Hero Sandwich (Closed)

又是團購才認識此店, $29任選一個三文治餐(parma ham除外)地點算是蠻隔洩, 如果唔係侍衛帶路, 娘娘根本唔知點行去.....原本想要雞扒, 不過佢話賣晒, 於是要了公司三文治, 以及加$10改沙律, 再加錢轉熱飲其實料都ok, 不過可能全是凍, 加埋個麵包整個感覺就好硬了 侍衛選了燒肉眼牛排三文治, 即叫即做, 也算新鮮熱辣。相對地, 燒牛肉熱辣辣, 醬汁連牛肉感覺算juicy, 唔會太膩而個包亦無咁乾及硬, 整體較好, 不過牛肉只得數片, 份量太少了不知是否團購關係所以份量才很少, 娘娘與侍衛也覺得, 如果以正價購此餐, 那就完全不值了

其實剛開幕的時候有來過，不過因為地址實在不就腳，縱於三文台味道很好，但只去過一次。這次看到有團購優惠，以$29購買Hero Sandwich + 粗薯條 + 汽水再送兩張$10現金劵。除了最貴的巴馬火腿三文治不能點之外，其他價錢由$32-$46都可以。這裡是自助形式，先買套，再找坐位，再等叫號碼。雖然已經過了午飯時間，但客人很多，有一兩組人在等位。記得第一次來吃過一個好像有三粒肉丸的三文治，現在好像沒有了，這次嘗嘗別的，點了燒肉眼牛扒三文治。由於是即叫即製的，所以等了大概十分鐘才燒肉眼牛扒三文治裡面除了肉眼扒外，還有芝士、紅洋蔥、生菜和特製醬汁。麵包外脆內軟，肉眼扒雖然薄，但很juicy，吃的時候不斷有汁流出來。生菜爽脆，芝士味濃，整個三文治配搭得很好。薯條也不是普通貨色，炸成金黃色，外層脆脆，厚實之餘又夠薯味，調味亦不會太鹹。檸檬茶的紅茶味道清新，一點也不苦澀，很好喝。真心覺得好吃，如果行經大角咀，必定要試試看。

上次試過唔錯！今次試吓熱狗同吞拿魚芝麻包！芝麻包很香同很脆！熱狗腸脆脆地幾好食！薯條就差咗D，可能太大條了，不夠脆！焗薯完全不是焗的，只是用水整熟！一D都唔好食！令人有D失望！

Hero位置比較偏遠，幸好男朋友駕車前來。二人選了兩個套餐，分別是三文魚蛋沙律三文治套餐及肉眼牛排三文治套餐。先吃肉眼牛排三文治 自家製的麵包烘得外脆而內軟，夾著薄薄的肉眼扒、芝士、生菜、紫洋蔥，再配上秘製醬汁-- 出奇地美味! 不太愛好牛的我，也深深被它打動了!至於三文魚碎蛋三文治:，亦沒有令人失望 一樣好吃的包包，夾著煙三文魚、生菜、蛋沙律和番茄片，感覺清新。粗粗的炸薯條亦是外脆內軟，不油膩，十分好吃 !Movenpick 咖啡則不過不失。很滿意的一餐，店內環境亦寧靜舒適，下次路經大角咀也會再光顧的。

又喺團購得來的，之前都食過，因為好味，先至會團購。$29食一個三文治餐，除parma ham 之外，任選。原本想要煙三文魚碎蛋，不過佢話賣晒，於是就要了燒肉眼牛排三文治。其中一個餐加$1要咗movenpick coffee。燒肉眼牛排三文治即叫即做，新鮮熱辣。燒牛肉好嫩又juicy，個醬汁又唔會太咸，配合埋生菜、紫洋蔥，味道可口，食完又唔會膩。個包唔會太乾太硬，都同個燒牛肉好夾。仲有粗薯條，好好味，唔會太乾身。反而個movenpick coffee就唔好飲，好苦，唔香濃。

之前買過幾次團購, 都不幸中伏, 被佢果啲魔鬼條款搞到鬼咁嬲, 但嚇見Hero居然有團購, 再加上我上次經過已經好想試，細閱條款後冇發現有魔鬼條款, 咁就買一張試吓啦!!老實說地理上都幾隔涉, 但係可能因為咁而租平啲, 所以可以以中等的價錢，配以上等的材料.今次我拎張券去買, 雖然冇魔鬼條款, 但我以為買果時都會多多限制，但點知真係俾我任揀!!冇呃人!我揀左肉眼三文治, 佢揀左三文魚蛋沙律.一入口, 我已經覺得不得了, 啲肉好林, 肉汗出哂黎, 超入味, 但啲芝士又唔會搶左啲肉味, 而係好安守本份咁係適當時候散發出少少芝士香.仲有, 正如佢話, 個包真係好正, 食落口, 已經覺得係同其他包唔同, 再睇埋係內既簡介, 佢話啲包係每朝四點整的.佢係咪四點整我唔知, 但就一定係新鮮包, 正!!佢個三文魚蛋沙律都一流, 淡淡的口感卻有一種清新既感覺. 一個字, 正!啲薯條都正, 但鹹左少少.總的來說真的不錯, 呢排懶左, 冇乜點寫食評, 但呢次真係忍唔住要讚吓!好餐廳一定要支持!!Support!

第二次到訪, menu 好像已經轉了一點上次都有但沒試, 就是"燒肉眼牛排三文治"仍是很香軟的三文治包, 軟硬適中而富牛味的肉眼, 沒有一堆混醬的雜味, 薯味新鮮而不覺熱氣的炸薯條仍是很愜意的一餐

早前我在BEECRAZY 團購訂了個$29 餐, 由於第一次訂的緣故, 見到"RECEIPT" 字, 就拿去"HERO" , 職員見到我張RECEIPT, 好不禮貌地說"咩嚟O架, 未見過, 就走了"; 之後我再請教她,她又不客氣地回應 "點解人人都識得PRINT 張COUPON, 你自己睇吓", 之後將其他人客用的COUPON展示給我, 但完全沒有回應在哪裡可PRINT .......COUPON 是否用得到, 但眼見+ 耳聽職員的回應確令人憤怒. 坦白說,之前見有"HERO" 開, 都開心的, 但一直見很少人光顧, 不明所以, 今次一訪, 知其原因, 前線幾個員工, 態度散漫, 欠缺禮貌, 要知餐飲業亦是香港的重要服務業, "HERO" 員工確實是香港服務業的蟑螂.

哈哈，今次其實係基於係團購website買回來嘅優惠券，再次品味呢間出色嘅多倫多口味Sandwich Shop。 $29 有飽有薯條 + $3轉 Movenpick Hot Coffee，豐富非常！ 質素味道依然咁正 ！上次試左其它口味，寫左Comment；今次我揀了燒猪扒三文治 ，睇下又點先 猪扒好淋有肉味，三文治裡還有紫洋葱、生菜同蕃蓉，超好味！豬仔飽外皮好脆，食落卜卜聲，飽內搽了牛油，更覺香口。 而薯條亦都 keep 得出色，外脆而內軟；唔知係咪調味粉轉左，依家的係帶有 "珍珍"薯片的味道呢！Movenpick 的蒸餾Coffee 係我第一次試，感覺係偏苦及帶有少許酒精味道，唔係唔好飲，但我會比較愛UCC或White Coffee那種味道。起初入舖時得2成人到，以為Hero開始無咁受歡迎 ( ... 無理由架，咁有Heart去做Sandwich都無Fans? )。 原來唔係，13:30 人客陸續到達， 舖已9成半滿了。

夏日炎炎，冇麥胃口，就去食吓三文治啦！估唔到係大角咀搵到間幾有水準GE三文治！今日揀咗煙三文魚蛋沙律三文治+凱撒沙律+汽水！麵包再烤過幾脆，食材新鮮，很清新的感覺，簡直就係夏日之選！沙律 = 菜很新鮮 + 煙肉 + 脆脆麵包粒 + 酸GE沙律醬 + 芝士粉本來想食薯條(粗)的，但太熱了，不想再食熱氣GE嘢！見他們的MENU有好多選擇，好似焗薯、PIZZA、厚多士、沙冰........會再幫襯....

團購 $29/餐, 平均平左十幾蚊個餐住係附近一年都未試過呢間野, 反而買左團購先食, 真係有d宣傳作用wor叫左:燒牛肉三文冶 - 勁 juicy~~~薯條 - 勁粗, 好有肉有$10 coupon下次用, 一定會再黎~~~~見有個 C9 問店員有關團購coupon問題, 店員都好有耐性&禮貌解答, 讚

聽人講得多, 終於有機會黎試下。位置比較山卡拉, 好彩揸車黎, 後街有得泊車, 唔洗行咁遠。間舖樓底高, 環境光鮮, 係d 坐位排得比較貼, 好似好迫咁。2個人叫左2個set1) 燒肉眼扒三文治套餐($46) + 焗薯(要+10轉)+飲品呢個餐係大熱, 眼見每台都總有一個, 不過真係幾好食, 脆豬既包皮, 薄薄的一塊肉眼扒, 肉質好滑, 咬落仲有汁標出黎, 夾埋生菜, 芝士, 洋蔥, very gd, 不過個包唔係咁熱, 要扣少少分。2) 照燒雞三文治套餐 + 薯條 + 飲品 ($43)照燒雞都好滑, 燒汁好香, 不過還是肉眼扒比較好。粗身薯條我至愛, 炸得唔油, gd!呢到d 薯條/飲品都可以加錢轉的。仲要一讚係呢到係無障礙的, 方便傷殘人士黎開飯。

黑椒煙牛肉三文治 + 薯條 + 汽水 套餐$44呢個係老公食, 佢話都ok, 我試咗一啖即刻比番佢, 我覺得我嗰個好味啲....啲牛肉得黑椒味, 無特別薯條係粗薯條, 好好味....但少咗啲煙三文魚茄旦沙律三文治 + 凱撒沙律 (另加$6) + 汽水 =$49一食落去個包真係冇得頂, 又香又脆, 好好好味.....煙三文魚, 蕃茄, 旦沙律三樣加埋個包真係好好味, 食完好想再食凱撒沙律: 份量啱啱好, 好正, 有煙肉, 麵包粒, 沙律醬加埋的味道, 無得頂呀噚日食完已經覺得好好味, 成晚都好掛住, 所以今日中午又再去試其他款....燒肉眼牛扒三文治 + 煙三文魚凱撒沙律 (另加$10)+ cappuccino (另加$14) =$70呢個三文治仲好食過我噚日食嗰個, 佢雖然唔係一塊牛扒, 但啲肉都夠多, 好淋, 佢啲汁仲多, 一路食仲路滴出嚟, 肉加埋啲汁真係正, 啲汁仲索埋落個包到, 仲更加好味......又好想再食呀!!!!個沙律加多咗$4多咗幾粒仔的煙三文魚, 一啲都唔抵, 所以下次都唔會再叫cappuccino: 都ok, 咁當然唔可以同大公司比啦......真係好開心

係openrice上面見到有個優惠﹐話免費送熱狗。因為平時都會有點開hero's 熱狗﹐就充實利用禮拜日去食呢個免費午餐。個熱狗真係要親身體驗先會知道有幾好食! 加埋佢哋嘅秘製醬料﹐真係一流! 每次去親都係咁好嘅水準! 薯條加埋味粉亦都可以話係滋味無窮。好彩而家有返套餐﹐套餐價都只係$36 (包汽水同薯條)。都唔算太貴﹐又有返冷氣﹐ 可以話坐足成日。其他麵包都可以話加$8 轉套餐。除左免費熱狗之外﹐亦都可以免費升級轉汽水做咖啡。真係值得一試! 下次會試埋其他包﹐同埋佢哋嘅法式奶凍同布丁!

朋友介紹來的, 以這樣既高質素.. 平均$50真的很滿意!!面包鬆脆, 著條係真薯仔炸, 好好味^^即叫即整! 有多款SANDWICHES選擇而且環境舒適, 值得一食再食平日更有學生餐提供, 20多元, 學生必食!!