囍鍋蒸氣火鍋專門店 (Closed)

慶祝好朋友生日, 佢最鍾意食海鮮, 網上搵左一輪揀左呢間蒸氣鍋, 評價唔錯, 而且海鮮款式都幾多.餐廳響大廈2樓, 不過好多部電梯, 唔洗好似其他地方等lift等到頸長. 預早訂枱有梳化位, 環境好舒適乾淨.海鮮花多眼亂太多選擇, 最後選擇食套餐.每樣海鮮蒸氣都需要D時間, 所以第一樣係三文魚刺身先醫肚, 無雪味, 肉質好軟, 好新鮮.開左胃就準備食蒸氣海鮮, 大連鮑魚, 肉質彈牙爽口, 味道鮮甜, 配蟲草一齊蒸吊下味. 紐西蘭刀貝大隻, 煙韌有嚼頭, 好鮮甜, 無沙好乾淨.蒜蓉蟶子王肉質豐富, 口感彈牙, 除左蒜蓉味, 仲食到蟶子本身既鮮甜味.仲有手掌咁大既美國石蠔, 蒸完都唔會變蠔豉, 味道鮮甜, 咬落口感豐富夠creamy, 充滿成個口腔.清蒸和牛, 脂肪分怖平均, 紋里清晰, 和牛肉質軟腍, 肉味濃香.食完海鮮同肉類, 可以食埋蟹籽鮮肉釀冬菇, 釀豬肉蒸完都唔鞋, 口感幾滑, 冬菇夠juicy. 清蒸海鹽什菌有好幾種唔同既菌類, 蒸完夠腍, 唔油好健康.最後有南瓜排骨粥, 好清甜南瓜味, 粥底煲到夠細滑, 食埋剛剛好.

去咗尖沙咀天文臺道8號，呢棟商業大廈入面聚集咗唔少食肆，今次就試試囍鍋。入口旁邊有幾個大魚缸，養咗唔同嘅新鮮海產。佢哋嘅樓底夠高，空間感十足。可能因為踏入夏季天氣開始熱，當晚嚟食蒸氣鍋嘅食客唔算多。呢度嘅蒸氣鍋都係用竹帽咁嘅蓋蓋住，同埋鍋底可以煮粥嘅。先食刺身，三文魚個口感幾肥美。呢個係未切嘅象拔蚌仔，大約等如成人手掌嘅大細。之後就拎入廚房去內臟同切條，蒸熟咗咬起嚟脆身鮮味，個人覺得唔錯。中蝦嚟到嗰陣仲郁緊，蒸完之後蝦肉好厚同彈牙。順德污糟雞嘅雞件入面有紅棗、冬菇、蟲草花、大頭菜絲，雞肉唔嚡口，調味又唔會太過濃。蔬菜有茄子、秋葵、菜心等，不過我哋就試咗田園孖寶，其實係切片南瓜同番薯，南瓜軟綿微甜、番薯就幾粉嫩。嚟到甜品環節，桂花糕入面嘅杞子令佢好清甜，餐後食係幾滋潤嘅。經過一輪蒸海鮮同其他食物嘅過程後，石鍋入面嘅粥都煮好喇。仲可以配埋炸脆片、蔥花、芫茜或大頭菜粒嚟食。

海鮮對香港人黎講都算係重要既食材, 香港人已經唔會去西貢鯉魚門果D食海鮮, 想食海鮮當然要食蒸氣鍋, 可以蒸出鮮味又無咁熱氣.約埋三五知己飯聚, 難得見面, 當然食好D, 有人提議黎呢度食蒸氣鍋, 地點方便無異議.呢度除左主打既蒸氣鍋之外, 仲可以食火鍋, 好多選擇.商議後決定揀套餐食, 多D海鮮又抵食.先有三文魚刺身, 新鮮軟嫩, 魚脂十足, 先來一個冷盤好開胃.之後開始食蒸氣海鮮, 不過蒸之前侍應會放在粥底既材料, 係南瓜排骨, 材料大大舊.先蒜紐西蘭刀貝同蟲草鮑魚, 兩者都唔會太細隻, 咬落爽彈, 鮑魚肉質夠厚實. 美國大石蠔真係夠大隻, 肥美漲卜卜, 啖啖海水既咸鮮同蠔味, 感覺一流.粉絲蒸蟶子又係大大隻, 蒜蓉味豐富, 蟶子鮮甜, 彈牙有嚼口.蒸和牛片, 侍應有問我地要熟D定無咁熟, 我地要唔洗太熟, 以免太老, 呢度應該5-6成左右.脂肪唔多, 不過入口腍身而嫩滑, 富肉鮮味. 仲有釀冬菇同蒸什菌呢D蔬菜類, 食完就可以食南瓜排骨粥, 粥底好綿, 好香南瓜既甜味, 排骨煲到夠軟腍.個餐仲包汽水啤酒任飲, 非常滿足.

今天工作很疲憊，當然要好好獎勵自己一頓。枱面上擺好了蕎頭、花生、醬油，是不錯的前菜小食，忍不住就把蕎頭吃光光。點了套餐，先來每人兩片厚切三文魚，三文魚甜美，充滿著相當份量的油脂。先有南瓜、排骨和米灑在鍋底，留待最後吸收海鮮的精華再吃。先蒸紐西蘭刀貝和竹串蝦，刀貝鮮甜無比，啖啖都是肉。新鮮蝦肉彈牙，喜歡沾醬油的我，沾少許辣椒蒜蓉醬油吃，味道更佳。蒜香雞翼是服務員推介的一項，表面塗上了牛油炸香，增添我嗅覺的享受，而且令人想一吃再吃。蒸象拔蚌仔，預先切成條狀的象拔蚌仔，口感彈牙，鮮甜無比，是值得推介的一項海鮮。蒜蓉粉絲蒸聖子，聖子吸收了蒜香的味道，再配上粉絲，是食海鮮中最好的配搭。另外點了黑松露南非龍蝦，龍蝦的鮮甜配上濃香的黑松露，也是惹味而且配搭得剛剛好的選擇。蒸加拿大肥牛片，剛剛好熟透的牛肉，味道濃厚。手剁梅菜豬肉丸拼鯪魚球，份量很大粒，個人較喜歡豬肉丸，如果可以配上飯就好🤤蒸馬拉糕，小小的一件最適合差不多飽的我們，來做一個飯後甜品。最後，主角就是軟綿綿的粥，南瓜已經被煮溶於在粥裡，視覺的滿足，粥底不負眾望，留下了各種海鮮的鮮味，是最好的結尾。

蒸氣火鍋注重食材的新鮮度今天就來天文臺道的囍鍋二人餐每位398 元有前菜刺身海鮮肉類點心粥品等另追加正在做優惠的金箔黑松露南非龍蝦48元一隻物有所值黑松露香氣撲鼻龍蝦肉爽甜鮮味先來三文魚刺身厚切肥美油脂豐腴蒜香雞中翼惹味但非常熱氣竹串蝦紐西蘭刀貝鮮甜味美蒸象拔蚌體型超大味道極鮮甜口感佳味道讓人念念不忘蒜蓉粉絲蒸蟶子味道濃郁仍不失海洋的鮮味肥牛片在蒸鍋中數十秒就可食用手刴梅菜豬肉丸有驚喜梅菜鹹味剛剛好豬肉肉味濃郁這種配搭還是身一次見值得一試最後凝聚了各種海鮮精華的南瓜粥加兩片薄片心滿意足除了食材新鮮外服務也稱心確實是滿載而歸的一個晚上

放假一家人食lunch 係尖沙咀～ 地點好方便 係呢到飲茶好特別 可以係張檯到直接蒸 即刻食 熱騰騰好正呀👍🏻👍🏻👍🏻全部食物都好新鮮 賣相又靚 👏🏻環境好好 坐得好舒服 服務都不錯 老板又熱情 會主動問下你既意見 傾下計！ 下次會再去食 聚會一流 無限入座時間～ 唔會趕你走我地叫左點點心拼盤配蒸菜 仲有午市套餐 包一個湯 2碟小菜 有蒸魚 生炒骨 一碟炒飯 三籠點心 ～叉燒包 牛肉球 咸水角 仲叫左懷舊雞大 好好食 😋😋😋老板話點心師傅係好運來請過去既師傅 好有水準 格錢相宜 🙂🙂🙂下次要試下晚餐 蒸海鮮🦐🦀🐟

全場必試金箔黑松露南非龍蝦，龍蝦有一隻手掌咁大，面頭鋪了密密麻麻的黑松露，再加上矜貴的金箔，都只係成為＄48 ,喺度話比大家知一去到真係第一時間要嗌左佢先。而且龍蝦非常新鮮，食落口啖啖肉，啲肉又實又鮮甜，人間極品。特大大元貝，有名你嗌真係好大，成隻手掌心咁大嘅元貝，加左粉絲及蒜蓉一齊蒸，上枱有濃濃的蒜香味，口感彈牙而且好新鮮好鮮甜。紐西蘭蟶子皇，由於都是新鮮食材，所以越簡單嘅方式蒸出來越鮮美，吃落口非常爽口，所有嘅醬汁都不需要店， 都已非常可口。清蒸和牛片，雪花分布均勻，很濃郁的牛味，不需要點醬油，都已很夠味。只食海鮮，覺得唔係太飽，再叫左個點心拼盤，有燒賣、小籠包、蝦餃、潮州粉果，每樣都有兩粒，粒粒都很有份量，有半個手掌心咁大，食咗之後真係飽晒。嘩！原來食蒸鍋，最底部是放左粥的，當在一邊蒸緊海鮮嘅時候，下面的粥就一邊在煲緊，把所有蒸過食物的精華，亦會滲晒落底部，令到啲粥非常鮮甜，本來已很飽了，但都忍唔住食咗兩碗。

天文台8號如果唔係陪朋友來睇樓，都唔知原來尖沙咀有呢一度食嘢嘅地方，呢個地方食既嘢比較中上，同商業大廈都裝修得幾靚外面，都幾多嘢食揀，我哋想食海鮮，咁我就同個朋友來試左呢一間，第一次食蒸氣火鍋，估唔到咁出色，同平時打邊爐嘅分別就係呢度會有人幫你蒸埋，自己連唔郁手都唔使，可以慳返啲力氣來吹水。南瓜排骨粥底蒸晒所有海鮮，肉類，最後先食，所有精華都落晒個粥底到，金箔松露南非龍蝦仔好抵食$48一大隻，一蒸熟松露嘅香味已經散晒出黎，再配上龍蝦既鮮甜，爽口彈牙，好配合。加上金箔係面頭更加高級。大元貝，大蟶子好大隻元貝，好厚肉，好新鮮，所以加少少蒜蓉落去已經好好味。咸水金古魚呢個餐牌上無的，系侍應介紹的，肉質唔鬆散，咬咬落硬硬地彈牙的，唔醒，食海鮮配返個白酒先

識飲識食嘅我，當然要食得新鮮同健康啦今次係同屋企人去食蒸氣火鍋，環境舒適，坐得舒服，慢慢嘆下海鮮蒸火鍋原條活魚，食開海鮮嘅我，當然知道條魚鮮唔鮮，呢條活魚彈下彈下，生猛十足，望吓都知係攞足滿分原條活魚就攞咗入去廚房起骨切片，跟住就有專人喺你面前，幫你放入蒸喎度蒸，唔使自己估下估下要蒸幾耐同屋企人傾下傾下計，咁就差唔多係時候有人幫你上碟魚肉夠滑夠鮮夠實夠甜，可以唔使點任何醬料，鮮味攞足滿分奄仔蟹，蟹身肥大，色澤新鮮，一望就知佢又係攞足滿分一開鍋蓋，鮮香蟹味芬香撲鼻，親熱放上碟蟹膏爆滿，香濃回味，蟹肉極多極鮮極甜極美，味道又係攞滿分美國大石蠔，隻隻成隻手掌咁大，色澤新鮮，鮮味十足，一定要試

見佢吹到話蒸氣石爐永無熱氣，就諗住同班FD 黎試一試。一黎到就見到個好似用竹定唔知咩做既奇異圓柱型蓋，放係個枱中間，幾鬼過癮。 打開入面有個淺既鐵夾層，聽講係用黎蒸海鮮。 隨便叫左D海鮮黎，新鮮拎黎然後即場係你面前蒸，幾得意同新鮮既。至於，食落，我覺得好食既，但略嫌有時D味 淡少少，一係就蒜蓉味太重，唔係好食得慣。 不過咬落係新鮮同有口感既。然後，到打邊爐，都係一樣用個內嵌式爐打。 放D湯底落去慢慢蒸滾，食牛就真係一流啦! 佢D牛肉新鮮、雪花紋靚。之前係日本食過一次牛，真係屈機到入口即溶個種，畢生難忘。 估唔到呢間都有7成水準，係香港算少見，食 落口夠鮮甜和味。唔錯~估唔到真係有D料呀!哈哈XD

Love that our waitress help us steam all the seafood so we don't have to worry about the cook time. Clean environment, came here on Friday night and is not packed.Good service and seafoods are very yummy!Just one thing I dislike about is that your entire party must order the same menu so if you come in a big party then you may have a hard time deciding what to order😂

前排蒸氣火鍋嘅熱潮直捲香港，一直都好想試，但係又唔知試邊間好，聽朋友介紹就嚟咗呢間佢午市有即叫即蒸嘅點心，即刻蒸嘅意思係係你面前蒸💕好特別帶子鳳眼餃，我記得入面仲有蝦架，好彈牙同鮮味仲叫左叉燒酥，上面個皮仲有少少甜甜地，入面嘅叉燒餡唔會太林或者太硬佢哋用嚟蒸野嗰個蓋好可愛啊一入門口就見到好大隻嘅扇貝海鮮叫咗聖子，用蒜蓉蒸星斑，幫我地切好晒，仲起埋骨食得好方便，啖啖都係肉😽海中蝦，佢用竹籤吋好咗，食嘅時候好方便番薯蜆，好少食咁大隻嘅蜆，俾我手掌咁大🤗仲要好生猛，你見到佢伸咗出嚟😂😂美國石蠔，佢都係king size 番薯蜆熟咗打開晒，入面有佢自己本身嘅汁😋😋鮮甜到而家諗起都流口水❣️最後仲有黑松露金箔龍蝦，估唔到黑松露同龍蝦嘅味好夾，黑松露完全唔會搶咗龍蝦嘅風頭💕💕今餐真係超水準，有機會一定要再嚟食過

除左打邊爐，午市茶點都唔錯!之前嚟囍鍋都喺打邊爐，比較少試佢d午市茶點!今日得閒 嚟試下佢d茶點，食嘅野都同普通茶樓唔差太遠，都喺d點心， 有燒賣、蝦餃、腸粉等等。  不過比較特別喺佢有d海鮮嘅粉麵飯，我哋叫左個蟹肉糯米飯， 經理話呢個都喺比較多人叫嘅。足料有成隻蟹，佔左成盆嘅  三分之一左右。而d飯嘅份量都唔少，三個人分嚟食都夠飽。 所以總括嚟講，我都俾6分嘅。  普通點心，質素都係正常水準。不過特色粉麵就幾好，而且 環境舒適!呢餐都食得幾好!

屋企老人家成日約埋佢地d朋友去呢間囍鍋食嘢，次次返嚟都話好食。今日終於嚟呢到試一試！蒸氣石鍋喺相就睇等多，但現場感覺喺幾過癮。尢其喺睇住人哋幫你整熟啲海鮮，有趣！首先食左啲蒸既海鮮，叫左蝦同蜆，蒸出黎嘅不過不失，好在佢啲調味夠，特別啲蒜蓉。之後我哋叫嘅喺豆腐湯底，跟住先喺重頭戲呀！話明打邊爐又點可以唔食牛呢，個經理同我哋講啲牛肉新鮮即日先擋。果然，啲牛肉拎到埋嚟，一睇，望落真喺幾新鮮，啲雪花紋幾𡃁...我自己都喺啲中意食牛嘅人，而今次都無令我失望。只喺普通豆腐湯底，放落去碌兩碌即刻食得。咬落口，有種入口即溶既感覺，啲肉汁鎖曬喺入面。因為喺普通清湯，所以唔怕俾湯底搶左啲味！入口即溶，牛肉味好出！等左成晚就喺為左呢一刻！所以雖然喺貴左少少，但我覺得值得一食嘅！我建議湯底最好清湯，咁先食到牛肉嘅原汁原味！

第一次嚟呢間喜鍋食嘢，初頭見到隔離有間酒鍋，心諗點解咁奇怪，以為去錯。原來係兩間唔同嘅鋪頭!講返喜鍋，第一次聽到咩蒸氣石鍋都唔知咩黎，今日嚟食先發現都幾過癮!真係有個好似用藤定唔知竹做嘅野當蓋，笠住個鍋然後蒸野食。今次最主要嚟都係試下D肥牛，同個南非龍蝦仔。南非龍蝦仔係蒸，一開始個經理拎住一盤龍蝦仔過黎，上面 放左好多蒜。然後就即場係我哋面前蒸，放入個石鍋，我諗 大約過左七、八分鐘左右。然後拎起個蓋，即刻變成好靚紅 色、橙色。龍蝦仔熟曬個樣睇落真係唔差，仲有好濃嘅蒜香 味。果然食落真係好有蒜味，中意食蒜嘅人一定會好中意啦 ~而且龍蝦仔個份量都大，都幾多肉食。10分我都俾7分!中間，都有其他野食下，不過最期待都係佢個手切肥牛。經 理話每日新鮮即切，保證新鮮。一拎出黎，個樣真係幾靚， 好有紋理同色水幾豔。就咁睇都應該唔錯，然後就係火鍋涮 一涮，拎上黎食!經濟話唔點豉油都好好食，果然真係幾得! 好有牛既甜味，但又唔會話好腥，入口即化真係幾掂!非常 好食!雖然量就唔多，但勝在好食~~~唔係出面D牛可以相 比!10分俾9分!今次第一次黎食，肥牛真係非常驚喜，超出我所想。唔錯， 下次有機會一定返黎