囍源古早蛋糕 (Closed)

香港早前興起古早味蛋糕風潮，有時行街經過都見到有專賣古早味蛋糕既店舖！好多店都會話自己係專誠飛到台灣去學師，而每個人都話自己係最正宗，但其實點樣先係為之正宗呢？上網都睇過啲文章去定義正宗嘅古早味蛋糕，大家都強調像棉花一般嘅柔軟同埋入口即溶呢兩點！而標榜全港獨家黃金邊，黃金底嘅囍源古早味蛋糕店售賣嘅蛋糕我認為就係最正宗既做法！佢哋位於深水埗鴨寮街，以低糖，少油同埋無添加，用心每日烘焙高達70多種嘅口味俾大家選擇！一啲特別嘅口味，例如芫茜，榴槤，薑汁，蒜蓉，你無諗過既都有🤣🤣如果大家都有啲獨特的口味想食，都可以預先打電話同佢哋預訂！🍡焙茶 師傅話其實最難整嘅就係焙茶口味蛋糕，因為焙茶係比較淡口味，而份量比例相信師傅都經過無數次嘅試驗之後先可以做到唔會太濃亦都唔會太淡！切開後表面好平滑，口味濃度亦都啱啱好！好香嘅焙茶味，食落唔會太膩，作為下午茶同埋唔愛太甜嘅我黎講味道真係岩岩好！😋😋🍡特級骯髒榛子朱古力呢個朱古力總共有三層，而總共夾住咗兩層嘅醬料，由上而下，第一層係榛子醬，而底層係朱古力醬！一開始以為呢個朱古力蛋糕會好甜好膩，但食落口又發覺唔係喎，都唔算太甜！總括嚟講，蛋糕濕潤軟熟，入口即溶

邪惡三重芝士 鹹蛋奶黃 榴槤 款款都係必食❗️-古早蛋糕，就係用傳統手法做嘅蛋糕，而真正嘅傳統，就係無添加，用水浴法，用長時間隔水焗起，先做到綿滑黃金嘅效果。今次呢間，就係正宗做法，亦係田中食過最高質。-🥚鹹蛋奶黃($75)1️⃣香港少有嘅正宗古早蛋糕，散發陣陣蛋香，外形光滑而有彈性，黃金而無燶邊，足以令田中愛不惜手。2️⃣奶黃香甜奶滑，混入粒粒真鹹蛋，甜中帶鹹香，熱食凍食一樣冇得輸。👍🏻8.5/10🧀三層巨無霸芝士肉鬆 ($99)田中問左老闆，三種芝士分別係日本芝士醬、意大利馬蘇芝士、英國車打芝士，芝士味夠哂香濃，配上鹹香肉鬆，令人難以抗拒。👍🏻8.5/10🥞金枕頭榴 ($85)超推薦雪凍食，啖啖冰凍榴槤果肉，非常足料，配上綿滑蛋糕，真係絕佳甜品。👍🏻9/10🍫特級髒髒朱古力 ($85)夾住兩種朱古力，下層帶有微微流心，非常濃郁，頂層鋪滿脆片同彩針，層次更豐富。👍🏻9/10

呢到有60幾款口味😳有啲味道仲好特別，例如係陳皮紅豆蓉、黑松露芝士等等。店主介紹佢係用最正宗既「水浴法」烘焙，喺台灣學返黎嘅手藝，同坊間會燶邊燶底既古早味蛋糕與別不同。🔸特級骯髒朱古力🍫店主話係用100%可可粉做，唔係普通溶咗啲朱古力整。蛋糕濕潤軟熟，中間有朱古力醬，面頭有可可粉，多重朱古力的感覺😋🔸班蘭味☘️我地都比較鐘意班蘭味，味道好出好香，而且食落清新啲。蛋糕低糖少油，食多件都無罪惡感😛店主教可以切開一粒粒食方便啲😗食唔晒放返入雪櫃，放兩三日都OK，想熱食可以用店主推薦方法，放入電飯煲加熱10分鐘，就食得😎如果有特別既口味想食，可以打電話預訂啊☎️

近年古早味蛋糕熱潮興起，喺香港備受追捧，坊間打住“古早味”旗號嘅蛋糕店越開越多，好多人氣店仲會大排長龍等蛋糕出爐，打卡影相。呢間位於深水埗嘅古早蛋糕店，以“正宗古早，低糖少油，黃金底邊”做招徠，店面嘅蛋糕陳列品賣相確係幾吸引。負責人話主理嘅師傅專登飛台灣淡水學藝，務求將最正宗嘅古早味帶返嚟，所有蛋糕都係用“水浴法”烤焗，烤嘅時間更長但口感味道更正宗更好。每個鐘頭新鮮手工現烤，用料方面每日選擇新鮮食材。為咗迎合追求健康嘅習慣，蛋糕都係低糖低油，糖選用黑糖，所有蛋糕甜度一致。蛋糕有幾十種味道供選擇，負責人推介擂沙黑芝麻同薑汁味都唔錯，我就覺得蒜蓉同芫茜味應該會好特別。不過每日只會有某幾款味道，而且數量有限。想食可提前一日打電話預訂，仲可以喺深水埗地鐵站交收，係幾貼心嘅服務。我揀咗肉鬆味同特級骯髒咖啡朱古力味。肉鬆味呈現誘人嘅金黃色，面頭鋪滿微焦嘅肉鬆，食落更香更煙韌。蛋糕口感鬆化而且蛋香味十足，濕度比較高但唔會黏口，感覺似係較實心的海綿蛋糕。肉鬆夾層均勻，唔會得中間或者邊位有，又唔會沉晒落底。特級骯髒咖啡朱古力雖然係黑色，但面頭鋪滿五顔六色嘅脆脆同朱古力豆，豐富嘅口感，食落咖啡味同朱古力味

☞ 近排真係興起古早味蛋糕呢個熱潮，周街都見到唔同嘅古早蛋糕店。而呢間囍源可以話係我見過最多唔同味道嘅一間☞ 店員聲稱佢哋係係用台灣正宗方法去做，可以做到黃金邊、黃金底（即係唔燶），配方亦都係低糖少油，簡直食多兩舊都無咁有罪惡感🤣🍴三層巨無霸特級骯髒朱古力（$99）/ 身為朱古力控，對呢啲朱古力items真係抵擋唔到😆🍫本身都好驚佢好甜好漏㗎，但店員話佢哋嘅朱古力味蛋糕係唔會得死甜味，咁就一於試吓👍🏻/ 除咗面頭嘅toppings有啲甜之外，蛋糕嘅部分非常鬆軟，我雪咗第日朝早直接拎出嚟食都唔會硬。有好濃嘅可可味，又真係唔會覺得甜到漏🤣.🍴兩層巨無霸陳皮紅豆蓉（$99）/ 上回提到朱古力味嘅古早蛋糕，今次就講個比較特別嘅味，可以話係我未見過嘅味道🤣/ 開頭我都好驚陳皮紅豆味同蛋糕唔會好夾，原來只會有輕微嘅陳皮味，紅豆可以中和到個味道👍🏻紅豆唔會超甜，可以接受～/ 而蛋糕方面，佢真係做到佢所講嘅黃金邊、黃金底，無燶邊嘅情況，所以食落唔會有脆、苦嘅感覺，口感鬆軟👍🏻👍🏻🤤

幾年前去過台灣淡水試過古早蛋糕，那種鬆軟綿密的口感，至今仍好難忘，雖然近年坊間都開設了不少古早蛋糕店，但總覺未能尋回那種口感及味道，最近有朋友推介囍源古早蛋糕，當日就和她帶了三款回家，與家人慢慢試。這家囍源在深水埗開業已一年了，個人最like的是入口濕潤鬆軟又綿密，即使擺放兩至三天仍能保持口感。加上用了低糖少油配方，長者及小朋友都可以吃得健康一點。值得一提是這裡足有八十幾款口味，每天也有幾款可供售賣，當然想吃合個人心意的古早蛋糕，建議預早訂，即使一個也有得訂架！這裡另一吸引點，可在蛋糕面層燙印生日快樂、開幕誌慶或節日的圖案，只需在訂蛋糕前向店主講出要求，便會為你提供服務，而且不需另外收費，相當的貼心。「巨無霸」漢堡大家都試過喇！古早蛋糕「巨無霸」你又試過未？意思是中間有二至三層餡，如果訂兩層餡的話更可以自選口味，不過最少要訂兩件起，這個就是兩層的陳皮紅豆蓉「巨無霸」。鹹蛋芝士 $75內裡滿滿的芝士醬，還夾雜粒粒的鹹蛋，口味清淡，不甜也不膩，口感不錯。香脆肉鬆$70面層全是帶脆口的肉鬆，不鹹帶少甜，味道及口感也很好味。濃味芝士正在試驗中的濃味芝士，因為老闆正在研發新口味中，所以就請我們吃

🍞🍞🍞—————————《囍源古早蛋糕》依家古早蛋糕店開到成行成市🙈呢間有成70幾種味俾你揀總有一種岩你口味～今次試左其中2款，都好特別同出色💓😋榴槤味古早（$95）夏天係榴槤當造既季節🌞身為榴槤控既我緊係唔可以錯過槤槤相關既產品👅蛋糕採取左夾心既形式呈現～兩層原味古蛋糕夾著一層榴槤醬😋榴槤味好出～ 我表示滿意！🧀🥚咸蛋芝士味古早（$75）蛋糕例牌好彈好鬆軟～放左2-3日食都仲keep到口感～有好濃既蛋香味再配埋咸蛋既咸味咸咸甜甜咁好香口！呢2個蛋糕份量都唔細！3個人都要分2日食💓呢間店舖強調古早蛋糕係最正宗做法，黃金邊同黃金底，蒸+焗確保唔會燶～ 食材講求新鮮～佢仲與時並進，不斷研發新口味～ 仲有外賣服務，令你可以安在家中等食😋

妹妹要舉家移民了，一方面很為他們高興，一方面亦感到傷感，訂了餐廳為他們餞行，也買個蛋糕吧，希望他們去到彼邦可以有新的發展、步步高陞。吃甚麼蛋糕呢？一家人有老有嫰，健康是首選，於是選定了深水埗的「囍源」，台灣古早蛋糕，低糖少油，鬆軟不燶，不會凍冰冰，而最重要是，無論蛋糕底或中間餡料口味都多，共有六十多個組合，可以慢慢揀到家中十個人都喜歡！單是看牆上的口味，已叫人眼花繚亂，蛋糕底可選原味、斑蘭、朱古力、咖啡、杏汁杏仁等，中間餡料就更是多得驚人，大家請看看照片吧。原來蛋糕面還可以選擇心宜的印章來烙印，如「生意興隆」、「Happy Birthday」、「福」等等，好像沒有一個特別合適，那就讓食店自由印一個吧。原味蛋糕＋金枕頭原味蛋糕＋陳皮紅豆我們人多，古早蛋糕又價錢相宜，決定要兩款口味。我最愛是榴槤，金枕頭是不二之選，但席間有好多人不吃，所以多選了一款陳皮紅豆。匆匆拍照後就拿到酒樓，吃完飯後一同分享。選原味蛋糕是沒錯的，雞蛋味香濃，蛋糕質感濕潤鬆軟，很好吃啊！榴槤味香甜，沒我想像的濃郁 (但有些家人已受不了)，我一個人吃了兩件；紅豆夠正氣，陳皮香氣四溢，不會太甜，啱老人家，最後吃不完，爸爸還拿

近年香港都開唔少古早蛋糕，不過好多都開幾個月就消失，好唔好食大家心裡有數。深水埗這間囍源古早蛋糕就已經做左一年，正正在地鐵站 A1 出口，交通方便來訂蛋糕的顧客，附近街坊也超級捧場！古早蛋糕雖然用了低糖少油配方，但仍能做到那種鬆軟綿密的口感，濕潤度夠高擺兩日都仲好好食，小朋友老人家亦能盡情享受，最勁仲有八十幾款口味任揀，實在厲害。找得意食譜/料理靈感：https://linkin.bio/ig-misskitb從深水埗地鐵站A1出口行出來，沿北河街直行幾步就見到囍源古早蛋糕，基本上是去地鐵站必經之唔，來取蛋糕也很方便。其實我只在台灣吃過古早蛋糕，原來香港有咁多唔正宗的版本。我在台灣從來沒吃過圖中這些版本，正常應該只有最頂黃金色，中間口感濕潤，軟綿綿的入口即溶。店裡的 MENU 非常誇張，數一數有成七、八十款！老闆說很多都是因為熟客想試，繼而研發出來，如果你有甚麼特別口味想試，也可以訂購看看。不過80幾種口味當然唔會日日供應，當日有出爐的口味可以看正面玻璃上面貼的牌仔，想吃其他味道的話可以提供預訂，訂一件也可以做。除了口味可以揀之外，連蛋糕面的燙印都可以自訂，如果拿來送禮、做生日蛋糕、開

一向買古早味蛋糕都偏好原味，所以今次也不例外，買咗原味古早味蛋糕試試，但都幾失望。聞落同食落蛋香都唔足夠，加上低糖，令蛋糕差唔多完全冇味。。。建議如果想試，大家都係買其他味道

久聞囍源的大名於雜誌電視介紹推介，門面印章式台灣淡水的招徠，實屬當地手藝，全因師傅店主專誠到訪台灣學藝，將台式蛋糕融入港式口味，一間做餅嘅小店要做到傳統、貼地、親力親為，用料製作到保鮮細緻的餅店已實屬少有。論技術，有別於一貫嘅古早蛋糕，蛋糕利用3小時低溫烘焙，慢工出細貨的獨家黃金邊、黃金底，即是無燶邊、無燶底的出品技術，蛋糕出爐打開金黄色餅底，那份吸引力只此一家。非一般啡底蛋糕所能完整保持蛋糕的彈性與濕潤度。論材料存放，幼滑日本麵粉、菜油、人手每隻分隔的蛋白蛋黄，可以存放三天之久，又可以凍食不需加熱，其濕潤度就是存放期的最佳保證。論口味店主創辦人不斷鑽研新口味，甚至嘗試用客人的喜好推出新產品，餡料全部自家製，創出超過60款多的原味及混合口味，特定味道每日供應，詳情可參考@  論健康  堅守少甜少油，原汁原味道呈獻，無添加任何色素及防腐劑，解除蛋糕濃味過份滋潤的乾喉油膩感。=̶ 特級骯髒榛子朱古力蛋糕 =̶ $95推介:⭐️⭐️⭐️⭐️⭐️2層巨無霸，夾層朱古力醬及榛子醬，在色彩繽紛的無糖粟米片、曲奇碎及朱古力粒下，原來用上幾層可可粉及朱古力醬的塗抹，朱古力控必選的入手物無疑。=̶榴槤古早蛋糕=̶ $95

依家古早味蛋糕越出越多 其實都已經食過好幾間但最令我驚豔嘅係深水埗呢間”囍源”🤩佢哋嘅蛋糕整到超鬆軟綿密 而且低糖少油 食落唔甜膩油唔油拎上手就知道👍🏻口感有少少似半熟再實d🤤本身唔好朱古力嘅我 因為坊間嘅朱古力蛋糕都好甜😣但店員極力推介骯髒朱古力🍫就即管一試估唔到超好食😍濃郁嘅可可香 唔係嗰種死甜中間仲有榛子醬 上面係無糖粟米片 曲奇碎 口感勁豐富💓加上佢哋嘅綿密程度 已經成為我最愛嘅朱古力蛋糕🥰咖啡合桃 又係必食😭佢哋用料講究 係用UCC咖啡粉再mix其他咖啡粉 超香濃唔係講笑 作為每日都要飲杯咖啡嘅我 佢嘅香濃程度真係超滿足🥺💓以為得面頭兩粒合桃 但原來中間勁多合桃碎 真係啖啖都好正🙈🤩斑蘭口味 佢哋無落色素 真材實料 味道同喺泰國食到嘅超似😳甜度唔高 食到濃郁嘅斑蘭甜美香🥳三款口味都一試難忘😭佢哋仲有成70幾種口味每日都有啲唔同 如果想食啲咩味可以預早訂購😆-斑蘭蛋糕建議即日食用 雖然雪藏咗都OK😚朱古力同咖啡蛋糕雪藏後食 味道更突出😍但當然越新鮮食越好 最多雪藏三日🤓

限定版巨無霸 冧酒提子- 個人覺得酒味唔夠，但好香提子，同果甜味，好似食緊勁多提子嘅蛋糕咁😂骯髒朱古力加奶黃 -簡直就係王牌之中嘅王牌😋😋唔甜唔甜唔甜 重點要講3次，仲要有淡淡香嘅奶黃味😍😍😍黑松露芝士 - 我完全冇諗過係咁好食，香到不得了濃濃嘅芝士，但係你唔會覺得好膩嘅感覺，家上店舖用原粒黑松露整蛋糕，根本是重成本之作#囍源 #囍源古早蛋糕 #黑松露 #骯髒朱古力 #純天然 #不加香料 #正宗古早蛋糕 #少油少糖

屋企人最近介紹我去深水埗買古早蛋糕，見個門口好多味道貼出嚟，好期待！之前一日已經打電話訂左擂沙芝麻味和芝士味，因為聽講芝麻味好受歡迎，所以怕試唔到就預訂左先。買左兩個古早蛋糕，仔仔女女都急不及待要即時食。芝士味好香芝士，對我依個芝士控嚟講真係停唔到口。凍食嘅芝士同熱食係完全唔一樣，真係要兩種食法都要試下。我覺得放落電飯煲暖熱嘅方法的確唔錯。仔仔女女同老婆就鍾意芝麻味，好香芝麻味又唔太甜，真係好正！真心誠意推介！如果用個餡黎整芝麻湯圓料一定仲正！囍源古早蛋糕好食嘅唔單止係佢自制嘅餡，最重要係佢嘅蛋糕真係好鬆軟，凍食都唔硬，好適合大人細路一齊食。下次一定要再試下其他味道。

最初認識這店都是無意中看到網上直播開始，其後從直播到預訂，亦得到新口味資訊及購買優惠，之後再到店取已成習慣，亦愛上少油少甜的味道，每一個古早蛋糕都是黃金邊黃金底，翻熱食法更是提議用電飯煲加熱，蛋糕存放長達3天，我試過放雪櫃中5天應保持鬆軟，早前已買過肉鬆鹹蛋口味，班蘭咖吔以及黑松露芝士，特別推介肉鬆成全家愛上的味道。榴槤巨無霸🍔：餅面設計成榴連起釘樣，非常足料3層榴槤做夾層，非常軟綿有少少濕潤的口感，口中滲出啖啖榴槤滋味，難怪這麼多人都推介，而家中老人第一次試食第一句就講：唔甜既？（和我第一次試的反應差不多），接著又一口接一口食，不用一會已差不多快分清光，而且凍食更正更濃。骯髒朱古力奶黃巨無霸🍔：在現場看著加配料，加了很多不同款，還加了新款七彩粒粒糖（我好鐘意），奶黃同朱古力蛋糕味又出奇地夾，第二食更愛上，口感一樣軟綿有彈性，不會覺好甜的糕底配上配料及餡料就是完美的拍檔，兩位老人家平日怕甜也分了一半去食呢～咖啡紅豆巨無霸🍔：這個其實想試好耐，因為知道用上UCC咖啡做材糕，蛋糕也食出好香咖啡味又不太覺苦，中間紅豆層好軟滑，亦有紅豆口感，感覺要一邊食一邊嘆杯奶茶就好夾了。這店口味真的非常多