喜遇 (Closed)

灣仔利東街都行開中高檔路線，今日晏就誤打誤撞去左間餐廳食上海菜，平時見排哂長龍，今日完全唔洗等仲有卡位坐。餐廳裝修都行懷舊風，坐卡位就緊係舒服啦。食上海野緊係要食擔擔麵，我地叫左個排骨擔擔麵（$73），份量唔算多，排骨分開上，都酥脆香口。仲有上海粗炒（$90），偏咸，而且份量唔多。仲有招牌炒飯（$108），飯上撒滿蟹籽，都一般般啦，無咩特別。食上海野就緊係要食小籠包（$38/4隻）同鍋貼（$45/3隻），兩款都幾juicy，仲有脆皮素鵝（$59），都香脆可口，同少少醋食，都唔錯。我地5人食完，加埋一，都要$75 一個人，但就唔係好飽啦，之後重要再食糖水先夠。所以食量大嘅朋友，可能就要叫多少少野食啦。

order左一個lunch set 既手撕雞($15)加冬菇($15)薯粉($42)。難以置信手撕雞竟然係得4條，係4條!!!!冬菇有1.5塊再加份量好少既薯粉!!!!我禮貌地詢問經理，得到既回覆竟然係依個係佢地既正常份量，仲叫我如果真係想食手撕雞應該要叫佢地既另一款手撕雞麵-______-。$80既lunch結果係連7分飽都無(利申我係細食既女仔)，要再去隔黎pret買d野食。大家千萬唔好再上當啦天啊!!!!更好笑既係搭抬既三個韓國女仔竟然係碗水煮魚中搵到一條疑似係膠帶既物體-_-......

I love the decor of this restaurant which is meant to look like an old Chinese restaurant. Service is great, the staff is very accommodating and the dishes tasted great as well.  The menu is pretty big with lots to offer and it's hard not to over order. I'll definitely be back here.

一家大細行完囍帖街就來七點，順道就喺呢度食晚餐。可能因為未到最繁忙時段，未開始見人龍排隊。我啲四大一B，原本要等，店員比左個四人卡位我啲揀，算係識靈活安排，我啲都欣然入座。總體上海菜式居多，我啲食過下午茶，唔算太肚餓，簡單揀左幾個餸。其實我啲仲有個火腿津白同北京炸醬麵。上菜時我忙著照顧阿B就冇影相。津白非常入味，可以食到火腿嘅鮮美，而又唔會太鹹，我阿媽老人家對此讚不絕口。炸醬麵嘅面都唔錯，有手擀麵嘅煙韌，唯獨肉醬勁鹹，因為比阿B食，我用四分一嘅醬撈曬整碗麵，佢都食得有滋有味，一人食曬整碗，算係好好！按個價位，總體菜品質素都算幾好。店內雖然繁忙，店員個個耐心熱情細緻。見到阿B即問是否需要BB餐具（米奇款，阿B勁Like）。上菜時都會提醒我啲注意熱，等我啲定好位先擺低。添水快手。我點菜時問是否夠份量，店員都話差唔多啦食住先，好實在。全程令一家大細都頗為滿意。臨走見到鄰枱鐵板牛肉勁香，決意下次一試！

Ordered takeaway dumplings and ended up getting the wrong order. We got vegetarian dumplings instead of beef/cumin dumplings. When I asked the restaurant to deliver the correct order, they asked for photo proof that their order was incorrect.

午餐簡簡單單想食中菜就揀左呢間之前試過唔錯同算抵食今次入到黎發現set lunch轉左得番全部麵餐飯就要單點ｰｰ即係無左前菜、甜品同飲品咁我地二人各自叫黎share食等食中…………麵餐前菜：醉雞：味道幾清幾香酒味加多前菜，味道還可以擔擔麵：都算幾香花生醬味但個湯底比較淡，只係靠醬整濃啲味…一般般友人既豬排：炸到乾過頭好彩又唔係話乾到柴咁，但味道都係一般般……跟餐甜品大菜糕：正常少甜最後埋單每人九十幾我覺得好似比岩岩開個時差左少少

和朋友在喜帖街行只想吃中菜就選了在街角的喜遇。打着名厨期下店加價格適中就進去初體驗一下。兩人被安排在2人位、還好店員及旁桌客人通融讓我放大包小包。坐位有點狹窄。餐具及裝潢均主打懷舊。很可愛精緻。但如果腳不方便的話，大概要問店家如何上2樓的洗手間。食品部份點了雪菜毛豆百葉、賽螃蟹、排骨拉面及四拼前菜。雪菜毛豆百葉上菜沒有很熱，百葉有點點硬，味道ok.賽螃蟹蛋白炒得蠻滑的。比一般的水準好。四拼整體是好的。]排骨拉面大大碗，湯和面還好，排骨個人覺太炸了。整體來說是比一般上海菜好一點的水準但沒驚喜。有點旅客店feel. ]]]]]]

This restaurant always need to be queued up so we expect it would be good. However, it's just below average. Ordered one dan dan noodle ($38) and add $10 for vegetables. The noodles too soft so I think it overcooked. And they only put very little vegetables... totally not enough 🤦🏻‍♀️ but the soup is fine, full of peanut flavour ☺️ I would say it quite spicy 🐽

行到利東街尾 ,見有幾多人喺度等,於是就攞飛入去食 ,朋友話 呢間舖頭 大胃王一定夠食,因為份量都幾多, 本人自問食量都唔差, 食完之後真係攬住個肚走番出嚟, 而且冇味精之餘, 食材新鮮 ,十分味好, 環境唔錯 ,唯一問題係枱與枱之間太過密集, 同隔離唔識嗰班人, 好似同枱食飯咁

由於之前睇openrice食評見到負評仲多過正評心唸呢間會唔會好伏呢但因為一早講好咗會同朋友去食既關係就俾一次機會睇下究竟係咪真係麻麻地我同朋友先叫咗一個傻佬炒飯同一籠灌湯小籠包一碟香煎小籠包呢個傻佬炒飯首先個名已經好catchy我同朋友都俾個名洗咗腦講下個味道真心唔錯又好味個炒飯又夠熱不過份量我就覺得少咗d灌湯小籠包做得唔錯d湯唔會話味精味好重因為之前食過某連鎖式既上海餐廳佢無論生煎包定小籠包都好d湯好重味精次次食到我都要飲好多好多水再加上佢個皮薄但d湯都仲可以唔穿所以佢個小籠包我都幾鐘意食值得一試香煎小籠包我人生第一次食煎既小籠包所以期待感都好大我初初都好糾結如果要煎既小籠包倒不如要鍋貼仲好不過由於未試過所以都決定一試煎既小籠包香d不過煎既味我覺得蓋過咗小籠包d湯既味所以如果兩款簡我會簡灌湯小籠包rather than香煎小籠包由於有一張coupon而我哋又唔夠飽就叫多碟宮保雞丁朋友唔太食得辣既關係所以要咗少辣呢碟都唔錯d雞好軟滑少辣咗都好惹味配白飯就真係一流啦最後叫埋個甜品流金歲月<- 應該冇記錯呢個名lol即係流沙奶黃包個包都好好食拍得住酒樓既水準食物方面我覺得唔錯Wa

今晚2人世界, 想簡簡單單的吃一餐中菜, 又唔想去酒樓, 既然行過利東街, 就在附近覓食｡行經喜遇, 未試過, 見價位都ok便推門進場｡ 很快的安排了坐位, 看完餐牌叫菜等食｡先上的是孜然羊肉麵, 個孜然羊肉味道唔錯, 香葱大蒜的香氣誘人, 令人食指大動 ‼ 不過個湯麵, 好有麵粉味, 不過起碼不是淋身, 勉強合格｡隨後到酸辣湯上枱, 氣味...好怪,飲落...根本就係味精｡ 除咗個樣, 真係唔知碗湯有邊一part 話到俾我聽佢係酸辣湯, 一入口堅想鏟人, 好想即時倒咗佢‼ 配湯的銀絲卷, 沒有奶香味, 口感亦唔夠鬆軟, 第一次覺得嗰兜煉奶係有存在嘅必要｡最後嗰份蒸餃子, 皮厚餡實, 不吃也罷｡

明明是凍食 我竟然要放落湯到先覺得入到口 本來是我最愛的一味排骨麵 非常失望 個麵同湯底味道完全分開 無味 ，排骨炸粉比肉比例多好多套餐 唯一不錯的賽膀蟹 叫了辣的 我老公食但我唔食辣所以無食 但佢食左一粒已經面有難色 佢話配搭出來味道不好吃 而且皮硬好清既一個餸，應該係一滴鹽都無落過 等同食減肥餐 我同媽咪平時都食得清 但真係想問可以有小小味嗎魚香茄子 等了超耐 等到叫佢cut單唔要先來 建議唔好叫 除非你想食油 我最後要將茄子放落清水浸完先食到螞蟻上樹 普普通通 唔算難食 但都無*好味*兩個字整個餐份量唔多 其實我地三人都唔飽 但唔想再叫 最後選擇去第二度再食唯一要讚 就係因為想cut單時個茄子煲到 侍應唔好意思 不斷講唔好意思 到埋單再講 好彩仲有一點服務態度

星期六下午3時左右, 灣仔好多餐廳都落場,見位於利東街既喜遇 價錢適中, 環境可以, 有空位,  自然走左入去。行入去之前，都有睇過ｄ人評語話一般般，所以坐底睇餐牌時候，兩個都食揀穩陣野食。我地叫左一碗手撕雞河粉，一個北京炸醬麵，價錢＄６０－７０左右（未計加一）。惡夢開始。食左一啖手撕雞，我真係未試過食ｄ前所未有咁＂鞋＂的肉，又無味又老，好啦，我都廢是嘈啦，諗著淨係食埋碗河粉填飽個肚走人，只不過碗粉ｄ湯又無味，衰過出面餐廳的清湯，我實在食不落肚。我唔明點解可以咁難食？？條氣真係好唔順，雖然唔係好貴，但點解連最基本的湯河都可以咁樣俾客人食？後來，真係忍唔住同ｗａｉｔｅｒ投訴，佢話要同經理講。當時我地都見到邊個係經理，點解客人投訴，　個經理都可以唔出面講句唔好意思！？完全係覺得唔收我錢就等於問題解決咁？到行出去埋單，　個經理負責收錢，佢個樣係好鄙視我地，黑口黑面！！！！我對佢既態度係極度唔滿意，我地而家無錢俾咩？（ｃａｎｃｅｌ左湯河個碗錢），您餐廳ｄ野難食到客人入唔到口，我點解唔可以投訴先？？？？？連碗北京炸醬都係硬食咋！！各位如果想試，　請自行考慮！

一個人喺利東街搵嘢食，見到喜遇，店舖幾特式，又唔駛等位，入咗去試下。見到佢個私房特餐，啱晒一個人食，叫咗我鐘意嘅回鍋肉，先飲一啖佢地跟餐嘅中式湯，味道普通，不過就唔係好夠熱。小食有二款，一款喺烤夫，比較甜口，都好入味。另一款喺炸菜雞腎，雞腎都幾爽，幾好食。回鍋肉有少少辣，不過椰菜同豆腐乾好多，肉就好少，味道唔錯，好惹味，好快成碗飯食清光。另外個餐仲有甜品馬豆糕，餐飲叫咗玄米茶，幫助消化，消吓滯。其實D嘢食味道都ok，個餐好似有好多嘢食，不過每樣都喺得少少，份量好細，如果好肚餓，真係會唔夠飽。

I like to order drunken chicken at chinese restaurants from time to time and have never had a problem until I came to Hay!. Their drunken chicken was all purple and bruised (see picture). It made me feel like gagging and ruined my appetite. I ordered some other dishes and recall they weren't that great either.