囍鍋蒸氣火鍋專門店 (Closed)

朋友推介生日飯局在喜鍋，大夥兒都贊成， 主要是可以有個房間，讓我們有個私人空間， 吃起來更暢快，而且更重要是不用限時間。下午4時已經可入房唱K、玩牌，各式其式的娛樂， 人齊我們點菜，可以散叫或套餐， 大家都同意選擇蒸氣鍋，每位$348的A套餐。 A套餐包括：南非龍蝦半隻、原盅雞燉鮑翅、自選海鮮 肉類各兩款、蔬菜、甜品各一款。粥底是南瓜排骨粥。 雖然蒸氣鍋已經流行一段時間，我今晚機緣巧合一嘗蒸氣鍋， 女待應先將日本珍珠米、南瓜和排骨拌勻放在底鍋， 等待稍後在上層蒸海鮮肉類蔬菜的同時也在煲粥， 蒸海鮮肉類蔬菜的汁液順流到粥裏， 原汁原味一點一滴都冇浪費。 先來每位原盅雞燉鮑翅，我在09年網誌中曾表達我不會 再吃魚翅，今次很無奈吃了，味道一樣，感覺已不一樣了！ 開始蒸每位享用的半隻南非龍蝦， 可楝蒜蓉或金泊黑松露蒸龍蝦，楝了後者， 原來都是蒜蓉是最夾的。 海鮮兩款我楝爽口、味道較清淡的大連鮑魚和象拔蚌BB， 我的象拔蚌BB真係像初生BB，迷你到不可以再迷你， 如此迷你！味道怎嘗！？ 自選海鮮還有石蠔和海蝦片段分享自選肉類，大夥兒一致楝蟲草花蒸雞和西班牙黑毛豬， 西班牙黑毛豬爽脆有鮮肉

蒸氣火鍋已在香港流行幾年，爐身以草帽笠住，中間隔層蒸海鮮及肉類，吃材料原汁原味外，肉汁精華滴到最底層就用來煮粥底 。 今次吃的蒸氣火鍋是尖沙咀「囍鍋」，開業約一年多。 食物若單點的話都幾貴，揀套餐較划算，我點的「南非龍蝦餐」，人均 $288 + 10%。 套餐先上每人一盅「蟲草花燉雞湯」，用匙羹攪可以見到很多湯料，味精感不算強，可以先暖暖胃。 粥底需要另外每人加 $48 (小)，是南瓜醃鹹排骨粥。與其他蒸氣火鍋食法一樣，未放食物蒸之前，先放粥底在下隔，任它慢慢煮。 每人有半隻蒸南非龍蝦，可以挑蒜蓉或者黑松露金箔，兩種味道每樣來兩份： 熟後龍蝦肉爽彈，用的料該是新鮮。 我一向覺得海鮮若果夠鮮活，原汁原味蒸煮方能吃到它的真實味道，不夠味才輕點醬油。反之，如今次的吃法，太多蒜蓉調味，就等如食蒜蓉而不是食龍蝦，反客為主。 另一邊的黑松露金箔，賣相不太討好，像豆豉。放心，一定唔會頂級黑松露醬，配龍蝦的中式蒸法效果奇怪，蒸過的黑松露無哂香氣，有色冇味，不如唔好落。唯一亮眼的 gimmick 是放了金箔，看上去帶丁點貴氣。 店方規定，整張枱所有食客要揀同一款套餐，合理。肉類可揀兩

又來開心中學同學酒聚。由於剛剛轉工非常繁忙，今次由同學代為安排。唔該阿業。這裏地點一流，裝修不錯，餐桌與餐桌之間不會太迫。最重要是，這裏免開瓶費，乃是酒聚的必要元素。唯一有一點大家要注意，這裏的酒杯數量不多，好在有經理May姐幫我們打點，最後我們都一人有一隻香檳杯及一隻紅酒杯。唔該晒May 姐。所有套餐基本部分內容完全一樣（自選2款海鮮、2款肉、1款菜、1款甜品）。我們點了$388套餐，在基本部分外有乳鴿、龍蝦、雞鮑翅。我們貪心另外加點海中蝦，和一些小吃。由於我們要配酒，所以要求了乳鴿後上（經理話一般係乳鴿先）。小吃墨魚餅好彈呀，好有咬口。先上雞鮑翅，因為已經飲左好多香檳⋯⋯一碗熱熱的翅湯下肚，好鬼正！海鮮時段開始！龍蝦下鍋時仲識郁。夠新鮮。我選了黑松茸味，配搭得唔錯。象拔蚌仔亦非常新鮮，味道清甜。鮑魚由蟲草花襯托，味道不錯，同樣非常新鮮。值得一讚，鮑魚洗得好乾淨。加點的海中蝦，有竹籤串起，比較容易下手。蝦肉非常彈牙，很爽口。蝦要好吃，沒有什麼神秘，一定就是要新鮮。進入肉食時段。西班牙黑毛豬清蒸無任何調味出奇好味。梅菜蒸豬肉球，非常彈牙，令我哋想起食神的乒乓波牛丸。食到這裏已經非常飽，

約左三個好朋友於尖沙咀共聚，最近因為天氣寒冷而吃了很多很多餐的火鍋+打邊爐+ShabuShabu，已經開始出現麻木的感覺，趁天氣回暖些少，心裡一直希望有機會清空一下味蕾再從新上路。朋友在附近工作，選了這家馳名的 “蒸氣石鍋專門店”， 顧名思義這家的專長是蒸氣火鍋，但負責點餐的頑皮又貪吃朋友甲，故意不點此店的蒸氣石鍋，反而猛點小菜似乎要考驗飯店師傅的功力，我心想反正都因為太多火鍋而想清空味蕾，小菜就小菜吧！- 風味牛油大肉蟹- 紅燒石岐乳鴿- 松露滑蛋蝦球- 原盅雞燉鮑翅- 蒜茸炒豆苗- 甘苦與共炒河風味牛油大肉蟹這道菜是今晚焦點，我曾經在新加坡生活過一段時間，胡椒蟹/辣椒蟹或類似製作方法都吃過不少，但牛油蟹就真的是未曾試過，Menu上的圖片，跟真正上枱的還原度非常高，絕對不存在”圖片只供參考”的情況，辣椒恰如其分地與牛油一同滲入嫩滑蟹肉，加上蟹肉肉厚清甜，牛油香而不肥膩，實在回味無窮。(當我們完事後服務員欲收走此碟菜，朋友乙大喝手下留人！原來他對牛油汁非常欣賞，更將我們點了的豆苗沾上牛油汁一起品嚐，大呼過癮！)(上:Menu圖片; 下:真實上菜)紅燒石岐乳鴿這個乳鴿又有驚喜，曾經有幸返

一講到要去尖沙咀食好嘢都好擔心荷包會身受重創~今次真係要介紹一吓呢間富豪級平民價嘅"喜鍋蒸氣火鍋專門店"店入面會有幾個價錢唔同嘅餐俾大定選擇價錢都係3百幾至4百幾左右呢個餐跟嘅燉湯真係不得了！材料充足燉,燉湯火候都十足！睇下燉完出嚟湯嘅色水真係隔住個mon都感受到！再跟一隻炸乳鴿真係估唔到黑松露同龍蝦嘅味道係可以咁夾！再加上用料新鮮呢個價錢食到呢個質素嘅食物可以講得上個抵字！隻蠔成隻手掌咁大再用薑蔥嚟調味好好食！記得飲埋蠔嘅湯汁剛剛蒸起即刻食又真係唔同啲嘅，鬆軟到一個點！除咗有蒸氣鍋物之外仲可以點埋炒小菜！粥底煲到綿一綿加埋腐竹，食多兩碗都仲得其間老闆仲出嚟介紹手工啤酒，店員嘅服務都係5星級！又搵到間可以無限返兜嘅蒸氣鍋店！

同屋企人食晚飯，見呢間嘢喺呢度嘅評語幾好於是試下。9點幾入座，人唔多，坐滿大約6，7成，隔離就仲排緊長龍，anyway，入座。落order時問個經理menu上嘅嘢，佢e起棚牙咁答你，但其實皮笑肉不笑，語氣其實唔耐煩，算，落單開波。食蒸氣鍋都係校時間夠鐘就起，都已經唔係煩忙時間，但係響哂鐘都冇人理，結果龍蝦蒸過龍，其他都係咁。食物質素算中規中矩，但蒸得唔好，調味都一般，所以麻麻地好食。差唔多價錢，同斜路頂嗰間蒸氣鍋水準差太遠，唔會再嚟呢間。

一行四人在尖沙咀吃喝玩樂一番之後，忽然想吃蒸海鮮，一致決定到了喜鍋。四名飢民差不多甚麼都放得入口，先上的冰鎮三文魚刺身，我們即時送入嘴裡去。魚生的溫度相當好，凍得來又不會過份的雪，而且是厚切的，三文魚的油脂在口裡散化出來，非常甘美，無奈的是每人只有兩片。而海帶亦很鮮爽，開一開胃口，為整餐掀起了一個美好的序幕。刀貝對於小人來說就是大一點的蜆，肉質鮮甜不靭，蘸一蘸豉油更能突顯其原來的味道。草帽蓋子拍得太多，不拍照了。蒸的蝦尚算長身，惟若論肥粗程度僅屬一般，因此吃得未夠盡興。相對地手切肥牛就完滿得多了，片片肥牛油花分佈均勻，在鍋裏涮一涮，牛味盎然，亦不覺肥膩，後來我們安哥了多一盤呢。食材新鮮，誠意之作。

星期六晚一家人出去食晚飯，知道尖沙咀新開左一間蒸氣鍋餐廳，於是一家人出發去試吓！餐廳的職員招呼都很好，隔離枱有食客電話要叉電，職員都會幫手！見到有一個自選套餐幾唔錯，398一位，都幾多嘢食，又有啤酒汽水任飲，我哋就決定呢一個套餐！另外，依家有龍蝦優惠，金箔松露蒸南非龍蝦，聽到個名都覺得好矜貴，每隻都只係$48，好抵！於是我地點左兩隻！龍蝦Size都唔細隻，幾有肉，上面佈滿黑松露，蒸完香氣四溢！套餐食物真係幾多款，單單前菜都有9款，我地揀咗味付海蜇，前菜嚟講都幾大碟，麻油味香，海蜇爽口！自選海鮮六款都好吸引，屋企人鐘意鮑魚，我地揀咗蟲草花蒸鮑魚，另外仲揀咗蒜蓉粉絲蒸蟶子皇。清蒸鮑魚可以食到原汁原味，鮑魚夠晒彈牙，一啲都唔韌！大大隻嘅蟶子皇好鮮甜，配粉絲一流！另外仲有三款指定食物，三文魚刺身，清蒸中蝦同埋蕃薯蜆。蜆肉脹卜卜，好肥美，又鮮甜！中蝦好新鮮，肉質彈牙！還有自選兩款菜式，我哋揀咗秋葵同埋蟲草花蒸新鮮雞。秋葵有益健康，清清地幾好！的確是新鮮雞來的，肉質嫩，清蒸可以保留新鮮雞的鮮味！最後還有馬拉糕，家姐最愛！

今晚和老友慶生，4人來了囍鍋吃蒸海鮮。這裡裝潢新淨光猛，門口位置養著海鮮。一眼望去，坐位闊落，而且侍應數目多（雖然笑容欠奉），算是中上檔次的蒸海鮮店。點了$398一位的自選海鮮餐，似乎比較化算。先來前菜，東洋味付海蜇，味道不太特別，但勝在份量不少。之後是三文魚刺身，頗為肥美，每人有兩片。在開始蒸海鮮前，侍應先把米、排骨和腐竹放到窩內，為最後享用的鮮腐竹鮮排骨粥做好準備。海鮮陸續出現。每人兩隻的蜆鮮甜好味，喚醒了大家的味蕾。自選的兩款海鮮我們點了蟶子皇和象拔蚌仔。蟶子皇和粉絲蒜蓉一起蒸，不用蘸醬料已很美味；而且蟶子選料新鮮，肉質爽口，味道也是很鮮甜的！象拔蚌仔切條狀再蒸的，可能蒸的時間太長了，象拔蚌吃起上來很硬，和平時切片打邊爐的象拔蚌的口感差太多了每人兩隻的中蝦是不錯的，size夠大，肉質結實爽囗，而且蝦肉鮮味，每人兩隻也有可點不夠喉的感覺我們額外點了$48一隻的特價黑松露龍蝦，龍蝦一開二，鋪滿黑松露醬。蒸熟以後，雪白的龍蝦肉配上黑色的松露醬，單看外面已很誘人。吃下更是覺得這是非點不可的。龍蝦本身已很美味，加上松露的味道後滋味更上一層樓。如果我們不是還要解決套餐餘下的部分，我們真的會一

今晚 我地又黎左呢到食蒸氣火鍋上次試完真係難以忘懷 食材新鮮到不得了而且服務勁好 坐得又舒服 同埋最重要嘅係 價錢優惠👍🏻👍🏻👍🏻今次我地就揀左個$398 晚市餐食我地2 個人 都好多野食到 仲食到勁飽 lol小食 － 蒜香雞中翼呢個雞翼炸得好正指定海鮮 － 三文魚刺身、清蒸中蝦、蕃薯蜆刺身厚切又新鮮 隻蝦上黎嘅時候仲好新鮮 仲識郁😂😂蜆好乾淨 完全冇沙 正👍🏻👍🏻👍🏻海鮮六選二 － 鳳凰蚝、蒜茸粉絲蒸元貝 同送嘅 黑松露南非龍蝦呢個鳳凰蚝係第一次食 大隻又彈牙好味蒜茸粉絲蒸元貝 呢個真係絕配👍🏻👍🏻👍🏻送嘅 黑松露南非龍蝦 依舊都係好正 黑松露勁多 但又唔會令龍蝦冇左味🤤🤤石鍋名菜 － 加拿大肥牛片、蟲草花蒸新鮮雞估唔到蒸嘅肥牛片比打邊爐仲嫩滑 又夠牛味蟲草花昇華左雞嘅味道 蒸出黎真係好好味💖💖💖粥底揀左 － 南瓜新鮮排骨粥個粥底兩次食都係一樣咁正 吸收曬海鮮嘅鮮味 南瓜煲到爛曬 排骨又勁多 冇得彈👍🏻👍🏻甜品 － 古法馬拉糕呢到嘅點心真係好正 馬拉糕比左成底去到最後我地粥 蟲草雞 馬拉糕都食唔曬 要拎走係呢到食野 最正係 有個人會幫你睇住個爐 唔怕蒸到熟過頭而且肥牛仲有得揀幾成熟

試過一次蒸氣火鍋後，上癮了!老實說，這種原汁原味兼有店員控制火喉的餐廳，實在令人食得放心又安心，慢慢聊天不用怕蒸過時間，也不怕食材未熟!這次跟好友來到天文台道試試這間囍鍋，說回來，尖沙咀一向人多車多，但來到天文台道彷彿是另一個世界，人車都不算多，而且沒有尖沙咀那種滿街遊客的擠擁，感覺很舒服。這間餐應在商業大廈內，環境一流!一入餐廳便看到好大個魚缸呀，好多新鮮的海鮮.... ...看到口水流了!喜歡有卡檯的餐廳，人數不多的話，坐卡位既可聊天，也可坐得舒適!不想煩，就乾脆點一人一個餐啦! 蒸囍自選套餐，每人$398粥底我們選了南瓜排骨粥，一開始先在底層放煲粥材料，上面開始蒸食物!食材送來之前，先有三文魚刺身做前菜。我是三文魚精，身體極之需要三文魚這種「維他命」來維持我的生命，剛好遇上不吃刺身的好友，我當然要幫她吃啦!粟米墨魚餅也很好吃呀! 煎得香脆之餘，墨魚又彈牙，正!戲肉來了! 金箔松露南非龍蝦，我對松露興致不大，覺得松露的味道太濃覆蓋了龍蝦的鮮味，如果改為清蒸可能更吸引呢! 雖然松露蓋了龍蝦味，但龍蝦肉的彈形可是非常出眾呢!蟲草花蒸鮑魚是「賣飛佛」，感覺好健康! 鮑魚好好肉呀，正! 蟲

囍鍋係我第一次試嘅蒸氣火鍋，佢真係帶比我好多驚喜，以前一路覺得海鮮火鍋只係一個噱頭，試過先知點解大家都追捧今晚我哋又再嚟食囍鍋，叫咗個自選套餐！其實自選套餐又抵食又多嘢食佢嘅蒸蓋好有特色，仲有啲前菜小食俾我哋食住先！一定係知道我哋肚餓啦，哈哈蟲草花蒸滑雞，感覺上真係好補！同埋佢精嘅時候有少少蟲草花嘅味滲左雞入面，食落有少少蟲草花味但又唔會好難接受呢個牛肉令我最意想不到，估唔到蒸牛肉可以咁滑咁好食蒜蓉粉絲蒸帶子就咁聽個名都已經不能抗拒蒜香雞翼，佢有少少炸左雞翼嘅表皮，食落脆口得來唔會好油膩黑松露金箔蒸龍蝦，我已經諗唔到更加奢侈嘅餸啊南瓜排骨粥，因為所有海鮮嘅汁都的晒落去呢個粥度，加埋本身南瓜同排骨嘅鮮味，成個祝真係好味到我不能夠形容比你聽如果你去食嘅話記得叫個粥你會知我冇介紹錯

成日要諗食咩都真係諗到頭爆。 因為朋友話想食蒸氣海鮮，所以黎呢到試下。尖沙咀嚟講，每位400蚊唔算貴。 選擇都幾多。呢度嘅蒸氣海鮮鍋係用一個竹囉做蓋，可以散走啲蒸氣之餘，又唔會有太多水份令人好surprise嘅係，食蒸氣火鍋都竟然有刺身食！而且個刺身仲要質素好高！三文魚超級肥美！油脂分佈平均。咩都未食之前先食兩件墨魚餅！非常彈牙，煎得好香，唔會太油！啲蝦勁大隻！食落蝦肉都係好鮮！完全唔係死蝦個種肉質。 上嘅時候啲鬚鬚都仲係識郁架！貝類粒粒好大粒，亦都好鮮甜！ 不過唔知係咪就係因為太大粒，有少少韌。但味道還是不錯！呢個黑松露金箔龍蝦呀係做緊優惠推介既。 D蝦肉好彈好鮮甜，黑松露非常之重手。貴氣十足。黑毛豬真係要讚！ 雖然分量唔係好多， 以為佢好薄切，但原來蒸起嚟呢個厚薄度就真係啱啱好！ 油脂同埋肉嘅分佈好平均，每一塊都見到雪花！ 而且豬嘅味道好香濃！唔點任何醬油都好好食！ 梅菜豬肉mix鯪魚球嘅配搭真係好得意！無諗過佢咁大粒。 兩種仲係完全唔同嘅質感。豬肉丸係好彈牙！ 鯪魚球就好林，老人家都應該岩食。略嫌鹹咗少少，但整體配搭唔錯象拔蚌已經切絲，好細心咁樣處理咗。超級快就有得食，好爽好鮮甜

香港地一年四季隨處可見人食火鍋，冬天圍埋一齊暖笠笠的食火鍋，夏天開大冷氣及冰凍汽水的食火鍋。早幾日與朋友傾計發現原來佢地唔知咩叫蒸氣火鍋，我就提議不如帶佢地去試一次啦。今日就揀左呢間喺尖沙咀嘅囍鍋，叫得自己做蒸氣火鍋專門店，應該都有番咁上下質素嘅。我地就揀左呢個超值套餐，粥底揀左南瓜新鮮排骨粥啦點完套餐，就見侍應將啲粥底配料倒落鍋了。預備好個粥底，就蓋上「帽子」煲啦，好心急呀好彩等緊嘅時候都有三文魚頂住先。三文魚肉質肥美，色澤分明，賣相同味道都好過唔少日本放題及刺身專門店啊首先出場嘅係生猛中蝦，雖然唔係虎蝦咁大隻，但的確新鮮生猛，落鍋前仲郁架，食落亦鮮味十足，無需點醬油架。蒸鮑魚嘅時間要掌握得好，我食時唔需要用刀，一啖放入口，肉質爽口彈牙，味道一流。平日食龍蝦多數都係芝士焗，芝士味容易蓋過龍蝦味，但今次利用黑松露的幽香去提升龍蝦的鮮味，更能食出龍蝦本身嘅鮮甜。呢個清蒸象拔蚌仔體型唔細喎，直頭長過部電話呀。象拔蚌不宜蒸得過熟，才可保留肉質彈牙，味道鮮甜。一向愛食牛嘅我，深明肥牛係只需燙一燙就食得嘅道理。但老婆大人卻怕牛肉太生。好在呢度嘅侍應明白各人有唔同需要，會向每位查問牛肉需要幾多成熟

作為一個懶人，想食海鮮而不沾污雙手，最佳的選擇就是嘆蒸氣火鍋；要品嚐海鮮的原有鮮味，最佳的烹調方式是清蒸；而想吃得健康，不油不膩不熱氣，不用多說，蒸是必然的首選，所以今晚又約班海鮮怪朋友出來聚聚，我們就選了囍鍋蒸氣火鍋專門店﹗位於尖沙咀商廈其中一層，環境優雅舒適，有卡位也有房間，放滿海鮮的魚缸水清又潔淨，我覺得作為一間海鮮店，看魚缸的乾淨程度很重要，在一個清潔的環境下飼養的活海鮮才健康生猛啊﹗我們選了蒸囍自選套餐$398(每位)這個套餐抵食又豐富：一開波就有新鮮肥美又厚切的三文魚刺身，非常鮮味﹗精選小食我們選了生煎墨魚餅，店員一送來我們就被黑魚餅的香氣吸引著，墨魚餅食得出是手打，不單香口，而且彈牙﹗第一道蒸氣火鍋是金箔松露南非龍蝦，龍蝦肉質嫩滑，可惜被黑松露的味道完全覆蓋了龍蝦的鮮味，雖然看上名貴，但如果有得選我會選擇簡單以蒜蓉蒸，單吃龍蝦的鮮味～吃完龍蝦，再吃鮑魚，鮑魚很有咬口，我是鮑魚控，所以大口吃著鮑魚感覺很幸福，蟲草花蒸後很彈牙呀﹗鮑魚之後是清蒸象拔蚌仔，天啊⋯我是頭一次吃清蒸象拔蚌仔，象拔蚌仔超級爽口彈牙而且鮮味滿分﹗鮮甜蕃薯蜆中等Size，蒸熟後留在殻裡的水非常清甜～清蒸生