少爺18 (Closed)

星期日去沙田行街食飯都係好多人，所以建議食第二輪時間（大約8點後）。少爺18既海南雞set其實好抵食，不過我今晚和家人一起，所以沒有點Set，我們點了半隻海南雞加兩碗油飯share食。肉骨茶就代替餐湯，肉骨茶有分（藥材）和（淨肉骨茶），如果唔鍾意藥膳味既朋友可以點淨肉骨茶。而我自己就OK藥材味，好香藥膳味又補身（一煲入面有一隻花菇），肉骨忟到好軟身，好滑。至於黑椒大蝦呢，一碟有5隻（每隻都幾大），一定要趁熱食，蝦肉好彈牙，爽口，黑椒味好濃郁，所以唔食得辣既朋友可以選另一款口味既炒蝦。

新城市其實都好多野食，口淡淡求奇見menu 幾靚就去依間食。佢個位都幾隱蔽下，可能我唔熟個商場。間野去到先知係kind of 新加坡(?)菜, 唔太餓叫左3 個餸only， 其中一個出色黑胡椒蝦- 好食！好入味，推介印尼炒飯+串燒& 佢自家醬炒通菜-菜正常，醬味唔出飯就不推介(塊蝦片ok) 波仔叮個隻會好食d，可試其他佢d 碟幾靚，over all okay ge.黑胡椒蝦

之前都試過葵芳分店，記得味道唔錯，所以又想試下呢間係咪一樣咁好食，由於掛住食嘅關係，都唔記得左影相！😛講下嘢食如何先：新加坡肉骨茶 - 好濃胡椒味，有啲辣，味道幾好印度薄餅 - 薄餅同出面平時食嘅差唔多，咖哩辣左啲，整體都好食馬拉盞炒通菜 - 味道好好👍比目魚 - 有三舊咁多，配一個檸檬柑橘咁嘅味嘅醬，好fresh，味道好夾油飯 - 好味👍整體全部都好食，會再幫襯😆比大家參考下啲價錢，唔知點解整極都係咁嘅方向😅

由於太難食嘅關係..... 平時冇Openrice account 嘅都要開返個account 反映一下。點了4個餸: 馬拉盞通菜 (還可以) , 蝦醬雞翼 (好唔掂👎🏻👎🏻👎🏻), 海南雞飯 👍🏻, 海南雞半隻👍🏻, 黑蘿白糕 (唔掂👎🏻)。馬拉盞通菜冇鑊氣. 蝦醬雞翼：忘了影相但貌相很差....完全没有蝦醬味....好失望👎🏻👎🏻👎🏻黑蘿白糕: 沒有蘿白只有麵粉，唔夠熱之後拎返入去用微波爐給我加熱。真係唔該哂！第一次光顧，也是最後一次！終於明白點解星期六都冇人等位

新城市廣場地下低層的食店，近年來更新了不少，這家位於同層角落位置的餐廳，一直低調示人，沒有過份的宣傳和推廣，但提供的卻是少數專門的菜式 - 娘惹菜。一直都是被這個下午茶餐吸引，還有那繽紛色彩的碟，下午茶餐可以一口氣試到多款小食和甜點，但同行友人卻想多試面食，於是我們還點了兩個茶餐，$40-70不等，送飲品。我已經本著不吃晚餐的精神，捨命陪君子。參巴雞肉炒貴刁，貴刁沒有什麼特別，像茶餐廳的高卡菜式，反而附帶的參巴醬是畫龍點睛的重要主角，微辣又開胃的參巴醬，攪伴後令整個面食變得惹味，可能是下午茶餐，份量較炒。海鮮椰香喇沙，一直很愛星馬的喇沙，那濃稠的椰味湯底，混入面條實在好食。這裡的湯底也不錯，但油份稍稍多一點，一點也不辣但配料上用上了元具，魚片，蝦，豆卜，蛋，尚算豐富，尤其是豆卜吸滿了精華，吃完精神一振。下午茶餐二人份，用精緻的下午茶架分成3層，第一層咸食，第二層甜點，第三層包點。串燒有點乾，而且沒有汁醬佐吃；參巴雞翼超級甜，但不辣；反而咖央蝦丸夠特別，彈牙的蝦丸中間夾著咖央溶醬，一咬下有醬爆效果。甜點層有4款，迷你的綠色卷蛋是斑蘭榴連卷，中間的白色醬有淡淡榴連香，但斑蘭味不太真實；後方

Lunch一個人又想坐得舒服d貴d無所謂啦3點左右都仲有lunch都幾好點左個$88，海南雞飯都ok好彩。。。有胸有翼有脾仲有四條菜同一碗湯。。不過個湯好清。。。清到好似有味嘅水個飯就粒粒分明。。。好味嘅而雞就一d都唔會鞋口，就算食胸都好有味道👍🏻👍🏻👍🏻而且三個汁都令到我好開胃紅色:辣辣地又甜甜地綠色:有d似食燒味飯d葱油咁黑色:就係黑醬油，用黎撈飯就最正😋😋個餐免費會送一杯是日精選今天係荔枝茶有凍有熱，我點左凍點知好淡唔好以為係台式飲料😅😅😅成餐最敗筆就係杯飲品。。。送汽水都無咁嬲。。。起碼都有d味不過可以加8蚊嘅，如果對下午茶有要求就加錢啦😂😂😂而且如果唔係一個人，我一定會加小食下午茶有優惠價加小食呀最想食就係炒蘿蔔糕同炒通菜😍😍😍有機會再去😋

星期五放工搵地方食飯，第一時間就唸起新城市廣場，最愛佢地既泊車優惠，消費$300就可以免費泊足2小時，仲要可以用apps拿定飛，去到就食得，今次就揀佐少爺18，食星加坡菜。去到大約7點半，等佐5分鐘就有位啦，餐廳都算寬敞，唔難等到位。打開餐牌，有好多選擇，仲有d係夏日限定，揀佐一陣，最後order佐3樣野，包括 馬來西亞炒面，馬拉盞炒通菜，同埋咖哩牛肋骨馬來西亞炒面 - 好大碟，有少少辣，好足料，蝦好似有成7-8隻咁多，絕對值得推介馬拉盞炒通菜 - 唔算好辣，炒得好好味，必點咖哩牛肋骨 - 有4舊牛肋骨+薯仔，辣辣地好味，大食既朋友可以叫多個飯黎食埋單大約$250，絕對超值，一定會有下次！仲留意到佢地有賣馬拉盞，$48，下次一定買黎試

工作週的第一天，無論工作或用餐心情都不太好，不想吃飯做正餐的我，和內子走到沙田市中心試一試這間新加坡餐廳。閒日無須等位，侍應招呼亦頗殷勤。 新加坡版的炒貴刁，不像茶餐廳的「星洲河粉」一般，貴刁夾雜一點油麵，而且還有海鮮配料，感覺豐富，味道亦不俗。 這個炭燒香茅豬頸肉，用木筷串起，感覺不夠環保。口感偏硬，味道亦不突出，但旁邊的甜酸汁卻令這道菜生色不少，既能中和燒豬頸肉的油膩感，又令人食慾大增。 這道參巴醬芥蘭，要先讚一下芥蘭，比以往外出吃的餐館更嫩口。參巴醬就沒有蝦醬的撲鼻之香，但有蝦醬入口的惹味感，而且帶有點點辣味，不失味美。

見其名，就想吃海南雞飯叫了半隻海南雞，加個白飯，兩個人已經好夠飽 海南雞已去骨，皮脂不多，雞肉鮮嫩肥美，件件雞啖啖肉，份量大件而多，肉質剛熟不硬有囗感另外重點係汁料，豉油杰杰不咸有少許甜，撈飯一流，薑蓉新鮮翠綠，油味香濃，辣汁惹味，辣而清香，三種汁三種食味

兩個人食晚餐。新城市好難搵位，這間人流尚算不多，可能地理位置不起眼吧。首先來飲品，飲品的名字我忘了，但每一杯特飲都有個有趣的名字。這杯的成分是椰子+香蕉，感覺很清新，不太甜，很奶的質感，整體幾好飲。 前菜黑蘿蔔糕。比白蘿蔔糕多落了甜醬油煎香，惹味非常，唔停得口。前菜來說，份量好大份！再來碗好standard 的喇沙，用料足，麵底是油麵加米粉，有齊獅酣、豆卜、中蝦、魚片、芽菜，味道一流～ 可能有朋友覺得不夠辣，對我來說剛剛好！ 另外還叫了一碟馬拉盞炒通菜，都幾大碟，偏鹹和偏油膩，不過好惹味整晚份量其實對兩個人來說是太多，所以我們有堂食有包走

和老細一同出去野外pre-trip，完事後他問可否一齊去食個飯。反正今天沒有帶飯，也就欣然赴會....隨便在食肆林立的新城市廣場內揀地方落腳。要找吃的地方當然不會太難，但要找像樣的，反而是有點難度了....既然這裡不行那兒又不成，也就真的極隨便挑了一間之前未吃過的店....看到"少爺"這個名稱，再喵到了餐牌的大概，我想這兒和之前去光顧過的另一間同樣叫作少爺的店子應是屬同一派系吧....碗子看上去蠻花俏的。看來店主還是有在裝飾擺設上有花過心思....老細對食是一個門外漢，對星馬菜的了解是不太懂。所以就叫小弟幫他點菜。先問問他吃不吃辣及藥材味重的東西，得知他沒有甚麼"偏吃"的習慣後，馬上為他點了一個馬來式的肉骨茶....偷喝了一口色水深褐的"茶"，味道還頗藥材夠濃；排骨不全是我最喜歡的，帶有軟骨的一字排，肉是有點偏瘦柴的。故此上策仍是全攻以茶送飯為上，或可以用油條浸著肉湯來吃....而我呢，還是穩陣一點點一份味道總不成太差的海南雞飯....飯有少許炸蒜粒舖面，色澤呈微褐黃以為甚對版，怎知吃將下去無論是香氣以至味道都好像不太夠，只是將一口口有點鹹味的飯吞進口中，香料的氣息是不太由味蕾感受出來

響沙田行完街搵飯食, 是但搵間食飯, 見呢間新加坡野未食過, 一於試下先.環境坐得幾舒服, 餐具夠精緻."海南雞"$120, 半隻份量比較少, 脂肪比較多, 肉質較實在, 唔夠嫩滑, 不過個海南雞汁酸酸甜甜幾開胃."馬來肉骨茶"$78, 肉骨煲到入晒味, 藥材味都幾濃, 但都幾易入口, 但跟新加坡食既就差DD. 份量兩個人飲剛剛好.

少爺呢個名稱比人既感覺好清高，好似要服侍甘樣! 點解呢間餐廳叫少爺呢? 我都吾考究了，我只係想知有乜好野食，好吾好食呢...哈。知道此餐廳主打係東南亞美食，我見個menu都有好多款式可以食，我見其中一味招牌菜式係海南雞，海南雞呢個菜式一睇就知係幾正宗既菜式。好就等我試一試先，我今次就點左海南雞半隻來食。此碟菜式望落都幾正宗，第一係無骨既，我覺得食海南雞一定要係無骨，可以啖啖肉甘樣食。另外，有提供3種吾同既醬料可選擇，有酸酸地既、有薑容及豉油味。哈...吾知係米食得薑容多，當有其他選擇就梗係點酸酸地果隻醬料。至於雞肉方面，呢度既煮法都幾好味，好明顯係有煮完次後再冷凍過既程序，雞肉連皮好容易分開，而且雞肉質好嫩滑，時間火侯剛剛好吾會太夠。我試左一啖雞肉，好好味來形容，此雞真係有好正宗既海南雞既味道，有夠新鮮、又滑嫩，而已又有3種吾同既醬料可選擇，我每次都點下不同既醬料甘樣便可以滿足自己不同既願望啦!

來到沙田新城市，我最關心的就係美食，呢個商場好多不同款式既餐廳。我今日揀左少爺18，因為我望到佢既menu寫住海南雞，我眼望去好多人都點了。呢碟海南雞睇得出係正宗既主法，一上檯，佢係有埋醬汁比你自己選。其實我覺得食海南雞其他地方都係甘樣。另外，海南雞既雞皮係可以好容易分離的，加分啦。而雞肉煮得好滑，完全吾老，又無雞血望到，食入口好有海南雞既味道，最緊要係吾雖要吐骨頭，呢下就係海南雞既精髓喇，又真係幾巧功夫架，仲有我係叫半隻，其實都幾大碟，每塊雞肉都幾厚肉，真係落足料比你，好彩我無叫全隻，哈。

約人星期五食飯已先用app拎定位，見book檯數量唔多，懷疑食物質素，但之前食過另一分店既感覺幾好，就畀次機會啦去到等左5分鐘就入得啦炒貴刁，我幾中意有油麵有河粉，咁會有唔同口感，但配料唔算多，蝦有少少雪藏味，不過整體都算正常，可以下次再食既雞翼，較辣和咸，1人1-2件會ok，但我地得2個人，食完2件已濃味得唔想再食豬仔骨，味道正常，但肉質非常「鞋」，可直接放棄，和同行既都後悔叫左呢碟整體而言，不及葵芳分店，短期內不會再食呢間