Hero's Friday (黃埔新邨) (Closed)

今日陪朋友去黃埔睇醫生，臨走時，阿女叫我幫佢去Hero's Friday 拎外賣，但係我趕時間，怕等得耐，女兒話餐廳而家出咗自家app，可以用app落單，做好就通知你去拎，去到就唔洗等，有得拎。首先下載 Hero's Friday 的App, 並登記做會員，用app 落單, 之到店自取，出示返訂單二維碼就可以，又或者送貨(運費自付)隊長漢堡套餐：套餐已經包咗一份小食同一杯嘢飲，小食可以揀薯條/薯餅/炸雞粒/牛油粟米，嘢飲就可以揀汽水/咖啡等等。隊長漢堡份量十足，牛肉是100%無添加純牛肉，肉味香濃。配料豐富，有煙肉、煎蛋、蕃茄、生菜、芝士。揀咗BBQ醬多醬，啖啖都非常惹味！小食升級加8元要薯角，外脆內軟好香口。飲品要咗雪碧。芝士漢堡套餐，牛肉同芝士真係最佳拍檔， 香軟芝士與百分百純牛肉融為一體，配合蕃茄、生菜與惹味BBQ醬，豐富口感一咬湧現！小食牛油粟米香甜，可樂。

外面而家咁多人出街食嘢，反而有時想買下外賣喺屋企食！ 原來hero's friday 有自己嘅app 喎，咁就可以order咗先，加運費送嚟屋企，或再等夠鐘先去拎， 節省唔少時間！ 套餐包飲品同薯條，薯條加錢就可以升級有薯餅，薯角，雞粒或蕃薯條！ 😍黃金女俠$63 係屋企打開嘅時候個包都保持得好好唔會濕晒👍🏻雞扒仲好脆口，醬汁好夾😋 隊長漢堡$76咬落去嘅時候肉汁會唧出嚟，好juicy， 食得出係細心挑選過高質漢堡！ 有蛋，番茄，成個漢堡好高身😍 套餐加八蚊就有薯角，好多burger店都冇整得咁好食，薯角非常脆口，有調味，大大件！🤣 凍飲又有多款汽水可選擇，而家天氣咁熱， 總有一款啱飲👍🏻

小弟經由網上外賣平台叫全日漢堡餐，但個半鐘後先收到1525落單1550-1600 原先送餐時間1605 外送員已到店舖等候16001620 第二次更改送餐時間1620-1640 第三次更改1641 打去鋪頭問訂單嘅情況，店員支吾以對，開初話冇呢張單，之後交俾另一店員接聽話15分鐘前已經將餐交俾外送員，唔關佢哋事，但網上外賣平台一直顯示外送員已到餐廳等候訂單1645 顯示外送員已取餐起程1700餐送到，由於外送員係聾啞人士，我都問唔到啲咩。薯條凍我理解，因為唔會落單先炸，但個包係熱，咁唔知係咪41分就店員所講15分鐘前即1625分已俾外送員，35分鐘後送到嘅包仲熱但薯條凍？所以究竟係收到我電話先整個包丫，定係外送員到左攞埋餐特登唔送俾我呢？anyway，點好食都假，服務都一樣重要！！！

方便有創意的漢堡包小店✨用app即時下單，預訂也可，店內自取，全港外賣送貨也可以，非常方便，又實用！App:「HerosFriday」◀️漢堡包以超級英雄為主題，創意有趣，除了普通漢堡包外，更設有「班堡」為包漢堡，創意十足！《神盾漢堡》$76套餐配藥汽水和粗薯條，神盾漢堡非常足料，有超厚的牛肉，煙肉、薯餅、蕃茄等等，配以沙律醬，非常惹味！《經典漢堡》$63漢堡改用班戟做包，很有創意，喜歡吃班戟的，也可以選擇加$10轉班戟做包，成為「班堡」，獨特又好味！經典漢堡的食材亦非常足料，牛肉也很厚實的，牛肉煎得非常之好，不會太韌，好味道！總結：超級英雄為主題的漢堡包店，創意十足，方便又好味！記得下載app手機自助落單或者全港送貨也可以啊！

Hero FridayBurger 🍔🤭同Panger 🥞 專家見好多人嗌又多分店叫左外賣🥡試下嗌左兩個餐: 漢堡包同炸雞隊長漢堡套餐$76❤️🤪食左先講，好邪惡啊❗️牛肉漢堡+車打芝士+蕃茄+生菜+雞蛋🥚+煙肉超足料成個包勁厚身🍔✅牛肉漢堡好香，好煙韌食到牛肉筋🤪簡左Hero秘製醬，似芥末醬但又唔辣成個漢堡不論味道用料唔錯👍🏻Hero's 炸雞粒跟餐+$10🤭好香脆，細細粒一口一啖👍🏻英雄炸雞 2件套餐$53炸雞好大件😂超級抵食簡左泰式辣醬🤪佢既炸粉唔會好厚食落酥香洋蔥圈跟餐+$8又係好大份🤭滿滿一包套餐仲有嘢飲🧃蘋果汁+$3 同埋汽水唔使加$埋單$149👌🏻✅好抵食啊

發現餐廳出了新app可以網上落單，到店自取，grab n go 十分方便，可以免卻等外賣的時間。而且取餐時要出示QR code，不怕其他人取錯餐。神盾漢堡 | $76神盾漢堡中有塊薯餅，滿足我為食的慾望。牛肉厚身啖啖肉，有兩塊煙肉，是食肉獸的好選擇。最鍾意app內可選多醬，絕對不怕醬汁不夠。芝士漢堡 | $66牛肉一樣是厚厚的，加上蕃茄、芝士、生菜，是傳統漢堡包，加上了燒烤醬汁，吃起來帶甜味。炸雞粒| 跟餐+$10之前食過炸雞粒，覺得好正，食不停口。香脆得來又不覺得太熱氣，調味惹味。以後用app落單，更方便可以多多幫襯！

✨隊長漢堡🍔（套餐） $76大大份又好味😋 而且係100%純牛肉手工漢堡🤩 入面有煙肉、芝士、生菜、蛋同蕃茄等配料，非常足料～ 大大啖咬落去好滿足🤤-✨豬柳蛋班堡（套餐）$52呢個有驚喜🥰～ 本身都諗緊pancake做包會唔會好奇怪，但完全唔會同埋又幾好味喎😆pancake口感鬆軟，食落甜甜地，有蛋香味！炒蛋好滑，加埋溶溶地嘅芝士好正😍-跟餐小食：✨蕃薯條🍠 +$10蕃薯條即叫即炸，拎起手熱辣辣，外脆內軟，而且入面好甜😆 份量超多！裝滿晒成個袋仲跌左啲出黎🤣 -✨炸雞粒🐔 +$10炸雞粒份量都超多，而且都係熱辣辣！啲雞肉都幾嫩滑🤓-*因為冇得堂食，我地出到去趁熱辣辣已經即刻每樣偷食左幾舊炸雞同蕃薯條😛係好香脆！但我地半個鐘多啲返到去再食果時的確耐左已經變淋左。建議大家最好快啲食呀🤣

返緊兩心思思諗住放工食咩做宵夜醒起Hero's Friday出左個自家app可以自助落單，拎起個電話㩒兩㩒就order左個burger，好方便放工就可以去外賣自取拎番屋企食，或者你揀送遞全港送貨都得ga!英雄漢堡 $92好巨型超級厚身既漢堡，中間夾住好多料，有兩塊超厚size既手工肉漢堡、厚蛋、菜等，超邪惡ar，不過真係好好食，值得肥ga😂手工漢堡好多肉汁一咬咇曬出黎又有口感，多種材料配搭下，好美味既burger，依個勁量size一個burger其實兩個人食都好足夠啊鳳凰漢堡 $57材料係照燒雞扒，仲有多到流曬出黎既芝士，仲有菜ar，醬汁ar等等既野，雞扒香脆又juicy，一樣咁好味呢

朋友話想食burger, 咁就決定食我幫襯開嘅hero's friday啦，可以介紹佢哋食好味嘅漢堡包！  BBQ 豬堡套餐 $52豬堡係有兩塊嘅， 再夾有生菜，配BBQ醬真係好夾喎，夠惹味！ 🤤🤤🤤 +$3 就有得飲凍朱古力，啱晒咁熱嘅天氣飲返啲凍嘢， 又唔會太甜！🍫 套餐包薯條，份量較多，熱辣辣又脆口！ 🍟 鳳凰漢堡套餐 $63雞扒非常厚身，又嫩滑，啖啖肉！ 呢個包非常大份，夾有生菜，同番茄中和返油膩感！👍🏻 薯角每件都好大， 外皮脆，內裡較粉🤤 汽水就包埋嘅唔使加錢😊 朋友想食埋番薯條，所以額外叫$20 都炸得很美味🤤🥰

☀️放假見好好天，就出紅磡碼頭附近買Burger，方便望住維港chill住食🍔🤤.俾門口嘅超人吸引咗😂一人揀咗一個餐～薯條🍟升級咗番薯條 & 洋蔥圈🧅，而「黃金女俠」&「鳳凰漢堡」，都係雞肉。分別係一個炸雞(黃金)，一個烤雞(鳳凰)🐣。.🍔兩款漢堡攞上手時已覺得好聚手😂，打開就見好重料！🥬菜量偏多，每一啖都好Juicy～個醬汁似蜜糖芥末，少少酸🤤然後…我哋兩個食完都好飽好飽，食唔落番薯條同洋蔥圈🥲.雖然食唔哂，但我覺得洋蔥圈好香脆🤤而番薯條就偏淋身，個人無咁鐘意🤔但都好鐘意有呢個選擇，唔洗次次都係漢堡配薯條嘛😆.因為疫情關係，呢兩年都習慣咗係公園/ 海邊食嘢🥹有時望住海景慢慢食，感覺仲自在過喺餐廳～更有放假感覺☺️🦭

🎥尋晚睇完戲，去咗黃埔嘅 Hero's Friday🦹‍♀️ ，裝修都好特別，四圍都係美國漫畫嘅風格，睇完Marvel就最合適🦸‍♂️。我同朋友分別嗌咗兩個漢堡餐🍔：🍔隊長漢堡（套餐）$76隊長漢堡裏面有🥩牛肉漢堡扒、🧀車打芝士、🥬生菜、🍅蕃茄、🍳蛋同埋🥓煙肉，係一個超邪惡嘅配搭。😈😈😈朋友食得出佢嘅漢堡扒真係手打👊，就算煎完都好有肉汁，🧂調味亦都唔會重手左，好有牛肉嘅味道。佢嘅🫙醬汁亦都啱啱好，唔會好似某間快餐店咁漢堡包食到中間冇晒醬汁嘅尷尬情景🙁🙁🙁佢嘅🍟薯條都好好食，同樣地相較起某大快餐店，呢度嘅薯條用咗🥔厚切薯仔，食落更加有口感同埋薯仔味❤️食完會有滿足嘅飽腹感🍔神盾漢堡（套餐）$76至於呢個🛡神盾漢堡同上邊隊長漢堡相較起，仲會多咗塊薯餅，（細聲同大家講梗係呢個抵食啲啦😝）不過佢用咗重口味小小嘅燒烤醬🔥，食落去感覺幾有🇺🇸美國風味，生菜同埋蕃茄都可以中和下，成個漢堡包仍然非常有層次。😋😋😋我哋加＄8換咗薯角，佢哋嘅薯角都係焗薯切成嘅🔪，可以食到焗薯嘅皮，炸得又夠晒香，落少少黑椒粉，再點埋🥫茄汁咁就一級棒！——————為食分界線——————📍 Hero's Friday (黃埔新邨)

🍔Hero's Friday🍔bookmark左好耐好想試! 終於今日行開黃埔就有機會試啦🤩店鋪唔大，但burger有好多選擇🤩豬牛雞堡都齊哂😆 價錢超抵! menu上價錢已經包埋汽水薯條😮揀左{隊長漢堡} 😎❗$76🍔CAPTAIN BURGER🍔100% pure beef patty🐮 with cheddar cheese🧀 lettuce🥬 tomato🍅 egg🍳 bacon🥓超大個包🍔超豐富😋漢堡脆皮又鬆軟👍🏻beef patty勁juicy!! 好足料❗大滿足❗❗仔細睇 仲有一個好特別嘅系列😯🥞🥞PANGER班堡🥞🥞女孩子都會心心眼😍🍳🥓 {煙肉蛋班堡} 🥓🍳 $52pancake甜甜超鬆軟口感😋蛋亦炒得滑溜溜🍳絕對值得一試!! ✅✅感覺比食burger輕盈😉餐飲選擇都有好多🥃點餐後可以到雪櫃自取😆最驚喜有sparkling water💧跟餐仲有薯條🍟亦可以加錢轉其他配菜🧐+$10 炸雞粒份量超多😮熱辣辣♨️好脆! 加埋茄汁🍅👍🏻👍🏻+$10 甜薯薯條顏色好靚😆 甜甜的😋外脆內軟👍🏻叫左咁多野食，total都係$150食到我地超飽飽

以前去日本，好鍾意食日本麥當勞早餐有個熱香餅漢堡包終於等到香港都有類似嘅嘢啦！呢度所有漢堡包只要加$10就可以轉成熱香餅叫咗最普通嘅漢堡包轉熱香餅等嘅時間比較耐，不過都證明佢係即叫即做值得一等！拎係手 佢個包都算大個牛肉似係手打，唔叫好大驚喜但係成個漢堡連埋熱香餅一齊食就唔同講法一鹹一甜嘅感覺，再加埋溶咗嘅芝士真係好好食！另外叫咗佢嘅炸番薯條都好好食一啲都唔油膩而且份量都幾多 薯條就正常質素，冇乜特別午餐嘅時候都叫幾多人，想食記得早啲去買！

復活節假期探朋友，經過這家店俾門口隊長所吸引有十多款漢堡，還有all day breakfast隊長漢堡100%純牛肉肉餅，牛肉味都唔錯，配上半溶車打芝士，原條煙肉，蛋、生菜和蕃茄，包夠鬆軟，份量好足，套餐+$10 可轉Hero's 炸雞粒，即炸雞粒鹹香酥脆，一個人都食唔晒！黄金女俠有個隊長點都要有個女俠襯下，漢堡夾著大件雞柳，雞柳大過個包，炸得外脆內軟，配搭生菜蕃茄和車打芝士，好香口。套餐本身跟粗薯條，炸得外脆內軟，飲品可選擇罐裝汽水，加$3 可轉蘋果汁，酸甜解膩，價錢相宜，下次試埋其他先。

🍔磁力漢堡 Magnet Burger $76🍔入面有100%純牛肉嘅厚身漢堡扒，當然唔少得車打芝士同炸洋蔥圈，口感同味道有所提升，加上蕃茄、生菜同煙肉，配料非常充足。估唔到呢一款磁力漢堡咁有驚喜，整體非常滿意，食落亦滋味無比。🍔芝士漢堡 Cheese Burger $66🍔100%純牛肉漢堡扒加上半溶嘅車打芝士同埋生菜蕃茄，配料真係唔算多，但完全品嚐到漢堡扒肉質鮮嫩，牛味濃郁，非常Juicy嘅口感。🍟每個漢堡都會跟一份薯條及飲品，其中一個餐就加咗$8升級咗做洋蔥圈。全部都係新鮮即炸，份量充足，外脆內軟，真係好抵食。而飲品方面則可以自行提取，都有唔少汽水種類同飲品選擇。下次有機會都想試吓佢哋新推出嘅All Day Breakfast😆餐廳：Hero's Friday (黃埔新邨) (紅磡)地址：紅磡船塢街99號黃埔新邨遠富樓地下4M號舖