豬紅、豆腐、火腿、酸菜、雜豆，好惹味，係我喺香港食過最好味既酸辣麵。一路食發現應該係老闆同呀仔一齊睇舖既，合作無間，感覺好溫馨。呢類價廉物美，又有人情味既小店真係買少見少，食完飯後漫步下周邊既街道，感受一下寧靜既夜晚，甚是美好。

土瓜灣小店多，首間留意到的是餃子比麵食更出名的「巧興麵食店」。這裡售賣的是正宗北京水餃，傳統應吃蒸的，但我今天還是想吃香口的，所以點煎的。 作為早餐，點了三鮮餃、韭菜餃各5隻(合共$30)。餃子皮脆而薄，餡料即見即包，新鮮結實。我最愛的是三鮮餃，豬肉蝦肉混合而成，肉汁鮮美，可以不斷吃。韭菜餃則韭菜味超級香濃，煎香鼻子有福。吃餃子當然要有醋，這裡有自家的臘八醋。醋更刺鼻，激發食慾，這醋與餃子是完美的搭配，越呷越想吃。老區的高性價比，老區的瑰寶必不可錯過。

一向都喜歡食餃子作正餐，比起不少包點麵飯健康，又有飽肚感。見了不少食評推介這間小店，特地來到一試。店鋪位置離港鐵站稍遠，步行十至十五分鐘後，不需要輪候便可入座。小店內格局算是乾淨企理，室內大約能容納十五至二十人，也有客人在店外堂食。食物份量足料，兩個女生的話可以分享一個麵再加一份餃子（十隻）。雞絲涼麵的麻醬甜而不膩，涼麵爽口有嚼勁，雞絲則用了一般急凍雞柳。韮菜煎餃皮脆香口，不會過份油膩。水餃也是皮薄餡多，比韮菜煎餃多肉汁，鮮味更出。整體上，小店價錢很合理，食物質素也好，不需要長時間等候，值得再來。

夜晚想搵平野食緊係睇自己之前save左d咩啦大概7點去到已經好多人食緊（分左室內室外）咁岩有枱叫左幾樣野雞絲涼麵內有青瓜，紅蘿蔔，雞絲（圖片show晒）重點係個芝麻醬，甜甜地唔會膩，食到後期都唔會覺得有野’漿‘住響口d雞食得出有醃過，我覺得有d‘un’,不過三十幾蚊好難要求好多三鮮湯餃雖然知道三鮮餃入面d料間間唔同，但我入面見類似韭菜，豬肉ge野？其他食唔到（可能我味蕾一般，如果你地知麻煩下面cm🙇🏻‍♀️🙇🏻‍♀️🙇🏻‍♀️)（佢d餃可以揀煎定湯，煎+ $2，不過職員話雲吞只有湯，無煎，因為皮好薄）後加的冬菇冬菇煎餃咬落好脆，有’chok’一聲，食落好大陣冬菇味蠔油時菜，我去得白菜仔同菜心仔揀左菜心仔，一上枱，我第一個諗法，小店果然好務實唔洗著重擺位但我覺得菜心唔仔+有d 老涷豆漿有豆味+偏甜，我愛甜所以好愛總括黎講，平，好味，上菜快，食左大概三十分鐘，所以唔太擔心要等好耐先有枱下次再黎食先

今日折騰左成日，原因係花先生下午比人撞車尾🤦🏾‍♀️。攪左一大論，要cheer up返，去左附近食餃子麵。依間餃子鋪係花先生帶我來食的，花先生話佢由細食到大。佢地既餃子自家制，皮薄餡靚，不論煎定放湯都好好味道！今日我揀左白菜冬菇餃幼麵，好大隻餃，好足料！加少少醋食更正！花先生最愛既菜肉雲吞酸辣湯粗麵。每次佢都食到一滴不剩！老鋪環境唔寬敞，選擇唔算好多，但人流不斷。我相信這是小鋪的魅力，有著連鎖店搵唔到既味道！香港小鋪愈來愈少，真的要好好珍惜！

食後發覺真的相當不錯，皮薄喊靚，雖是煎餃但絕不油膩，而這碗面富有彈性絕有口感，這間叫( 巧興面店 )，完全不起眼，但食物質素十分妥當，這是一間絕對推介的小店，但店鋪絕不大，不妨三兩知己一同去試嚇，便可多叫兩三種唔同味道的餃子

一間出名的餃子的老店，環境就夠地道，幾張簡單摺枱，點了三鮮餃和白菜冬菇餃，當然要煎餃，因為這裡的煎餃係做得特別好，而之後再點雞絲涼麵和北京粗炒麵煎餃煎得脆卜卜就一定啦，而其餘兩款麵，都各有特色，簡單得黎好食，不過主角都係煎餃

又係我美食神探出現的時候，今次為大家介紹 巧興麵食店我作為紅土黃龍一帶的老居民，住左差唔多25年巧興 依間老店，係我細細過已經係度作為一間老店，當然環境就係細細地但都簡潔乾淨我平時最鐘意食佢既餃子 同 炸醬面真係好好食餃子推介係 9菜餃同三鮮餃，佢可以煎或水滾煎的味道就香口D

我會係星期六周圍去D唔同嘅地區, 今次中午游到宜間餃子舖, 就走入去試吓佢哋嘅餃子啦！地方好乾淨,裝修又簡單, 淨凈齊齊一間自家店, 見到佢係度包𡁵餃子,所以馬上叫咗10隻餃子,韮菜餃5隻,牛肉餃5隻, 好似炸咁,隻隻都係脆呀! 牛肉餃內嘅餡係有切到好細條香茅, 而韮菜餃內真係好多韮菜, 太乾身,內冇肉汁溜出👎🏻,(個人感覺興興好D,因為一咬已經有肉汁), 正體上係可以嘅！韮菜+牛肉餃子牛肉餡餃子韮菜餡餃子包𡁵餃子中除咗餃子仲有其他麵食

哩間巧興 我細細個就已經開始幫襯喇 不過長大後很少到這邊 今日剛好路經哩度 就入左嚟幫襯luuu😊☺️哩間店舖一點也沒有變 門面很樸實很低調 感覺到有人情味的 店內的坐位都是跟以前一樣☺️😊同埋近後門位置的枱一定有老闆娘包餃子👍🏽😊真係好新鮮架 今次 我點了一份韮菜煎餃 一份三鮮煎餃 同埋一杯凍豆漿👍🏽👍🏽😋🤤韮菜餃 一份有十隻 可選擇蒸餃或煎餃 小妹最鐘意食熱氣嘅野😂😆所以一定係揀煎餃的 每隻煎餃的大細都係一樣 每隻都煎得好靚好脆好金黃呀😍😍👍🏽👍🏽攤左陣嘅時候 食嘅時候都仲係好脆呀 材料係有韮菜撈豬肉 啲韮菜係好香呀 好正 好好好味 而且餃子皮的質感適中👍🏽🤤推介 必食😍😉三鮮餃 一份都係有十隻嘅 都係可以揀蒸餃還是煎餃的😉😉煎餃很有水準 全部都係金黃色架 一啲燶都無 讚👍🏽👍🏽三鮮餃嘅材料係有韮黃 蝦肉同埋豬肉 三樣材料撈埋一齊煎 食嘅時候仲食到有韮黃的香味 蝦肉的味道 整體都好好食 提提大家 無論食咩餃都要配上佢嘅豆瓣醬呀 味道不算很辣 屬於少少咸嘅豆瓣醬 但係都可以接受 係好味嘅😄😀凍豆漿的味道都好好 飲得出有好香嘅黃豆味 好滑又好香 good 講真 食左好多不同的餃子 都係覺得

去左成日街，返到屋企途中，想簡簡單單食個晚餐，又唔想食得太飽，看見橫街有一間巧興麵店，門面簡單，再一看原來主打煎餃子，因平時少經過這邊便忽略了，所以便決心進店一試，食落便發現這小店的煎餃子相當好味，可以稱得上皮薄涵靚，雖說是煎餃，但食落後絕不油膩，店內的裝修簡樸及衛生也很整潔，大家行開這邊不妨試試他的蒸餃。煎三鮮餃肉質鮮嫩爽囗煎韮菜餃皮脆，韮菜和肉平均有口感門口簡單平實一碗平淡的雪菜肉絲麵，麵質彈牙

走進一間自家開的麵店，環境舒適、位置理想的！雖然店鋪是較小，但服務員悉心地為顧客落單！當天午餐我點了排骨麵和一杯豆漿，還有北京煎餃味道清淡，不會有味噌的味道，而肉質口感不會太硬的！整體來說，我十分滿意店鋪環境，食道味道良好，服務員態度不錯。

今日執屋個陣有點餓，就同男朋友落街搵野食。。。行行下發現左呢間麵店，就走入執試下（因為我地都係餃子愛好者）我地叫左煎韮菜餃，雲吞麵同酸辣湯麵...一黎就是煎餃...嘩！正呀⋯⋯之後2個麵都黎埋....真係好正...食完好飽，不過會仲想食埋單...完全唔貴。。大家有興趣快點去試下啦

巧興係一間老店，其實都上過雜誌報紙嫁，雖然就無宜加新彈起既魚蛋麵檔咁出名，但都有不少人氣嫁，仲有好多專登揸車上食添嫁！店仔細細，但北京風味十足，入面既姨姨staff們都操流利既北京普通話。餃子有分四款:韭菜餃子，三鮮餃子，白菜冬菇餃子，牛肉餃子。本人情有獨鍾三鮮餃子，一隻字，鮮！鮮！鮮！而且餃子本人粒粒都咁實在，非常老實！仲有！餃子可選擇湯上或煎餃，一定要試煎餃呀，入口唔油，脆身得尼又會有麵粉皮口感，煎餃技巧一流，一試上癮！雞絲涼麵，係麻醬雞絲青瓜拌涼麵，濃郁麻醬令你一試難忘，係濃郁到有小小張口個隻，鐘意麻醬既千其唔好錯過！而且，尼到既麵更係自家製，有一種講唔出既手工親切感，麵質彈牙，煙煙韌韌。

假期前走到土瓜灣覓食上一上OpenRice, 不是重口味的水煮魚、大澳羊肉宴，再不然就是火鍋同雞煲一連幾日食得太heavy，想食得街坊地道一點最後搵到呢間食餃子同北方麵身為餃子控，呢度餃子絕對有內涵，個麵用上北方粗麵，麵身煙韌有口感，不會太淋或變成一pat pat二人同行街坊選擇：1. 雞絲涼麵 $34呢個麵有驚喜，個麵身用北方粗麵，即係台灣牛肉麵的麵底，麵身一凍就會漿住，好難入口。呢個涼麵既可保留麵的煙韌，個麻醬亦做得好唔錯，一食就停唔到口。雞絲應該係用普通急凍雞柳，呢個價位已經好抵食。2. 雙拼煎餃（三鮮+牛肉各半份）$32煎餃係煎三邊，點醋加豆瓣醬食非常咁夾，肉味好濃，牛肉鮮味仍然保持到，三鮮反而普普通通。3. 雙拼麵（鮮蝦雲吞配炸醬麵）$42個雲吞好食，菜肉蝦三者的比例很配合，友人表示有家鄉雲吞味道，雲吞皮薄。炸醬麵個麵醬香，落埋個豆瓣醬提味就加左幾分。