喜家狗仔粉

Open Now

Now Closed

帶小朋友返興趣班，經過采頤花園見到有狗仔粉食，即刻買碗試下先😋狗仔粉材料份量超足🤩蜆肉蝦米超多，啖湯勁鮮甜，加埋辣菜甫，簡直係冇得輸💯夠哂惹味，口感豐富。另外，再叫咗盒酸菜紅燒肉飯，酸菜夠爽口，唔會太酸或過咸👍🏻紅燒肉望落去層次分明，入口即溶而且冇渣，唔會有柴皮感覺😎醬汁撈飯真係好正。下次經過會再嘗試蔥油豬扒蛋飯✌🏻

今晚買左個狗仔粉，之前睇左食評，的確有點期待，但食完後有點失望。首先，個湯底唔夠鮮，個味唔到，可能無油渣及豬油，無禁香。至於狗仔粉，用粘米粉做應該可以彈牙啲，但個粉粉身太淋。整體來說覺得唔合格。

今日3號風球，將會掛8號風球，凍凍冰冰咁。睇到起家狗仔粉嘅社交平台，有一個貼文，話佢哋今日會買胡椒豬肚湯。我對喜家狗仔粉嘅胡椒豬肚湯好好奇，因為佢哋平時嘅食物都係冇乜味精，如果連胡椒豬肚湯都冇味精，咁實在係太正！輾轉我終於都買到，拎到返屋企飲。返到屋企啲湯仲係好熱，同埋個湯係跟咗飯，但其實完全唔使食飯，淨係飲啲湯同食晒啲湯料，已經好飽！仲有嘅係，佢個湯入面有落到雞肉，啲雞肉好嫩滑，同埋令到個湯好甜，好好飲！可以喺打風嘅日子，飲到冇味精嘅胡椒豬肚湯，實在係太正！

平時喺喜家狗仔粉食狗仔粉食得多，今日想轉下口味叫左兩個飯試吓，估唔到都幾有驚喜😋依個係秘制蔥油雞扒煎蛋飯。首先塊雞扒個皮煎到脆卜卜，但雞肉仲保持嫩滑，唔會好乾！秘制香蔥甜豉油加埋半生熟蛋嘅蛋黃汁，撈飯一流👍🏻另外一盒就叫左個鮮茄豬扒飯。豬扒又係煎得好香口，大大塊豬扒，肉質剛剛好，唔會好乾好難咬。鮮茄汁酸酸甜甜，非常開胃。兩盒飯嘅份量非常之夠，大件夾抵食！絕對係叫外賣嘅快靚正高質之選👍🏻👍🏻

喜家狗仔粉鮮味狗仔粉🐕($30) 9/10好少見到有狗仔粉，食落似浸淋咗嘅年糕featuring少少咸嘅湯底。狗仔粉好多，食落滑嘟嘟，而且好煙韌，幾好味👍🏻而湯底偏杰身，亦都非常足料，有瘦肉、香菇、蔥、菜脯，食落有種鹹香味，又唔係腎虧鹹🍲因為我哋兩個飯桶🍚都冇食過其他狗仔粉，唔太知道正唔正宗，但我哋清哂成碗粉連湯都掃埋😋🙌🏻蔥油雞扒煎蛋飯($45 包紙包飯品) 9.5/10超級驚喜蔥油雞煎蛋飯🤩 我哋個飯request咗走菜多鼓油，佢隻鼓油係甜鼓油真係世界級✨首先，雞排煎得好香，個皮燶燶地又脆脆地，雞排食落好juicy 香滑，又唔會覺得太油膩，非常之perfect 💓同時，配埋佢隻濃邊蛋加甜甜地嘅紅蔥頭🍳，食落一啲都唔寡，點解連個配菜都咁好味💛Extra comment🖍:•佢只有外賣冇堂食，自行留意🤐•除咗狗仔粉，其他都有包紙包飲品🧃

路經附近就得個圈，突然喺呢條大街見到一間有好多靚相綠色嘅舖頭，忍唔住停低睇一睇個餐牌見到狗仔粉個名好特別，咁就嗌碗試下捧出黎，都幾大碗啵撈一撈見佢有冬菇、蝦米、肉絲，竟然仲有蜆肉同瑤柱絲吖，做味道好鮮甜，加埋佢個菜甫好惹味，唔知點解好夾，望落平平無奇但係食落好好味🤣但係只係$30,都好抵食佢有兩個位立食，同老闆吹下水得知佢地嘅推介係葱油，所以我忍唔住買多個招牌葱油雞扒飯返屋企試下喺佢整完包外賣前叫佢俾我影張相🤣🤣個賣相幾靚仔啵佢個自家製葱油好香，唔同街外一般綠色果隻，佢係少少甜嘅，配埋個半生熟脆邊蛋，一般街外煎蛋都無咁脆，食得出呢個煎蛋係有比時間去煎，唔係過下火就算，好好餸飯好值得一試吖，正正正

知道呢間專賣狗仔粉，但係經過被佢的葸油香吸引，望下個餐牌見到簡單但邪惡的餐肉雙蛋飯。外賣即叫即整，所以都要企喺外賣店門口等左陣，等左大約十五分鐘就有飯拎。搭完車返屋企，大約十五分鐘時間，個飯盒依然熱辣辣。兩隻太陽蛋有深橙色蛋黃，煎得啱啱好！濃邊好香，蛋黃汁流落啲飯到，拌埋葸油，送飯真係一流！餐肉係厚切，亦到煎得好香，成個飯雖然簡單，但好惹味。買飯會送野飯，有多款紙包飯品選擇，不過我要無糖，只有紙包冷泡茶。

有無人同我一樣好愛食菜脯、蝦米、冬菇呢一類嘢？最愛呢類東東放落湯麵，好惹味㗎。話說以前寶琳街市，有一間食狗仔粉嘅，每逢冬天就一定會食，可惜街市重整(即迫遷啦)食店就執咗喇。因為好掛住呢種味道，所以依家每逢出街見到狗仔粉就會有衝動去食。喜家就係其中一間啦！佢有其他嘢食嘅，但今次專程食狗仔粉。除常見嘅冬菇蝦米食材之外，仲有蜆仔粒 & 瑤柱碎，所以湯頭都幾甜。麵條偏淋身，令到啲湯有少少杰 & 漿口。菜脯有原味、小辣、多辣選擇，建議要小辣好啦，因為佢都真係幾辣，太辣就會蓋過狗仔粉嘅味道。‼️♿️ 食店主要做街坊生意，同埋只有外賣。各位輪椅朋友可以買返屋企食喎！

星期五我在「新蒲崗」裡面，雖然總算已經食完一餐以「牛腩飯」作為主要食材的晚餐，但是始終還是需要解決晚餐裡面，屬於「雞肉」食品那一部分的難題。結果我準備在乘搭專綫小巴返回「西貢墟」之前，在「采頤花園」商店街裡面，購買一份外賣自取的「雞肉飯」食品。我無意中發現「采頤花園」商店街裡面，有間叫做「喜家狗仔粉」的粉麵飯外賣店。「喜家狗仔粉」裡面的「狗仔粉」食品，「狗仔粉」對我來說是感覺已經逐漸變得耳熟能詳，已經清楚了解「狗仔粉」裡面實際餡料和使用食材。但是我真的目標「喜家狗仔粉」食品，是外賣的「鮮茄雞扒飯」。於是我購買了價錢相對比較便宜，只賣港幣三十元一碗的「鮮味狗仔粉」，以及港幣四十五元一客的「鮮茄雞扒飯」。「喜家狗仔粉」所有外賣餐盒，都是以耐熱的硬皮紙作為材料，所以勉強還能夠承受食品灸熱的實際溫度。不過外賣「鮮茄雞扒飯」飯盒外層的紙皮，已經在我返回「西貢」家裡面那一刻，接近軟化，我立刻揭開飯盒盒蓋，享用裡面的「鮮茄」和「煎雞扒」。「鮮茄雞扒飯」表面的「鮮茄」，裡面有濃厚的酸味和少許的甜味，至於「雞扒」外層雞皮仍算新鮮，「雞皮」口感未有完全變腍，只是口感不再香脆而已。至於「雞扒」口感頗為肥厚彈

活久了，發現貪吃的生命中存在著許多打不死得的吃循環，例如去旅行是為了吃，運動是為了吃得更多，不吃哪有力氣減肥等等等 ........ 就連深愛的行山活動，在事前準備工夫當中，除選擇人少、具挑戰性及打咭美景的山徑外，下山後就近用餐好地點亦是必須的。數星期前，我們走過香港三尖之一的釣魚翁，下山後的用餐又如何安排呢？於下山點的布袋澳乘小巴接駁到將軍澳，再由將軍澳到彩虹，聽起來路程有點轉接，其實非常方便快捷，不一會便抵達目標的「喜家」！就憑著早前一篇專訪，讓擁有超強狗仔粉情意結的我順路過來一趟！鮮味狗仔粉肯定是必試，原來還有不少吸引的食物，大部份是以飽肚為主的飯類。正值晚餐繁忙時段，目測屋苑住客是外賣的常客，不到五十多元一個的飯盒，無疑是慳水又慳力的快靚正！鮮味狗仔粉 HK$30古早魷魚絲炒米 HK$38本以為「喜家」設有小量座位供堂食，來到現場方知只提供外賣，幸好門前設有小檯板，方便我們來個立食！狗仔粉呈現乳白稠密的湯底，面層放上原味與辣味菜脯兩溝 (可因應要求不辣、多辣或少辣），初部看來很對辦。由冬菇、肉絲、蝦米、瑤柱粒、蜆仔肉等熬製的湯頭，十分鮮味可口，加上經特別焗製的上海麵，入口有著正