巧興麵食店

Open Now

Now Closed

我之前曾經search過土瓜灣有咩美食推介，發現呢家麵店榜上有名，點知我去個時因爲農歷新年期間，所以佢收左爐我就摸門釘，冇緣食。今晚突然心血來潮記起呢間麵店，於是我就再去拜訪下。呢間麵店個位置唔算易搵，因為佢唔係係正大街度，附近有個高山劇場，其實google下就一定搵得到。我去到個時大概2130，店鋪已經得番三兩個人係入面，有個伯伯點頭示意我入去，我就入去求奇坐，店鋪既裝修好簡單懷舊，正當我睇緊食咩餃既時候，先發現原來得番白菜冬菇餃🤦🏻‍♀️，其他既都已經賣晒😭😭😭咁一場黎到當然要食下淨番既唯一選擇啦。當我落完order冇耐，就已經落閘準備收鋪，所以想去食好西既朋友都係早d去啦，夜晚收鋪時間唔一定係2300架。白菜冬菇餃$32呢個餃既皮唔算薄，但係食落有d煙韌，而入面既白菜冬菇同豬肉既比例亦都好平均，足以填滿左隻餃，加上味道唔錯，掂呀👍🏻👍🏻👍🏻👍🏻老鋪果然係有一定既吸引力既，下次我一定要試埋其他餃餃，特別係煎餃😋😋

土瓜灣的餃子名店"巧興"，前後也寫過了不知多少遍了。但小弟貴為土記的老牌舊街坊，從小到現在都無時無刻的在光顧到訪，就算是搬離了此地多年，但因小友上學的地點就在附近的關係，所以還是繼續不斷地去光顧，繼續去欣賞北方大娘的家鄉水餃....一到週末日人多起上來，人客是要坐在店外巷子內用餐的。一向對此絕不介懷的我們一家，只要能享受到亷價美食就已十分的滿足....不好意思地又再打擾正在忙於包餃的老闆娘，著她端來我和小友皆極愛的三鮮餃麵....餃的肉餡的而且確一如其名夠鮮夠甜，其甜味絕對是緣於食材之新鮮而無後來添加的妖邪之味；皮是一貫的偏厚但不黏身，是非常地道的北方口味；偏軟身的麵條和顏色偏深而味略鹹的醬油湯底，相形之下就較為失色了....基本上店內所有款式的餃子之前都已有試過了，唯獨是牛肉餃就較為少嚐。太太今天堅持要吃這個，而且更是吃煎的....油份雖然是多了點，但皮確是煎成既香又脆，牛肉饀亦相當肉甜多汁....有了這煎餃，若懂得食的話，就必定要來一小碗家鄉的臘八醋來消消膩....少喝這兒的豆漿。看到鄰座的人客叫，自己心痕痕又學人叫一碗....豆漿本身是完全沒下糖，在熱力的發揮底下豆香就更形突出。

馬頭圍寶馬車行斜對面，原本有間味道唔錯嘅擔擔麵，依家起地鐵，店鋪門口變成地盤，結果關門大吉無左，但突然又想食擔擔麵，於是乎試下哩間巧興。吸引我幫襯其中一個原因係因為門口有枱可以食煙！叫左客排骨擔擔麵，首先湯底唔係熱，係暖！有花生味但講唔上好濃，擔擔麵配料用嘅係榨菜唔係豬肉，亦都唔係我杯茶，排骨入味出色，夠肉汁，至於擔擔麵嘅麵質，口感偏冧身，如果唔係咁冧，相信更啱自己口味！另外由麵至排骨份量都偏細。總結：如果湯底夠熱唔係咁凍而影響哂成碗麵的話，相信我會俾更高分！希望下次幫襯時湯底夠熱啦！

最鍾意幫襯小店~ 哩間完全係做街坊生意。牛肉麵 - 先飲一啖湯，豐富牛味湯又夠清！牛展好林，麵條軟滑又帶點煙韌，實在太好！到最尾都係忍唔住成碗湯飲晒~煎牛肉餃 - 皮煎得金黃香口，偶爾食倒一兩隻會爆汁添！牛肉饀料如果濃味啲更好。白菜東菇餃 - 白菜饀食落較清新，東菇就少咗啲。雞絲涼麵 - 足夠嘅麻醬，加上雞絲，青瓜絲同金荀絲，亦係夠fresh~冷熱豆漿 - 熱嘅無糖可自己加砂糖，凍嘅唔算太甜，可以諗住試下三鮮餃但賣晒，下次要再嚟試埋上海粗炒~

中式餃子, 無論是北方的煎餃, 還是南方的蒸餃, 又或是廣東人的湯餃, 各適其適, 共通點都是滿足舌尖上的美味。 土瓜灣對我這新界人來說是頗為陌生的地方, 沒有大型商場, 又沒有地鐵覆蓋, 平常也不會走進這還未被再發展的地區。 這天為群貓會送贈罐罐予待領養的毛孩而踏足這舊區, 亦光顧了附近口碑非常好的餃子店 - 巧興。 巧興的煎餃, 美味得驅使我連續兩天光顧, 日與夜的煎餃, 亦是小妹第300篇食評想分享的對象。 第一次光顧就在星期六的上午, 位於人車不多的安徽街斜路, 門面非常沉實低調的地道小店, 不熟路的會較易錯失。 星期六早上10時多, 或許很多人仍輾轉睡床上, 或許很多香港人不會把煎餃作為早點, 所以食店只有3,4個顧客, 尤以附近街坊為主。 簡樸的內在, L型的玻璃窗, 冰凍豆漿機的轉動, 可看穿的廚房, 還有老闆娘坐在一旁包餃子, 地道小店的寫實風貌。 其間到來買外賣的街坊都是有備而來: 自攜器皿盛載! 省卻了造成環境污染的發泡膠和膠袋, 真的值得大力推崇! 牆上的餐牌懸掛了五款餃子: 韮菜餃、白菜冬菇餃、三鮮餃、牛肉餃和“今日售完”的菜肉雲吞。 選擇並不多,

通常一年來1,2 次, 幫襯朋友的家人。 擔擔麵:  炸醬麵就成日食, 咁多年都無試過他們的擔擔麵, 所以叫左擔擔, TURN OUT 唔多得....成碗花生醬, 但無咩味.... 麵太林了~ 材料包括花生碎, 肉碎, 麻麻LA....水餃: 同以前一樣咁大碗, 但D 餃子細隻左, 入面基本上得九菜, 無肉咁滯, 仲要D 九菜太生了, 好似未熟咁, 好大朕草青味.... 以前好食D....

對土瓜灣印象就係工廠區同住宅，無咩野行～同事知我鍾意食餃子就介紹我呢食！其實我可以一個人食兩打。。。佢既豆瓣醬又係好好食配餃子不得了！雖然外表似煎得唔夠香脆，但實情咬落索索聲餡多而且有肉汁！同事有另一推介係雞絲涼面，佢係中式麻醬汁，不過配上海面好似有啲粗🤔份量都好多，好飽滿！

比預期早左一日落紅磡拎波鞋... 就算得婆仔一個人... 都忍唔住一定要來幫襯... （本來諗住 next day 同肥丁來食架... 真係架真係架真係架... ）今日天氣唔算好熱... 室外座爆晒... 第一次座室內... 冷氣好勁... 勁快吹凍晒d餃子喎... 婆仔已經食得好快...牛肉麵個湯夠晒味... 加左蔥花更香更好味... 麵又煮得岩岩好... 咩醬都唔洗加就已經好好食... 當然主角牛肉煮得又靚又淋唔「痴」牙~北京煎餃10隻... 落單個陣阿姐重覆左兩次煎餃係10隻... 婆仔答左兩次好... 唔通阿姐唔信婆仔可以食得晒...煎餃比較多油... 但會係曬隻碟度... 咬落又脆脆地又唔多油... 真係好鐘意呢度既餃子...一望到個餐牌... 唔係諗住走... 係搵另一個餐牌睇下有咩食... 好滿足既一餐~ 咩餃都咁好味既~~

簡先生是一個非常有遠見的青年，廿多歲的他，擁有俊朗的面貌，深得不行的梨渦，語言表達能力良好，又大隻，運動型，我羨慕得很。我在想，如果唔係佢個人特別叻，就一定係佢媽媽贏在射精前，因此打造了近乎完美的他。他的身邊女伴如走馬燈，每個都係美艷尤物，當中他最喜歡空姐，他似乎和所有男人都一樣，就像人生必定要溝空姐才能滿足，是那虛榮感，還是他喜歡coffee tea or me 的她，還是他特別喜歡女友著黑絲，我不知道。在我的圈子，只有他可以配在k房裡唱張學友的寂寞的男人，“然而明知許多女伴，一轉身會遇到為何感到這不算最好，”我聽完真係會相信，他就是那個晚晚有不同女伴也會寂寞的化身，除了張學友外，真係冇乜人啱唱這首歌。那年，他認識了一個令佢定下來一會兒的空姐，她像黎明一樣，來自北京，俗少少講，樣靚身材正，是那種典型的美，你知，靚到像我這些普通男孩連說一句也沒有招架的能力那種，她叫寶玉。他和她的遇上，就像那些激烈的愛得死去活來的電影，我想起，Louis Malle的愛情重傷，為愛可以不顧後果。那年頭，每一兩個星期，他就去一次北京，儲的里數，大約多過宅男打飛機的公里，世界就是這樣資源錯配，那個北京的冬天

今日搵食搵到去土瓜灣, 其實我對土瓜灣唔陌生, 我小學時期係附近讀書, 間唔中都會去附近食晚飯,但從來都無留意到這間小店, 要不是友人介紹, 我應該唔會搵到,就算經過都唔會願意入內.既然慕名而來就是試一下他們有名的小吃友人點了一碟雞絲冷麵($31) , 再點了牛肉煎餃 ($19)/韮菜餃各半份($18)雞絲冷麵先來, 麵底頗多, 足夠兩個女生分享. 滿滿的雞絲配上青瓜絲及少量蘿蔔絲. 材料雖然不多, 但重點是配上濃厚的花生麻醬已經非常吸引一口大淡的品嚐, 麻醬非常濃郁, 醬身很杰, 每一麵都會沾上花生麻醬. 再加上芝麻碎, 非常美味.而且濃郁的花生麻醬會令到胃有飽肚的感覺要批評的只是麵不夠冰, 是有少許凍的但未到涼的感覺. 要是在炎夏想消暑的話可能還欠一點.餃子是即煎的關係, 稍稍等了一會兒才上枱. 兩份餃放在一起, 要仔細看看才會分辨到那一款是牛肉那款是韮菜.外皮都煎得金黃, 脆脆的, 口感煙韌,牛肉餃比較Juicy,有牛肉香韮菜將肉汗鎖緊了,韮菜味會比較重.兩款餃我也喜歡, 但煎餃會用上很多油, 所以會比較不健康.只可以間中淺嘗. 不過我一定會再來, 比多次機會雞絲冷麵 現在在香港

上個月機緣巧合之下去到土瓜灣的牛棚一遊。也是我孤陋寡聞, 之前竟是從未聽過牛棚之名呀。那天還笑說, 這相遇也真偶然, 下次可能是幾年後才會再來這裡吧? 不過世事真古怪, 不過是個多月的時間, 我就回到附近來。從Facebook 得知有一小店有木工班, 好奇心之下, 就報個迷你木工班玩玩。報完名才留意到, 地址是牛棚旁的十三街! 心中也是開心的。連續兩個星期的堂, 也可趁機試試土瓜灣的小店, 一樂也。只是計劃跟不上變化, 今天的午餐竟在尖沙咁吃了; 木工班之後人有點累卻不覺得餓, 不想吃甚麼大餐, 只想隨便吃一點熱的就回家去 - 最後決定走一小後路往巧興去。巧興麵食, 在土瓜灣可說是成名已久。老式的上海麵店 - 水餃雲吞, 麵食豆漿 - 實在是簡單樸素。但偏偏就很有親切感, 若是住附近的話一定會時不時「安哥」吧? 店子很小, 但打掃得很乾淨。倒是做了一下午木工、出了一身汗的我, 覺得自己有點太髒啦。白菜冬菇水餃(一份 10粒) HK30只看已經覺得水餃的皮很光滑很溜口, 入口感覺果真如此。皮雖厚卻不硬不粘牙, 張力夠咬勁足, 很是好吃。不過內餡呢好像吃不出有加冬菇甚至是別種類的菇菌, 味

話說上星期下午返晏，路經呢間舊式麵店。餐牌價錢便宜而且份量也算大，最後也選擇了最愛的擔擔麵。店員很貼心地問需唔需要辣。我本人喜辣，所以覺得不算辣。擔擔麵有榨菜，肉絲，濃郁既麻醬，未攪拌前覺得太重麻醬，但攪拌後則覺得剛剛好。麵條也不錯，價錢只係$27，我下次會再試其它麵食。

巧興上海面食，街方生意，有温情未，入到去就發覺老闆都似上海人，一心就來食交子，點了個牛肉交子，牛腩面，膽膽面，全部交足貨，價錢不貴，有未有道，尤其個交子，真係有的似我在北京食個的款，有埋生蒜，不得之了，成意推介呢間小店

無意中同朋友路過呢這間上海小店，朋友是個餃子控，無餃不歡，所以就入內試試。小店地方唔大，不過無阻光顧的人流，下雨天仍然有很多人在門外購買外賣。有唔同餸菜的湯麵，涼麵與及油菜選擇。有四款唔同餡料的餃子及雲吞，我呢啲為食想嘗試唔同款式的人就會叫兩款半份湯餃食。煎餃太熱氣，不太喜歡。三鮮餃 - 餡料有韮黃，蝦，豬肉。餃子本身都有湯汁，皮夠薄，豬肉一啲都唔肥膩，蝦亦很爽口。白菜冬菇餃 - 味道沒有三鮮餃這樣出眾，不過菜同菇的份量都唔少，漲卜卜。不喜歡吃肉或者不喜歡食韮菜的人可以選擇這個呀，食多點菜感覺健康一點喔！豆漿睇落平平無奇，細飲下有極濃的黃豆味，很像兒時媽媽帶我去豆品店飲的豆漿味道。這種味道要很舊式的老店才做到～

今次來到又要多點幾款不同菜色了，始終得兩個人要食哂咁多樣美食都要行幾轉！店內的叔叔嬸嬸就是操着鄉下話很親切的來和你談天和落單，雖然有點慢慢的，但很喜歡呢仲感覺。這裏的餐牌很簡單，這裏的餃子都是人手每天新鮮包製的，而且到晚上都全部沽清，絕冇隔夜貨。今次點了韮菜煎餃，好適合我呢啲愛吃香口的人，皮煎成金黃色脆卜卜，內裏肉汁依然豐盈，韮菜加豬肉的嫩滑肉汁加上一層脆口有質感外皮，形成強烈對比，很可口。干餃又點少得，今次點的是牛肉干餃，所為的干餃就是碟上不用湯，個人較愛的原因是容易點夾起，而牛肉餃肉味較濃，一口咬落去肉汁依然是爆出來的，當然一定要配合店家獨制的蒜頭醋，看它原粒蒜頭沉著醋腌製了很久蒜頭都變了深色，入哂醋味，夾入餃內一起食用，正正正！！令單順的餃子多了一份蒜香和醋味的提鮮。牛腩面，腩肉夠淋也入味，加埋腩汁的湯，是天作之合，粗面是我多數的選擇，是愛那煙韌有哨頭之感。酸辣面，夠酸，微辣，料多有朱洪、火腿絲、筍絲、木耳、豆腐不等，湯夠杰身撈埋粗面，湯每啖都能掛在面上，好夾好味！